النصائح

آخر المشاركات
         :: اتعب علشان حد ما تعرفهوش !! (آخر رد :انصر النبى محمد)      :: كل محاضرات و مراجعات نظري و عملي و كتب الجراحه د مطري 2013-2014 (آخر رد :haitham emad)      :: رب لولا أخرتني إلي اجل قريب فأصدّق " (آخر رد :انصر النبى محمد)      :: alaamiah (آخر رد :alaamiah)      :: دورات مميزة لمركز الخليج الاستراتيجى للتدريب (آخر رد :خلود جلف)      :: *( من كتاب الشيطان يحكم )* (آخر رد :انصر النبى محمد)      :: قيل لابن سيرين .. !! (آخر رد :انصر النبى محمد)      :: أذكار الصباح والمساء .. ارفع هذا الموضوع كل صباح ومساء ليعمّ الأجر (آخر رد :drmaiyahmed)      :: استفد من كل ما يقابلك!!! (آخر رد :انصر النبى محمد)      :: يا غير مسجل كيف عرفت ( كل الطب ) (آخر رد :rajaoui)     


العودة   كل الطب أكبر منتديات طبية عربية 6 أعوام من العطاءAllteb 6 Years of Donation > الأطباء بعد التخرج Postgraduate doctors > ° الــدراســات الــعــلـيـا ° > الـمـاجـستير و الدبـلومـة

الملاحظات

إضافة رد
قديم 08-28-2010, 01:23 AM   #1
د ابوعبدالرحمن البدرى
استشارى جراحة المسالك
 
الصورة الرمزية د ابوعبدالرحمن البدرى
 
تاريخ التسجيل: Apr 2010
المشاركات: 1,144
Thanks: 369
Thanked 208 Times in 160 Posts
افتراضي كيف تكتب رسالة ماجستير أو دكتوراه

السلام عليكم و رحمة الله و بركاته
الموضوع هيبقى طويل حبتين و شايف إن كتير من أعضاء المنتدى لسه طلبة بكالوريوس .... فإذا لم أجد من يؤيد الإستمرار فى الموضوع .... فلن أكمله
الموضوع منقول مع تصرف وتحديثنقرتين لعرض الصورة في صفحة مستقلة

زملائى الأعزاء .... فى هذا الموضوع سوف أشرح كيفية عمل رسالة (الماجستير أو الدكتوراه) .... و ذلك لمساعدة طلبة الدراسات العليا

رابط فيديو للموضوع بالكامل على اليوتيوب بالتوفيق والسداد




و إن شاء الله سأحاول أن أغطى الموضوع من جميع جوانبه (الفنيه أساساً ... و .... الإداريه قدر الإمكان) .... و الجانب الفنى سيبدأ من كيفية كتابة البروتوكول Protocol ... حتى كيفية كتابة المراجع References

فى البدايه .... هناك نظامان فى مصر الآن من حيث توقيت الرساله سواء الماجستير أو الدكتوراه ....

النظام القديم : و لايزال معمول به فى بعض كليات الطب بمصر حتى الآن (2010) .... و طبعاًَ ممكن يتغير للنظام الجديد فى أى وقت
بالنسبه للماجستير : يتم فيه إجتياز الجزء الأول من إمتحان الماجستير ... ثم الرساله ..... ثم إمتحان الجزء الثانى للماجستير ... و بإجتيازه يتم الحصول على درجة الماجستير
بالنسبه للدكتوراه : عباره عن رسالة الدكتوراه ..... ثم إمتحان الدكتوراه ... و بإجتيازه يتم الحصول على درجة الدكتوراه.

النظام الحديث (أفضل كلمة الجديد عن الحديث) : معمول به فى معظم كليات الطب بالجامعات المصريه ... و أشهر هذه الكليات طبعاً ... طب القاهره (قصر العينى)
بالنسبه للماجستير و الدكتوراه (نفس الخطوات) : إجتياز إمتحان الجزء الأول .... ثم إجتياز إمتحان الجزء الثانى ..... ثم مناقشة الرساله (و بعدها يحصل طالب الدراسات العليا على الدرجه سواء ماجستير أو دكتوراه.

أياً كان النظام .... فبالنسبه للرساله ... لا يوجد أى فرق فى طريقة تحضيرها

يبدأ مشوار الرساله (بعد تحصير الأوراق اللازمه و الموافقات اللازمه التى لن أتطرق إليها) .... بتقديم طلب إلى مجلس القسم (لتحديد المشرفين) .... و بعد تحديد المشرفين .... يتم تحديد موضوع الرساله (غالباً يحدده أكبر المشرفين درجةً علميه ... أو يطلب من الباحث إيجاد عدة مواضيع و ليختار المشرف الرئيسى أحدها و يحدده للطالب) ..... و يتم عمل بروتوكول للرساله .... و بعد موافقة المشرفين على البروتوكول و إمضائهم عليه .... يتم إدخال البروتوكول إلى مجلس القسم ... الذى يرفعه إلى مجلس الكليه ... الذى يرفعه إلى مجلس الجامعه (و بكده يبقى مبروك سجلت الرساله) .....
نتكلم بقى على الرساله و كيفية كتابتها و كيفية كتابة البروتوكول .....
الرسائل بالنسبه للماجستير نوعان
إما ما يسمى بالمقاله Essay أو البحث (أو الأطروحه) Thesis
و هناك طبعاً فرق كبير بينهما .... ففى حالة ال Essay يكون البحث نظرى بحت ... أى بدون العمل على حالات ... يعنى بالعربى كده الكلام بإستفاضه عن موضوع معين (غالباً بيكون إما حاجه جديده .... أو موضوع صغير فى أى مرجع ... و شطارتك بقى تفرد الموضوع و تغطيه من كل جوانبه)
أما ال Thesis .... فيتكون من شقين .... جزء نظرى بتتكلم فيه عن موضوع البحث .... و جزء عملى .... و يشمل الحالات التى هتشتغل عليها و النتائج اللى طلعت بيها و تقارن شغلك و نتائجك فى الموضوع ده بالأبحاث المشابهه ....




