آخر المشاركات
         :: معلومات ممتازة جدا عن فيروس كورونا الصينى و الوقاية و العلاج و الادوية - على مسئوليتى (آخر رد :mohamed_ameer)      :: ::مفاجأة 2012 فيـ الباطنة!:: كورس النظري للرااائع ~د/علام~ &خاص وحصري& متجدد (آخر رد :دكتور أشرف)      :: كتب ~د/علامــ~ فيــ | عملي الباطنة | أحدث نسخة ملونة >> بروابط مباشرة !! (آخر رد :دكتور أشرف)      :: اجمل برنامج لتعلم الفيسيولوجي بالانيميشن Physiology InterActive Suite V10 (آخر رد :الصقر شاهين)      :: كلينكال باطنة للدكتورة نوران الغندور اقل روابط واكثر من سيرفر (آخر رد :دكتور أشرف)      :: Cranial nerves clinical notes (آخر رد :doomm007)      :: Cranial nerves, الاعصاب القحفية ملاحظات (آخر رد :doomm007)      :: تجربتى فى العلاج من فيروس سى هارفونى -2018 (آخر رد :mohamed_ameer)      :: تبليغ عن مشاركة بواسطة عائد لله (آخر رد :عائد لله)      :: عنصر الرشاقة عنصر الكروم ( الكروميم , الكروماكس و الهاي-كروم ) (آخر رد :sasaasso)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > ۞ السّــاحةُ الإجتماعية والحوارية ۞ > كلام مش في الطب > مــشـكـلـتـى

مــشـكـلـتـى مشكلتك هي مشكلتنا كلنا .. إنت مش لوحدك

إضافة رد
 
أدوات الموضوع انواع عرض الموضوع
قديم 10-29-2010, 08:04 PM   #1
sun beam
 
الصورة الرمزية sun beam
 
تاريخ التسجيل: Aug 2009
العمر: 31
المشاركات: 140
افتراضي اعمل ايه في النسيااان؟

مشكلتي يمكن بالنسبة لكتير من الناس شايفينها شئ عادي وبسيط
بس تاعباني جدااااااا
مشكلتي هي النسيان وبالذات في الدراسة
انا بجد زعلانة على نفسي خالص
حاسة ان كل اللي بتعلمه مالوش لزمة
كل حاجة بتتنسي بشكل فظيع
مجرد مااخلص امتحان ما افتكرش عن الماده حاجة
المشكله دي موجوده في كل سنين دراستي ما اكنتش بهتم كتير لاني كنت حاسة ان كل
المواد اللي بدرسها مش مهمة المهم اني اجيب مجموع في الاخر عشان ادخل كلية الطب
لكن الموضوع في الكلية مختلف كل المعلومات اللي بندرسها مهمة جدا في حياتنا العملية ومرتبطة بالمعلومات اللي بعدها
في سنة اولى بعد ما ارقتني المشكلة دي قولت لنفسي ده عشان انا ذاكرت المواد في اخر السنة فما ثبتتش
بس للاسف بعد كده حتى المواد اللي كنت بحبها وذاكرتها من اول السنة لقيتني نسيتها
انا حاليا في سنة خامسة حاسة اني لسه في سنة اولى معلوماتي القديمة اللي درستها ضعييييييفة تكاد تكون غير موجوده
انا عارفة انكم ممكن تقولولي ده شئ طبيعي كل الناس كده زي ما انا كل مااسأل حد يقوللي كده
عادي طبيعي بس انا شايفة انه اه اكيد لا زم ننسى بس مش معقول ننسى كل حاجة امال اللي بندرسه طول السنين دي لزمته ايه
حتى لو كله بينسى بس انا شايفة اني اكتر شوية انا بلاحظ ده وانا مع زميلاتي لما دكتور يذكر موضوع درسناه قبل كده بلاقيهم فاكرين وبيتجابوا اما انا اكاد
لا اعرف الا العنوان
مع العلم اني حصلت على جيد جدا في السنة الاولى ثم امتياز في باقي السنين
ولكني غير راضية عن نفسي لاني اشعر انه تقدير مزيف لا يعبر عن المستوى العلمي الحقيقي لي
انا حتى في الامتحانات لو مش مراجعة حاجة ليلة الامتحان صعب افتكرها في الامتحان
لكن بعد الامتحانات تتطاير المعلومات
انا زعلانه لاني نفسي اكون دكتورة شاطرة والمشكله دي حاسة انها عقبة كبيرة حاسة ان كل حاجة بذاكرها هفقدها تاني
ياريت لو حد عنده نصيحة يقدر ينصحني بيها يقولهالي
__________________
نقرتين لعرض الصورة في صفحة مستقلة

