النصائح

آخر المشاركات
         :: تحميل عملاق الحماية Bitdefender 2015 كامل مع الكراك (آخر رد :سامح عواد)      :: تحميل برنامج كاسبر باصداريه Kaspersky 2015 (آخر رد :سامح عواد)      :: تحميل برنامج مشاهدة القنوات المشفرة على النت 2014 كامل ماى ايجى (آخر رد :سامح عواد)      :: يارب حد يجاوبنى يارب (آخر رد :hebatollah)      :: ""خـــــواطِـــر في رمــضـــان " (آخر رد :drmaiyahmed)      :: عاجل وضرورى جزاكم الله خيرا (آخر رد :ahmed yasser)      :: سألت نفسي عن أسعد لحظة عشتها ..؟؟ (آخر رد :انصر النبى محمد)      :: إن الحيوان ليعلم الحلال من الحرام. !!! (آخر رد :انصر النبى محمد)      :: أذكار الصباح والمساء .. ارفع هذا الموضوع كل صباح ومساء ليعمّ الأجر (آخر رد :drmaiyahmed)      :: سألت نفسي عن أسعد لحظة عشتها ..؟؟ (آخر رد :انصر النبى محمد)     


العودة   كل الطب أكبر منتديات طبية عربية 6 أعوام من العطاءAllteb 6 Years of Donation > الأطباء بعد التخرج Postgraduate doctors > ° التـخـصـصـات والـمـراجــع الطـبـية ° > Internal Medicine > Cardiology

الملاحظات

Cardiology تخصص أمراض القلب و الأوعية الدموية

إضافة رد
قديم 01-14-2012, 01:23 AM   #1
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
Thanks: 326
Thanked 416 Times in 219 Posts
افتراضي شرح الـــ""Ecg "" بالعربى ,, خطوة بخطوة

^
^
^
^
^
^


السلام عليكم ورحمة الله وبركاته ,,

ربما موضوعات الـــ ecg كتيرة فى المنتدى لكن الشرح دة فاهمنى أ ...ب ecg فلعله ينفع حد لسه بيتعلم زيى ,,

شرح مبسط أوى بالعربى


هنزل كل جزء شرح فى رد منفصل ورا بعض كلهم إن شاء الله ,,


وطبعاً الموضوع منقول
فجزى الله كاتبه خيراً

__________________________
بعد الأساسيات دى فى الموضوع دة يمكن المراجعة تانى من الباوربوينت دة لدكتورة ذكرى من موضوعها يلا نترجم ورقةالـــ Ecg

http://www.mediafire.com/?gyewe3uu6pq955o


وبعد المراجعة بقى خلاص وثبات المعلومات الأساسية يمكن مراجعة كل مرض مرض لوحده شكله ازاى من اللينك دة

http://en.ecgpedia.org/wiki/De_Voogt_ECG_Archive

وفقكم اللهُ جميعاً

نسألكم الدعاء ,,

وتم فتح الموضوع بعد طول غلق ,,

يتبع ,,
من مواضيع Dreamy Doctor في المنتدى

التوقيع
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
The Following 2 Users Say Thank You to Dreamy Doctor For This Useful Post:
مجنونة كراميش (09-10-2013), الطب بسمة (09-10-2013)
Sponsored Links

قديم 01-14-2012, 01:26 AM   #2
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
Thanks: 326
Thanked 416 Times in 219 Posts
افتراضي رد: شرح الـــ"" ecg "" بالعربى ,, خطوة بخطوة

نقرتين لعرض الصورة في صفحة مستقلة


نقرتين لعرض الصورة في صفحة مستقلة


ECG course - Chapter 1 - Session 1: Introduction to ECG:
..........................
............................

السلام عليكم :)


بدون مقدمات و تفاصيل كتير .. إن شاءا لله تتابعونا ف الكورس ده و يا رب كلنا نستفيد إن شاء الله .. بس قبل ما نبدأ فيه رجاء هنطلبه منكم .. يا ريت كلنا نعمل شير للصور بتاعة الكورس و تحطها على قد ما نقدر ف الجروبات و الصفحات الطبية اللى احنا مشتركين فيها .. عسى إن ربنا يتقبل منك ومننا ثواب صدقة جارية و علم ينتفع به ..


نبدأ بسم الله :)


....


المشكلة بتاعة الإى سى جى عندنا كلنا إن لما كان بيبدأ شرحه لنا كنا بنفضل مثلا كل مرة كذا محاضرة ف المقدمة و كلام فيزيائى صعب و تخيلات و كدة .. و ده كان بيخلينا نزهق و ما نكملش ، و حتى كتب شرح الإى سى جى كلها كدة تقريبا .. و دى طبعا حاجة محترمة جدا لكن الفكرة اننا كشعب متعودين اننا "ننجز" و عايزين الخلاصة على طول ما عندناش صبر ..


