النصائح

آخر المشاركات
         :: ""خـــــواطِـــر في رمــضـــان " (آخر رد :drmaiyahmed)      :: عاجل وضرورى جزاكم الله خيرا (آخر رد :ahmed yasser)      :: سألت نفسي عن أسعد لحظة عشتها ..؟؟ (آخر رد :انصر النبى محمد)      :: إن الحيوان ليعلم الحلال من الحرام. !!! (آخر رد :انصر النبى محمد)      :: أذكار الصباح والمساء .. ارفع هذا الموضوع كل صباح ومساء ليعمّ الأجر (آخر رد :drmaiyahmed)      :: سألت نفسي عن أسعد لحظة عشتها ..؟؟ (آخر رد :انصر النبى محمد)      :: كونوا دعاة الى الله وأنتم صامتون ؟ (آخر رد :انصر النبى محمد)      :: استفسار هام جدا لو سمحتم الافادة ضرورى (آخر رد :dr.mohamedelgharib)      :: الخطة التدريبية لمركز جلف فى مجال السكرتارية و ادارة المكاتب (آخر رد :هبة مركز جلف)      :: كورســـ ||Basic Trauma Course || "كامل" حصرياا على كل الطب ..!! (آخر رد :*محمد نصر*)     


العودة   كل الطب أكبر منتديات طبية عربية 6 أعوام من العطاءAllteb 6 Years of Donation > ۞ السّــاحةُ الإجتماعية والحوارية ۞ > كلام مش في الطب > مــشـكـلـتـى

الملاحظات

مــشـكـلـتـى مشكلتك هي مشكلتنا كلنا .. إنت مش لوحدك

إضافة رد
قديم 09-01-2010, 03:17 AM   #1
Senior Member
إرحمني يــــارب
 
تاريخ التسجيل: Apr 2009
المشاركات: 51
Thanks: 0
Thanked 2 Times in 2 Posts
افتراضي إلحقوني .. أكتشفت عندي فيرس سي

السلام عليكم و رحمة الله

انا مشترك من زمان في المنتدى و من القراء المتابعين لقسم ( مشكلتي ) و دي أول مرة هطلب منكم مساعدة

و ارجو متزهقوش من التطويل


بدون مقدمات لأني في قمة الإحباط ... أنا اكتشفت قبل رمضان بـ 3 ايام ان عندي فيرس سي ... انا خريج دفعة 2008 و في التكليف حاليا ... و غير متزوج ... عمري 25 سنة .. صحتي العامة جيدة ... اكتشفت قدرا ان عندي فيرس سي اثناء تبرعي بالدم ... رغم ان مكانش في اي حاجة حصلت لي من اسباب انتقال الفيرس ...


عملت تحاليل Viral Markers في معمل البرج ( اكبر معمل في مصر ) .. طلع فيرس سي ve+ و بعدين عملت PCR طلع حوالي ربع مليون .. انا في انتظار اني هروح بإذن الله بعد رمضان لأستاذ كبد وجهاز هضمي بحيث أعرض عليه التحاليل و اشوف رأيه إيه و هعمل إيه بعد كده هاخد انترفيرون و لا إيه... طبعا مش قادر خالص اعرف والدتي و أخواتي لأن والدي متوفي من عدة سنوات بمرض الكبد .. و لا تتخيلو قدر الكارثة لو حد منهم عرف و خصوصا ان مليش اخوات ولاد .. و ده في حد ذاته ضغط نفسي رهيب جدا .. مفيش حد من قرايبي لقيته مناسب اني اعرفه حاجة زي دي .. لأن مفيش حد معين قريب مني و علاقتي بيه تسمح انه يشيل همي و استعين بيه ..


من اسباب الضغط النفسي كمان ... ان كل الفلوس اللي حوشتها الكام شهر اللي فاتو من مرتبي صرفتها مرة واحدة (حوالي 700 جنيه) على التحاليل و حجز الدكتور احنا الحمد لله حالتنا المادية كويسة .. بس المشكلة اني مش هقدر استعين بفلوسنا لأني مش عايز اعرف حد من البيت ( صدقوني كارثة لو حد في البيت عرف .. انا استحمل الضغوط بس لا يمكن استحمل ان امي و اخواتي يعرفوا و يعملوا لي مأساة في البيت خصوصا انهم زي كل الناس اللي مش دكاترة .. ميعرفوش حاجة عن الكبد غير انه بيموّت ) و الخلاصة اني مضطر اعتمد على نفسي ماديا في المسألة دي لأني مش هقدر آخد فلوس من رصيدنا من غير ما هما يعرفوا !! ده حتى اليومين دول ملاحظين عليا في البيت اني دايما الفلوس اللي معايا قليلة رغم ان مرتبي حوالي 900 ج..