نقرتين لعرض الصورة في صفحة مستقلة
نقرتين لعرض الصورة في صفحة مستقلة
نقرتين لعرض الصورة في صفحة مستقلة
بالنسبه للماجستير ... مش هيفرق كتير النظام الجديد من القديم ... فقط الترتيب هو اللى بيفرق .... و بالنسبه للدكتوراه ف كل نظام له مميزاته و عيوبه .... إيه المميرات بالنسبه للنظام الجديد فى الدكتوراه ... إنك م بتبعدش كتير عت القراءه (لأنك بتذاكر للفرست) و بالتالى لما تيجى تذاكر (second ) مبيبقاش الرجوع للمذاكره المنظمه مشكله معاك ... خصوصا إنك بتذاكر لل second بعد ال first على طول ... أما عيبه طبعاً إنك بتمتحن إمتحان زياده (ال first ) و طبعاً فيه نجاح و سقوط

أما إختيار موضوع الرساله (لو المشرف سمحلك بإختيار الموضوع) طبعاً سيادتك ... بتروح على الكليات الكبيره و تشوف الرسائل الجديده (اللى إتناقشت) .... و تشوف المجلات العلميه اللى فى مجال تخصصك و تدور على موضوع يكون جديد (نسبياً) .... و قبل م تحدد موضوع معين حاول تبقى معاك فيه من 10 - 20 بيبر من المجلات العلميه اللى فى مجالك .... و حاول قدر (الإمكان) م تزنقش نفسك فى حته صغيره أو بحث مكلف

نقرتين لعرض الصورة في صفحة مستقلة

طبعاً يا جماعه حكاية إ ن رسالة الماجستير تبقى Essay و الا Thesis دى بتبقى سياسة قسم .... و فى حالات نادره جداً بعض الأقسام بتسمح بالإثنين .... لكن بالنسبه للدكتوراه لازم الرساله تبقى Thesis
و طبعاً ... المحظوووووووووووووووووووووووووووووظ اللى تكون رسالة الماجستير بتاعته Essay لأنه ببساطه م فيش حالات .... و لو عنده DSL أو حتى بخط التليفون .... و معاه باسوردات بعض المجلات العلميه فى تخصصه ... ممكن يخلص الرساله و هو فى بيتهم فى يومين (بدون أى مبالغه) ..... و ياسلام بقى لو القسم بيسمح (فى الماجستير طبعاً) .... بال Essay و بيمرر كمان .... يعنى إيه بيمرر ..... يعنى م فيش مناقشه .... سيادتك بعد م تمضى على الموافقه على الرساله من المشرفين .... تروح زى الباشا تمضيها من لجنة الممتحنين بعد م تديلهم نسخه (لكل واحد ما عدا المشرف اللى فى لجنة الممتحنين) .... و تمضى منهم ورق المناقشه و تسلمه للدراسات العليا .... بدون مناقشه و لا بهدله و لا جاتوهات و لا فيديو ..... و لا عزومات للتمرض و لا إكراميات لكل عامل (و ساعات موظف) هيقابلك بعد المناقشه ...... إزاى تختار موضوع (إذا سمح لك المشرف الرئيسى بذلك – اللى أقدم أستاذ فى المشرفين) و إزاى تكتب بروتوكول ... ده اللى إن شاء الله هتكلم عنه كمان شويه
نقرتين لعرض الصورة في صفحة مستقلة

إزاى تختار موضوع
إذا سمح لك كبير المشرفين بإختيار موضوع .... تروح على مكتبات الكليات الكبيره زى قصر العينى ... و عين شمس .... و ممكن الأزهر و الإسكندريه .... و تدور على الرسائل اللى إتعملت فى تخصصك فى آخر 3 سنين و تكتب أسمائهم فى ورقه .... و تجيب كمان المجلات العلميه اللى فى مجال تخصصك .... و يفضل تبقى أعداد آخر سنتين .... و تشوف موضوع يكون له مراجع كتيره (و متوفره) ... و برضه تعمل سيرش على النت على أفضل 3-4 مواضيع لقيت فيهم رسائل أو papers متوفره ..... مع مراعاة الآتى :
إسئل حد فى القسم مثلاً مدرس أو أستاذ مساعد (إيه رأيك فى الموضوع ده؟؟؟ طبعاً مش من الناس هتشرف عليك )
حاول تبعد عن المواضيع المكلفه .... يعنى المواضيع اللى فيها معمل و الكيتس بتاعتها غاليه أو مش متوفره .... لأنه غالباً هتشترى الحاجات دى على حسابك ... و فى المتوسط هتشتغلك 50 حاله .... يبقى سيادتك فى أحسن الأحوال هتجيب من 100-150 من الكيتس و شوف هتصرف قد إيه ... و المصيبه إنها ممكن م تكونش متوفره و تبعت تجيبها من بره ..... على حسابك طبعاً
حاول م تزنقش نفسك فى حته صغيره ..... مثلاً .... م بيبقاش (دراسه حول عمل الزائدة الدوديه بمنظار البطن فى الرجال من عمر 30-35 سنه) .... يعنى كده تبقى حبكتها على نفسك قوى ..... لكن مثلاً لو قلت (دراسه مقارنه بين منظار البطن و الفتح الجراحى لعمل الزائده الدوديه) و بدون تحديد أعمار ... أو مكان .... أوجنس معين .... و طبعاً إبعد تماماً عن الحاجات النادره .... اللى علشان تجمع لهم الحالات المطلوبه .... ممكن الورثه م يلحقوش يكملوها هم كمان ... (دى طبعاً ممكن تتعمل فى بعض الناس اللى يبقى المشرف الرئيسى عايز يأدبهم)
و طبعاً و بديهى .... إنك م تختارش تشتغل على جهاز أو حاجه مش متوفره فى مصر .... إلا إذا كان فيه إشراف مشترك على الرساله .... بين أستاذ من مصر و أستاذ من دوله تانيه (متوفر عنده الجهاز ده) .... و بشرط إن المشرف الأجنبى هيسمحلك بالسفر (تروح عنده) ... و هيسمحلك بالشغل بإيدك فى البلد اللى هتروحها ... يعنى ميسمحلكش بمجرد observer-ship
نقرتين لعرض الصورة في صفحة مستقلة
نتيجى بقى لكتابة البروتوكول
إيه هو البروتوكول ..... هو خطة العمل بتاعتك فى الرساله .... و يشمل نبذه عن الموضوع .... و مواصفات الحالات اللى هتشتغلها و إيه اللى هيتعمل لهم ... و إذا كانت محدده بجنس معين أو سن معين و الا لأ ... و إيه هى مواصفات الحالات اللى هتشتغلها و إيه هى المواصفات اللى فى الحالات دى مش هتشتغلها Inclusion and Exclusion criteria .... و إيه الفحوص و الإشاعات اللى هتعملها لكل حاله (أو بعضها ... لازم تحدد) .... خللى بالكم يا جماعه إن كل كلمه فى البروتوكول هتحكم شغلك فى الرساله بعد كده ....
و إن شاء الله للحديث بقيه .... و اللى واخد عنوان رساله يا جماعه ممكن يحطه هنا ... عشان نطبق عملى .... (مش عايز غير إسم الرساله ... و إحنا نطبق عليه) ... و إذا حبيتم ممكن أحط أى إسم ... (و ممكن أستخدم رسالتى فى الماجستير أو الدكتوراه كمثال .... دى حاجه هسيبها لرأيكم انتم)

