 06-24-2011, 09:36 PM | #1 |
| " ترانيم سابقا "   تاريخ التسجيل: Jan 2009 المشاركات: 3,339 Thanks: 211 Thanked 366 Times in 290 Posts | .gif){kind=icon} • دليلك لـ مستشفيات محافظة الدقهلية • السلام عليكم ورحمة الله وبركاته ان شاء الله فى الموضوع ده هنجمع كل اللى نعرفه عن المستشفيات التى تتبع مديرية الصحة بالدقهلية علشان يكون مرجع لكل أطباء التكليف قبل مايكتبوا رغباتهم هنجمع هنا كل المعلومات اللى ممكن تفيدنا سواء عن طريق البحث فى الشبكة العنكبويتة او تجربة شخصية لزملاءنا او معرفتنا الشخصية بأمور هذه المستشفيات نتمنى التفاعل ........ أولا موقع المحافظة وحدودها  ثانيا خريطة توضح مراكز المحافظة  المســتشفيــــات : أولا مستشفيات متعددة التخصصات : أ- القطاع العلاجى : عــــــــــــــــام المنصورة العام الجديد ( الدولى سابقا ) المنصورة العام القديم دكرنس العام مركـــــــــزى أ المنزلة السنبلاوين منية النصر المطرية أجا طلخا شربن نبروه ميت غمر الجمالية بلقاس مركـــــــــزى ب داماص الكردى جمصة شبرا سندى شبراهور ميت سلسيل المقاطعة اتميدة تمى الأمديد بنى عبيد ب- التأمين الصحى : المنصورة المبرة ثانيا مستشفيات أحادية التخصص : حميات المنصورة كلى ومسالك بولية ميت غمر رمد المنصورة صدر المنصورة نفسية دميرة أورام ميت غمر .... ياريت اى حد عنده معلومة عن المستشفيات دى يحطها هنا علشان يكون الموضوع شامل ويفيدنا كلنا بالتوفيق للجميع |
 |  |
| Sponsored Links |
| |
| 06-24-2011, 09:42 PM | #2 |
| " ترانيم سابقا " تاريخ التسجيل: Jan 2009 المشاركات: 3,339 Thanks: 211 Thanked 366 Times in 290 Posts |  رد: دليلك لـ مستشفيات محافظة الدقهلية مشاركة قيمة لدكتور مصراوى : معروف عندنا فى المنصوره ان مستشفى الجامعه والطوارىء هم اللى واكلين الجو هنا ومستشفيات الصحه دورها تعبان جدا ماعدا مستشفى المنصوره العام الجديد والمشهور بالدولى اللى ممكن نقول انها يعنى شغاله كويس بجانب الكبار بتوع الجامعه وسيطرتهم على المنصوره والمحافظه هنا يعنى لو بصينا على كل المستشفيات أنا بنصح أى حد انه يكتب الدولى بس لانها تقريبا الوحيده اللى ممكن نقول عليها مستشفى محترمه وشغاله وهاتقدر تتعلم فيها حاجه لكن المستشفيات المركزيه بتاعت المراكز الاخرى بصراحه مش قد كده ولو بصينا على أحسن الوحشين زى مابنقول ممكن نقول مستشفى طلخا أرحمهم لانها تعتبر كأنها فى المنصوره وممكن تكون شغاله شويه هى ومستشفى المنصوره العام القديم مع انى سمعت ان مستشفى المنصوره العام القديم هايلغوها وفعلا بعد لما كانت شايله يومين استقبال فى الاسبوع مع الطوارىء والدولى خلوها يوم واحد بس وقسموا باقى الاسبوع 3 أيام لكل من الطوارىء والدولى مستشفى التأمين بردوا معقوله مش وحشه ولكن معدل الشغل عليها مش كبير لكن المستشفى ماشاء الله كبيره ونضيفه جدا ومجهزه تجهيز كويس مستشفيات الصدر والحميات يعنى الشغل فيهم متوسط بردوا لان زى ماتفقنا الجامعه والطوارى هنا مسيطره على الجو .... هنحاول نجمع اكبر قدر من المعلومات عن جميع المستشفيات شاركونا,,, |
| | |
| 06-24-2011, 10:15 PM | #3 |
| " ترانيم سابقا " تاريخ التسجيل: Jan 2009 المشاركات: 3,339 Thanks: 211 Thanked 366 Times in 290 Posts | رد: دليلك لـ مستشفيات محافظة الدقهلية عناوين وتليفونات بعض المستشفيات مستشفى المنصورة العام الجديد العنوان : شارع المستشفى الجديد .. خلف الاستاد الرياضى .. المنصورة التليفون : 050/2215760 ... المستشفى العام القديم العنوان :شارع الجمهورية متفرع من شارع على باشا ابراهيم .. المنصورة التليفون : 050/2249222 ... مستشفى دكرنس العام العنوان : شارع مجلس المدينة , دكرنس , دقهلية تليفون : 050/7481120 فاكس : 050/7481130 ... مستشفى الكى والمسالك البولية : العنوان : شارع الحرية أمام المرور , ميت غمر التليفون : 050/6962999 ... مستشفى المنصورة للتأمين الصحى العنوان : شارع الجيش أول سندوب , المنصورة التليفون : 050/2223151 ... مستشفى المبرة للتأمين الصحى العنوان : شارع الحرية , ميت غمر |