المهم ان من المشاكل قريبة المدى كمان .. ان كده مفيش سفر ( طبعا محدش بيسافر غير لما يكون سليم من فيرس سي ) بس طظ في السفر .. ده مش شاغل بالي خالص.. اللي شاغلني فعلا هو موضوع الجواز ... الله أعلم بالجواز .. و لو مفيش مشكلة تمنعني من الجواز هل هقدر اعرّف خطيبتي و لا لأ ... و هل لو خبيت عليها يبقى حرام عليا ؟ .. و لو مكانش حرام ... و اتجوزتها من غير ما اعرّفها هل يبقى ظلم انها تعيش معايا و انا معرض ان بعد عدة سنوات ادخل في دوامة الـ Chronic hepatic disease ... و هل ممكن وقتها هيكون عندي اطفال صغيرين و يبقى زيادة في المأساه.؟؟

دلوقتي مشكلتي محددة في عناصر

1- إحباط رهيب من جميع النواحي .. مليش نفس لأي حاجة من اول الحاجات التافهة زي كلام و الأكل و الشغل لغاااااية الموضوعات الكبيرة زي التخصص و السفر الجواز.. حتي في رمضان ممكن المغرب يأذن و انا جعان بس مليش نفس للأكل ( اول ما عرفت الخبر فضلت 3 ايام مكلتش )

2- فاقد الحماس لأي حاجة .. حتى صلاة التراويح بصليها بالعافية ... و الله حتى الفروض نفسها بنزل اصلي في الجامع بالعافية .. مقرأتش من القرآن غير 5 اجزاء في 20 يوم رغم اني مش ورايا أي حاجة ... مش قادر اخلي نفسي أعمل أي حاجة غصب عني .. حتى في اللي يخص الشغل .. مليش نفس اشتغل و لا اكشف على حد و لا افتح كتاب و لا حتى التخصص اللي بحبه .. حتى اني فكرت اغير التخصص اللي نفسي فيه من زمان لمجرد اني حاسس بتغير الظروف و مش عارف ممكن اخد ايه بداله .. احساس انهزامي لأبعد الحدود و مش عارف اخرج منه رغم اني حاسس بيه و قدرت اشخصه .. بس عندس عجز كامل عن تغيره حاليا !!


3- طبعا نظرا للفتور الرهيب ده فأنا مش قادر اقرب من ربنا .. على الرغم من ان الوقت ده في رمضان و الظروف اللي انا فيها دي تقتضي اني اكون العكس تماما .. انا حاليا عايز معملش أي حاجة ... برجع من الشغل ( بشتغل 4 ساعات في اليوم شغل مريح جدا !! ) برجع انام لغاية الفطار و ارجع من التراويح انام و اصحى اتسحر و انام ... بنام علشان مفيش حاجة تانية ليا نفس اعملها بتاتا

4- مش لاقي حد اتكلم معاه .. لا في البيت و لا بره البيت ( الحمد لله في البيت ربنا قدرني و قدرت اتخطى المرحلة الأولانية الصعبة في اخفاء السر ده عنهم و هما مش حاسين بأي حاجة دلوقتي لأني كتوم و بقدر اخفي زعلي و عندي قدرة كبيرة على التبرير ) و برة البيت كلمت 3 من اقرب اصحابي و عرفتهم الموضوع لأني ملقيتش حد تاني أثق فيه او قريب مني .. بس المشكلة ان التلاته فعلا مش فاضيين خالص .. و بيحاولوا مشكورين انهم يكونوا معايا على اتصال و يسألوا عني و يتكلموا معايا .. بس هما فعلا معذورين خصوصا في رمضان فأنا بيعدي عليا اليوم و الأتنين و التلاتة مش لاقي حد اتكلم معاه ولا حتى بالتليفون ( حتى لو هنتكلم في اي موضوع اغير بيه جو )