نقرتين لعرض الصورة في صفحة مستقلةفى انتظار ردودكم ان كان الموضوع مهم بالنسبه لاحد من متصفحى المنتدى ساكمل وارحب بالاستفسارات
من مواضيع د ابوعبدالرحمن البدرى في المنتدى

التوقيع
نقرتين لعرض الصورة في صفحة مستقلة

التعديل الأخير تم بواسطة andro ; 02-19-2014 الساعة 08:40 AM
د ابوعبدالرحمن البدرى غير متواجد حالياً   رد مع اقتباس
يا د ابوعبدالرحمن البدرى قام الأعضاء بشكرك علي هذه المشاركة المفيدة:
dr hagar (12-12-2012)
Sponsored Links

قديم 08-28-2010, 06:55 AM   #3
mahmahoosh
عضو جديد
 
تاريخ التسجيل: Dec 2009
المشاركات: 34
Thanks: 1
Thanked 2 Times in 2 Posts
افتراضي رد: هام جدا لكل نائب او اخصائى ........ كيف تكتب رسالة ماجستير أو دكتوراه

ya ofcourse doctor Al Badry,
we are interested so much in such issue
May God bless you &your efforts......
please dr. go ahead we are waiting & thank you very much
من مواضيع mahmahoosh في المنتدى

التوقيع
نقرتين لعرض الصورة في صفحة مستقلةنقرتين لعرض الصورة في صفحة مستقلة
mahmahoosh غير متواجد حالياً   رد مع اقتباس
قديم 08-28-2010, 10:41 AM   #4
د ابوعبدالرحمن البدرى
استشارى جراحة المسالك
 
الصورة الرمزية د ابوعبدالرحمن البدرى
 
تاريخ التسجيل: Apr 2010
المشاركات: 1,144
Thanks: 369
Thanked 208 Times in 160 Posts
افتراضي رد: هام جدا لكل نائب او اخصائى ........ كيف تكتب رسالة ماجستير أو دكتوراه

شكرا ايها الاخوة على الردود وهنكمل باذن الله وتعالو مع بعض نشوف هنعمل ايه
هندخل فى الجد
هنكتب غلاف البروتوكول
بالإنجيزى .... و بالعربى
بالإنجليزى

أعلى الصفحه يتم كتابة عنوان الرساله بخط كبير و BOLD و يفضل أنها كلها تكون بحروف CAPITAL

تسيب سطر و تكتب

فى وسط الصفحه هتكتب Essay ولا Thesis

السطر التالى : فى وسط الصفحه هتكتب Submitted By

السطر التالى : فى وسط الصفحه هتكتب إسمك (يفضل إنه يكون رباعى) .... و طبعاً لاحظ إوعى حجم الفونط بتاع إسمك يبقى أكبر (أو حتى) مساوى لحجم الفونت اللى هتكتب بيه أسماء المشرفين

السطر التالى : فى وسط الصفحه هتكتب
إذا كانت رسالة ماجستير هتكتب M.B.B.Ch.
و تعنى بكالوريوس الطب و الجراحه لمن بللاتينى و هى إخصار
Medicin Baccalaureus et Baccalaureus Chirurgi
طبعاً مش مطلوب منك تعرف هى إختصار إيه

و إذا كانت رسالة دكتوراه هتكتب M.B.B.Ch., M.Sc
و M.Sc إختصار Master of Science

السطر التالى : إذا كانت رسالة ماجستير
In partial fulfillment of Master Degree
إذا كانت رسالة دكتوراه هتكتب
In partial fulfillment of M.D Degree

ممكن تسيب سطر (إن أمكن) .... و فى فى وسط السطر التالى أو فى وسط هذا السطر لو كانت المساحه بتاعة الصفحه لا تسمح بترك فراغ ...
هتكيب Supervisors أو تكتب Supervised By

و بعدين هتكتب أسماء المشرفين .... تبعاً لأقدميتهم (راعى النقطه دى كويس جداً) .... و طبعاً ... إسم أى واحد فيهم لازم يبقى Bold و يفضل إنه يكون كله Capital .... و طبعاً الإسم و التوصيف لكل واحد منهم بيبقى فى نص الصفحه ... و بعد م تكتب الإسم تكتب التوصيف فى السطر التالى (يعنى أستاذ و رئيس قسم و لا أستاذ ... و لا أستاذ مساعد ... و لا مدرس) .... ثم السطر التالى تكتب إسم الكليه اللى الأستاذ شغال فيها .....
و هديلكم مثال : رساله بيشرف عليها 4 مشرفين .... واحد منهم رئيس قسم و الثانى أستاذ و الثالث أستاذ مساعد و الرابع مدرس
و لنفترض إنهم هم الأربعه إسمهم John Smith Adam و كلهم من قسم الجراحه العامه فى جامعة القاهره

