هو اصلا الواحد ماسمعش عن الكلية الا في تالتة ثانوي نفسهاوماشغلتش البال اويولما جه التنسيق كنت ناوي اكتب طب الاول زي صاحبي(اعز اصحابي)...لكن سمعت بقى عن طب وعيوبها وسنينها فاتلخبطت وقلت اخش صيدلة زي (تاني اعز اصحابي)..واتصلت بيه اقوله ولو كان بس شجعني كنت كتبتها علطولبس لقيته بيقولي انا ماليش دعوة انت حر فتراجعت تاني بعد كده لقيت اخويا الكبير وهو طبيب بشري بيقولي خش اسنان احسن حاجة و.. لقيت نفسي ارتحت كده صليت وكتبتها اول حاجة وسبحان الله جاتلي بالظبط عل المجموع طبعا اول سنة(اعدادي( دي جننتني وندمتني شويةفي اولى الوضع بقى احسن وحسيت اني عادي زي طب وصيدلةلكن في تانية حسيت بجد اني مختلف واني احسنت الاختياربصراحة اسنان خليط عصير من الكليات والحرف رغم عذابها يعني طبعاومع ذلك جاتلي حالة كده في تانية لما فهمت شوية تمنيت ارجع كلية تانية عشان ماشلش مسئولية مريض وكده..ضميري صحي او حاجة بس نيمته وقلتله هنبقى دكاترة شاطرين ان شاء الله ....ولا اييييه؟؟؟شكرا دكتورة عل الموضوع الرائع

اكيد واحد هيقول :
‏_غلطه ندمان عليها
‏_انضحك عليا يابيه
‏_مكنتش اقصد خالص
‏_المجموع ابن الإيه اعمل فيه ايه

بصوا ارضوا بما قسمه الله لكم تكونوا اسعد الناس
يلا مش تزعلوا بقي
اني احبكم في الله
دكتور بشري داخل يهزر مع احبابه

السلام عليكم
كل سنه وحضراتكم طيبين
بصراحه دى من اول المشاركات ليه
المهم انا دخلت اسنان بعد مكنت فى صيدله وحولت
حولتى ليه؟
دا سؤالكم
بات اسمع ان الكاتره الصيادله كتير جدا ومفيش مكان ممكن افتح فيه صيدليه
بصراحه دا بقى بمعدل كل مريض صيدليه
ومامتى طبعا ككل الامهات عيزانى ادخل صيدله لانها مريحه للبنات
بس على مين انا بدور على الشقى برجليه
كان والدى فى عمره وقتها اتصلت بيه فى السعوديه وقلتله انا دخلت اسنان
قالى اللى تحبيه
ووقفت قدام والدتى ودخلتها
بصراحه فى اعدادى ندمت اشد الندم
وكنت بدات اكره نفسى
لكن بعد مدخلت الكليه نفسها انا بجد فرحانه وحتى لو اشتغلت كتير وتعبت بس ببقى مبسوطه
واتمنى انى ابقى دكتوره شطره تنفع دينها وبلدها واهلها
انا فى اسنان الازهر بنات لو تعرفو هى اد ايه جميله
ومعاملها جديده
والعيادات كمان
بجد انا لو رجع بى الزمن هختار نفس الاختيار