5- كل الكبت ده عمل عندي تنفيس في جوانب اخرى مكنتش احبها لكن غصب عني و الله ... زي مثلا .. اني بقعد على النت كتير في رمضان .. رغم اني من قبل رمضان بفترة كنت بعيد عن النت خالص و شايله من حساباتي .. بس لما الظروف اتغيرت .. رجعت له تاني و بشكل غبي و في وقت مش وقته خالص ..بس الأسوأ من كده هو التغيرر التاني اللي حصل لي... انا متعود ان علاقتي مع البنات عموما و في الشغل خصوصا تكون في حدود و بدون تساهل او زيادة عن الحاجة ( و الحمد لله طول فترة الكلية و الشغل كنت كده .. عمري ما وقفت مع بنت ) بس لقيت نفسي من غير ما اشعر مش لاقي حد اتكلم معاه غير زميلاتي في الشغل ( كلهم بنات )... و الحدود اللي متعود عليا فلتت مني و بقيت اقعد كتير و اهزر كمان .. بحس اني طول اليوم في البيت و بره البيت مضغوط جدا و مش باخد نفسي غير في الشغل ( بقيت بروح الشغل علشان اتكلم معاهم ) .. رغم اني و الله مبحبش الكلام ده لأني عارف انه اختلاط محرم + أنه بيفتح فتن ملهاش آخر + ان البنات بتتعلق و تتأثر بالكلام ده لما يكونوا غير متزوجات .. و لما لقيت مفيش فايدة : بقيت احاول اخلي كلامي مع المتزوجات علشان يبقى في شوية حدود للحوار و علشان المتزوجة دي مش هتاخد الكلام على اي محمل خالص غير لما تكون آنسة و في سن زواج و اعجاب و بتاع... و الله اللي مضايقني اني كنت قدامهم غير كده سواء في معاملتي او في السمت الظاهر .. فحاسس اني كده هسبب إساءه لكل اللي ظاهرهم احترام و تدين بسبب التناقض اللي انا فيه حاليا !!

6- اني بعد رمضان داخل على مواويل ... فحوصات و اشعات و أكيد Liver Biopsy .. الحمد لله انا من النوع اللي بياخد الأمور ببساطة و معروف عني اني بهون على اللي يشتكيلي .. بس فعلا المرة دي استخدمت كل مواهبي التواصلية و التبسيطية و التفاؤل المصحوب بالواقعية اللي انا متعود ازرعه عند الناس .. و لكن وجدت اني مش قادر احتوي مشكلتي .. يمكن علشان هيا تخصني انا ؟؟ و يمكن علشان هي مشكلة كبيرة حبتين ؟؟

7- مخي اليومين دول مش مستقر خالص ... متردد في كل تصرفاتي .. عصبي إلى حد ما ( لأن طبيعتي هادي و مش بيبان عليا الزعل ) حاسس اني مش قادر افكر في اي حاجة .. و للأسف في حاجات كتير محتاجة تفكير .. تخص الشغل و البيت و و و .. لأني أعتبر رب الأسرة لأني ولد واحد و ولدي متوفى فحاسس اني مش رايق لأي حاجة و مش عايز افكر في اي حاجة .. لكن الحياة مبتقفش

8- انا الحمد لله زي ما قلت مرتاح في الشغل ( بعد ما كنت من فترة قريبة في مكان متعب جدا و مرهق و بسافر ) فأنا دلوقتي في نعمة كبيرة .. و كل اللي حواليا ( خصوصا باقي اصحابي اللي ميعرفوش مشكلتي دي ) لما بيشوفوني مهموم شوية بيعتبروا اني مش بحمد ربنا على النعم اللي انا فيها و اني مليش حجة اني ابقى زعلان .. مش قادر اقول للكل على الحقيقة و في نفس الوقت مش عارف ارد عليهم .. حاسس اني في ورطة و محدش حاسس بيا زي الطفل اللي في مولد و لا فرح و تايه من اهله .. كل الناس بتهيص و تضحك و هو عمال يعيط و محدش حاسس بيه وحتى اللي هيحس بيا مش هيقدر يعملي حاجة .. فبقولهم يدعولي و خلاص .. لأني مش شايف حاجة تانية يقدروا يفيدوني بيها




على فكرة انا مش متعود افضفض لحد .. لأني غالبا مش بلاقي الحد ده و لأني غالبا الناس هيا اللي بتيجي تفضفص لي علشان ربنا رزقني بشوية سعة صدر و قابلية للحوار الهادئ.. بس اتمنى انكم تستحملوني و متضايقوش من تطويلي .. حتى لو قريتوا الكلام من غير رد فأنا موافق .. و اللي يدعيلي يبقى كتر خيره ..

و اللي يدخل يدردش معايا يبقى جزاه الله خيرا حتى لو اتكلمنا في اي حاجة بره الموضوع ده
من مواضيع Senior Member في المنتدى

Senior Member غير متواجد حالياً   رد مع اقتباس
Sponsored Links

قديم 09-01-2010, 03:17 AM   #2
Senior Member
إرحمني يــــارب
 
تاريخ التسجيل: Apr 2009
المشاركات: 51
Thanks: 0
Thanked 2 Times in 2 Posts
افتراضي إلحقوني .. أكتشفت عندي فيرس سي

السلام عليكم و رحمة الله

ده رابط المشاركة اللي كملت فيها طرح الموضوع

ياريت تطلعوا عليها قبل الرد لأن فيها تفاصيل يهمني انكم تعرفوها

و ارجو متزهقوش من التطويل

http://www.alltebfamily.com/vb/t30268-3.html#post221321

اتمنى انكم تستحملوني و متضايقوش من تطويلي .. حتى لو قريتوا الكلام من غير رد فأنا موافق .. و اللي يدعيلي يبقى كتر خيره ..