JOHN SMITH ADAM
Prof. and Head of General Surgery department
Cairo faculty of medicine

JOHN SMITH ADAM
Prof. of General Surgery department
Cairo faculty of medicine

JOHN SMITH ADAM
Assist. Prof. of General Surgery department
Cairo faculty of medicine

JOHN SMITH ADAM
Lecturer of General Surgery department
Cairo faculty of medicine

و هتكتب فى آخر الصفحه من تحت و فى وسط السطر السنه الميلاديه يعنى إحنا دلوقتى فى 2008 هتكتب 2008 ....
فيه بعض الأساتذه فى الأزهر بيصر على كتابة التاريخ الهجرى كمان ....
يبقى فى الحاله دى هتكتب
2008 (A.D.) – 1428 (H)

نقرتين لعرض الصورة في صفحة مستقلة
بالنسبه للغلاف العربى ماهو إلا ترجمه للغلاف الإنجليزى و يكتب بنفس طريقة كتابة الإنجليزى .....
يعنى هتكتب عنوان الرساله بالعربى ....
و بعدين هتكتب :
رساله تمهيديه مقدمه من
الطبيب / و تكتب إسمك
بكالوريوس الطب و الجراحه (إذا كانت ماجستير)
بكالوريوس الطب و الجراحه و ماجستير ..... (إذا كانت دكتوراه وطبعاً هتحط الماجستير اللى انت واخده مكان النقط)
السطر التالى هتكتب : توطئة للحصول على درجة الماجستير (أو الدكتوراه) فى ......... (التخصص)

و بعدين هتكتب : تحت إشراف

و تكتب الأساتذه بالترتيب و التوصيف اللى قلته فى الإنجليزى (بس طبعاً مترجم للعربى)

و فى الآخر هتكتب السنه


دي صورة متوقعة للغلاف الانجليزي للرسالة




نقرتين لعرض الصورة في صفحة مستقلة


نقرتين لعرض الصورة في صفحة مستقلة



طيب إيه اللى هيتكتب فى البروتوكول
بالنسبه لل Thesis
هيكتب الآتى :
Introduction
Patients and Methods
و ممكن تمشى Material and Methods
Aim of the Work
References
Arabic Summary
و من الناحيه العربى
الملخص العربى
الهدف من الرساله

بالنسبه لل Essay
نفس الكلام بس مفيش Patients and Methods
و ممكن حتى م يكتبش كلمة Introduction
بس طبعاً هيكتب الكلام اللى مفروض إنه هيتكتب تحت كلمة Introduction

و هنطبق سوى اللى هنقوله بشكل عملى على عنوان البروتوكول

فى ال Introduction موضوع زى
PREVALENCE OF LYMPHOMAS AMONG PATIENTS PRESENTED WITH FEVER OF UNKNOWN ORIGIN

ممكن الدخول له بطريقتين
إما عن طريق ال Lymphoma .... و إما عن طريق ال
Fever of unknwon origin (FUO)
هنتفق على الخطوات اللى هنعملها فى موضوع زى ده
طبعاً العناوين اللى هقولها دى مش هتتكتب .... و هتبقى ورا بعضها فى paragraph واحد أو أكثر ..... و يفصل بين كل جمله و الثانيه المرجع reference بتاع الجمله السابقه
إيه هى الطريقه : هنكتب تعريف الموضوع ... و إذا كان له خلفيه تاريخيه (أقصد تاريخ إكتشاف المرض ده) .... و إيه مدى إنتشاره و مين الفئات المعرضه أكثر ليه ... و إيه الحاله المرضيه اللى ممكن يظهر بيها (أعراضه إيه) .... و من هنا تلقط خيط الربط بين ال Lymphoma و ال FUO .... و طرق التشخيص و العلاج ... و كيفية منع حدوثه إن أمكن .... و إذا كانت فيه حالات وفاه من تلازم ال lymphoma مع FUO و هل وجود ال FUO يفرق فى ال Prognosis و الا لأ .... و بكده يبقى مبروك خلصت ال Introduction ... و يكون عدد المراجع بتاعتك فيها من 6-12 مرجع (الغالب 8-10 ) كافيه جداً .... و هبقى أتكلم على كيفية كتابة المرجع (جوه و بره .... يعنى إيه جوه ...يعنى إزاى تكتب المرجع ورا كل جمله بتقولها فى ال Introduction و يعنى إيه بره ... يعنى إزاى تكتب المرجع فى الجزء بتاع ال References

هديلكم ... المثال لتابة لبروتوكول .... و المدخل هنا هو ال lymphoma
Introduction
Lymphoma (also called non-Hodgkin’s lymphoma, NHL, or just lymphoma) is cancer that starts in lymphoid tissue. (reference)
There are 2 main types of lymphomas. Hodgkin lymphoma (also known as Hodgkin's lymphoma or Hodgkin disease) is named after Dr. Thomas Hodgkin, who described it as a new disease in 1832. All other types of lymphoma are called non-Hodgkin lymphomas.(reference)
Non-Hodgkin lymphomas are often divided into types based on how the cancer cells look under a microscope and their pattern of growth within the lymph node. There are about 30 different types of NHL. The classification system is very complex and can be confusing, even for many doctors.(reference)
NHL may cause many different signs and symptoms, depending on where it is found in the body. Sometimes it doesn't cause any symptoms until it grows quite large.(reference) Other symptoms of NHL are known as generalized symptoms. These can include; weight loss without a known reason, heavy night sweating (enough to soak clothes) , severe itchiness and fever (reference)
There are many types of fever that can coexist with lymphoma the commonest are low grade fever and fever of unkown origin that can occur for weeks before discovering lymphoma. (reference)
Fever of unknown origin (FUO), as based on a case series of 100 patients, calls for a temperature higher than 38.3°C on several occasions; a fever lasting more than three weeks; and a failure to reach a diagnosis despite one week of in patient investigation. (reference)
Lymphoma found to be the cause of fever of unkwown origin specially in HIV-infected patients (reference) The surest diagnosis of lymphoma is done by taking biopsy. Which can be a fine needle aspiration (FNA), Bone marrow aspiration and excisional biopsy (reference)
In recent years, much progress has been made in treating NHL. Many different types of treatment can be used to treat non-Hodgkin lymphoma. As surgery, which may be done to get a tissue sample in order to classify the lymphoma, it is not often used to treat NHL. It has been used to treat lymphomas that start in organs such as the stomach or thyroid, but only if it has not spread beyond these organs.(reference)
Radiation therapy most often used to treat NHL. It might be used as the main treatment for early stage lymphomas, but more often it is used along with chemotherapy. Chemotherapy. Chemotherapy may be used alone or along with radiation treatment. (reference)
New trends in the treatment of lymphoma includes; Biological Therapy immunotherapy, Monoclonal Antibodies, Interferon and A stem cell transplant (SCT) (reference)