و هنا هنشرح بالطريقة دى .. هنقول الخلاصة الأول إن شاء الله و بعد ذلك هنشرح برضه التفاصيل الفيزيائية بتاعة الموضوع بقدر الحاجة .. و ده مع إنه مش الأسلوب الأمثل لكنه للأسف الأنسب عشان نرضى نتعلم ..



............

Rule no.1:
............
الإى سى جى ده .. عبارة عن جهاز جلفانوميتر .. له مؤشر .. بيقيس الكهرباء بتاعة القلب أو بمعنى أصح بيقيس فرق الجهد بين نقط معينة .. و طبعا فرق الجهد ده متغير باستمرار لأن القلب بيطلع فيه موجة كهربية تخليه ينقبض ف الإنسان العادى من 60 إلى 70 مرة ف الدقيقة بالتالى فرق الجهد ده بيتغير كل ثانية و ف كل نقطة ف القلب .. و بالتالى المؤشر بتاع الجهاز بيفضل يلعب طول الوقت وما بيثبتش على حال أبدا ..

راس المؤشر بتاعة الجهاز بالبلدى كدة كإنهم حطوا فيها قلم حبر .. و مشوا بكرة ورق بحيث إن الحبر يتكتب .. و أصبح كل ما فرق الجهد مثلا يبقى موجب يقوم المؤشر طالع لفوق و البكرة تمشى يقوم راسم شكل معين .. و لما يبقى فرق الجهد سالب السهم يقوم نازل لتحت و الحبر يرسم شكل معين .. و الشكل ده العلماء مع مرور الزمن عرفوه و عرفوا لما القلب يكون طبيعى الشكل يبقى ازاى و لما يكون فيه مشكلة الشكل بيتغير ازاى و ف أنهى جزء بالظبط ..


يعنى باختصار .. لما تحصل لخبطة ف وظيفة القلب .. بتأثر على فرق الجهد اللى بيقيسه الجهاز .. و بالتالى الجهاز يرسم شكل معين احنا عارفينه و لما نشوفه هنقول "خلاص ما دام فرق الجهد الكهربى مرسوم بالشكل الفلانى يبقى القلب حصلت فيه لخبطة ف الحتة الفلانية" ..


ده باختصار فكرة عمل الإى سى جى .. و مش حابين ندخل ف تفاصيل فيزيائية أكتر من كدة دلوقتى ..



............

Rule no.2:
............
موجة الكهرباء اللى بتطلع ف القلب ف الإنسان العادى بتطلع من الـ
SA node in the right atrium
و بتمشى بعدها فى الـ
AV node
عشان بعدها تمشى فى الـ
ventricles

و طبعا ف الإى سى جى بيتم التعامل مع الـ

2 ventricles
انهم واحد لأنهم بينقبضوا سوا .. و كذلك مع الـ
2 atria
يعنى الجهاز بيقرا كإن عندى
1 atrium & 1 ventricle


............

Rule no.3:
............
الموجات بتاعة الإى سى جى بتبقى بتمثل الآتى (انظر الصورة "مقتبسة من كتاب
ECG made easy")

P wave = atrial depolarization

QRS complex = ventricular depolarization
T wave = ventricular repolarization

و طبعا الـ atrial repolarization

مفيش لها موجة بتمثلها .. لأننا عارفين ان ترتيب الأحداث ف القلب ان يحصل
1- atrial depolarization (P-wave)
و ينقبض الـ atrium

2- و بعدين يحصل ventricular depolarization (QRS-complex)

و ده بيحصل ف نفس اللحظة اللى بيحصل فيها
atrial repolarization
لكن لأن الكهرباء تحت ف الـ
ventricles
أعلى .. فهى اللى بتبان على هيئة
QRS

3- بعدها يحصل

ventricular repolarization = T-wave

ثم نلاقى خط بيمثل الفترة اللى مفيش فيها موجات لأن ممنوع يحصل فيها انقباض .. بتبقى فترة راحة اسمها

absolute refractory period

يعنى باختصار .. ف الإنسان الطبيعى الأذين بينقبض (و البطين مش منقبض عشان يملا منه) ثم البطين ينقبض (ف أثناء ما الأذين مريح لأنه ما ينفعش ينقبض و البطين منقبض و إلا هيودى الدم اللى فيه فين؟) ثم يحصل فترة استرخاء للاتنين ثم تبدأ الدورة تانى ..


يعنى ..

P wave - QRS complex - T wave - then another cycle


............

Rule no.4:
............
How to calculate heart rate?

باختصار كدة .. الثانية على الشريط بتساوى 5 مربعات كبار .. يعنى الدقيقة فيها 300 مربع كبير .. و انا عايز احسب كام دقة ف الدقيقة ..


