آخر المشاركات
         :: Leprosy pearls (آخر رد :doomm007)      :: كتاب الـ General Pathology ... تلخيص لكل طلاب تالتة (آخر رد :عبود الخميسي)      :: التهاب البروستاتا (آخر رد :فهد أحمد)      :: مجلة سلا (آخر رد :ديجيتال)      :: Free Online Medical Certification(Expires end of May, 2020) (آخر رد :دكتور أشرف)      :: Nephrology pearals (آخر رد :doomm007)      :: Module: Basic Mechanical Ventilation (آخر رد :دكتور أشرف)      :: فيديوهات شرح منهج الجراحة كاملا للبكالوريوس و الماجيستير للدكتور على حسيب (آخر رد :dr_m_6000)      :: كيف استعد لعملية تكميم المعدة (آخر رد :dr.elsobky)      :: 10 مميزات لعملية شفط الدهون بالليزر (آخر رد :dr.elsobky)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > ۞ السّــاحةُ الإجتماعية والحوارية ۞ > كلام مش في الطب > حــوارات تفـاعـليــة

حــوارات تفـاعـليــة :: خاص للمناقشات الهادفـة والحوارات العامـــة ::

إضافة رد
 
أدوات الموضوع انواع عرض الموضوع
قديم 04-24-2011, 11:37 PM   #1
"إيمان"
رحماك يا رب
Allteb
 
الصورة الرمزية "إيمان"
 
تاريخ التسجيل: Jan 2009
العمر: 31
المشاركات: 1,244
Question ماذا تفعل عندما يلسعك العقرب ؟!!! -كله يدخل -

بسم الله الرحمن الرحيم
السلام عليكم ورحمة الله وبركاته ,

نقرتين لعرض الصورة في صفحة مستقلة








جلس عجوز حكيم على ضفة نهر .. وراح يتأمل في الجمال المحيط به ويتمتم بكلمات ..
لمح...... عقرباً وقد وقع في الماء .. وأخذ يتخبط محاولاً أن ينقذ نفسه من الغرق ؟!


قرر الرجل أن ينقذه .. مدّ له يده فلسعه العقرب .. سحب الرجل يده صارخاً من شدّة الألم ..نقرتين لعرض الصورة في صفحة مستقلة
ولكن لم تمض سوى دقيقة واحدة حتى مدّ يده ثانية لينقذه .. فلسعه العقرب .. سحب يده مرة أخرى صارخاً من شدة الألم ..
وبعد دقيقة راح يحاول للمرة الثالثة .. على مقربة منه كان يجلس رجل آخر ويراقب ما يحدث ..

فصرخ الرجل: أيها الحكيم، لم تتعظ من المرة الأولى ولا من المرة الثانية .. وها أنت تحاول إنقاذه للمرة الثالثة؟!
لم يأبه الحكيم لتوبيخ الرجل .. وظل يحاول حتى نجح في إنقاذ العقرب ..
ثم مشى باتجاه ذلك الرجل وربت على كتفه

قائلاً: يا بني .. من طبع العقرب أن "يلسع" ومن طبعي أن "أُحب واعطف"، فلماذا تريدني أن أسمح لطبعه أن يتغلب على طبعي


عَآمِل آلنَآس بطبعِكْ لآ بآطبآعهِمْ ،مَهْمَآ كَآنوآ ومهمآ تعدَدَت تصرفآتهمْ آلتيّ تجرحكْ وتُؤلمكْ في بعضْ آلآحيّآن ،
ولآ تَآبَه لتلكْ آلآصْوَآت آلتي تعتليّ طَآلبة منكْ آن تتْرك صفَآتكْ آلحسنةْ لإن آلطرفْ آلآخرْ لآ يستحقْ تصرفَآتك آلنَبيلةْ

في كثير من الأحيان نندم علي معاملتنا لناس نظن انهم لا يستحقون معاملة طيبة

ولكن هذا الندم غير صحيح

فنحن ينبغي أن نعامل الناس بأخلاقنا لا بأخلاقهم


م ن ق و ل

انا حبيت انقل القصه دى لانها بتجسد بالفعل معاملتنا مع الناس
كم واحد مننا بيتصرف زى الرجل العجوز ؟؟؟
كم واحد فينا لما يجى يعامل حد بيحط ربنا قدام عينيه , لانه فى الاصل بيعامل ربنا , لان ربنا وحده القادر على نفعه او ضره .

