ولو اني بعيد العهد بالموضوع ده (فات اربع سنين عليه)
بس بتهيألي مذكرات دوس كويسه ورسوماتها جميلة

والله انا ذاكرت من جميع كتب التشريح الموجودة من دوس ومن احمد مصطفى ومن فوزى جاب الله ومن مذاكرات الكورسات بس احين واحد عجبنى فيهم فوزى جاب الله وخاصة الاطلس بتاعه جميل جدا

طبعا دكتور احمد كمال اسطوانات وكتب مفيش احسن من كده

سلام عليكم ورحمة الله وبركاته
‏
يادكتور موضوع كتب ده بيختلف من جامعة ل تانية .. وبين شخص برضه ل تاني
‏
بس اطلس فوزي جاب الله و كتاب سامح دوس كانوا كويسين والله أعلم

انا برده مع الدكاتره الى بيزاكروا من احمد كمال بس بيتهيألى ان سامح دوس جامد وان شاء الله اجربه السنه دى

الصراحة يا دكاترة أنا عجبنى جدا أحمد مصطفى فى الأبر ليمب أما عجبنى سامح دووس جداااااااااااااااا فى الابدومن والبلفس كان رهيب جداااااااا وفى اللور ليمب كان أحمد مصطفى كمال وسامح دوس حلوين وياريت بجد تذاكروا كده يا دكاترة والله هاتفهموا التشريح جدااااااااااااااااااااااااااا

السلام عليكم ورحمة الله،،

عن رأيي بعد تلت سنين طب التشريح ده مادة جميلة ومذاكرتها ممتعة جدا جدا جدا

..التشريح زي ماناس كتير متقفة هو عبارة عن حاجة كده زي الجغرافيا

...بمعني رسمة وتحتها شوية كلام شرح ليها

بالإضافة لشوية الهوامش..زي مذاكرة عضم عشان امتحان عملي وكادفيرز..وووبس

يعني بقي عندنا حاجتين:-

أولا:مصدر للرسم
ثانيا:مصدر لمذاكرة الكلام اللي علي الرسم
::::
أولامصدر الرسم وده الأطالس..أفضلها وأحسنها وأكثرها دقة واللي هو جايب كل حاجة:

أطالس فوزي جاب الله(الراجل بيخترع لكل حاجة رسمة)

معتقدش في أطالس ع الساحة بنفس كفاءته

ثانيا:

مذاكرة الكلام وده هيتوقف عليك انت شخصيا

هيتوقف انت عاوز تذاكر كل حاجة ولا الكلام الموجز وده متوفر وده متوفر

هيتوقف عليك انت بتذاكر مع السماع (سماع شرايط ودي بتسهل فعلا الكلام المجعلص ) ولا بتذاكر مع المحاضرة ولا مع الكورس

الكتب اللي ذاكرة كل حاجة ومنها (كتاب د/ فوزي جاب الله - كتاب>/ كمال اسعد -وكتاب د/ سامح دوس)

الكتب الموجزة ودي بتختلف من جامعه للتانية ومنها مكرات الـ كورسات وغيرها ودي بتظهر طول السنة وهتعرفها بالتداول.


يتفضل جزئية العملي

عضم وكادفيرز

والاتنين بينشرحوا مع بعض في الكورسات متوفرين في الكلية طبعا او في الكورسات او ممكن تستلفهم من حد زميلك او ممكن تشتريهم او ممكن تتصرف بمعرفتك(ده للعضم موش للكادفيرز)

وقت المذاكرة عضمتك في ايدك جهازك ادامك والاطلس في الايد التانية

والكادفيرز فيديو واكيد هتشوفها في الكلية وان شاء الله ...امتياز


::
:
كان هذا هو التشريح في سطور



وبالتوفيق ياشباب،،