يبقى انا بافتراض ان النبض منتظم .. بشوف المسافة بين الآر و اختها كام مربع كبير .. و اقسم 300 على عدد المربعات هيطلع لى الـ heart rate


مثلا نبص ف الصورة .. هنلاقى 5 مربعات كبار بين كل آر و اختها .. يعنى لما نقسم 300 على 5 هيطلع الناتج 60 .. و أصلا احنا قلنا من شوية ان الثانية بتمثلها 5 مربعات .. يعنى هو كل ثانية فيه دقة يبقى القلب ده بيدق 60 مرة ف الدقيقة ..


يعنى بنعد المربعات و نقسم 300 ع العدد اللى نطلعه ..


............



يتبع ,,



من مواضيع Dreamy Doctor في المنتدى

التوقيع
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
The Following 2 Users Say Thank You to Dreamy Doctor For This Useful Post:
"إيمان" (01-17-2012), dr/koko (02-24-2012)
قديم 01-14-2012, 01:31 AM   #3
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
Thanks: 326
Thanked 416 Times in 219 Posts
افتراضي رد: شرح الـــ"" ecg "" بالعربى ,, خطوة بخطوة

نقرتين لعرض الصورة في صفحة مستقلة




ECG course - Chapter 1 - Session 2: Introduction to ECG leads:
..........................
..................................

فاكرين المشهد المشهور اللى كان ممثل فيه بيسأل التانى "العروسة كويسة ولا إيه" رد قال له "معظمها كويس" :) ..

طب بلاش ده .. حبايبنا اللى بيمشوا يعاكسوا البنات مش كتير قوى يمشى ورا واحدة و يفضل "يا حلو يا قمر يا جميل بس انت ترضى بس" تقوم باصة له كدة يتخض و يجرى ؟!!

ده لأن تقييمه كان من زاوية واحدة .. مع إن ممكن تشوف حاجة من زاوية زى الفل تبص لها من زاوية تانية تقول لها "انصرف"

(طبعا ده ما نقصدش بيه المعاكسات و اننا بنشجع عليها و بتاع .. معلش أصل احنا شعب مريض بالتخوين و التكفير)

....

ليه المقدمة دى؟

لأننا عايزين نقول ان القلب ده جسم ثلاثى الأبعاد .. بينما فرق الجهد اللى بيتقاس هو بيقيس بين نقطتين يعنى خط مستقيم ثنائى الأبعاد .. بالتالى ممكن تقيس فرق الجهد بين نقطتين ف القلب مفيهمش مشكلة ف توصيل الكهرباء و يطلع طبيعى بينما فيه نقطتين تانيين فيهم مشكلة كبيرة لكن مش هيكتشفوا إلا لما تحط الـ
electrodes
بتاعة الجهاز بحيث إن يكون بينهم خط مستقيم يمر بالنقطة اللى فيها مشكلة التوصيل الكهربى ..

بالظبط زى ما بنقول لك "خد بالك يا عم الحاج و انت بتعاكس .. ممكن تبان من ضهرها هيفاء وهبى لكن تتلفت لك تلاقيها الشاويش عطية" .. بص من كل الزوايا عشان ما تتضربش ع الفاضى

....

من هنا جت فكرة الـ
ECG leads

يعنى بدل ما نبص ع القلب من زاوية واحدة .. لأ نبص عليه من زوايا كتير .. عن طريق وضع الـ
ECG electrodes
ف أماكن على الجسم تخلي يترسم بينهم خطوط كهربية كتير كل خط منها يمر خلال نقطة معينة من القلب بحيث إننا نغطى أكبر قدر من النقط ..

و طبعا ده معناه إن كان هيحصل عدد لا نهائى من الخطوط لأن القلب كجسم ثلاثى الأبعاد هيحصل فيه كدة (تخيل ان عندك لمونة و رحت خايب خلة سنان و عديتها فيها .. ممكن تعدى فيها بتاع 20 خلة مثلا لأنها مجسمة .. فما بالنا بالقلب اللى كل مللى مربع فيه ممكن اعدى فيه خط وهمى كهربائى؟؟)

بالتالى اجتمع الرجالة ف قعدة عرب .. و اتفقوا ان يتم الاكتفاء بـ 12 خط .. 6 خطوط رأسية و 6 خطوط أفقية .. يوضحوا 99.99% من المشاكل اللى ممكن تحصل ف القلب بمنتهى القطع ..

يعنى 6 خطوط كإنها شقوه من الراس للرجلين و سموهم
limb leads
و 6 خطوط كإنهم طعنوه بسكاكين ف الصدر (أفقية) و سموهم
chest leads

و الصورة اللى موجودة (مقتبسة من فيديوهات فيزوفا) بتوضح مبدئيا الـ 12 خط دول بس بشكل كروكى يعنى ما حدش يقلق انه مش عارف يتخيلهم .. احنا أصلا هناخد فيهم شوط حلو إن شاء الله ف شرحهم فما حدش يقلق ..