السنة اللى فاتت كانت اول سنة ليا فى المدينة , الحقيقه لما دخلتها حسيت انى مشفتش ولا عاملت ناس قبل كده
شفت الناس بانواعها لانك لم بتقرب من حد فى عيشته بتعرفه وبتعرف عيوبه ومميزاته , فبقى شخصية كل بنت مكشوفة ادامى من تصرفاتها ..
وللاسف تأذيت من ناس مع ان مفيش علاقة بينى وبينهم , وكل ذنبى انها عاوزة تطلع نفسها من مشكله فبتتهم غيرها باتهامات كاذبه ..
طبعا انتم بتسألوا انتى اتعاملتى معاها ازاى ؟؟
بصراحة انا مقربتش من الشخصية دى ابدا بعد كده كنت بشوفها مش ببصلها اصلا لانى مقدرش ابص فى عين حد زعلانة منه ما بالك حد افترى عليا ؟
مش حاقول مكانش عندى جرأة أواجها , بس حسيت ان افضل طريقه انك تعامل ناس بالشكل ده انك تبعد عنهم ...معرفش ده صح ولا غلط بس انا مرتاحة كده
بالنسبة انى سامحتها ولا لا ؟؟ فأنا سامحتها من منطلق انى اكيد غلطت وحاغلط ويوم القيامة كلنا حنقف على القنطرة ,

في حديث البخاري: إذا خلص المؤمنون من النار حبسوا بقنطرة بين الجنة والنار، فيتقاصون مظالم كانت بينهم في الدنيا حتى إذا نقوا وهذبوا أذن لهم بدخول الجنة..

اكيد الموقف ده حيكون عظيم جدا , فاللهم انى قد عفوت عن من ظلمنى واساء فى حقى , وانت احق بالعفو فاعف عنى .

انا فى اول سكنى فى المدينة مكنش عاجبنى حاجة , وكنت بزعل كتير من صحبتى اللى فى الحجرة وكنت بحس دايما بعدم التقدير , وحصلت مشاكل ما بينا لحد ما سيبنا بعض
دلوقتى الحمد لله كويسين خالص مع بعض , بس التجربة معاها علمتنى كتير , هى الفكرة ان الحياة فى المدينة كانت جديدة علينا احنا الاتنين , وطبيعى ان الخلافات كانت حتحصل بسبب اختلاف الطباع
وده بيحصل مع المتزوجين الجدد , بس فى ناس بتعرف تتكيف وتكمل وتستحمل طباع الشخص التانى وتحاول تغيره للافضل وفى ناس بتقع مع اول محاولة ,
انا جات عليا اوقات كتير كنت عاوزة اسيب المدينة بسبب المشاكل بس كنت دايما اقول لنفسى اللى بيحصل ده ميجيش حاجة جنب اللى حاشوفه بعد كده ولازم اثبت واحاول مع نفسى وغيرى
ومينفعش اهرب من اول معركة ليا فى مجال التعامل مع الناس ..


بالتدريج بقى الموضوع بيسهل وبقيت اتقبل حاجات كتير مكنتش بتقبلها قبل كده , ده مش معناه تنازل عن المبادئ والحقوق لا , يعنى مثلا لو اللى قدامى طبعه انه يتكلم بطريقة aggressive شوية
ومن النوع اللى بيضرب اى كلام كده من غير ما يفكر فيه ,فى ناس ممكن تزعل من الشخص ده وتبعد عنه بس انا بستحمل وبتكلم معاه بهدوء لعله يغير طريقته ..بس مش فى كل الاوقات طبعا كل انسان ليه طاقه ^_^
اتخنقتوا من الرغى انا عارف _برجاء عدم القذف بالبرتقال علشان زهقانة منه فى المدينة , ممكن تضربوا بالطماطم لانها غاليه اليومين دول ^_^ _
القصد من الكلام , ان بإمكان كل واحد فينا يعمل remodling لطباعه بحيث يخليها more flexible مع الاخرين , بننا نحط ادامنا قاعدة اللى هى هقولها فى قصه ^_^ طماطم بس هه_


كنا فى الترام ^_^ وكان زحمة كالعادة , وكانت واحدة صاحبتى واقفة وواحدة جبنها مزنقه عليها شويه وزقتها كذا مرة فصاحبتى مخنوقه وبتقولى ان اللى جنبها بتزقها فقلتلها
وليه ميكونش انتى اللى بتزقيها ؟؟؟؟؟