نقرتين لعرض الصورة في صفحة مستقلة
كيفية كتابة المراجع References
هناك نظامان لكتابة ال references .... و هما
النظام ال Alphabetical و النظام ال Numerical
أو النظام الهجائى .... و النظام العددى
نبدأ بالنظام الهجائى Alphabetical System
داخل الرساله .... هناك إحتمال من 3 .... معلش الأول هقول يعنى إيه reference
هو المرجع الذى أخذت منه مقطع و أضفته للرساله أو البروتوكول .... و ال reference غالباً ما يكون paper و كلمة paper تعنى مقاله أو بحث من مجله علميه (يعنى بحث فى مجله علميه بيتكلم عن موضوع معين) و لا تعنى ورقه واحده كما قد يتبادر إلى الذهن لأول وهله .....
إذن المراجع إما ورقة بحث paper أو كتاب .... هناك نوعان آخران و لكن أحدهما يستخدم بشكل محدود جداً و هو ما يعرف بال Quotation (و هنخليه للآخر خالص) .... و هناك نوع لا أنصح أبداً باللجوء إليه .... و هو ال
personal communication
ليه لا ينصح باللجوء إليه .... أولاً .... personal communication تعنى إن فيه شخص مميز جداً و يشار إليه بالبنان فى موضوع معين ... و هذا الشخص من الرواد فى هذا المجال ... و قالك المعلومه بنفسه (دى طبعاً مش ممكنه ... و لو ممكنه دى ممكن تستفز الممتحنين جداً ... لأنهم طبعاً فى نفس المجال ... يعنى ممكن يسيب كل حاجه و يمسكلك فى المعلومه اللى انت جايبها بال personal communication لحد م تقول حقى برقبتى و تقر و تعترف إن المعلومه غلط و إنك لازم تغيرها ... ده إذا م وافقلك على الرساله أساساً ) بس ده طبعاً لو قراها (ممكن جداً م ياخدش باله .... بس لو واحد م خدش باله فيه على الأقل إثنين تانيين قاعدين فى لجنة الإجازه أو ما يعرف بلجنة الممتحنين)
ما علينا .....
لو كان ال reference ورقة بحث paper إزاى تكتبه جوه الرساله ... يعنى ورا المقطع بتاعه .... إذا كان اللى عامل الورقه البحثيه دى شخص واحد هتكتب لقبه و comma و السنه اللى تم نشر البحث فيها طبعاً الكلام ده بين قوسين و يفضل أن يكون Bold +Italic و حكاية بين قوسين و إن الفونت سميك و مائل هتطبق فى الحالتين القادمتين أيضاً
مثال (Guyton, 1991)
ملحوظه: أنا كاتبها بين قوسين و بخط سميك و مائل ... علشان ساعات لما برفع اللى كاتبه بلاقيه بصوره مختلفه

إذا كانو شخصين يبقى هتكتب لقب الأول و لقب الثانى و comma و بعدين السنه
مثال : (Ganong and Guyton, 1991)

لو كانو أكتر من إثنين بتكتب لقب أول واحد و بعده بتحط comma اللى عليها نقطه (م أعرفش إسمها إيه) و بعدين تكتب et al و بعدها نقطه ثم comma و بعدين تكتب السنه
مثال : (Guyton; et al., 1991)

طيب لو كان ال reference اللى كاتب منه فصل فى كتاب ... و الفصل ده كاتبه واحد من ال authors الرئيسيين بتوع الكتاب ... زى م بنشوف فى المراجع الكبيره .. تكتب مين؟؟؟؟ طبعاً هتكتب لقب اللى كاتب الفصل ... مش مؤلف الكتاب ... و بتفس الطريقه اللى فاتت (يعنى لو واحد و لا إثنين و الا أكثر مشتركين فى كتابة فصل من الكتاب هتكتبه بنفس إسلوب ال paper بالضبط) .... و بالنسبه للسنه هتكتب سنة نشر الكتاب
طيب لو personal communication (و الذى أنصحك بالإبتعاد عنه تماماً) بس علشان تعرفو برضه ..... هنا بتكتب لقب الشخص – العلم – اللى جبت منه المعلومه و السنه اللى قالك على المعلومه دى فيها
بالنسبه لل Quotation .... يعنى إيه الأول .... دى معناها إن سيادتك أخدت المعلومه اللى انت كاتبها من مرجع متكوب فى المرجع أو الكتاب اللى عندك ... و هنا هتكتب اللقب و السنه بتاع ال paper الأصليه مش اللى معاك .... أمال ال Quotation يتكتب فين .... يتكتب ورا فى References Chapter ... عموماً يا جماعه إستخدام ال Quotation بيبقى فى أضيق الحدود و يعنى لو سمحلك فى الرساله ب 2 أو 3 يبقى كويس جداً .... و بعدين خلينا نتكلم بصراحه ... م كله بيكتب ال references اللى مكتوبه وار ال paper .... طيب إمتى أكتب Quotation لما تبقى paper من غير العقول إنك تكون جبتها .... يعنى مثلاً و انت بتكتب عن history بتاع حاجه و المرجع بتاع الجزء ده مثلاً سنة 1901 .... ساعتها ممكن حد من الممتحنين أو حتى المشرفين بتوعك يكلكعلك الدنيا و م يرضاش يمضى الا لما تجيب له ال paper الأصليه .... ممكن جداً تفادى نقطة ال Quotation خالص بإنك تكتب المرجع اللى عندك فعلاً و خلاص

طيب إزاى نكتب المراجع بره (يعنى فى References Chapter )
لو كان مرجعك ورقة بحث هيكتب كالآتى :
Author or Authors: Title
Journal, year; Journal Volume: from page-to page.

