النصائح

آخر المشاركات
         :: الشموخ (آخر رد :دكتور أشرف)      :: الباطنة > فيــ 30 ساعة >2014< In 30 Hours Series \\تم تحديثها تماما// !! (آخر رد :دكتور أشرف)      :: Textbook:Guide to Antimicrobial Therapy in the Adult ICU 2012 (آخر رد :دكتور أشرف)      :: أذكار الصباح والمساء .. ارفع هذا الموضوع كل صباح ومساء ليعمّ الأجر (آخر رد :drmaiyahmed)      :: مراجعات جراحه د مطري 2013-2014 كامله + الورق (آخر رد :whiteknightlove)      :: هل الكسل يعني بالضرورة عدم الكفاءة؟ (آخر رد :انصر النبى محمد)      :: استفسار عن تسجيلات دكتور أحمد باطنة (آخر رد :mohdkrar)      :: عن رابعة طب أستفسر (آخر رد :sunflower93)      :: إنّ من يقتـل أخاه لا يكره أخاه !! (آخر رد :انصر النبى محمد)      :: المؤمن لا يعرف شيئا اسمه المرض النفسى ! (آخر رد :انصر النبى محمد)     


العودة   كل الطب أكبر منتديات طبية عربية 6 أعوام من العطاءAllteb 6 Years of Donation > الأطباء بعد التخرج Postgraduate doctors > ° الــدراســات الــعــلـيـا ° > الـمـاجـستير و الدبـلومـة

الملاحظات

إضافة رد
قديم 06-03-2011, 10:44 AM   #1
د/ أحـمـد سـليمان
استَعِينُوا بِاللّهِ وَاصبِروا
Allteb
 
الصورة الرمزية د/ أحـمـد سـليمان
 
تاريخ التسجيل: Jan 2009
العمر: 28
المشاركات: 5,342
Thanks: 82
Thanked 586 Times in 368 Posts
افتراضي قواعد الترشيح الوزاري




*
*
*
*
*
*
*
*

الموضوع منقول عن د/ كاسبر لتعم الفائدة

بعض المعلومات الهامة
الخاصة بحركة التسجيل بوزارة الصحة

إجــــــراءات التسجيل


1- لما يتم الإعلان عن حركة التسجيل تروح إدارة التدريب في المديرية اللي انت تابع ليها وتقرا عندهم الحركة وتاخد منهم ورقتين
ورقة تعهد كفيل وورقة تانية بيتكتب فيها الرغبات .

ورقة الكفيل
تخلي واحد من زمايلك يمضيلك انه هو الكفيل بتاعك وتخلي اتنين تاني يمضوا علي انه الكفيل مش مرشح للسفر للخارج وانه بياناته صحيحة .

ورقة الرغبات
فيه بيانات بتملاها انت وفيه بيانات تملاها المديرية والإدارة



البيانات بتاعتك

- مطلوب فيها اسم الدراسة المطلوب الالتحاق بيها يعني ماجستير ولا دبلوم ممكن تكتبين رغبتين مختلفتين زي ماجستير ودبلوم أو العكس أو ممكن تكتب ماجستير ما جستير أو دبلوم دبلوم .
- بعد كده مطلوب تملا تلات رغبات لتلات جامعات اللي ترغب الالتحاق للدراسة بواحدة منهم وتكتبهم بالترتيب حسب رغبتك وخلي بالك من أول رغبة .



بيانات الإدارة

بعد ما تملا الرغبات بتاعتك دي وتملا بقية البيانات المطلوبة منك تطلع علي الإدارة بتاعتك تملا منها بيانات إذا كان فيه إجازة بدون مرتب أم لا وتملا منها برده خانة الجزاءات وتملا منها خانة تقرير الكفاية مع انه دي ممكن من المديرية

بيانات المديرية
بعد كده تطلع علي المديرية تملا من عندهم بيانات التكليف وبيانات حركة النيابة بتاعتك وبيانات الوحدة الصحية اللي كنت فيها


2- بعد كده تروح إدارة التدريب وتكون واخد معاك :
- ورقة الرغبات دي وورقة تعهد الكفيل .
- صورة طبق الأصل من شهادة البكالوريوس .
- صورة طبق الأصل من شهادة التقديرات .
- صورة طبق الأصل من شهادة الامتياز .
- صورة طبق الأصل من شهادة الميلاد .
- صورة طبق الأصل من شهادة التجنيد .
- صورة البطاقة الشخصية .
- دمغة بحوالي أربعة جنيه .
- ملف يتحط فيه الورق ده .