و ف الصورة متوضح إن الـ
chest leads
متلونين باللون الأحمر و معاهم واحد زيادة من الـ
limb leads

....
يتبع ,,

من مواضيع Dreamy Doctor في المنتدى

التوقيع
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
قديم 01-14-2012, 01:35 AM   #4
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
Thanks: 326
Thanked 416 Times in 219 Posts
افتراضي رد: شرح الـــ"" ecg "" بالعربى ,, خطوة بخطوة

نقرتين لعرض الصورة في صفحة مستقلة



ECG course - Chapter 1 - Session 3: Normal ECG .. overview:
..........................
................................

تفتكروا الدوخة اللى دخناها المرة اللى فاتت و احنا عمالين نقول "نبص من كل الزوايا عشان الشكل ممكن يكون من زاوية رائع لكن من زاوية تانية زفت" .. هل ده كان من غير هدف؟


أظن إن دى هى القاعدة الذهبية ف الإى سى جى أصلا .. سواء كان طبيعى أو مش طبيعى .. و خلينا نوضح الكلام بمثال تانى ..


لو انت باصص على واحد من فوووق .. مش انت هتشوفه مجرد نقطة؟


طب مش لما تشوفه من قريب .. تقدر تعرف هو طويل ولا قصير .. تخين ولا رفيع؟؟


طب لو بصيت له من وشه .. مش ساعتها تقدر تقول هو عندة كرش ولا لأ؟


طب مش لما تبص له من الجمب .. مش ساعتها تقدر تعرف ضهره مقوس ولا لأ؟


و أهو هو هو نفس الشخص .. و على فكرة ف كل الحاجات دى هو مش مريض ولا حاجة كل ما فى الأمر إنك بتبص له من زوايا مختلفة و ف كل زاوية شكله بيبقى مختلف جزئياً لكن ف الحدود المسموح بيها فسيولوجيا ما هواش مريض يعنى و ما هواش شخص تانى ..


و القلب نفس الكلام ..


....


لما اتكلمنا المرة اللى فاتت عن الـ

ECG leads
بشكل مبدئى ..

قلنا إن كل واحد منهم بيبص ع القلب من زاوية .. و بالتالى كل واحد منهم بيقيس فرق الجهد من زاوية معينة .. و طبيعى يكون فيه اختلافات بينهم !! بالظبط كإن كذا بنت واقفين قدام فستان كل واحدة منهم بتقول وجهة نظرها فيه و اللى مختلفة أكيد عن غيرها لكن ده لا يعنى إن الفستان مقطوع أو محروق أو فيه حاجة غلط ..


خلينا دلوقتى نبص ع الصورة .. دى فيها والله العظيم

Normal ECG !!

لكن لو ناخد بالنا .. كل ليد منهم قايس فرق الجهد من الزاوية اللى هو باصص منها و بالتالى راسم شكل مختلف بعض الشئ عن أخوه اللى باصص من زاوية تانية .. لكن كلللللللللهم صح !! زى ما العروسة ممكن يتقدم لها 15 واحد ترفض 14 و توافق على واحد مع إنه ممكن يكون أوحش واحد فيهم لكن هى آراء على رأى محمد هنيدى !! (إحنا بنهزر يعنى مين اللى هييجى لها 15 عريس يعنى :P)


....


يعنى اللى نقصده .. إن الصورة اللى عرضناها ف أول مرة خالص ف الكورس .. هى صورة كلاسيكية لرسمة إى سى جى طبيعية لكنها مش بتبان بهذا الشكل ف كل الليدز .. كل واحد منهم بيبقى له رسمه مختلفة نسبيا ..


طب إيه اللى يحدد لى الرسمة طبيعية ولا لأ؟


بيحدد لى ده قواعد عامة هناخدها إن شاء الله .. تحدد شكل كل جزء و كل ليد .. و على فكرة ما حدش يتخض و يفتكر انه هيحفظ 12 إى سى جى .. والله الموضوع أتفه من التفاهة و مش هتحفظهم .. انت لما تفهم القاعدة الكهربية اللى بيترسم بيها هتعرف بمنتهى السهولة تتوقع شكلهم .. و هى قاعدة سهلة قوى قوى قوى هنتكلم عليها ف آخر البوست .. و هنطبقها ف الشابتر الجاى إن شاء الله ..


فما حدش يتخض انه بعد ما افتكر انه بقى يعرف يقرا الـ

Normal ECG
قام باصص ع الصورة المرة دى ما عرفش يقرا حاجة و ما لقاش رسمة شيه اختها ولا حتى رسمها شكلها طبيعى أو زى ما هو متعود !!