فيه طريقه أفضلها و هى
Author or Authors:
Title
Journal, year; Journal Volume: from page-to page.
فيه طريقه (أنا شخصياً لا أحبذها) ... و هى
Author or Authors (year): Title
Journal, Journal Volume: from page-to page.

و يا جماعه كلهم صح بس هى تفضيلات شخيصه ... و ترجع طبعاً (لما يفضله المشرف الرئيسى)

هديلكم مثال على ما سبق :
الرابط التالى فيه paper من ال
The New England Journal of Medicine

الرابط:
http://content.nejm.org/cgi/content/full/352/9/865

أنا إخترت الجرنال ده بالذات علشان بيدى أوراق بحثيه كامله ... فى مصر ... و سمعت إنه مش كده فى الدول (مدى صحة المعلومع دى إيه .. الله أعلم)
ما علينا ... المهم إنها paper كامله

المهم الموضوع ده إيه و مين اللى عاملينه و العدد و سنة كام هكتب ده هنا بنظام ال
Copy and Paste

Volume 352:865-874
March 3, 2005

Number 9


U.K. Controlled Trial of Intrapleural Streptokinase for Pleural Infection
Nicholas A. Maskell, M.R.C.P., Christopher W.H. Davies, M.D., Andrew J. Nunn, M.Sc., Emma L. Hedley, Fergus V. Gleeson, F.R.C.P., Robert Miller, F.R.C.P., Rhian Gabe, M.Phil., Glyn L. Rees, Timothy E.A. Peto, F.R.C.P., Mark A. Woodhead, F.R.C.P., Donald J. Lane, F.R.C.P., Janet H. Darbyshire, M.B., Ch.B., Robert J.O. Davies, D.M., for the First Multicenter Intrapleural Sepsis Trial (MIST1) Group


طبعاً هنبدأ بال Authors
هنكتب لقب كل واحد و أول حرف من إسمه و أول من إسم أبوه ثم comma ثم اللى بعد بنفس الطريقه ثم اللى بعده ... لحد قبل الأخير هنحط بينه و بين الأخير and و مش هيبقى وراهم comma
ثم : .... لاحظ إننا مش هنكتب درجاتهم العلميه .... و هنا م ينفعش تحط و آخرين اللى هى et al ... لازم تكتبهم كلهم (غير جوه الرساله)

هنكتبهم كالآتى
Maskell NA, Davies CWH, Nunn AJ, Hedley EL, Gleeson FV, Miller R, Gabe R, Phil M, Rees GL, Peto TEA, Woodhead MA, Lane DJ, Darbyshire JH and Davies JO:
و بعدين هنكتب ال title زى م هو بس هنحط فى الآخر نقطه .... يعنى
U.K. Controlled Trial of Intrapleural Streptokinase for Pleural Infection.
و بصراحه أنا بفضل إن ال title يبدأ من سطر لوحده ... بس ممكن تكمله على السطر اللى قبله

و بعدين هنكتب إسم الجرنال و سنته ... و العدد و الصفحات و نقطه كالآتى
NEJM, 2005; 352:865-874.

و يبقى الشكل النهائى هو
Maskell NA, Davies CWH, Nunn AJ, Hedley EL, Gleeson FV, Miller R, Gabe R, Phil M, Rees GL, Peto TEA, Woodhead MA, Lane DJ, Darbyshire JH and Davies JO:
U.K. Controlled Trial of Intrapleural Streptokinase for Pleural Infection.
NEJM, 2005; 352:865-874.
و ممكن تدلع الشغل بالطريقه اللى انت عايزها (إبسط يا عم ممكن تعمل حاجه من نفسك) بس الدلع يبقى للجزئيه كلها ... يعنى إيه تدلعه ... يعنى ممكن تخلى جزئيه Italic أو Bold
يعنى مثلاً كده
Maskell NA, Davies CWH, Nunn AJ, Hedley EL, Gleeson FV, Miller R, Gabe R, Phil M, Rees GL, Peto TEA, Woodhead MA, Lane DJ, Darbyshire JH and Davies JO:
U.K. Controlled Trial of Intrapleural Streptokinase for Pleural Infection.
NEJM, 2005; 352:865-874.

ملحوظه يا جماعه ... فيه ناس ممكن تتخيل إن URL لصفحه على النت يصلح كمرجع ... الكلام ده مش صح ... لأن صفحة الويب ممكن تتغير فى أى وقت ... و بعدين دا حتى المجلات العلميه نفسها درجات
نقرتين لعرض الصورة في صفحة مستقلة

بالنسبه لإسم الجرنال اللى انت جايب منه الورقه البحثيه ... ممكن يكتب مختصر أو يكتب كامل ... بس لو كتبته مختصر لازم طبعاً سعادتك تبقى عارف ده إختصا إيه لأنك ممكن تتسأل
إيه يا إبنى ال NEJM اللى إنت كاتبه ده .... لازم طبعاً ترد زى الفريره
ده يا أفندم
ال New England Journal of Medicine
إوعى تكتب إختصار لحاجه مش عارفها
و الإختصار ممكن يبقى بأكتر من طريقه فمثلاً
N Engl J Med ينفع يبقى إختصار لل
New England Journal of Medicine
بس الصح لو هتكتبه بالطريقه التانيه إنك تحط نقطه ورا كل إختصار يعنى
N. Engl. J. Med.
و طبعاً يا ساده لا يفضل إنك تكتب إختصار لإسم جرنال مكون من كلمه واحده
مثلاً Chest أو Thorax
فيه بعض أعداد من المجلات بيبقى لها ملحق أو ملاحق Supplement
طيب لنفرض إن سيادتك واخد الورقه البحثيه من ملحق تكتب إيه ... بعد م تكتب عدد الجرنال هتكتب و بين قوسين حرف S و تكتب Capital مثال
لو فى المثال السابق بتاعنا بتاع ال NEJM إنت واخد الورقه البحثيه من الملحق تكتب
NEJM, 2005; 352(S):865-874.
ممكن يبقى فيه أكتر من ملحق لنفس العدد فى الحاله دى لازم تحدد رقم الملحق بالأرقام الرومانيه .... يعنى مثلاً فى مثالنا السابق هنفرض إنه الملحق رقم 2 للعدد ده .... نكتبها إزاى
NEJM, 2005; 352(S II):865-874.
و أيضاً يمكن كتابة حرف ال S بعد الصفحات
NEJM, 2005; 352:865-874(S).
NEJM, 2005; 352:865-874(S II).