هاتروح هناك هاتراجع الورق مع الموظف المختص وهايدور علي اسمك علشان يشوفك مسجل أبل كده في أي حركة تسجيل أو إذا كنت مسجل في الزمالة أو لا وبعد كده تمشي .

3- المديرية هاتبعت الورق ده للوزارة والوزارة هاتبعت للجامعات .

4- في شهر سبتمبر أو أكتوبر هاتظهر نتيجة التسجيل وهايبعتوا في المستشفي انه ظهرت النتيجة بعدها هاتروح إدارة التدريب بالمديرية وتعرف منهم انت التحقت بأنهي جامعة وهايدوك جواب مهمة لمدة أسبوع تطلع علي الوزارة ومنها علي الجامعة علشان تروح تقدم الورق بتاعك ووقتها بيكونوا عاوزين ورق أصول مش صورة طبق الأصل وغالبا بيكونوا نفس الورق اللي فوق ضيف إليها كام صورة شخصية بالإضافة إلي رسوم التسجيل ودي بتختلف من جامعة للتانية وبتختلف من دبلوم إلي ما جستير بس طبعا رسوم التسجيل للماجستير أغلي من الدبلوم .

5- قبولك في أي قسم من أقسام أي جامعة بيكون علي أسس عامة بتحطها الجامعة وشروط خاصة بيحطها القسم زي التقدير العام تقدير مادة التخصص .



تنبيهــــــــــات هامة


1- أبل ما تكتب رغباتك اسأل علي القسم اللي عاوز تلتحق بيه وشوف نظامه إيه والرسالة بتاعته إيه نوعها وامتحان الفيرست بيكون امتي وامتحان السكاند امتي
اسأل علي كل حاجة تخص التسجيل بالدبلوم أو الماجستير في القسم نفسه وممكن تلاقي لائحة الكلية في التسجيل لأنه كل جامعة ليها شروط ولوائح بس برده في الآخر كل قسم وبيكون له سياسته ونظامه .


2- لو فرض انك واخد جزاء تشوف هل الجزاء ده مر عليه أكتر من ست شهور
لو مر عليه أكتر من ست شهور يبقي المفروض انه يتشال لأنه أي جزا المفروض انه بعد ست شهور الإدارة تبعت للمديرية علشان يدخل لجنة ويتشال عنك لو ما اتشالشي يبقي بسرعة حاول تخلي الإدارة تبعته للمديرية وهناك في المديرية يدخل لجنة علشان يتشال ولو رفضت الإدارة إرسال الجزاء للمديرية علشان يتشال عنك هددهم انك هاتشتكيهم في النيابة الإدارية لأنه ده شغلهم والمفروض كانوا رفعوا الجزاء لوحدهم بعد ما مر عليه ست شهور أما لو كان مر عليه أقل من ست شهور مش هاتقدر تشيله وساعتها هايتكتب في الورق بتاعك
وممكن لو عليك جزا وليك علاقة حلوة مع الموظف بتاع الشئون القانونية ما يكتبشي انه عليك جزا أساسا .
3- يكون أفضل لو كنت تعرف واحد زميلك أو صاحبك أخد دبلوم أو ما جستير في نفس القسم ونفس الجامعة اللي جالك فيها التسجيل علشان تقدر تعرف منه كل حاجة عن القسم والأسئلة ونظام الامتحان والكتب اللي بيتذاكر منها وكل حاجة .


4- يكون أفضل لو سجلت في قسم بيسمح انك تاخد نايب زاير عنده بس بشرط يكون النايب الزاير بيشتغل زيه زي النايب العادي لأنك بعد الفيرست ممكن تعمل تفرغ من وزارة الصحة وتروح تشتغل نايب زاير في القسم وبكده تقدر تاخد السكاند وتناقش الرسالة بتاعتك بسلام وبسرعة لأنك هاتتعرف علي الاستاف كله والمفروض انه علاقاتك تكون حلوة معاهم وماتعملشي مشاكل وفي نفس الوقت تتطحن نفسك شغل علشان تتعلم كويس .


5- إيه قصة التفرغ ده : معناه انك لو مسجل ماجستير تقدر بعد الفيرست تقدم علي تفرغ من وزارة الصحة ( اجازة ) بحيث المرتب بتاعك وحوافزك يتصرفوا عادي من وزارة الصحة وما تشتغلشي أي حاجة إلا إذا كنت عاوز تعمل زاير تروح تقدم في الكلية وفي القسم بتاعك علي نايب زاير لو كانوا بيقبلوا نظام الزاير أو تقدم زاير في أي مكان تاني لو مش بيقبلوا زاير في المكان اللي انت مسجل فيه
والتفرغ ده لمدة سنة أو سنة ونص بالكتير حسب موافقة وزارة الصحة وموافقة الجامعة .


