بسم الله الرحمن الرحيم

سنة رابعة تختلف فيها الآراء من يقول سهلة ومن يقول صعبة ولكن هى فى رأيى المتواضع متعبة وفى نفس الوقت ممتعة

سنة رابعة من 950 درجة عبارة عن أربع مواد
رمد(250)
أنف وأذن(200)
طب شرعى وسموم(200)
وأخيرا طب مجتمع (300) بس...

بالنسبة لنظام الدراسة فيه نظام جديد بيتطبق فى سنوات الكلينيكال هو الراوندات يعنى السنة أربع أجزاء كل جزء بتدرس مادة يعنى الدفعة بتتقسم أربع مجموعات كل مجموعة بتدرس مادة بمعنى كل يوم انت عندك راوند رمد وفى نفس الوقت زميلك فى مجموعة تانية عنده سكشن شرعى وهكذا

إن شاء الله هنتكلم على كل مادة فى مشاركة مستقلة

أولا: الرمد

Ophthalmology
مادة فى قمة المتعة فى مذاكرتها وفهمها ، هتحس بجد أنك دكتور
هى ممكن تتحس طويلة شوية لكن كل شابتر فيه 3 أو 4 مواضيع مهمة وهتلاقوا العملية بسيطة إن شاء الله

الهيكل العام للمادة: 8 شباتر كبار أو بين قوسين المهمين جدا ولازم فيهم أسئلة و8 صغيرين أو أقل أهمية
الـ8 الكبار:
1-Eye Lid
2- Conjunctiva
3- Lens
4- Cornea
5- Glaucoma
6- Retina
7- Errors of Refraction
8- Squint
والشباتر دى حفظ زى اسمك مفيش امتحان الا ولازم يبقى فيه سؤال من كل واحد

الـ8 الصغيرين:
1- Lacrimal System
2- Uveal Tract
3- Optic Nerve
4- Eye injuries
5- Orbit
6- Neuro-Ophthalmology
7- Ocular Tumours
8- Ocular Pharmacology
ودى فى رأيى أقل أهمية من اللى فوق وأصغر حجما ولكن فيها حاجات مهمة يعنى كل شابتر فيه موضوع واحد أو اتنين مهمين

بالنسبة لمصادر المذاكرة:
المصادر اللى كانت متوافرة بالنسبة لنا فى بنها
-كتاب الدكتور ياسر سليمان
-كتاب الدكتور محمد الرفاعى
-كتاب الدكتور محمد عبد الحليم أو الأفضل نقول مذكرة وده عبارة عن كتاب دكتور ياسر مع زيادات دكتور الرفاعى
-ومذكرات بعض السادة الدكاترة من الكلية وخارجها من بتوع الدروس

--أنا لا أقيم أى كتاب لكن احب أقول من أولها كدة اوعى تعتمد على دماغ حد من دفعتك وخد قرارك من دماغك واوعى تقلد فلان اللى بيجيب امتياز وعلان اللى طالع أول دفعته ، انت عارف نفسك وأسلوبك ومتخافش مفيش فرق بين مصادر المذاكرة غير شكل الصفحة وان الأولانى كاتب because of والتانى كاتبها due to لكن حاول تشوف الكتاب اللى فيه رسومات تفهمك

بالنسبة للتسجيلات فيه عدة تسجيلات على المنتدى
-أولا: تسجيلات دكتور ياسر ودى ناس كتير أوى بتشكر فيها
-ثانيا: تسجيلات دكتور الكفراوى ودى برضو ممتازة وفهمتنى حاجات كتير لكن مش سمعت غير شابتر واحد منها
-ثالثا: تسجيلات دكتور عبد الحليم ودى انا سمعتها وكنت ماشى عليها عشان كنت بذاكر من كتابه وصوتها واضح
-رابعا: تسجيلات دكتور محمود مدحت ودى موجودة على المنتدى لكن للأسف مش كاملة كلها