نقطه تانيه ... لو م عندكش الورقه البحثيه بس عندك الملخص بتاعها اللى هو
ABSTRACT
تكتب كلمة Abstract بين قوسين بعد إسم الجرنال
مثال
NEJM(Abstract), 2005; 352:865-874.
و يمكن كتابته بين قوسين فى آخر ال title لكن الأفضل كتابته بعد إسم الجرنال

نقطه صغيره كمان ... فى عدد الصفحات ممكن تكتب الرقم التانى بشكل مختصر ... يعنى هتكتب (من - كامله) .... لكن (إلى - ممكن تختصرها لآخر رقم) إلا إذا العلامه العشريه إتغيرت يبقى هتكتب آخر رقمين
يعنى فى مثالنا السابق ... نفترض إن الورقه البحثيه بتاعتنا بتبدأ من صفحة 865 و تنتهى فى صفحة 869 ... ممكن تكتبها كامله أو
NEJM, 2005; 352:865-869.
طيب لو العلامه العشريه إتغيرت (زى م هو الحال فى المثال الأصلى بتاعنا) ... يبقى فى الحاله دى .... لو هتختصر لازم تكتب آخر رقمين
المثال
NEJM, 2005; 352:865-74.

المهم أعتقد كده غطينا - تقريباً- كيفية كتابة ال paper كمرجع .... و لو حد شايف إنى نسيت حاجه ياريت يضيفها ...

نيجى بقى .... لو كان المرجع بتاعنا كتاب .... (و طبعاً المقصود بكلمة كتاب هنا إنه يكون Textbook من المعروفين .... مش من كتب شرشر - على رأى الأساتذه – و طبعاً فى كل تخصص فيه كتب معروفه .... لكن ممكن الكتاب م يكونش مرجع كبير بس لازم فى الحاله دى يكون الكتاب بيتكلم عن جزئيه معينه) ....

نبدأ على بركة الله
طبعاً لما هتاخد مطع من كتاب .... سيادتك هتاخده من فصل من الكتاب ده ... و هذا الفصل كاتبه واحد أو إثنين .... أو أكتر من إثنين ... و كمان الكتاب ممكن يكون له مؤلف واحد أو إثنين أو أكتر من إثنين .....
نكتب المرجع فى الحاله دى بالطريقه التاليه
Authors of the Chapter: Title of the chapter. In: Editor(s) of the book (editor): Name of the book. Edition of the book, publisher (city – country of publisher); year of publication. Chapter number: pages of the chapter (p or pp from-to).
بيتهيألى كده الموضوع بقى سهل خالص .... مش كده و الا إيه
نفصص الكلام بقى
Authors of the Chapter اللى كاتب أو اللى كاتبين الفصل ده من الكتاب ... و يكتب بنفس طريقة كتابة ال authors اللى قلناها فى ال paper بالضبط ....
و طبعاً Title of the chapter عنوان الفصل اللى فى الكتاب
و بالنسبه ل Editor(s) of the book (editor)
هنا هتكتب إسم مؤلف الكتاب بنفس بنفس طريقة كتابة ال author يعنى هتكتب اللقب surname ثم أول حرف من إسمه ... و إسم اللى خلفوه (إن وجد) ... مع ملاحظة إنه لو كان واحد هيكتب بالطريقه اللى قلنا عليها و يكتب جنب إسمه و بين قوسين (editor) .... و لو إثنين هيكتب الأول و بعدين الثانى و طبعاً بينهم and و طبعاً هتزود s على editor يعنى (editors)
و لو أكتر من إتنين اللى مألفين الكتاب ... هتكتب إسم الأول بس و هتكتب جنبه و طبعاً بين قوسين (editor-in-chief)

و طبعاً فى Name of the book هتكتب إسم الكتاب
و برضه فى Edition of the book هتكتب طبعة الكتاب
كمان فى publisher (city – country of publisher) هتكتب إسم الشركه اللى طبعت الكتاب و نشرته و بين قوسين هتكتب إسم المدينه (إن وجد) و إسم الدوله اللى الشركه دى فيها

أما year of publication فدى طبعاً سنة النشر

ثم Chapter number: pages of the chapter (p or pp from-to)
هتكتب فيها رقم الفصل ثم رقم الصفحات ... بس كلمة chapter إما تكتب كامله أو يمكن إختصارها إلى Ch. ... و كلمة pages تكتب p أو pp

فمثلاً لو الجزء اللى أخذته كان فى الفص السابع .... اللى صفحاته بتبدأ من 350 إلى صفحة 380 يبقى سيادتك هتكتبها بالشكل الآتى
Ch.7:p350-380.
و طبعاً إختصار الرقم الثانى من الصفحات ممكن بنفس طريقة الورقه البحثيه.

نيجى لموضوع ال Quotation
و زى م قلت قبل كده .... ده هنستخدمه بحساب قوى ....

وهنا طبعاً بالنسبه لكتابه جوه الرساله مفيش أى مشكله هتكتب إسم ال author اللى موجود فى مراجع ال paper اللى معاك و نفس الحال بالنسبه للسنه ....
لكن لما هتكتبه بره (فى ال references )
برضه هتكتب إسم ال author أو ال authors اللى موجود فى مراجع ال paper اللى معاك (بالطريقه اللى انت عارفها) .... و السنه
و بعدين فى السطر اللى تحت الكلام ده هتكتب
Quoted from:
و تكتب كل بيانات ال paper اللى معاك بالطريقه اللى قلنا عليها قبل كده عادى خالص.