6- فيه جامعات بتطلب منك نسبة حضور معينة ولو اتعديت النسبة دي مش هاتقدر تدخل الامتحان خصوصا في امتحان السكاند وفيه جامعات مش بدقق علي الحضور بس عامة لو الفيرست مش محتاج حضور أوي لكن السكاند لازم الدكاترة يشوفوك .


7- مش هاتقدر تغير التخصص اللي انت مرشح ليه بمعني انك كاتب نسا مثلا مش هاتقدر تخليها عظام لكن تقدر تغير من ماجستير إلي دبلومة والعكس بعد موافقة الكلية .


8- مش هاتقدر تسجل لو انت مسجل في الزمالة المصرية أو كنت خارج مصر أو مكنتش علي قؤة العمل بس فيه ناس زمايلنا سجلوا أبل ما سافروا ونزلوا امتحنوا والمديرية طبعا مش عارفة إنهم مسجلين


9- لو فرض انك اعتذرت عن التسجيل هاتتحرم من التقديم للتسجيل لمدة تلات سنوات إلا إذا كان اعتذاراك حاجة من اتنين مرافقة زوج أو رعاية طفل بشرط موافقة الكلية .


10- تقدر تاخد اجازة أبل الامتحانات بشويه وتاخد اجازة أثناء الامتحانات ودي معترف بيها واسمها اجازة امتحانات وانت بتظبت نفسك مع زمايلك النواب في القسم ومع مدير المستشفي .


11- لو انت مثلا من سوهاج ومسجل في عين شمس تقدر تعمل انتداب لأقرب مستشفي صحة في القاهرة لتسهيل الحضور في الكلية وتسهيل الدراسة وممكن تحضر تعمل حاجة اسمها تسهيل دراسة بمعني انك تحضر تلات أيام في الجامعة وتلات أيام في الصحة


12- الكلية بتديك أكتر من فرصة لدخول الامتحان بمعني انك لو سقطت ممكن تدخل الامتحان تاني وغالبا تالت . وممكن كمان تأجل الامتحان بتاعك لأنه الامتحانات في أغلب الكليات بيكون في أبريل وفي أكتوبر ولو سقطت في مادة في الفيرست ممكن تدخلها في الدور اللي بعده ما عدا جامعة الأزهر لو سقطت في مادة بتعيد كل مواد الفيرست .


13- ممكن تاخد اجازة بدون مرتب بعد أول سنة من التسجيل دا لو انت مسجل دبلومة أما لو مسجل ماستر يبقي ممكن تاخد اجازة بدون مرتب للدراسة بعد ما يخلص التفرغ والإجازة دي هاتمتد لأقرب دور هاتدخل فيه الامتحان .


14- لو ظهرت حركة التسجيل وحبيت تغير الجامعة اللي اتقبلت فيها ده ممكن بس بموافقة الجامعتين اللي قبلتك واللي رايحلها لأنه أوقات أقسام بترفض

15- لو حصل انه مفيش رغبة من الرغبات التلاتة جاتلك يبقي تروح الوزارة وتختار جامعة معينة والوزارة تديك جواب تروح بيه الجامعة وتستني لحد ما تعرف القسم قبلك ولا لأ

16- طب الأزهر بيشترط عليك انك تمتحن فيه مواد شرعية ضمن الفيرست .

17- جامعة قناة السويس بتسمح بتسجيل الماجستير أو الدبلومة للي يمر عليه ست شهور في التكليف أو النيابة


18- علشان تدخل الفيرست بتتطر انك تستني ست شهور يعني هاتتقبل في شهر أكتوبر مثلا وهاتدخل الفيرست في أبريل وأغلب الجامعات بتعمل كده لكن فيه جامعات زي جامعة أسيوط بتدخل الفيرست بعد مرور سنة من التسجيل يعني تسجل في أكتوبر وتدخل الفيرست في أكتوبر اللي بعده .
19- لازم تلف علي الأقسام علشان تعرف الكوريكيولم ( المقرر ) بتاع الفيرست لو مسجل ماجستير أو دبلومة حديثة وما تعتمدشي علي كوريكيولم بتاع سنة أبلها لأنه الأقسام تضيف حاجة أو تشيل حاجة .

20- لو انت مسجل ماجستير أو دبلومة حديثة هاتدخل السكاند بعد مرور سنة
من الفيرست أو ممكن سنة ونص في بعض الجامعات ولو مسجل دبلومة
قديمة في شهر أكتوبر مثلا يبقي هاتمتحنها في أكتوبر اللي بعده امتحان واحد


21- لو مسجل ماجستير فيه جامعات بتبدأ فيرست وبعد كده سكاند بعد كده رسالة وفيه جامعات تانية فيرست وبعد كده رسالة بعد كده سكاند .