احنا بنقول لك ان شاء الله ما تقلقش و ف خلال أيام بإذن الله لو تابعت معانا مش هيفوت آخر الأسبوع إن شاء الله غير و انت فاهم كل مللى ف الإى سى جى اللى انت شايفه قدامك ده ..


بس قبل ما نمشى .. عايزينك تحفظ قاعدة كدة .. هى دى القاعدة اللى بيمشى بيها الإى سى جى و أهم قاعدة و هى فكرة عمل الجهاز أصلا و مفتاح تفسير رسم القلب .. اعرفها بالاسم كدة بس و ملكش دعوة هنفهمها قدام و هى دى أصعب حتة ف الإى سى جى:


............

Rule no.5
............

لما الـ

depolarisation wave
تمشى ف اتجاه الليد - أى ليد من الـ 12 -
الجهاز هيرسم موجة لفوق

و لما تمشى عكس الليد - أى ليد - هيرسم موجة لتحت ..


يعنى لو التيار ماشى من اليمين للشمال .. و فيه ليد يمين و ليد شمال .. فالليد اللى ع الشمال هيرسم موجة لفوق (ما الكهرباء جاية عليه) و فى المقابل ف نفس اللحظة الليد اللى ع اليمين هيرسم موجة لتحت (ما الكهرباء بتبعد عنه) ..


و الحكاية دى هى السبب ف الاختلاف بين الموجات ف نفس اللحظة .. و ده سبب اختلاف الشكل بين كل الليدز لأن الكهرباء ماشية ف اتجاه معين بينما الليدز كل واحد منهم باصص من اتجاه مختلف فبيرسم نفس الكهرباء لكن بشكل مختلف .. ليد يبقى كله فوق و ليد يبقى كله تحت و ليد ف النص لا كدة ولا كدة و ليد حبة فوق و حبة تحت :) كدة يعنى ..


............

Rule no.6
............

اعرف مؤقتا كدة .. ان الـ

T- wave
بتبقى غالبا تابعة لنفس الاتجاه بتاع
الـ QRS
اللى معاها ف نفس الليد .. يعنى لو هو لفوق هى هتبص معاه لفوق ولو هو لتحت هى هتبص معاه لتحت

و ما تتعبش نفسك دلوقتى فى محاولة التفكير فيها جت منين .. هى لها شرح فيزيائى يمكن نقوله قدام ان شاء الله .. المهم اعرفها كدة دلوقتى مؤقتا لأن شرحها هيلخبطك قوى ف المرحلة دى ..


....


يتبع ,,

من مواضيع Dreamy Doctor في المنتدى

التوقيع
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
يا Dreamy Doctor قام الأعضاء بشكرك علي هذه المشاركة المفيدة:
dr/koko (02-24-2012)
قديم 01-14-2012, 03:56 PM   #5
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
Thanks: 326
Thanked 416 Times in 219 Posts
افتراضي رد: شرح الـــ"" ecg "" بالعربى ,, خطوة بخطوة

نقرتين لعرض الصورة في صفحة مستقلة


ECG course - Chapter 1 - Session 4: Revision:
..........................
..............

دلوفتى هنراجع على اللى فات عشان نتأكد من إننا استوعبنا معظم اللى فيه - ما تقلقش خالص لو لقيت نفسك مش عارف تتخيل كل اللى اتقال قبل كدة صدقنى هتتخيله ان شاء الله دلوقتى سواء ف المراجعة أو ف التطبيق العملى اللى جاى إن شاء الله ..


فى القاعدة الأولى: كنا وضحنا فكرة عمل الإى سى جى و إنه جلفانوميتر بيقيس فرق الجهد بين نقط و يرسم ده على الورق .. و من خلال قرايتنا للرسم ده نقدر نتوقع فيه مشكلة ولا لأ ..


و بعدها قلنا إن نظرا لأن القلب ثلاثى الأبعاد .. فاحنا اقترحنا اننا نبص عليه من زوايا كتير عشان ممكن من زاوية يبقى تمام و من زاوية تانية يبقى فيه مصيبة .. و اقترحنا 12 زاوية يتحط عليهم 12 ليد يترسم بينهم خطوط كهربية وهمية تمر تقريبا بـ 99.9% من القلب ..


و قلنا بعد كدة ان الـ 12 ليد دول هيبقى منهم 6 رأسى اسمهم

limb leads
و دول يقيموا القلب كإنه شقيته من فوق
(انظر الصورة المرفقة)
و منهم 6 أفقى هيبقى اسمهم
chest leads
و دول كإنى شقيته من قدام لورا
(انظر الصورة المرفقة)
"الصورة مقتبسة من فيديوهات فيزوفا"
....