و اللي يدخل يدردش معايا يبقى جزاه الله خيرا حتى لو اتكلمنا في اي حاجة بره الموضوع ده
من مواضيع Senior Member في المنتدى


التعديل الأخير تم بواسطة د/ أحـمـد سـليمان ; 09-09-2010 الساعة 12:38 AM
Senior Member غير متواجد حالياً   رد مع اقتباس
قديم 09-01-2010, 03:55 AM   #3
a.nasser.a
 
الصورة الرمزية a.nasser.a
 
تاريخ التسجيل: Jul 2009
المشاركات: 117
Thanks: 0
Thanked 0 Times in 0 Posts
افتراضي رد: إلحقوني .. أكتشفت عندي فيرس سي

الف سلامة لحضرتك يا دكتور اولا ربنا يشفيييييييييك يارب اوعى تفقد الامل فى ربنا خد بالاسباب وروح للدكاترة وابتهل وادعى ربنا عند فطارك خليك قوى الايمان عندك ثقة فى وعد النبى دعوة لاااااااا ترد وصلى قيام اليل وادعى ربنا حاول تروح تعمل عمرة وتشرب من ماء زمزم لو تقدر هدى نفسك تماما وكن على يقين ان الله مالك الملك والكون دة كله وامره اذا اراد شيئا ان يقول له كن فيكون ولا يعجزه شىء فتوكل على الله ليكن سلاحك الدعاء ولجوءك لربنا لا تتعلق بالاسباب وتنسى المسبب وروح بقى للدكاترة اكمن على نفسك ونصيحة تحاول بطريقة او باخرى تفاتح والدتك بالموضوع لانك ممكن تحتاج مصاريف علاج تزيد على دخلك وخد انترفيرون وانت واثق فى ربنا والحمد لله انا اسمع نسب الشفاء حاليا كويسة وخصوصا انك شاب لسة بصحتك لا تجعل شىء من هذا يؤثر على نفسيتك ابدا لا يعلم الاعمار الا الله لكن كلها اسباب مشكلة الى عنده حاجة من الحاجات دى بيفتكر انه هيموت وايه الجديد كلنا هنموت هتموت بدرى؟؟؟؟؟ دى حاجة انت ماتعرفهاش اجلك مكتوب زى رزقك من وانت جنين وانا اصغر منك وماعنديش حاجة وارد جدا اموت قبل حضرتك وبدون سبب وانا المعافى وبتحصل كتيييييييييييييييييييييييييييييييييييييييييييييييي يييييييير وان شاء الله هتشفى باذن الله وانا هادعيلك وكلنا هندعيلك بظهر الغيب وان شاء الله ربنا يستجيب وان شاء الله تربى احفاد احفادك وعايز تدردش انا تحت امرك انا بقعد عالنت عشرين ساعة فى اليوم ويسرنى جدا انى اتعرف على حضرتك .مسالة الخطوبة ...........مش عارف بس رايى اجلها شوية لحد ماتتطمن على نفسك
من مواضيع a.nasser.a في المنتدى

a.nasser.a غير متواجد حالياً   رد مع اقتباس
قديم 09-01-2010, 04:21 AM   #4
sara201026
عضو جديد
 
الصورة الرمزية sara201026
 
تاريخ التسجيل: Dec 2009
العمر: 26
المشاركات: 29
Thanks: 0
Thanked 2 Times in 1 Post
افتراضي رد: إلحقوني .. أكتشفت عندي فيرس سي