| | |
| 06-24-2011, 10:36 PM | #4 |
| استَعِينُوا بِاللّهِ وَاصبِروا  تاريخ التسجيل: Jan 2009 العمر: 27 المشاركات: 5,343 Thanks: 82 Thanked 579 Times in 366 Posts | رد: دليلك لـ مستشفيات محافظة الدقهلية مجهود مشكور جزاكم الله خيرا إن شاء الله يكون مرجع لكل الزملاء و ياريت لو حد يعرف حاجة عن مستشفى كلى ميت غمر و مستشفى المنصورة القديم التوقيع NephrologyLong Journey |
| | |
| 06-24-2011, 10:59 PM | #5 |
| وبحب المنتدى تاريخ التسجيل: May 2009 المشاركات: 93 Thanks: 2 Thanked 8 Times in 8 Posts | Re: دليلك لـ مستشفيات محافظة الدقهلية جزاكم الله خيرا مجهود رائع التوقيع خاص لشكاوي الأعضاء واستفساراتهم وبديلا للرسائل الخاصة لا يري الموضوع سوي كاتبه والإدارة **** لا تنسونا من صالح دعائكم |
| | |
| 06-25-2011, 12:38 AM | #6 |
| " ترانيم سابقا " تاريخ التسجيل: Jan 2009 المشاركات: 3,339 Thanks: 211 Thanked 366 Times in 290 Posts | رد: دليلك لـ مستشفيات محافظة الدقهلية آراء منقولة عن أطباء فى بعض المستشفيات د.سبيسر , طب مصر : انا نايب فى جراحة العظام فى المستشفى الدولى الحضور والامضا مهم جدا .. وعادى جدا لو اتاخرت مثلا واتشطب عليك وكنت انت اصلا نباتشى وتكمل اليوم وانت متشطب عليك النباتشية 12 ساعة .. من 8 ص لـ 8 بالليل والعكس نباتشية بالليل احلى وقت فى المستشفى شغل خفيف .. مفيش زيارة ومشاكل من اهل المريض ومصرح لك ماتجيش الصبح قبل نباتشية بالليل وتمضى تانى يوم الصبح وتمشى .. الا طبعا لو وراك شغل تانى واغلب الاحيان بيكون وراك مثلا نباتشيتين ورا بعض او وراك تانى يوم عيادة او عمليات الاول نباتشية بالليل كانت فلوسها اكتر من الصبح بس حاليا من اول الشهر ده قالوا لنا اللايحة بتاعتنا هتكون زى باقى مستشفيات الصحة زى العام .. بس لسه ماشفناش حاجة اسوا قسمين فى المستشفى هما الجراحة والعظام شغل ديرتى للركب ... الريت عالى جدا والعمليات تعليقى انها "معقولة" .. فى العظام مثلا العمليات من السبت للخميس ... عدا الاربعاء مناظير وبيعملوا فى اليوم حوالى اربع حالات فقط ولازم اسبوعيا بيكون فيه عدد من الحالات اتأف واتاجل من الليستة لاسباب مختلفة ومع الريت العالى .. تلاقى الحالات تتراكم عندك فى القسم وعيش يامعلم فى الغيارات وغيره .. وخاصة مفيش حالة تخش العمليات الا لما الجرح ينشف ومايكونش مسبتك وتلاقى نفسك وانت اعمال قسم مطلوب منك ترد على استغاثات المريض واهله ان المريض بقى له اسبوعين او تلاتة او اربعه او شهر او شهر ونص ولسه مادخلش العمليات المدير اهم حاجة يعلق عليها الرسميات .. البالطو ... البادج على البالطو مهم جدااا عمل مشكلة قبل كده فى عيادة العظام لانه منـبّه ان اللى يغير على الحالات هوه الطبيب وليس الممرض .. وعايز طبيب دايما فى اوضة الغيار فى العيادة .. وطبيب دايما فى اوضة الجبس فى الاستقبال طبعا بيحصل تحايل فى الموضوع ده .. نباتجية النهار "اعمال قسم" بتخلينى اكره القسم و المستشفى شغل السنيوريتى والافلام المنفسنة دى .. موجوده بلاشك العمليات بتتذل بيها عشان تدخل مش حتى تشتغل فيها والظريف ان الاكبر منك شايفين ان عادى جدا انك تنطرد بشكل ظريف من العمليات رغم انك فى اليوم ده جدولك عمليات ودى مرحلة وكلنا عدينا بيها .. ومشى حالك وسايس امورك وعمار يامصر ... بالتعليم الطبى المتخلف اللى اصبح واقع مقبول خلى بالك انا معايا مثلا نواب جايين من مستشفيات تانية اقل فى المستوى زى مثلا مستشفى نبروه .. وقيس على كده السنبلاوين ودكرنس وجاى شايف انه المستشفى الدولى نعمه وفيها شغل جامد عن المستشفيات دى لو بتفكر فى انك تحضر اقل عشان تظبط برايفت عليك بالمستشفى العااام دمااااغ .. |