و بكده يبقى تقريباً غطينا معظم جوانب الطريقه ال Alphabetical
بس فيه حته صغيره خالص ... بالنسبه كتابة ال References فى ال chapter بتاعه هترتب المراجع تبعاً للترتيب الأبجدى للحروف الأولى من الألقاب surnames ..... يعنى إيه .... فلنفرض مثلاً عندك فى البروتوكول بتاعك 10 مراجع .... بتكتب كل واحد بالطريقه اللى قلنا عليها جوه و بره .... و تكتبهم بره تبعاً للترتيب الأبجدى ABCD …. Etc.

فيه ثلاثه مراجع .... المرجع الأول مثلاً عندك جوه البروتوكول
نفرض إنه Henry هو .... و المرجع التانى Adam و المرجع الثالث Samy
تكتبهم فى الفصل بتاع المراجع إزاى

Adam

Henry

Samy

و طبعاً هتكتب كل واحد كامل

بالنسبه للجزء ده الرساله ... مش البروتوكول ...
هيتكتب برضه فى الفصل بتاع المراجع بنفس الطريقه دى .... بس هنحط الحروف نفسها Capital فوق مجموعة المراجع اللى بتبدأ بالحرف ده
مثلاً

A
Adam

Ahmed

H
Hany
Henry

S
Samy
Soliman

و طبعاً يا جماعه بديهى إنك هتكتب الناس اللى تحت الحرف الواحد برضه بالترتيب الأبجدى ..... يعنى تحت حرف ال H مثلاً ... Hany تبقى قبل Henry
و هكذا ........

يارب تكون إستفدتم .... و يارب م أكونش نسيت حاجات كتير

و هتكلم المره الجايه –إن شاء الله – وربنا يسهل و تكون النهارده
على كتابة المراجع بالطريقه ال Numerical

منتظر الردود والاستفسارات

نقرتين لعرض الصورة في صفحة مستقلة
من مواضيع د ابوعبدالرحمن البدرى في المنتدى

التوقيع
نقرتين لعرض الصورة في صفحة مستقلة
د ابوعبدالرحمن البدرى غير متواجد حالياً   رد مع اقتباس
يا د ابوعبدالرحمن البدرى قام الأعضاء بشكرك علي هذه المشاركة المفيدة:
hanady muhammed (06-10-2012)
قديم 08-28-2010, 10:57 AM   #5
Heart sound
** Mezo **
 
الصورة الرمزية Heart sound
 
تاريخ التسجيل: Jan 2009
المشاركات: 266
Thanks: 2
Thanked 0 Times in 0 Posts
افتراضي رد: هام جدا لكل نائب او اخصائى ........ كيف تكتب رسالة ماجستير أو دكتوراه

جزاك الله خيرا

من مواضيع Heart sound في المنتدى

التوقيع
نقرتين لعرض الصورة في صفحة مستقلة
Heart sound غير متواجد حالياً   رد مع اقتباس
قديم 08-28-2010, 05:17 PM   #6
pure spirit
" ترانيم سابقا "
Allteb
 
الصورة الرمزية pure spirit
 
تاريخ التسجيل: Jan 2009
المشاركات: 3,339
Thanks: 213
Thanked 366 Times in 289 Posts
افتراضي رد: هام جدا لكل نائب او اخصائى ........ كيف تكتب رسالة ماجستير أو دكتوراه

أكثر من رائع يادكتور
جزاكم الله خيرا
من مواضيع pure spirit في المنتدى

pure spirit غير متواجد حالياً   رد مع اقتباس
قديم 08-28-2010, 05:23 PM   #7
pure spirit
" ترانيم سابقا "
Allteb
 
الصورة الرمزية pure spirit
 
تاريخ التسجيل: Jan 2009
المشاركات: 3,339
Thanks: 213
Thanked 366 Times in 289 Posts
افتراضي رد: هام جدا لكل نائب او اخصائى ........ كيف تكتب رسالة ماجستير أو دكتوراه

سؤال يادكتور بعد اذن حضرتك بالنسبة للماجيستير لنايب الجامعة هل لو أخدت أجازة لظروف السفر خارج مصر (بعد موافقة القسم طبعا )
يفضل يكون السفر بعد أنهى مرحلة ؟؟
مع مراعاة ان السفر ضرورى يعنى لامجال لالغائه
وايه مدى تأثير ده بعد كدة ؟؟
جزاكم الله خيرا
من مواضيع pure spirit في المنتدى

pure spirit غير متواجد حالياً   رد مع اقتباس
قديم 08-28-2010, 10:41 PM   #8
طبيبة عيون
يـــــــــــــارب
Allteb
 
الصورة الرمزية طبيبة عيون
 
تاريخ التسجيل: Jan 2009
المشاركات: 1,198
Thanks: 0
Thanked 24 Times in 22 Posts
افتراضي رد: هام جدا لكل نائب او اخصائى ........ كيف تكتب رسالة ماجستير أو دكتوراه

مجهود رائع جدا
جزاكم الله خيرا
من مواضيع طبيبة عيون في المنتدى

التوقيع
"اللهم أنت ربــے لا إلـﮧ إلا أنت خلقتنـــے وأنا عبدڪَ، وأنا علـے عهدڪَ ووعدڪَ ما إستطعت ، أعوذ بـڪَ من شر ما صنعت ،أبوء لڪَ بنعمتڪَ علــے ، وأبوء بذنبــــے فاغفر لـــے فإنـﮧ لا يغفر الذنوب إلا أنت"
طبيبة عيون غير متواجد حالياً   رد مع اقتباس
إضافة رد

الكلمات الدلالية (Tags)
هام جدا لكل نائب او اخصائى ........ كيف تكتب رسالة ماجستير أو دكتوراه

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 10:25 PM.


Powered by vBulletin Version 3.8.5
Copyright ©2000 - 2014, Jelsoft Enterprises Ltd
Translation by Support-ar
Style coding by: BBcolors.com