و قلنا كمان ف القاعدة التالتة إن الموجات عندى عبارة عن

P-wave = depolarisation of atria
QRS = depolarisation of ventricles
T-wave = repolarisation of ventricles

و قلنا إن مفيش عندى

wave
تمثل
atrial repolarisation
لأنها بتحصل ف نفس الوقت بتاع
ventricular depolarisation (QRS)
و طبيعة الجهاز إنه بيقرا فرق الجهد الأعلى و ما بيقراش الأقل ..

....


بعدها قلنا إن أيوة شكل الموجات تقريبا بيبقى واحد لكنه بيختلف بعض الشئ من ليد للتانى حسب اتجاه الموجة الكهربية فى اتجاه الليد ولا بعيد عنه ، و حسب نوع الموجة هل هى

depolarisation
ولا
repolarisation
و نظرا لأن القاعدة دى فعلا صعبة و بتلخبط فاللى ما استوعبهاش كويس ما يقلقش احنا هنكررها ف كل مرة بنشرح فيها ليد .. المهم بس نبقى متفقين على المبدأ

و يلا نبدأ بقى شرح الـ

Limb leads




يتبع,



من مواضيع Dreamy Doctor في المنتدى

التوقيع
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
قديم 01-17-2012, 05:59 PM   #6
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
Thanks: 326
Thanked 416 Times in 219 Posts
افتراضي رد: شرح الـــ""ecg "" بالعربى ,, خطوة بخطوة

نقرتين لعرض الصورة في صفحة مستقلة



ECG course - Chapter 1 - Session 5: Introduction to limb leads:
..........................
..................................

هنا مش هنشرح .. هنا هنسيبكم تشرحوا انتم :)


لما نبص للصورة .. دى رسمة كروكى للقلب و فيها سهم الرعد ده بيدل على اتجاه الكهرباء الإجمالى ف القلب فى المقطع الرأسى اللى بينناه ف الصورة بتاعة البوست اللى فات (ده اسمه الـ

Cardiac axis
على فكرة)

و متوضح عليها اتجاه الليدز .. كل واحد منهم الإلكترود اللى بيستقبل التيار بيبقى مكانه مثلا نفترض انه مكان الرسم البيانى كدة .. يعنى القلب بيشع كهرباء و دول ملفوفين حواليه بيستقبلوها كل واحد منهم بيستقبلها من مكانه ..


مطلوب مننا - على قد ما نقدر يعنى - نتوقع اشمعنى الشكل ما بين

Lead II
و بين
aVR
تحس انه معكوس كإنه مفروض يتقلب لفوق و يتبص له ف المراية؟؟

كل واحد مننا يتوقع كدة .. نعتبر ده سؤال الحلقة :) و الإجابة عنه المرة الجاية إن شاء الله بالتفصيل ..


و بالجزء ده .. نبقى خلصنا تقريبا الفصل الأول من الكورس :) أيوة لسة ما خلصناش الـ

Normal ECG
لكن هنكمله إن شاء الله مع شرح الـ
abnormal ECG
اللى هنبدأ فيه المرة الجاية إن شاء الله .. :)




يتبع ,
من مواضيع Dreamy Doctor في المنتدى

التوقيع
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
قديم 01-17-2012, 06:04 PM   #7
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
Thanks: 326
Thanked 416 Times in 219 Posts
افتراضي رد: شرح الـــ""ecg "" بالعربى ,, خطوة بخطوة

نقرتين لعرض الصورة في صفحة مستقلة


ECG course - Chapter 2 - Session 1: Cardiac axis:
..........................
.................................

بمراجعة بسيطة لـ

Rule no. 5
هنلاقى إننا اتفقنا إن:

لما الـ

depolarisation wave
تبقى ماشية ف اتجاه ليد معين هيترسم لفوق
(positive يعنى)
و ف نفس اللحظة فيه ليد تانى ع الناحية التانية هيترسم لتحت لأن الـ
depolarisation wave
بتبعد عنها ..

وهو ما اتضح فى البوست اللى فات .. لما سألنا سؤال:

ليه
Lead II
كله لفوق (positive)
و فى المقابل قصاده ع الناحية التانية
Lead aVR
كله كان مرسوم لتحت (negative)

....


من هنا ده يدينا استنتاج بسيط كدة ..


إن إذا كانت الكهرباء لما تتوجه لليد تماما على خط مستقيم هيبقى الرسم لفوق (زى ليد 2 كدة) .. و إذا كانت هتبعد عن حد تماما هيبقى الرسم لتحت ..