| | |
| 06-25-2011, 12:49 AM | #7 |
| " ترانيم سابقا " تاريخ التسجيل: Jan 2009 المشاركات: 3,339 Thanks: 211 Thanked 366 Times in 290 Posts | رد: دليلك لـ مستشفيات محافظة الدقهلية استكمالا للحديث عن المستشفى الدولى (العام الجديد) amany2010 , طب مصر : تخصص الكلى مستشفى المنصوره الدولي من افضل مستشفيات الدقهليه في شغل الكلى وتتميز بوجود غسيل طوارىء وتركيب القساطر و العدد الكبير لمكن الغسيل drdrvagus , طب مصر : تخصص النسا الحضور والأنصراف هناك شديد جدا وبالنسبة للريت ايام وايام انا قضيت امتيازي هناك وبصراحة الدكاترة هناك متعاونين وبيعلموا ودلوقتي اصبحت استقبال 3 ايام في الأسبوع لذلك الريت ايام يكون عالي وايام يكون قليل |
| | |
| 06-25-2011, 12:56 AM | #8 |
| " ترانيم سابقا " تاريخ التسجيل: Jan 2009 المشاركات: 3,339 Thanks: 211 Thanked 366 Times in 290 Posts | رد: دليلك لـ مستشفيات محافظة الدقهلية مستشفى شبرا سندى مركزى تخصص الأطفال فيها : اللي أعرفه أطفال شبراسندي تيع السنبلاوين دقهليه مفيش فيها تعليم خالص وهتشيل نبطشيات استقبال برده طبعا غير انها بعيده عنك ومواصلاتها عربيات وحشه نص نقل متغطيه من ورا بقماش أو خشب ....... منية النصر- جمالية - منزلة - مطرية ابعد نهائيا عن دول مفيش تعليم مواصلات سيئه جدا اقرب واحده فيهم ساعه من المنصوره |
| | |
| 06-25-2011, 01:02 PM | #9 |
| " ترانيم سابقا " تاريخ التسجيل: Jan 2009 المشاركات: 3,339 Thanks: 211 Thanked 366 Times in 290 Posts | رد: دليلك لـ مستشفيات محافظة الدقهلية مستشفى دكرنس العام تخصص المبتسرين : يوجد حضانة الاشعة : x-ray وسونار فقط ولا يوجد CT الجراحة : يوجد غرفة للعمليات الكبرى وأخرى للعمليات الصغرى وعيادة للغيار وعيادة جراحة عامة وقسم للطوارئ والاستقبال النسا : قسم للنسا وغرفة عمليات وكشك ولادة وعيادة خارجية وعيادة لتنظيم الاسرة وبها سونار الروماتيزم والتأهيل : يوجد مبنى كامل لهذا التخصص العظام : قسم داخلى , عيادة خارجية , واستقبال عظام الأطفال : قسم داخلى , عيادة خارجية الباطنة : قسم داخلى , ICU ,CCU وعيادة خارجية الكلى الصناعى : يوجد وحدة غسيل كلوى وطبيب الكلى بيشتغل باطنة عامة وبيشيل استقبال أفضل أقسام المستشفى على الاطلاق من حيث التعليم والامكانيات النسا والروماتيزم والتأهيل |
| | |
| 06-25-2011, 03:04 PM | #10 |
| استَعِينُوا بِاللّهِ وَاصبِروا تاريخ التسجيل: Jan 2009 العمر: 27 المشاركات: 5,343 Thanks: 82 Thanked 579 Times in 366 Posts | رد: • دليلك لـ مستشفيات محافظة الدقهلية • جزاكم الله خيرا في انتظار المزيد التوقيع NephrologyLong Journey |
| | |
 |
| مواقع النشر (المفضلة) |
| الكلمات الدلالية (Tags) |
| محافظة, مستشفيات, الدقهلية, دليلك |
« الموضوع السابق | الموضوع التالي »
| أدوات الموضوع | |
| انواع عرض الموضوع | |
العرض العادي
|
|
 المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| • دليلك لـ مستشفيات محافظة الشرقية • | د/ أحـمـد سـليمان | ° أطباء التكليف و النواب ° | 49 | 07-08-2012 06:04 PM |
| • دليلك لـ مستشفيات محافظة المنوفية • | Dr\White Angel | ° أطباء التكليف و النواب ° | 40 | 07-03-2012 07:54 PM |
| >< دليل مستشفيات مصر كلها >< | dr_hero | ° أطباء التكليف و النواب ° | 78 | 03-14-2012 05:35 AM |
| °•.♥.•° دكاترة تكليف الدقهــلية °•.♥.•° | pure spirit | ° أطباء التكليف و النواب ° | 75 | 05-16-2011 10:01 PM |
الساعة الآن 09:21 AM.