22- فيه جامعات الرسالة بتاعتها عبارة عن مقالة ( essay ) ودي أسهل نوع
وفيه جامعات تانية الرسالة بتاعتها ( Thesis ) وفيه أوقات أقسام بتخلي الرسالة بتاعتها حاجة اسمها (**** analysis ) حسب سياسة كل قسم .

23- بالنسبة للدبلومة فيه نوعين من الدبلوم :


*دبلومة حديثة : دي بتتكون من جزئين فيرست وسكاند ونفس امتحانات الماجستير بالظبط لدرجة انه اللي بيمتحن ماجستير بيكون جنبك في الامتحان
بس اللي يفرقها عن الماجستير انه مفيهاش رسالة ولو حبيت بعد ما تخلصها
تخليها ماجستير يبقي تحضر رسالة وبس وبكده تبقي الدبلومة دي ماجستير .
والدبلومة دي هاتلاقيها في عين شمس وبنها وشبين وجامعات أخري .
* دبلومة قديمة : ودي جزء واحد بس وان شون ومش هاينفع تخليها ماجستير ودي هاتلاقيها في جامعة أسيوط وجامعات أخري .


وربنا يوفقكم ويكرمكم

من مواضيع د/ أحـمـد سـليمان في المنتدى

التوقيع
Nephrology
Long Journey
د/ أحـمـد سـليمان غير متواجد حالياً   رد مع اقتباس
The Following 2 Users Say Thank You to د/ أحـمـد سـليمان For This Useful Post:
dr\ (05-05-2012), د_محمد فتحى (02-26-2012)
Sponsored Links

قديم 06-03-2011, 05:13 PM   #2
عاشقة مصر
عضو جديد
 
تاريخ التسجيل: Jun 2010
المشاركات: 18
Thanks: 0
Thanked 1 Time in 1 Post
افتراضي سؤال عن النيابات والتحضير بالجامعات

أنا في موضوع ملخبطني
دلوقت لما ان شاء الله اخلص تكليفي وآجي اقدم على النيابة فرضا جات لي نيابة في محافظة معينة وليكن الشرقية يبقى الماستر بتاعي لازم يبقى في طب الزقازيق طب لو تقديري في المادة اللي واخده في النيابة مش ولا بد
يبقى ايه الموضوع
يعني المفيد ان لو جاتلي نيابة في مستشفى بمحافظة معينة التحضير بتاعي بيبقى فين ؟؟؟ هل هما ملزمين يوافقوا احضر في الكلية بتاعة المحافظة ولا بلف على الكليات اشوف الشروط بتاعة التحضير


انا حاسة ان سؤالي ستيوبد بس الموضوع قالقني
من مواضيع عاشقة مصر في المنتدى

عاشقة مصر غير متواجد حالياً   رد مع اقتباس
قديم 06-03-2011, 06:08 PM   #3
مؤمن عز الدين
الكلمة الطيبة صدقة
 
الصورة الرمزية مؤمن عز الدين
 
تاريخ التسجيل: Feb 2009
العمر: 28
المشاركات: 879
Thanks: 17
Thanked 167 Times in 94 Posts
افتراضي رد: سؤال عن النيابات والتحضير بالجامعات

اقتباس:
فرضا جات لي نيابة في محافظة معينة وليكن الشرقية يبقى الماستر بتاعي لازم يبقى في طب الزقازيق
لأ مش شرط
انتي بعد ما تستلمي النيابة بتقدمي على حاجة اسمها ( الترشيح الوزاري للماجستير ) ده تبع وزارة الصحة .. و بتكتب 3 جامعات بالترتيب .. يعني 3 رغبات .. بعد كده الوزارة بتطلع نتيجة الترشيح و انتي تشوفي الجامعة اللي هتروحيها .. و غالبا بإذن الله هيجيلك اول واحدة .. بعد كده تروحي الجامعة دي تشوفي شروطها .. لو نفعت اهلا و سهلا .. لو منفعتش .. بتروحي الجامعة اللي كانت رقم 2 و لو منفعتش بتروحي رقم 3 .. و لو كل ده منفعش ( فرضا يعني ) بتروحي الوزارة تقولي لهم ان الـ 3 جامعات مش موافقين عليكي و بتاخدي ورقة تقدمي بيها في جامعة غيرهم تكون شروطها مناسباكي
من مواضيع مؤمن عز الدين في المنتدى