إذا فالمنطق يقول إن لو فيه ليد ف النص ما بين الاتنين .. يبقى الرسم اللى فيه هيبقى نصه فوق و نصه تحت :)


و ده بالظبط اللى حاصل ف ليد

aVL

(يا ريت نبص ع الصورة دلوقتى)


لو نبص على مكانه هنلاقى إنه بالظبط تقريبا واقع على زاوية 90 مع

Lead II
و نظرا لأن محصلة القوى الكهربية
(اللى هو السهم الازرق - cardiac axis)
نظرا لانه ف الرسمة هنا متوجه تقريبا بالظبط على استقامة اتجاه
Lead II
فكان منطقى جدا إننا نشوف
Lead II كالآتى:

P wave: positive

و اللى هى بتمثل الـ
atrial depolarisation
و فعلا اتجاه الكهرباء نازل من الأذين من فوق ناحية
Lead II

QRS: positive

و من غير ما أى حتة منه تنزل تحت الخط ولو مجاملة .. الكهرباء مسلطة عليه تماما و هو كمان أعلى موجة فيهم ف الفولت ف كل الليدز ..

T wave: positive

(اتفقنا ف القاعدة السادسة إن الـ T-wave
بتاخد نفس اتجاه الـ QRS
اللى معاها ف معظم الأحيان .. و هنفسر ده ليه بيحصل قدام ان شاء الله)

....


و على الناحية التانية ف نفس الرسمة هنشوف

Lead aVR
الـ depolarisation wave
بتبعد عنه
بالتالى هنشوفه كالآتى:

P wave: negative

و ده منطقى .. لأنه مفروض مكانه الافتراضى ده هيخلى محصلة القوى الكهربية بتبعد عنه لأنها نازلة على تحت وهو فوق .. فبيرسمها بس الاتجاه بيبقى لتحت

QRS: negative

لنفس السبب

T wave:

واخدة نفس اتجاه
الـ QRS
بتاعها .. زى ما اتفقنا بقى انها بتاخد نفس اتجاهه غالبا من غير دخول ف الأسباب الفيزيائية لده ..

....


طيب

Lead aVL ??

لو نلاحظ هنلاقيه تقريبا كدة عامل زاوية 90 مع الخط الازرق

(الـ cardiac axis)
بالتالى لا الكهرباء رايحة عليه يبقى كله فوق .. ولا هى بتبعد عنه يبقى كله تحت .. هو ف النص لا كدة ولا كدة .. و كلنا نبص على الرسمة هنلاقى:

P wave:

positive
بس مش قوى :)
مترددة مش عارفة تبقى خط ولا تطلع فوق ولا تنزل تحت

QRS: نصه فوق و نصه تحت


T wave

فوق بس برضه صغيرة .. مترددة برضه :)

....


طيب ناخد مثال كمان لتطبيق القاعدة 5 و 6 اللى شرحناهم الشابتر اللى فات ..


Lead aVF:

اللى يبص عليه ف الصورة هيلاقيه شبه قوى
Lead II
لأنه تقريبا ف اتجاه معاه .. الفرق بينهم 30 درجة بس ..
لكن لو ركزنا هنلاقى ارتفاع الـ
QRS
فيه أقل شوية من
Lead II
لأن الكهرباء ف
Lead II
كانت على استقامة الخط .. بينما هنا الاتجاه مش متطايق .. و إن كانت برضه كافية إن الرسم يبقى لفوق كله لأن الزاوية أقل من 90 درجة (لو كانت 90 كان هيبقى نصه فوق و نصه تحت
ولو اكتر من 90 كان هيبقى كله لتحت)

....


طيب كمان مثال ..

Lead III:
لو ناخد بالنا هنلاقيه برضه شبه
Lead II
لكن برضه ارتفاع الـ
QRS
فيه أقل منه لأنه بعد عنه .. و الأهم كمان إنه أقصر كمان من
Lead aVF
اللى لسة متكلمين عليه .. لأن الزاوية اللى بعد بيها عن
الـ Cardiac axis
زادت !

....


المثال الأخير وهو:

Lead I:
الزاوية اللى بينه و بين الـ
Cardiac axis
عبارة عن 60 درجة تقريبا ..

بالتالى يعتبر معاه ف نفس الاتجاه طالما الفرق بينهم ما عداش 90 درجة .. بس طبعا مش هيبقى عالى و كله كله فوق زى

Lead II
اللى كان شبه متطابق عليه يعنى :)
الأوقع إننا هنلاقيه تقريبا زى
Lead III
لأن هم الاتنين فيه بينهم و بين
الـ Cardiac axis
حوالى 60 درجة ..
و لأنهم ما عدوش الـ 90 درجة فرق عن اتجاه الكهرباء فبالتالى هيبقوا باصين لفوق برضه .. بس مش بارتفاع
Lead II ..

....


.............

Rule no. 7:
.............