السلام عليكم ورحمة الله
الف سلامه عليك يادكتور وربنا يشفيكنقرتين لعرض الصورة في صفحة مستقلة
لما قرات الموضوع بتاعك حسيت ان اي حد يدخل وما يردش يبقي ميستاهلش لقب طبيب لان الطبيب مش هو الي بيعالج الناس هو مجرد وسيله للشفاء
المهم يادكتور ان مرضك ده ابتلاء واختبار من عند ربنا وانت حاليا قدامك فرصه لا تعوض وهي العشر الاواخر من رمضان انتهز الفرصه دي كويس قوي وادعي بقلبك ان ربنا يشفيك قال تعالي ادعوني استجب لكم
والمرض ده ابتلاء من عند ربنا سبحانه وتعالي وكله بتاخد عليه حسنات فبلاش تحبط نفسك كده وارجع لحياتك الطبيعيه
وعلي فكره المرض ذي العدو الي بيستسلم له بينتصر عليه حاجه كمان الانسان المريض مش هو الي بيموت الي بيموت الي اجله خلص وياما شباب في كامل صحتهم واصغر من حضرتك وتوفاهم الله وفجأه
فيه حديث بيقول عن الرسول نقرتين لعرض الصورة في صفحة مستقلةداووا مرضاكم بالصدقه فتصدق علي قد ما تقدر وخلي عندك امل في الله سبحانه وتعالي

وتفاءل وعش كل لحظه في حياتك في الخير طبعا
من مواضيع sara201026 في المنتدى

التوقيع
لا تأتي العظمه عندما تسير الامور معك علي خير ما يرام ولكنها تأتي عندما يأتي اختبارك علي حق بتعرضك لبعض الضربات الموجعه وبعض الاحباطات المريره وتشعر بالحزن والالم لانه لا يمكن أن تشعر بروعة وجودك في قمم الجبال مالم تكن أسفل الودياننقرتين لعرض الصورة في صفحة مستقلة
sara201026 غير متواجد حالياً   رد مع اقتباس
قديم 09-01-2010, 04:39 AM   #5
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
Thanks: 326
Thanked 416 Times in 219 Posts
افتراضي رد: إلحقوني .. أكتشفت عندي فيرس سي

لا إله إلا الله
ولا حول ولا قوة إلا بالله

والله بكيت من الكلام


اسأل الله العظيم رب العرش الكريم أن يشفيك شفاءاً لا يغادر سقماً

إن شاء الله هدعو لحضرتك باستمرار فى سجودى

أولاً لا يصيبنا إلا ماكتب الله لنا

الصدمة كبيرة أنا حاسة والله

لكن

المرض من الله

ومعانا بنت السنة اللى فاتت أصابها الله بنفس الفيرس وأعتقد أنها خفت الحمدلله ومخطوبة كمان

اللهُ رحيم بعباده

عندما يندى العبد ربه بالشفاء يقول الملائكة لله اشف عبدك يالله فإنه يناديك ...يرد بقوله وكيف ارحمه من شىء به ارحمه


حضرتك فى فترة صدمة الآن عشان كدة مش حاسس بطعم أى حاجة

عندك نفور من كل حاجة ..أكل وعمل وحياة بصفة عامة

لكن أعيب عنك البعد عن الله

الله هو من يعطى
وهو من يأخذ

فلمن غيره الطلب

يعنى حضرتك هتحلل إن شاء الله
وإن شاء الله إن شاء الله يكون الانترفيرون حل لحضرتك

وتقدر تقدم على علاج بالانترفيرون على نفقة الدولة
وأنا واحد قريبى خف على الانترفيرون

ربنا من عليه بالشفاء الحمدلله

يعنى فى أمل كبيير

لكن الأمل دة فى الله

يبقى لازم حضرتك تقرب من ربنا وأنت أحوج مافيها للقرب دة

الآن فترة الصدمة مش هتعدى غير بالإيمان بالله التام والثقة بجملة لا يصيبنا إلا ماكتب الله لنا

تذكرها دائما وضعها نصب عينيك

لا يصيبنا إلا ماكتب الله لنا

وكله مُقدر عند الله بثمن

وإن كنت تخشى الموت ففعلاً كلنا معرضون لحادثة بسيطة تذهب بأرواحنا
ولىّ صديقة توفت فى حادثة وأصغر منى أيضاً