مؤمن عز الدين غير متواجد حالياً   رد مع اقتباس
قديم 06-03-2011, 07:45 PM   #4
د/ أحـمـد سـليمان
استَعِينُوا بِاللّهِ وَاصبِروا
Allteb
 
الصورة الرمزية د/ أحـمـد سـليمان
 
تاريخ التسجيل: Jan 2009
العمر: 28
المشاركات: 5,342
Thanks: 82
Thanked 586 Times in 368 Posts
افتراضي رد: قواعد الترشيح الوزاري لتسجيل الماجستير

الامتحان في دور أبريل 2011 أو دور أكتوبر 2011 بيتوقف علي
لائحة الكلية اللي مسجلة فيها
فيه كليات بتسمح بدخول دور ابريل مباشرة يعني بعد مضي ست شهور علي التسجيل
وفيه كليات تانية بتشترط مرور سنة علي التسجيل عشان تقدري تدخلي امتحان الفيرست
عين شمس بتمتحن في ابريل
الازهر في ابريل
الصح انك تسألي الاول علي القسم وتشوفي هل قسم كويس ولا لا
وتعرفي كل حاجة عنه
لانه لو القسم وحش يبقي ممكن تاخدي وقت طويل في الفيرست
واسالي برده علي امتحان الفيرست بيكون امتي
بس اللي اعرفه انه معظم الجامعات بيكون امتحان الفيرست بعد مرور ست شهور من التسجيل
وممكن تشوفي قسم الماجستير هنا علي المنتدى أنا رفعت عليه لوائح الجامعات
وشوفي الجامعة اللي عاوزة تسجلي فيها بتمتحن الناس بعد ست شهور ولا سنة من التسجيل
وربنا يوفقك ويكرمك
من مواضيع د/ أحـمـد سـليمان في المنتدى

التوقيع
Nephrology
Long Journey
د/ أحـمـد سـليمان غير متواجد حالياً   رد مع اقتباس
قديم 06-03-2011, 09:35 PM   #5
عاشقة مصر
عضو جديد
 
تاريخ التسجيل: Jun 2010
المشاركات: 18
Thanks: 0
Thanked 1 Time in 1 Post
افتراضي رد: سؤال عن النيابات والتحضير بالجامعات

جزاك الله خير
من مواضيع عاشقة مصر في المنتدى

عاشقة مصر غير متواجد حالياً   رد مع اقتباس
قديم 06-26-2011, 06:34 PM   #6
pure spirit
" ترانيم سابقا "
Allteb
 
الصورة الرمزية pure spirit
 
تاريخ التسجيل: Jan 2009
المشاركات: 3,339
Thanks: 213
Thanked 366 Times in 289 Posts
افتراضي رد: قواعد الترشيح الوزاري لتسجيل الماجستير

موضوع مهم جدا
جزاكم الله خيرا
من مواضيع pure spirit في المنتدى

pure spirit غير متواجد حالياً   رد مع اقتباس
قديم 07-03-2011, 11:27 AM   #7
whitecoat
عضو جديد
 
تاريخ التسجيل: Jul 2010
المشاركات: 31
Thanks: 0
Thanked 0 Times in 0 Posts
افتراضي رد: قواعد الترشيح الوزاري لتسجيل الماجستير

انا جات لي نيابة اشعة وتقدير الباطنة بتاعي مقبول وتقديري العام جيد فهل الاحسن اقدم على ماستر ولا على زمالة افيدونينقرتين لعرض الصورة في صفحة مستقلة
من مواضيع whitecoat في المنتدى

whitecoat غير متواجد حالياً   رد مع اقتباس
قديم 07-03-2011, 07:31 PM   #8
whitecoat
عضو جديد
 
تاريخ التسجيل: Jul 2010
المشاركات: 31
Thanks: 0
Thanked 0 Times in 0 Posts
افتراضي رد: قواعد الترشيح الوزاري لتسجيل الماجستير

نقرتين لعرض الصورة في صفحة مستقلة
من مواضيع whitecoat في المنتدى

whitecoat غير متواجد حالياً   رد مع اقتباس
إضافة رد

الكلمات الدلالية (Tags)
للخبراء, لتسجيل, الماجستير, التامين, الترشيح, الحقونا, النيابات, الوزارى, استفسار, بالجامعات, بخصوص, تنطبق, ياهوه, سؤال, والتحضير, نواب, قواعد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 11:15 PM.


Powered by vBulletin Version 3.8.5
Copyright ©2000 - 2014, Jelsoft Enterprises Ltd
Translation by Support-ar
Style coding by: BBcolors.com