آخر المشاركات
         :: التهاب البروستاتا (آخر رد :فهد أحمد)      :: مجلة سلا (آخر رد :ديجيتال)      :: Free Online Medical Certification(Expires end of May, 2020) (آخر رد :دكتور أشرف)      :: Nephrology pearals (آخر رد :doomm007)      :: Module: Basic Mechanical Ventilation (آخر رد :دكتور أشرف)      :: فيديوهات شرح منهج الجراحة كاملا للبكالوريوس و الماجيستير للدكتور على حسيب (آخر رد :dr_m_6000)      :: كيف استعد لعملية تكميم المعدة (آخر رد :dr.elsobky)      :: 10 مميزات لعملية شفط الدهون بالليزر (آخر رد :dr.elsobky)      :: لَقَدْ نَزَل بكم عشرُ رمضانَ الأخيرةُ (آخر رد :دكتور أشرف)      :: سورة القدر...معاني و إشارات (آخر رد :دكتور أشرف)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > ۞ السّــاحةُ الإجتماعية والحوارية ۞ > كلام مش في الطب > حــوارات تفـاعـليــة

حــوارات تفـاعـليــة :: خاص للمناقشات الهادفـة والحوارات العامـــة ::

إضافة رد
 
أدوات الموضوع انواع عرض الموضوع
قديم 01-01-2010, 04:56 PM   #1
"إيمان"
رحماك يا رب
Allteb
 
الصورة الرمزية "إيمان"
 
تاريخ التسجيل: Jan 2009
العمر: 31
المشاركات: 1,244
Arrow هو انا ازاى اروح سيدى جابر يا بنتى ؟!!


هو أنا ازاى اروح سيدى جابر يا بنتى ؟

حضرتك ممكن تركبى ترام من هنا

طيب هو انا ممكن امشيها هى بعيدة ؟

اصل انا يا بنتى لسه خارجة من مستشفى الشاطبى وكان ابنى تعبان وانا عاوزة اروح ومعييش فلوس

......................

هو أنا ازاى اروح سيدى جابر يا بنتى ؟

بالترام من هنا
طيب هو انا ممكن امشيها هى بعيدة

........................................


لو سمحتم احنا حنقصدكم فى خير ربنا يكرمكم ويسترها معاكم
احنا من ابو المطامير ومش معانا فلوس المواصلات وعاوزين 12 جنيه علشان نروح دمنهور ومنها نركب لابو المطامير ..؟!!!


لو سمحتى انا من رشيد ومعاييش فلوس المواصلات وعاوزة جنيه علشان اروح ....؟
.................................................. .........



السلا م عليكم ورحمة الله وبركاته


: : : : : : : : :

طبعا انتم بتقولوا ايه ده ؟؟؟؟؟؟؟؟

دى مواقف حصلت معايا قبل كده
وواضح ان الاشخاص دى بتسأل على فلوس , وده عادى وربنا ميوقع حد فى ضيق ويفك كرب المسلمين
بس اللى مش عادى ان نفس السيناريو بيتعرض عليك اكتر من مرة من نفس الشخص بس ممكن الاختلاف انها شايلة عيل او انها لابسة نقاب

طب الواحد يتصرف ازاى مع الناس دى ؟

الواضح انها مش مجرد واحدة محتاجة لا الواضح ان مهنتها كده ؟
انا كنت بقول لنفسى طب ماهو مفيش حد حيعمل كده الا لو محتاج, هى لو مش محتاجة كانت عملت كده ..؟

بس اللى يدايق الكدب بحس انهم بيستعبطونا

جايز لو طلبت المساعدة من غير كدب وتمثيل وتغيير فى الشكل كانت حتفرق لان كده انا بحس انه نصب

ماهو النصاب ماهو الا انسان بيحاول يكسب بسهولة عن طريق خداع الناس ...


انتم رأيكم ايه يا دكاترة ؟؟؟

حتتعاملوا مع الناس دى ازاى ؟

جزاكم الله خيرا
__________________


نقرتين لعرض الصورة في صفحة مستقلة

" ربنا إنك تعلم ما نخفى وما نعلن وما يخفى على الله من شئ فى الأرض ولا فى السماء "
""اللهم ارزقنا وأنت خير الرازقين ""

"إيمان" غير متواجد حالياً   رد مع اقتباس
قديم 01-01-2010, 05:09 PM   #2
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 34
المشاركات: 2,692
افتراضي رد: هو انا ازاى اروح سيدى جابر يا بنتى ؟!!