وإن شاء الله ماتدخلش فى مرحلة chronic ولا حاجة

إن شاء الله بدعائنا جميعاً لحضرتك هتخف على الانترفيرون

لكن دعائنا محتاج من حضرتك قرب لله

وثقة به

وأمل كبيير منك

لأن الحالة النفسية مهمة جداً جداً لتقليل نشاط الفيرس دون علاج حتى

أما حكاية أهلك أنهم مايعرفوش وأن مافييش حد من صحابك يعرف


دة أيضاً له سبب فى ضغطك النفسى


لازم حد جنبك يهون عليك ويشد من أزرك

لكن الانسان وحده ضعيف

وأهلك


هيتعبوا فى الأول

لكن المال مهم للمصاريف

ودعاء الأم لا غنى عنه بالشفاء

فدعائها لا يرد إن شاء الله

هى صدمة عليهم أنا عارفة

بس أنت حاول تخفف من شدة الموضوع
بأن الفيرس خامل مثلاً ومافيهوش خطورة منه

لكن لازم يتم تخلص الجسم من الفيرس لضمان أنه ماينشطش

أى كلام

وهما غير أطباء يعنى الكلام هيجيب معاهم

لكن شعورك بأنك لوحدك مزود الصدمة

ثانياً تعديك للحدود مع زميلاتك


المرض ابتلاء أعطاه الله لك ليرى مدى صبرك

يبقى ماينفعش تخيب ظنه

بالعكس

أنت اقوله يارب أنا عارف أنه ابتلاءك وأنا أده إن شاء الله

والله الكلام دة هيخفف عنك

أنت خايف من كلام الناس عنك

ولا تخشى الله؟؟

أنا عارفة اللى أيده فى المية مش زى اللى فى النار

لكن والله أنا حاسة بكلام حضرتك جداً


لازم تبقى قوى أمام ابتلاء الله
لازم تبقى قوى أمام ابتلاء الله
لازم تبقى قوى أمام ابتلاء الله
لازم تبقى قوى أمام ابتلاء الله


لا يصيبنا إلا ماكتب الله لنا


والله حضرتك اتكلمت عن التوافه بأجمل جمل

فعلاً حياتنا كلها توافه









لكن حضرتك أول حاجة قولها


الحمدلله
الحمدلله
أنك عرفته بدرى

إن شاء الله ربنا هيشفيك




عشان كدة لازم يبقى اهلك جنبك عشان يخففوا عنك وأصحابك





أما

موضوع الزواج

فياريت حضرتك تبعده حالياً لمدة قليلة من تفكيرك فقط لتحسين حالك النفسية

وارمى حمولك على الله



الله يعطى من يشاء بغير حساب

ماتفكرش دلوقتى فى موضوع الزواج فى الفترة القليلة القادمة على الأقل حتى لا يُزيد من ضغطك النفسى

لغاية العلاج وماتخف إن شاء الله

وحضرتك لسه ماعنستش ولا حاجة :)

كلمااااااااااتى مبعثرة جداً

ومن غير ترتيب تماماً

لأنى بمتحن وهضطر أقوم دلوقتى

لكن لىّ عودة إن شاء الله


من مواضيع Dreamy Doctor في المنتدى

التوقيع
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""

التعديل الأخير تم بواسطة Dreamy Doctor ; 05-22-2011 الساعة 10:08 AM
Dreamy Doctor غير متواجد حالياً   رد مع اقتباس
قديم 09-01-2010, 04:44 AM   #6
Dr Mohammed Roshdi
dark knight سابقا
Allteb
 
الصورة الرمزية Dr Mohammed Roshdi
 
تاريخ التسجيل: Aug 2010
العمر: 24
المشاركات: 2,213
Thanks: 417
Thanked 454 Times in 296 Posts
افتراضي رد: إلحقوني .. أكتشفت عندي فيرس سي

الف الف سلامه عليك يا حبيبى ..

والله انتا ممكن تكون محظوظ وانتا مش واخد بالك ..

يا بطل ربنا لما بيحب حد بيختبره .. بيشوفه هايصبر ويقرب ولا ...؟؟

اخى فى الله .. تقرب الى ربنا وادعيه وفضفضله .. وانا مش هوصيكــ دا احنا داخلين على ليلة القدر ..

عارف يعنى ايه ليلة القدر .. يعنى بالبلدى كده الفانوس السحرى .. اطلب من ربنا واتضرع واحكى من قلبك وفضفض ..

صلى وعيط واتزلل .. وقول يارب .. اوعى الفرصه دى تفوت من ايدك ..

انا بنبهك تانى .. اوعى الليله دى تفوت منك ..

اعتبرها الفرصه الاخيره .. جـــاهد واتعب فيها .. اعمل كل حاجه خير فيها ..

اطعم فقير .. تصدق .. عد مريض .. صل رحم مازورتوش من زمان ( طبعا مش هوصيك الاقرب فالاقرب ) ..

وادعى وقول يارب ..