نقرتين لعرض الصورة في صفحة مستقلة
sun beam غير متواجد حالياً   رد مع اقتباس
قديم 10-30-2010, 12:06 AM   #2
Dr..Romah
مشرفة طب المنيا
Allteb
 
الصورة الرمزية Dr..Romah
 
تاريخ التسجيل: Jan 2010
المشاركات: 3,288
افتراضي رد: اعمل ايه في النسيااان؟

سلام عليكم ورحمة الله وبركاته

اقتباس:
نا عارفة انكم ممكن تقولولي ده شئ طبيعي كل الناس كده


اه انا برضه هقول لحضرتك ان ده شئ طبيعي جدااااااااااا وبيحصل لينا كلنا

والسبب ان معظم دراستنا بتعتمد علي الحفظ من غير فهم نهائي .. اه الكليه علمتنا ان احنا نحفظ نحفظ نحفظ دون فهم ...ونحفظ بس عشان نروح الامتحان ونحطهم وبعد كده يتمسحوا باستيـــــــــــــــــــــــــــــــــكة



اقتباس:
نا حاليا في سنة خامسة حاسة اني لسه في سنة اولى معلوماتي القديمة اللي درستها ضعييييييفة تكاد تكون غير موجوده
انتي ممكن تعوضي الموضوع ده بالقراءة .. مش قصدي طبعا انك تذاكري .. لا اقرأي اي حاجه تبقي قدامك معلومات طبيه اكيد هتلاقي فيها معلومه انتي اخدتيها وب كده هتبدأي تعملي ريفيرش لذاكرتك .......



اقتباس:
وانا مع زميلاتي لما دكتور يذكر موضوع درسناه قبل كده بلاقيهم فاكرين وبيتجابوا اما انا اكاد
لا اعرف الا العنوان
ممكن يكون بيتهيألك انك مش فاكرة لكن لو فكرتي ممكن تفتكري ... انا كنت بتعرض للمواقف دي برضه وكنت بلاقي ناس فاكرة بس لما كنت بروح وبعد ما نفسي احاول افتكر كنت اه في اوقااااات كتيرة بفتكر ... ف مواقف زي كده ماتعتبرش مقيياس حقيقي ليكي


اقتباس:
ولكني غير راضية عن نفسي لاني اشعر انه تقدير مزيف لا يعبر عن المستوى العلمي الحقيقي لي
مافيش اي امتحان او تقدير يا دكتوره بيعبر فعلا ولا بيقيس المستوي الحقيقي العلمي للطالب .. دي امتحانات علي قدرة الحفظ مش اكتر ...


اقتباس:
نا حتى في الامتحانات لو مش مراجعة حاجة ليلة الامتحان صعب افتكرها في الامتحان
والله دي مش مشكلتك انتي لوحدك ... دي تقريبا مشكله معظم الناس في كليه طب لان المنهج بيبقي كبير وعبال ما تلمي برنش بيبقي التاني طار وهكذا


وللاسف كمان مافيش اي تطبيق للي احنا بناخده عملي ... حتي في سنة خامسه والمفروض ان الواحد اخد باطنة واطفال يعني بقي عنده معلومات انه ازاي يعرف يتصرف او ينصح حد ... بس دهطبعا مش موجود بالدرجة الي الواحد كان فكرها .. بس ادينا بنحاول نتثقف و نقرأ ونتعلم ... احنا الي ندور عليه مانستناش لحد مايجلنا .....

اقتباس:
نا زعلانه لاني نفسي اكون دكتورة شاطرة والمشكله دي حاسة انها عقبة كبيرة حاسة ان كل حاجة بذاكرها هفقدها تاني
بأذن الله يادكتورة هتبقي دكتـــــــورة شاطرة بدال ما انتي عندك النيه والعزيمه هتبقي ان شاء الله... بس حضرتك عمرك ما هتبقي دكتورة شاطرة بين يوم وليله او حتي بمجرد الاعتماد علي الدراسه بس ... لا لاوم يبقي في مجهود شخصي من حضرتك وتعب اكتر ....


هقولك علي حاجه ممكن تفيدك ... وانتي بتذكري اكيد هتلاقي دش كتييير جدا وكمية رهيبه جدا ... حاولي تطلعي المعلومة الي فعلا حاسه نفسك ممكن تستفيدي بيها وجمعيها في مكان ... اكيد المعلومات دي عمرك ما هتنسيها لانك انتي الي مطلعها وكتبها بنفسك ..
انا في فتره كنت بعمل كده بس للاسف ما استمرتش ...

ربنا يوفقك ويوفقنا جميعا يااااااااااااااااارب
__________________

انقطاع مؤقت لظروف الامتحانات ..