و عليكم السلام و رحمة الله و بركاته

فيه واحدة ست و أنا فى سنة أولى
قالتلى أنا من بنها و معيش فلوس و عايزة أروح
قولتلها و المواصلات بكام ؟
قالتلى تقريبا 2 أو 3 جنيه
قمت اديتها خمسة

بعدين انا اتخرجت و خلصت الكلية
و قربت اخلص الامتياز

و هيا لسه بتقف فى نفس مكانها
فى محطة الرمل قدام المستشفى

مش عارف لسه بتجمع فى فلوس المواصلات و لا ايه نقرتين لعرض الصورة في صفحة مستقلة
__________________
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
قديم 01-01-2010, 05:27 PM   #3
د/مرمر
(رب زدني علما )
 
الصورة الرمزية د/مرمر
 
تاريخ التسجيل: Feb 2009
المشاركات: 1,525
افتراضي رد: هو انا ازاى اروح سيدى جابر يا بنتى ؟!!

اة فعلا ناس كتيرررررررره بنقابلهم

بس انا بطنش بصراحه في غالبيه الاوقات يعني

بس مرة واحد ركب جنبي راجل كبير في السن وقعد يقولنا في العربيه ساعدوني

في ناس ادتله فلوس وناس لاء

الراجل قعد يطلب من الناس اللي ما اديته فلوس علشان يدولوه

كنت عاوزة اقوله انت ليه مادفعتش الاجرة ما انت معاك فلوس اهو ؟؟؟؟

بس خفت منه الصراحه وساعتها اديتله فلوس قام قالي معاكي بس 10 جنيه اجيب جلبيه

قلتله لاء والله انا مش معايا

قعد يدعيلي ويقولي( يارب تحجي 9 مرات . بكرة تشوفي لما تروحي تحجي وتفتكريني . ده انا مرة دعيت علي بنتي

ولعت في نفسها بعدها )

والراجل نازل رغي رغي رغي

وف الاخر يقولي هو انتي زعلانه علشان بدعيلك

كنت عاوزة اخبطه بالكتاب افتح دماغه بقي واخلص قلتله لاء ياعم الحاج مش زعلانه

قابلني تاني السنه دي وقالي نفس الكلام ( مش معاكي 10 جنيه اجيب جلبيه )

كنت عاوزة اقوله ياراجل بقالك سنه بتجمع ف 10 جنيه بتاعت الجلبيه

وانا بردو قلتله نفس الرد

ربنا يهديهم

ده انا لما فلوسي اتسرقت وقفت السواق وقلتله انا هنزل علشان انا اتسرقت ومش معايا فلوس ادفع الاجرة

ساعتها مرضيش ينزلني و ربنا رزقني بواحده ادتني فلوس اروح

تاني يوم جبتهم لها ف الكليه

مش عارفه لو ربنا ما كان بعتهالي كنت هعمل ايه ؟؟؟

جزاك الله خيرا علي طرح الموضوع
__________________
يادرة حفظت بالأمس غالية * واليوم يريدونها للهو واللعب
ياحرة قد أرادوا جعلها* امة غريبة العقل غريبة النسب
هل يستوى من رسول الله قائده* دوما وآخر هاديه أبو لهب
وأين من كانت الزهراء أسوتها* ممن تقفت خطا حمالة الحطب
فلا تبالى بما يلقون من شبه* وعندك الشرع ان تدعيه يستجب
هما سبيلان ياأختاه مالهما من ثالث* فاكسبى خيرا أو اكتسبى
سبيل ربك والقرآن منهجه* نور من الله لم يحجب ولم يغب
فاصبرى وصابرى واصطبرى* واستمسكى بعرى الاسلام واحتسبى

د/مرمر غير متواجد حالياً   رد مع اقتباس
قديم 01-01-2010, 09:50 PM   #4
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
افتراضي رد: هو انا ازاى اروح سيدى جابر يا بنتى ؟!!