وقبل ماماشى واسيب .. هحكيلك حكايه .. انا ياسيدى كنت فى تانيه اعدادى وجالى حمى روماتيزميه .. نقلونى عالمستشفى .. الحاله صعبه .. دخلت العنايه المركزه .. والله زى مابقولك .. ممنوع الاكل ..كله محاليل .. ووالدى جنبى اول مره اشوف دموعه .. والمصيبه السوده انه انا كان عندى حساسيه من البنسلين ..وبدون اختبار .. ادونى الجرعه .. وطبعا بقى مش هقولك .. انتا ادرى ... تكسير فى الدم .. وشوك .. وغيره ..
عايزين دم بسرعه .. و.. كانت ماساه .. الموت كان قادم لا محاله ..لولا احمد اخويا .. جمع الصحاب والاحباب والدم جهز فى اقل من ساعه , والموضوع بقى اقل خطوره .. خلص الموضوع .. لا والله لسه ماخلصش .. الاهمال لعب الدور مره اخرى .. واكتشفوا انه ربما انه يكون جالى عدوى ربما تكون سببت حمى تيفوديه .. خمسة ايام لن ينساهم تاريخى ابدا .. والدى كان اقل مايقال عليه انه كان مذهول ...

عارف عمل ايه ؟؟؟

والله ما هتصدق ؟؟

والله ده حصل ..

اخدنى من المستشفى .. واصر انى اروح واخد العلاج فى البيت وخلاص .. طبعا والدتى كانت معترضه .. انتا هتموت الواد .. خلاص قضى الامر .. راح واخد بعضه وتصدق .. وقعد يحلف ويقول الرسول مابيكدبش .. داووا مرضاكم بالصدقه ..

والله بعديها بيومين .. والله .. والله .. انا تقريبا ماكنت مصدق انى من اسبوع كنت هموت .. كل حاجه راحت وكأن شيئا لم يكن ..

الكل فى ذهول .. كيف حدث هذا .. هل تعلم ماذا حدث ؟؟

انه اليقين الذى كان عند والدى .. كان متاكد انه الصدقه هتشفينى .. اخد بالاسباب اولا وبعدين عمل الصدقه ..
والحمدلله .. انا زى الفل اهه وبكتبلك ..

اخويا وحبيبى .. توكل على الله .. اصبر فالخير قادم ..

قال تعالى " وبشر الصابرين .. الذين اذا اصابتهم مصيبة قالوا انا لله وانا اليه راجعون .. اولئك عليهم صلوات من ربهم ورحمه واولئك هم المفلحون "

اسال الله العظيم رب العرش العظيم ان يشفيك
اسال الله العظيم رب العرش العظيم ان يشفيك
اسال الله العظيم رب العرش العظيم ان يشفيك
اسال الله العظيم رب العرش العظيم ان يشفيك
اسال الله العظيم رب العرش العظيم ان يشفيك
اسال الله العظيم رب العرش العظيم ان يشفيك
اسال الله العظيم رب العرش العظيم ان يشفيك ..

وفى النهايه.. اوصيكــ باذكار المرض .. فى رعـــاية الله .
من مواضيع Dr Mohammed Roshdi في المنتدى

التوقيع
نقرتين لعرض الصورة في صفحة مستقلة

لا يعرف قوته بعـــد ..
من لم يذُق طعم المِحـــن .. !
Dr Mohammed Roshdi غير متواجد حالياً   رد مع اقتباس
قديم 09-01-2010, 05:08 AM   #7
غير مسجل
زائر
 
المشاركات: n/a
افتراضي رد: إلحقوني .. أكتشفت عندي فيرس سي

ياااااااااااااه يا دكتور
فكرتني بنفسي بالتمام والكمال
انا كمان عندي الفيرس من زمان
بس مشكلتي ان انا لسه في سنه رابعه
يعني ما اقدرش اعمل اي حاجه مع نفسي دلوقت
ومش قادر اقول لأمي لأنها لو عرفت حتموت لان والدي مات بنفس المرض
مكتئب بقالي فتره طويله
مش عارف حعيش ولا حموت
حخلص الكليه وابقي دكتور زي باقي زمايلي ولا لأ
حتجوز ولا مش مكتوبلي زي باقي خلق ربنا
الحياه كلها مقفوله قدامي
ادعولي لو سمحتم
لو سمحتم كلكم ادعولي ان ربنا يزيل كربي
من مواضيع غير مسجل في المنتدى

  رد مع اقتباس
قديم 09-01-2010, 05:25 AM   #8
dr_sara86
 
الصورة الرمزية dr_sara86
 
تاريخ التسجيل: Jan 2009
العمر: 27
المشاركات: 426
Thanks: 0
Thanked 17 Times in 10 Posts
افتراضي رد: إلحقوني .. أكتشفت عندي فيرس سي

سلام عليكم يادكتور

الف سلامه عليك بجد انا قلبي وجعني اوي وانا بقراء الكلام.................ربنا يشفيك يارب ويهون عليك