نسألك الدعاء بالتوفيق بإذن الله ..
Dr..Romah غير متواجد حالياً   رد مع اقتباس
قديم 10-30-2010, 12:14 AM   #3
Dr.ahmoda_for_ever
 
تاريخ التسجيل: Feb 2009
العمر: 31
المشاركات: 3,045
افتراضي رد: اعمل ايه في النسيااان؟

يا دكتوره ده طبيعى جدا جدا
النظام فى مصر فاشل من الدرجه الاولى
بيعتمد على الحفظ وفقط

بنخش نرص المعلومات فى الورقه وبعد كده الماده تبقى بيضاء

احنا ممكن نكون فاكرين حاجات بسيطه جدا
واكيد بردوا حضرتك هتبقى كده لو حاولتى بس ترجعى شويه بالذاكره

وبعدين انا شخصيا لو دكتور دق معايا فى حاجه زى دى
هقوله بص انا مليش دعوة النظام المقرف هو الى خلانا كده
اصل بحس ان الدكاتره احيانا بيطالبونا بمعلومات سنه اولى !!!!
قال يعنى انا فاكر الى فى سنه رابعه اوى عشان افتكر الى فى اولى


اما بخصوص المعلومات الى بندرسها واهميتها فى الحياة العمليه فمتقلقيش كل ده بنتعلمه فى الامتياز

كلها اساسيات
__________________
انتظرونى



ونصائح للفرقة الخامسة
Dr.ahmoda_for_ever غير متواجد حالياً   رد مع اقتباس
قديم 10-30-2010, 12:15 AM   #4
Dr.ahmoda_for_ever
 
تاريخ التسجيل: Feb 2009
العمر: 31
المشاركات: 3,045
افتراضي رد: اعمل ايه في النسيااان؟

اقتباس:
هقولك علي حاجه ممكن تفيدك ... وانتي بتذكري اكيد هتلاقي دش كتييير جدا وكمية رهيبه جدا ... حاولي تطلعي المعلومة الي فعلا حاسه نفسك ممكن تستفيدي بيها وجمعيها في مكان ... اكيد المعلومات دي عمرك ما هتنسيها لانك انتي الي مطلعها وكتبها بنفسك ..
انا في فتره كنت بعمل كده بس للاسف ما استمرتش ...
فكره حلوة جدا جدا يا دكتوره
كان فى دكتور مره قالى كده

لو طلعت بمعلومه واحده بس تحس انها هتفيدك عمليا
يبقى كتر خيرك
__________________
انتظرونى



ونصائح للفرقة الخامسة
Dr.ahmoda_for_ever غير متواجد حالياً   رد مع اقتباس
قديم 10-30-2010, 01:01 AM   #5
sad smile
 
تاريخ التسجيل: Mar 2009
المشاركات: 203
افتراضي Re: اعمل ايه في النسيااان؟

اااااااااااااااااااه نفس مشكلتى بالضبط
متقلقيش مش انتى لوحدك
sad smile غير متواجد حالياً   رد مع اقتباس
قديم 10-30-2010, 06:49 PM   #6
sun beam
 
الصورة الرمزية sun beam
 
تاريخ التسجيل: Aug 2009
العمر: 31
المشاركات: 140
افتراضي رد: اعمل ايه في النسيااان؟

اولا انا بشكر كل اللي رد ع الموضوع فعلا لما الواحد بيفضفض ويلاقي حد يقوله حاجة بيرتاح
Dr..Romah
انا بشكرك جدا جدا دايما بستفيد بتعليقاتك الرائعة
والفكرة الجميلة اللي حضرتك قولتي عليها ان شاء الله هجربها
Dr.ahmoda_for_ever
جزاك الله خيرا ياريت يكون ده فعلا شئ طبيعي
sad smile
شكرا على التضامن
(انا تأكدت اني مش لوحدي :) )
__________________
نقرتين لعرض الصورة في صفحة مستقلة

نقرتين لعرض الصورة في صفحة مستقلة
sun beam غير متواجد حالياً   رد مع اقتباس
قديم 08-16-2013, 04:55 AM   #7
Love to cry
عضو جديد
 
تاريخ التسجيل: Aug 2013
العمر: 29
المشاركات: 1
order رد: اعمل ايه في النسيااان؟

نفس اللى عندى بالظبط مش فى الدراسة بس دى كمان فى ذكريااااااتى وشريط حياتى وده بقى متأكده انه نسيان مرضى مش طبيعى ومش عارفة اعمل ايه
Love to cry غير متواجد حالياً   رد مع اقتباس
إضافة رد

الكلمات الدلالية (Tags)
النسيااان؟, اعمل

أدوات الموضوع
انواع عرض الموضوع

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 04:14 PM.


Powered by vBulletin Version 3.8.12 by vBS
Copyright ©2000 - 2020, Jelsoft Enterprises Ltd
Translation by Support-ar