لما يتطابق الـ cardiac axis

على أحد الليدز
فإن كل الموجات فيه بتبقى لفوق

و كل ما الليد يبقى فيه زاوية بينه و بين

الـ cardiac axis
كل ما الموجة اللى باصة لفوق تقصر و ممكن الـ
QRS
يبقى جزء بسيط منه تحت .. لكن معظمه بيفضل فوق و كمان الـ
P & T waves
تفضل باصة لفوق طول ما الزاوية أقل من 90 درجة

و لما الزاوية تبقى 90 درجة

يبقى
الـ P wave
يا دوب فوق
و الـ QRS
تقريبا نصها فوق و نصها تحت
و الـ T-wave
يا دوب فوق ف معظم الأحيان

و لما تزيد الزاوية عن 90 درجة ..

يبقى الـ
P wave
باصة لتحت
و الـ QRS
معطمها تحت
و الـ T-wave
لتحت

و لما الزاوية تبقى على خط بالعكس تماما .. هيبقى كللللل الموجات تحت من غير أى حاجة لفوق ..


....


اللى استوعب القاعدة السابعة دى .. نقدر نقول له ألف مبروك الإى سى جى خلص بالنسبة لك .. كل اللى جاى بقى مجرد تطبيق ع الكلام ده انت اللى هتتوقعه ..


و سؤال الحلقة المرة دى: حد يتخيل لنا كدة شكل

Lead aVL
لو الـ
cardiac axis
انحرف و بقى منطبق على
Lead III
(ما حدش يفتكر ان ده افتراض .. ده بيحصل على فكرة ف الحقيقة وله رسم هناخده المرة الجاية .. لكن اللى فهم القاعدة السابعة هيعرف يحل السؤال ده و المرة الجاية هتبقى مجرد تصديق على كلامه :) )

....

يتبع
من مواضيع Dreamy Doctor في المنتدى

التوقيع
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
قديم 01-17-2012, 06:08 PM   #8
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
Thanks: 326
Thanked 416 Times in 219 Posts
افتراضي رد: شرح الـــ""ecg "" بالعربى ,, خطوة بخطوة


نقرتين لعرض الصورة في صفحة مستقلة

ECG course - Chapter 2 - Session 2-a: Use your brain:
..........................
......................................

بتطبيق مباشر على القاعدة اللى فاتت - اللى نصها كان:


.............

Rule no. 7:
.............

لما يتطابق الـ cardiac axis

على أحد الليدز
فإن كل الموجات فيه بتبقى لفوق

و كل ما الليد يبقى فيه زاوية بينه و بين

الـ cardiac axis
كل ما الموجة اللى باصة لفوق تقصر و ممكن الـ
QRS
يبقى جزء بسيط منه تحت .. لكن معظمه بيفضل فوق و كمان الـ
P & T waves
تفضل باصة لفوق طول ما الزاوية أقل من 90 درجة

و لما الزاوية تبقى 90 درجة

يبقى
الـ P wave
يا دوب فوق
و الـ QRS
تقريبا نصها فوق و نصها تحت
و الـ T-wave
يا دوب فوق ف معظم الأحيان

و لما تزيد الزاوية عن 90 درجة ..

يبقى الـ
P wave
باصة لتحت
و الـ QRS
معطمها تحت
و الـ T-wave
لتحت

و لما الزاوية تبقى على خط بالعكس تماما .. هيبقى كللللل الموجات تحت من غير أى حاجة لفوق ..


....


بتطبيق مباشر ع القاعدة اللى فاتت دى .. نقدر نتوقع إن الـ

cardiac axis
لما يحدف يمين زى ما احنا شايفين كدة .. يبقى الشكل بتاع الرسم برضه زى ما احنا شايفين ف الصورة (الصورة مقتبسة من فيديوهات فيزوفا) ..

Lead I:

حل محل
Lead II
ف المرة اللى فاتت .. و بقى كله لفوق و طويل

بينما Lead II:

الزاوية بينه و بين
الـ cardiac axis
حوالى 35 درجة و هى غير كافية إن يبقى نصه فوق و نصه تحت .. فهو برضه معظمه لفوق و أقصر من
Lead I

فى الختام:

Lead III
الزاوية حوالى 95 درجة .. بالتالى نصه فوق و نصه تحت ..

....


الوضع اللى فيه الـ

Cardiac axis
انه حدف شمال كدة .. فهو برضه لسة ف الوضع المقبول .. يعنى يعتبر عادى مش مرضى .. هو مسموح له ينحرف شمال و آخره يبقى
Lead aVL
و ده بيحصل أحيانا ف الناس التخان .. بيبقى القلب مزقوق على فوق ..


يتبع ,

من مواضيع Dreamy Doctor في المنتدى

التوقيع
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
إضافة رد

الكلمات الدلالية (Tags)
الحمدلله, ecg

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 10:23 AM.


Powered by vBulletin Version 3.8.5
Copyright ©2000 - 2014, Jelsoft Enterprises Ltd
Translation by Support-ar
Style coding by: BBcolors.com