السلام عليكم

ازيك ياايمان ايه اخبارك

اوعى تدى حد من الناس دى حاجة
هحكيلك موقف حصل مع صحباتى
واحدة كانت شايلة طفلة على ايدها وقالت دااانا فلوسى وقعت ومش عارفة اروح وشكلها يصعب عليكى قوى
راحوا مدينها 8 جنيه
بعد كام يوم لاقينا واحدة بتوقلنا انا ابنى الصغير مريض فمرة واحدة قبل ماتكمل كلامها بنبصلها لاقوها هى
راحوا قايلنها مش انتى اللى ؟؟ ماكملواش الكلمة وشتمتهم شتيمة لميت عليهم الناس شتيمة شتيمة يعنى

انا برضه وانا مرة فى المنصورة فى الشارع ولد 11 سنة جاى يقوللى عايز فلوس
انا بقى غبية كل مااشوف طفل بيشحت لازم اسأله عن قصة حياته لانهم بيبقوا صعبانين عليه قوى(بس مايصعبش عليكم غالى هتعرفوا بعدين اللى حصل) قولتله انت باباك ومامتك فين قاللى فى البيت وانا مش بقعد معاهم وكان اسمه اسلام عشان بيشغلوه فى حديد مسلح ولا تسليح حاجة كدة يعنى وهى شغلانة صعبة ومابياخدش فلوس منها
فضلت انصحه واقوله لازم تروح وقعدت اتكلم معاه ساعة والولد قاعد يعيط كنت شوية هاخده اروحه معايا وطلعت اديته فلوس
بعديها بساعة لاقيته قاعد مع صحابه فى سنة كدة بيشربوا سجاير
الولد ضحك عليه وعيط عشان اديه فلوس يشرب بيها سجاير
ومواقف كتييييييييير بقى لدرجة انهم ماعدتش بيصعبوا عليه
دة مرة شحات كان جاى يجمد 100 جنيه من بابا من اللى لمه فى اليوم
__________________
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
قديم 01-01-2010, 09:54 PM   #5
Dr.A7med M Z
TMW'll Be BeTTer
 
تاريخ التسجيل: Jun 2009
العمر: 30
المشاركات: 381
افتراضي رد: هو انا ازاى اروح سيدى جابر يا بنتى ؟!!

يااااااااااااااااااااااااااااااااااااه

الواحد يوميا بيشوف الناس دي بس بصراحه مش ببقي عارف هم بيبقي معاهم فلوس و بيستخسرو يدفعوا ولا مش معاهم

الناس بتكون واقفه علي مدخل الجامعه و كلهم عايزين جنيه مش عارف ليه؟؟؟

ساعات الواحد بيدي و ساعات تانيه الواحد بيكون مستعجل مش بيقف اصلا

هنقول ايه بس

يعني هم لو مش معاهم ندعي لهم ان ربنا يرزقهم

و لو معاهم ندعيلهم ان ربنا يتوب عليهم من التسول و اراقة ماء الوجه بالطريقه دي

__________________
When Something Ends, Something Else Begins
Dr.A7med M Z غير متواجد حالياً   رد مع اقتباس
قديم 01-01-2010, 11:03 PM   #6
frontal lobe
Do Your Best
 
الصورة الرمزية frontal lobe
 
تاريخ التسجيل: Jul 2009
العمر: 33
المشاركات: 405
افتراضي رد: هو انا ازاى اروح سيدى جابر يا بنتى ؟!!

فعلا على فكرة الموضوع بقى يومي

تملي بيحصل معايا الموقف ده ،، و ردي بيبقى دايما : مش عارفة !!

لأني فعلا ببقى مش عارفة ،، و بقولهم و الله مش عارفة الطريق إزاي

و هم مصرين إن بضحك عليهم!!


