احسن دكتور باطنة فى مصر

[dr heba 1]

خليك مع الدكتور الفريد والدكتور العظيم وديناصور الطب حوت الطب أسد الطب المحلق فى الفضاء الخارجى العلامة الكبير والزعيم المبجل
كلها الفاظ بنسمعها واحنا داخلين على الجراحة والباطنة خصوصا فى الدعاية للدكاترة والكلام عليهم ومعظم الكلام ده بيبقى ساعات مش صحيح او مبالغ فيه بشكل كبير
ويمكن كمان يكون فيه دكاترة ممتازين تانيين بس فى وسط الزيطة والدعاية الكبيرة بيبقوا مستخبيين متنسوش اننا فى مصر والصوت العالى هوه دايما الكسبان وعلى الزعيق الناس بتتلم صح ولا ايه؟!!!!!
الصراحة انا رأييى ان كل واحد لازم يحضر الميتنج والدكاترة ويجرب ويشوف وميقتنعش بكلام حد ويشوف الكتب بتاع كل دكتور ويقارن
المهم ان كل ما الدكتور يبقى متكامل يبقى افضل ا قصد فى الباطنة مثلا لو الدكتور له كتب وله عملى ونظرى يبقى احسن من دكتور ناقص
انا بقول الكلام ده ليه عشان ممكن تأخد عملى ونظرى باطنة مع 2 مختلفين حتلاقى الباطنة قلبت بقت مادتين كل واحد فى موال والالعن لو الكلية فى موال تالت تبقى هاصت
انا واحدة من الناس كنت بأخد باطنة نظرى مع دكتور وعملى مع دكتور تانى خالص بس مستفدتش وكنت مشتته والحمد لله قدرت استقر بعد كده على دكتور ممتاز هوه الدكتور تامر عبد الحميد نظرى وعملى
وبصراحة شديدة جدا انا بحب هذا الرجل جدا على المستوى العلمى والاخلاقى وكلنا شعرنا قد ايه الراجل ده بيعاملنا كدكتور كبير وعملاق داخل الحصة وخارج الحصة كأخ كبير بمعنى الكلمة والحمد لله كان نعم الاختيار
انا بقول الكلام ده من قلبى لان فرق كبييير قوى لما تحس انك ضايع ما يقرب من ترم كامل وتحس بالفشل ومن حصة واحده معاه تحس انك تقدر تعمل المستحيل وتحس انك ممكن تعمل كل حاجة فى الدنيا
بالنسبة للعملى بيمشيه مع النظرى بشكل متناغم مع العملى وتحس ان الباطنة وحدة واحدة ومادة واحدة مش 2 بيديك اللى انت عاوزه من غير تطويل ومن غير كلام كتير ولت وعجن وحصص بقى خمس ساعات وتقعد تستنى فى الحالات لحد ما يحن عليك بشوفانها وتضييع وقت على الفاضى مع الدكتور تامر بتشوف حالات علطول وبتقعد مع العيان براحتك ويبينلك عليه كل حاجة وبيقعد على الحالة معاك وبنعمل كل حاجة على العيان فعلا كل حاجة - فيه دكاترة مشهورين تانيين بيكونوا مهتمين بجزء معين وسايبين باقى الشغل مع العيان
ده با لاضافة ان د تامر دربنا على اشعات كتير و رسم قلب كتير
بتخلص المنهج فى وقت مناسب نظرى وعملى وبتراجع مرة واتنين ......
واسئلة الامتحانات النظرى والشفوى بتوع الدكاترة الممتحنين عشان تخلى بالك
بتحل ام سى كيو وكيسيس و اسئلة تحريرى كتييييييييير جدا
و بيعملنا امتحانات فى الدرس بشكل مستمروبيتابعنا بالاسئلة دايماعشان نذاكر
اما بالنسبة للكتب منظمة ملونة ورائعة مليانة رسومات ودياجرامات تحفة ومش طويلة ومش قصيرة يعنى مصدر رائع للمذاكرة
الى جانب انها بيتعملها تحديث علطول واكتر كتب ماشية مع كتاب القسم وهو كان دايما طول السنة يربط لنا بين الاتنين بحيث انت فى النهاية تبقى مش ناقصاك حاجة
والدكتور خلص المنهج بدرى و عمل مراجعتين واحدة نظرى و عملى فى شهر 6 و التانية نظرى و عملى فى شهر 7 و خلصنا المراجعة التانية قبل رمضان
و ده فرق معانا جدايااخوانى فيه دكاترة مشهورين خلصوا المنهج يادوب اخر اغسطس ولسه بيعملوا مراجعة و دكاترة تانية خلصوا نصف 7 و يادوب لسه مخلصين مراجعة ده فرق مع الطلبة بتاعتهم قوى لانه الناس فضلت تنزل كتير جدا و فى وقت حرج جدا وكان فيه ناس عايزة تسافر وفيه ناس ضحت بالحصص الاخيرة والمراجعات عند الدكاترة دى
بجد كل حاجة تحفة فى الراجل ده
وربنا يجزيه عنا كل خيرودى شهادة حق امام الله
من زميلة تعبت كتير و لفت كتير

[dr.asmaa*]

شكرا يا د.هبة بس ممكن لو سمحتى تقوليلى عن مكان السنتر ونظام مواعيده لو امكن (ضرورى لو سمحتى )
وبعد اذنك انا عندى استفسار بما انك جربتى ولفيتى كتير هل جربتى د.اشرف زكى
وجزاكى الله كل خير

[قصة نجاح]

جزاكى الله خيرا د/هبه
انا كمان عندى نفس سؤال د/اسماء ,,مع العلم بأنى حضرت حصتين عند د/اشرف زكى
لكن مش مطمنه ,لانه عملى بس وانا مش من السميعه يعنى دى اول سنه هاسمع فيها

[sara9samir]

ربنا يكرمك يا د هبة بجد شكرا على هذه النصيحة - انا عملت بيها و فرقت معايا اوى اوى - د تامر فعلا مالوش حل و جامد اوى ربنا يكرمه - احنا دلوقت بنخلص المراجعة التانية فى الباطنة معاه - الدكتور فعلا بيربط النظرى و العملى سوا بشكل رائع - احنا اول ناس خلصنا الباطنة - امتحانات اسبوعية مستمرة - العملى تحفة - العدد فى حصة العملى كان مناسب اوى تحسى ان الدنيا رايقة و بنعمل كل حاجة على العيان -