طبعا المغزى مفهوم , بس حاشرحه _غلاسه بقى _ لو كل واحد فينا حط فى نفوخه ^_^ انه زى ما الناس بتغلس عليه هو كمان بيغلس عليهم يبقى واحدة قصاد واحدة
اصل مستحيل اننا مننش بنغلط ولا لينا بعض الطباع الصعبه اللى ممكن تدايق غيرنا , (فالايام دول ..مرة السودان ومرة السويد ومرة فرنسا ومرة تشيكوسلوفاكيا ^_^)



و خلاصة كلامى , _إن من خلال خبرتى البسيطة فى التعامل مع الناس _ التسامح من اعظم الاخلاق اللى ممكن الانسان يتحلى بيها , لانه عامل زى المياه البارده اللى بتنزل على النار وتخمدها
وهو من صفات المتقين ايضا ,
(‏ وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ‏ * الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ *).

طبعا كله بيقول ما كان من الاول صدعتينا ,,,,,,,, احنا قلنا ايه ,,,,,,,,,,,,,,,,,, لازم نستحمل بعض ,,,,,,,,,,,, نقرتين لعرض الصورة في صفحة مستقلة

جزاكم الله خيرا على حسن قراءتكم , ومعلش خلصتوا عليا الطماطم
نفعنا الله واياكم .

__________________


نقرتين لعرض الصورة في صفحة مستقلة

" ربنا إنك تعلم ما نخفى وما نعلن وما يخفى على الله من شئ فى الأرض ولا فى السماء "
""اللهم ارزقنا وأنت خير الرازقين ""

"إيمان" غير متواجد حالياً   رد مع اقتباس
قديم 04-25-2011, 11:16 AM   #2
eshraka
اذكروها بخير ودعاء
Allteb
 
الصورة الرمزية eshraka
 
تاريخ التسجيل: Dec 2010
المشاركات: 1,091
افتراضي رد: ماذا تفعل عندما يلسعك العقرب ؟!!! -كله يدخل -

جزاكم الله خيرا دكتورة ايمان
الله المستعان
اللهم قوم قلوبنا وألسنتنا على الوجه الذى يرضيك عنا
مقال رااااااائع
eshraka غير متواجد حالياً   رد مع اقتباس
قديم 04-25-2011, 12:13 PM   #3
os@ma
وأنـا المسافرُ داخلي
Allteb
 
الصورة الرمزية os@ma
 
تاريخ التسجيل: Feb 2009
العمر: 31
المشاركات: 1,845
افتراضي رد: ماذا تفعل عندما يلسعك العقرب ؟!!! -كله يدخل -

جزاكم الله خيرا
موضوع رائع
__________________
ما تَعثرتُ ارتباكاً يا حَصى !
أو جُنوحاً لـ اختصارِ الألفِ ميلْ
ليس ذنبي
...
أنّ دربي ما استوى
كان ذنبي ثوبُ أحلامي الطّويلْ !!


**************

semsem. سابقاً
كبرنا .. وراحت أيام الدلع خلاص
)):
os@ma غير متواجد حالياً   رد مع اقتباس
قديم 04-25-2011, 07:28 PM   #4
"إيمان"
رحماك يا رب
Allteb
 
الصورة الرمزية "إيمان"
 
تاريخ التسجيل: Jan 2009
العمر: 31
المشاركات: 1,244
افتراضي رد: ماذا تفعل عندما يلسعك العقرب ؟!!! -كله يدخل -

اقتباس:
المشاركة الأصلية كتبت بواسطة eshraka مشاهدة المشاركة
جزاكم الله خيرا دكتورة ايمان
جزانا واياكم د.اشراقة
الله المستعان
اللهم قوم قلوبنا وألسنتنا على الوجه الذى يرضيك عنا
امين
مقال رااااااائع
ربنا يكرمك , جزاكم الله خيرا
__________________


نقرتين لعرض الصورة في صفحة مستقلة

" ربنا إنك تعلم ما نخفى وما نعلن وما يخفى على الله من شئ فى الأرض ولا فى السماء "
""اللهم ارزقنا وأنت خير الرازقين ""

"إيمان" غير متواجد حالياً   رد مع اقتباس
قديم 04-25-2011, 07:30 PM   #5
"إيمان"
رحماك يا رب
Allteb
 
الصورة الرمزية "إيمان"
 
تاريخ التسجيل: Jan 2009
العمر: 31
المشاركات: 1,244
افتراضي رد: ماذا تفعل عندما يلسعك العقرب ؟!!! -كله يدخل -

اقتباس:
المشاركة الأصلية كتبت بواسطة os@ma مشاهدة المشاركة
جزاكم الله خيرا
موضوع رائع
جزانا واياكم دكتور
شكرا للمشاركة .