بص
عايزه اطمنك علاخر...............متقلقش والله انا زميلتي معايا دفعتي حصلها نفس الموضوع ولما ححلت اكتشفت الفيروس وكانت في سنه خامسه...........اتشخصت علي انها في الاول روماتويد بس طلعت false ولما مناعتها تعبت شويه عملت التحاليل واكتشفت الفيروس............ اتعالجت منه من بدايه سنه خامسه وكملت العلاج بالانترفيرون في سنه سته ودلوقتي احنا في امتياز بس هيا اجلت سنه سته وحتستلم امتياز السنه الجايه ان شاء الله

بس هيا دلوقتي كويسه جدا الحمدلله وخفت تماما ولما عملت التحاليل بقت نيجاتيف الحمدلله

وعلي فكره هيا كانت مخطوبه قبل سنه خامسه............وخطيبها فضل متمسك بيها في عز مرضها ولحد دلوقتي مخطوبين وفرحهم بعد رمضان ان شاء الله...........يعني متقلقش من موضوع الجواز خالص واكيد لما تصارح خطيبتك حيكون افضل ليك عشان تتئكد من حبها ليك وتمسكها بيك..........لان الواحده لما بتحب خطيبها وزوجها حب حقيي عمرها مبتتخلي عنه حتي لو كان بيموت ولازم تقف جمبه لاخر لحظه............متقلقش من النقظه دي خااااااااااالص والله متخاف استعين بالله ومتقلقش وربنا يحكرمك باذن الله باكتر مما تتمني كمان لانه بيحبك اكيد زي منت عارف ان الله اذا احب عبدا ابتلاه...فاحمد ربنا علي حبه ليك واكيد الحب ده حيتبعه كرم ورزق واسع من ربنا سبحانه وتعالي

وموضوع انك محبط وعصبي ده امر طبيعي لكن موضوع بعدك عن ربنا والشات والنت وكده ده حاول تقلله علي قدر الامكان انا عارفه انك بتحاول تهرب من الواقع الي انت عايشه لحاجه تنسيك شويه بس تئكد ان مش ده الحل والحل انت اكيد عارفه بس غافل عنه شويه(ومن يتق الله يجعل له مخرجا)
حاول علي قد متقدر تقرب من ربنا وتكلمه وتشكيله همومك وهوه حيكون ارحم بيك من والدتك.......استغل الايام المباركه اللي احنا فيها وانت في نعمه انك اكتشفت الموضوع ده قبل رمضان والحمدلله قدامك فرصه جميله احنا في ال10 الاواخر ادعي ربنا كتير ومتسبش المصحف من ايدك ده الصله اللي بينك وبينه مع صلاتك ............متنساش ان لصائم عند فطره دعوه لاترد.........حدد دعوه واحده عند فطارك وربنا مش حيردها باذن الله بس ادعيها بيقين بالاجابه.........قول يارب اشفيني وعافيني وخفف عني ..............وربنا قادر علي اتمام شفاك عاجلا غير اجلا باذن الله

طمنا عليك يادكتور وبجد متقلقش ال موضوع ده بيخف بسرعه وحترجع احسن من الاول ان شاء الله بس لازم تصبر............الصبر حيعينك كتير علي اتمام شفاك مع الدعاء ولو عايز تكلم زميلتي اللي حصلها الموضوع عشان تتئكد بنفسك انها خفت نهائي معنديش مانع بس هيا اللي مش بتحب حد يفكرها بالموضوع عشان نسته الحمدلله وبكره تكتب هنا انك الحمدلله بقيت تمام وخفيت ونسيت الموضوع ده انت كمان يــــــــــــــــــــــــــــارب

الف سلامه عليك يادكتور وحندعيلك علفطار وفي كل صلاه ان شاء الله..............شفاك الله وعافاك

سلام عليكم
من مواضيع dr_sara86 في المنتدى

التوقيع
تعبان !! متضايق !! مهموم !!
طيب ايه رأيك تقوم تصلي ركعتين لله و تدعي كتيييييييييير أن ربنا ييسر لك الحال و يفرج كربك :)
و حتى إذا كنت مبسوط و سعيد قوم صلي اشكر ربنا على نعمه عليك :)
و اقرأ في القرآن بتدبر و لو صفحة

يـــــــــاربي لـك الحمـــــد كمـا ينبغــي لجـلال وجــهك وعظيـــم سلطانــك


just graduated

dr_sara86 غير متواجد حالياً   رد مع اقتباس
إضافة رد

الكلمات الدلالية (Tags)
أكتشفت, عندى, فيرس, إلحقوني

أدوات الموضوع
انواع عرض الموضوع

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 12:40 PM.


Powered by vBulletin Version 3.8.5
Copyright ©2000 - 2014, Jelsoft Enterprises Ltd
Translation by Support-ar
Style coding by: BBcolors.com