و في بعض المرات ببقى مستعجلة : فبرد : معلش يا أمي أنا مستعجلة جدا ،، أنا آسفة ،، و بمشي على طول


محدش فيهم لحق يكمل كلامه معايا ،، مبدهمش فرصة أساسا


و كمان حركات بعض المتسولين بقت غير مهذبة على الإطلاق ،، واحد مرة ضربني على كتفي كذا مرة بالتتابع و شتمني ،، و عمل حاجة كمان مش هقولها*




ربنا يهديهم
frontal lobe غير متواجد حالياً   رد مع اقتباس
قديم 01-01-2010, 11:08 PM   #7
Dr.ahmoda_for_ever
 
تاريخ التسجيل: Feb 2009
العمر: 31
المشاركات: 3,045
افتراضي Re: هو انا ازاى اروح سيدى جابر يا بنتى ؟!!

طب انا هقولكم موقف عجييييييييب لدرجه انى وقفت مذهووول مش عارف اقول ايه

ايام مكنت فى 3 ثانوى وانا رايح الدرس وطبعا اياميها الواحد كان ممكن يمشى من غير فلوس عادى

المهم قابلنى راااجل وقالى سلام عليكم قلتله وعليكم السلام

قالى لو سمحت ممكن تديينى 8 جنيه ونص بس عشان انا تهت وعايز اروح بيهم
طبعا انا فعلا مكنش معايا فلوس قلتله لا والله يا استاذ مش معايا

طبعا هو سمع مش معايا من هناا ونزل دعاء عليا من هنا
حسبى الله ونعم الوكيل حسبى الله ونعم الوكيييييييل

وانا ببصله باستغراب
فى اييييييييه ياعم مش معايا والله

حسبى الله ونعم الوكيل متشكر متشكر اووى

طبعا سبته وانا مستغرب جدااا يعنى المفروض اضرب الارض تطلع فلوس عشان خاطره وبعدين كان باين عليه عادى يعنى

يلا اهو الواحد بيتعلم
__________________
انتظرونى



ونصائح للفرقة الخامسة
Dr.ahmoda_for_ever غير متواجد حالياً   رد مع اقتباس
قديم 01-04-2010, 08:48 PM   #8
os@ma
وأنـا المسافرُ داخلي
Allteb
 
الصورة الرمزية os@ma
 
تاريخ التسجيل: Feb 2009
العمر: 31
المشاركات: 1,845
افتراضي رد: Re: هو انا ازاى اروح سيدى جابر يا بنتى ؟!!

اقتباس:
المشاركة الأصلية كتبت بواسطة Dr.ahmoda_for_ever مشاهدة المشاركة
طب انا هقولكم موقف عجييييييييب لدرجه انى وقفت مذهووول مش عارف اقول ايه

ايام مكنت فى 3 ثانوى وانا رايح الدرس وطبعا اياميها الواحد كان ممكن يمشى من غير فلوس عادى

المهم قابلنى راااجل وقالى سلام عليكم قلتله وعليكم السلام

قالى لو سمحت ممكن تديينى 8 جنيه ونص بس عشان انا تهت وعايز اروح بيهم
طبعا انا فعلا مكنش معايا فلوس قلتله لا والله يا استاذ مش معايا

طبعا هو سمع مش معايا من هناا ونزل دعاء عليا من هنا
حسبى الله ونعم الوكيل حسبى الله ونعم الوكيييييييل

وانا ببصله باستغراب
فى اييييييييه ياعم مش معايا والله

حسبى الله ونعم الوكيل متشكر متشكر اووى

طبعا سبته وانا مستغرب جدااا يعنى المفروض اضرب الارض تطلع فلوس عشان خاطره وبعدين كان باين عليه عادى يعنى

يلا اهو الواحد بيتعلم
ههههههههههههههههههه
ممكن تديني 8 جنيه ونص يا احمد ؟
وإلا
هعملك زي الراجل
نقرتين لعرض الصورة في صفحة مستقلة
__________________
ما تَعثرتُ ارتباكاً يا حَصى !
أو جُنوحاً لـ اختصارِ الألفِ ميلْ
ليس ذنبي
...
أنّ دربي ما استوى
كان ذنبي ثوبُ أحلامي الطّويلْ !!


**************

semsem. سابقاً
كبرنا .. وراحت أيام الدلع خلاص
)):
os@ma غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 03:49 AM.


Powered by vBulletin Version 3.8.12 by vBS
Copyright ©2000 - 2020, Jelsoft Enterprises Ltd
Translation by Support-ar