__________________


نقرتين لعرض الصورة في صفحة مستقلة

" ربنا إنك تعلم ما نخفى وما نعلن وما يخفى على الله من شئ فى الأرض ولا فى السماء "
""اللهم ارزقنا وأنت خير الرازقين ""

"إيمان" غير متواجد حالياً   رد مع اقتباس
قديم 04-25-2011, 09:18 PM   #6
Dr Mohammed Roshdi
dark knight سابقا
Allteb
 
الصورة الرمزية Dr Mohammed Roshdi
 
تاريخ التسجيل: Aug 2010
العمر: 30
المشاركات: 2,213
افتراضي رد: ماذا تفعل عندما يلسعك العقرب ؟!!! -كله يدخل -

ماشاء الله ..
موضوع جميل ..
وطريقه العرض والاسترسال أجمل ..


اقتباس:
العطاء من المخلوق حرمان
والمنع من الله إحسان
إن فى المعروف ثلاثة إن عجلته هنأته , وإن صغرته عظمته وإن سترته تممته
جزاكُمـ الله خيرا .
__________________
نقرتين لعرض الصورة في صفحة مستقلة

لا يعرف قوته بعـــد ..
من لم يذُق طعم المِحـــن .. !
Dr Mohammed Roshdi غير متواجد حالياً   رد مع اقتباس
قديم 04-25-2011, 11:07 PM   #7
Dr..Romah
مشرفة طب المنيا
Allteb
 
الصورة الرمزية Dr..Romah
 
تاريخ التسجيل: Jan 2010
المشاركات: 3,288
افتراضي رد: ماذا تفعل عندما يلسعك العقرب ؟!!! -كله يدخل -

جزاكم الله خيرا يا دكتورة ،

بجد موضوعك جه في وقت حسيت ان كل الناس بقيت بتردد الكلام ده وانتي تعامليه حلو ليه عاملي وحش زي ما هو بيعاملك .. ماتبقيش حلوة مع الناس كلها .. الي يقدرك قدريه والي ما يحترمكيش يبقي خليكي وحشه معااااه وهكذا ..

ربنا يقدرنا علي التسامح والعطاء دائمـــــــا ..
__________________

انقطاع مؤقت لظروف الامتحانات ..

نسألك الدعاء بالتوفيق بإذن الله ..
Dr..Romah غير متواجد حالياً   رد مع اقتباس
قديم 04-26-2011, 12:08 AM   #8
drmaiyahmed
إِنَّا إِلَى اللَّهِ رَاغِبُون
Allteb
 
الصورة الرمزية drmaiyahmed
 
تاريخ التسجيل: Dec 2010
المشاركات: 3,547
افتراضي رد: ماذا تفعل عندما يلسعك العقرب ؟!!! -كله يدخل -

موضوع في وقته جزكم الله خيراموضوع رائع قوي فعلا عندك حق بس ساعات الواحد بيفضل يستحمل يستحمل لحد ما اعصابه بتبوظ وما يقدرش يتظلم والناس تفتري عليه بكلام مش فيه ويسكت ويكتم في نفسه انا بصراحةالايام دي حصلي حاجات كتير من دي فادعيلي ان ربنا ينصرني ويبين الحق انا ساكته مش بتكلم وان شاء الله ربنا يدافع عني ويدفع عني كيد الكائدين لان بسبب الكلام والافتراءات حصلتلي مشكلة جامدة وانتظر الفرج نسالكم الدعاء
drmaiyahmed غير متواجد حالياً   رد مع اقتباس
إضافة رد

الكلمات الدلالية (Tags)
-كله, ماذا, العقرب, تفعل, يلسعك, يدخل, عندما, ؟!!!

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 01:54 AM.


Powered by vBulletin Version 3.8.12 by vBS
Copyright ©2000 - 2020, Jelsoft Enterprises Ltd
Translation by Support-ar