**من وجهة نظرى المادة مش محتاجة درس يعنى أنا قضيتها السنة اللى فاتت أنا والكتاب والهيدفون وكانت زى الفل ولو احتجت تسأل فى حاجة ابقى اسأل حد من زمايلك أو روح لأى نايب فى الكلية هيفهمهالك
**ولكل واحد وجهة نظر وفيه ناس مش بتقتنع بالشرايط أو مش بتعرف تلتزم بالسمع وبتحب الدروس

***خلصت ولله الحمد أول مادة وأى استفسار أنا فى الخدمة***

انا من وجهة نظري المتواضعة ان سنه رابعة فعلا هي ملاهي الكلية
والماده اللي ممكن تتذاكر مع نفسك هي والله أعلم ال e.n.t ‎
وشكرا

شكرا لحضرتك يادكتور وياريت تكمل احنا ان شاء اله متبعين وجزاك الله خيرا

[quote=Dr_MousLima;204430]

ثانيا: الأنف والأذن والحنجرة
ENT

المادة دى بقى بسكوتة حتة آيس كريم كدة سهلة ولذيذة كدة وممكن تتذاكر بدون شرايط ولا اى حاجة

الهيكل العام للمادة:

Ear:وده أهم جزء وتقريبا 35% من المنهج وبتتقسم الأمراض فى External Ear و Middle Ear و Inner Ear

Nose : ودى حوالى 25% من المنهج وبتتقسم لأمراض فى Nose وParaNasal Sinuses

ودول الـmajor part من المنهج

Throat: وده بيتقسم الى 3 أجزاء Pharynx و Oesophagus و Larynx وأمراض كل جزء فيهم

بالنسبة لمصادر المذاكرة :
-كتاب الدكتور محمد فريد وده كتاب القسم الرسمى عندنا وهو كتاب جميل جدا -الله يرحم الدكتور محمد ويجعله فى ميزان حسناته- وكنا بنسمع ان بعض الكليات التانية كانت بتذاكر منه والله أعلم
-كتاب الدكتور مسعد عبد العزيز وده كنت شوفته مع واحد زميلى فى الكلية

بالنسبة للتسجيلات:
- فيه تسجيلات الدكتور مسعد عبد العزيز ودى جميلة جدا من وجهة نظرى بس حسيت فى أول السنة ان المادة مش مستاهلة شرايط أو لعدم الالتزام بالسمع
- تسجيلات الدكتور عمرو جودة ودى مراجعة ودى متزيدش على 10 شرايط وواحد صاحبى سمعها وكان بيشكر فيها وبيقول انها كانت بتظبطله دماغه مع المذاكرة
معرفش تسجيلات تانية

بصراحة انا ندمت آخر السنة انى مسمعتش شرايط لأنى حسيت انى مش مسيطر ع المادة آخر السنة بمعنى أكيد الشرايط هتفرق وأكيد اللى سمع شرايط استفاد ولو حتى تسمع شرايط المراجعة دى بتاعة الدكتور عمرو جودة تظبط بيها دماغك

المادة دى سهلة وبسيطة جدا لكن حاول تخلصها فى الراوند عشان ترتاح منها حتى آخر السنة يعنى الراوند عندك شهرين أو شهر ونص حاول تخلصها وصدقنى هتلاقيها سهلة وبتخلص معاك حتى لو قراءة بتركيز هتحس بفرق آخر السنة وعلى فكرة أنا مش حاسس انها محتاجة درس ممكن الشرايط تظبط الآداء فيها وبرضو ممكن تسأل النواب فى أى حاجة مش فاهمها

**دى وجهة نظرى وأى اختلاف فهو محل ترحيب واحترام وأى استفسار أنا فى الخدمة**

جزاك الله خيرا يا دكتور
متابعين معاك ان شاء الله

جزاك الله خيراً يا دكتور
بس هل حضور المحاضرات مهم ولا نقضيها منازل
وبالنسبة للمستشفى هيفرجونا على حالات ولا لأ ؟؟؟
ولو لأ حضرتك تنصحنا بإيه ؟؟؟