عاجل....تسكين المدينة اول الدراسة ومسؤولية صحة الخبر علي المصدر

**Fisal Mokhtar** · 09-08-2010, 01:33 PM

بسم الله الرحمن الرحيم
بلغني احد زمايلي من يومين انه سمع ان التسكين اول يوم الدراسة
وانا مصدقتوش وقلتله استحالة دا الناس عندنا في الجامعة متفهمين ان في طلبة صعايدة وفي حاجة اسمها حجز قطر المفروض انه بيتحجز قبلها باسبوعين في المواسم اللي زي دي
المهم....عشان مطولش عليكم
اتصلت من شوية ( وانا متاكد انه الخبر مجرد اشاعة ) بمشرف في مدينة مبارك معرفة الوالد منعا للشك
وكانت المفاجأة.......
قال الاتي :
التسكين بعد العيد باسبوع
ازاي يعني اول الدراسة؟؟؟؟....وكان رده: ايوا
الاحد بتاع العيد.....التسكين الاحد اللي بعده علي طول
وطبعا انا بلغتكم اللي دار في المكالمة بالملي
وانا مش مسؤول ان كانت الحقيقة خلاف ذلك....وممكن تتاكدو بانكم تتصلو بشئون المدينة بعد العيد
اما اروح الحق اشوف تذكرة علي يوم الجمعة ....اصلي كنت فاكر ( حلوة كنت فاكر دي....عيب عليا والله 3 سنين في الجامعة ومكنش فهمت عقليات مسؤولينا ) ان السادة المسؤولين عندنا حاسين بينا وقلت ايه اللي يمشيني بدري اخودلي يومين كمان هنا (خصوصا ان سفرياتي للبلد هنا بتكون علي الاعياد والاجازات)
حسبنا الله ونعم الوكيل

**dr_alazhar** · 09-08-2010, 02:07 PM

معقولة الخبر ده يارب يكون صحيح وميرجوش فى كلامهم زى ما قالو عن التقديم للمدينة هيبقى الكترونى

جزاكم الله خيرا

**lucky doctor** · 09-08-2010, 06:57 PM

فيصل حبيب قلبي كل سنة وانت طيب
انت زعلان ليه يا عم ما تخلي المدينة بدري
كدة احسن يا عم احنا بنتبهدل في السفر
يا رب يكون الكلام دة صحيح
بجد تبقى خطوة ايجابية من الجامعة

**Fisal Mokhtar** · 09-08-2010, 09:35 PM

المشاركة الأصلية كتبت بواسطة lucky doctor

فيصل حبيب قلبي كل سنة وانت طيب
انت زعلان ليه يا عم ما تخلي المدينة بدري
كدة احسن يا عم احنا بنتبهدل في السفر
يا رب يكون الكلام دة صحيح
بجد تبقى خطوة ايجابية من الجامعة

صبحي باشا ....ازيك ياغالي
تقبل الله صيامك وكل سنة وانت طيب
برافو عليك يا برنس.....كان المفروض ابين سبب غضبي علي الرغم ان الخبر المفروض يفرح الجميع
معلش كنت مستعجل شوية وموضحتش
المهم
انا اللي مضايقني ( بفرض صحة الخبر ) انهم لم يعلنو عنه حتي الان
وكأن التسكين ده سر ومش عاوزين يقولوه للطلبة
المشكلة اني المفروض احجز قبل السفر ب 15 يوم في المواسم بسبب ضغط المسافرين وكمان اخوانا بتوع السوق السودة ( الله ياخدهم )
فتهاونت في اليومين اللي فاتو علي اساس ان بداية الدراسة مش مهمة ومش حتفرق يوم ولا اتنين
وحجزت بالعافية علي يوم 19 وكمان التذكرة اسوان/القاهرة مش الاقصر/ القاهرة
يجو دلوقتي نسمع بالصدفة ان التسكين بداية الدراسة
نفسي اعرف هما كانو ناويين يعلنو امتي؟؟؟؟ ( ده بفرض صحة الخبر ) هما لحد دلوقتي مش واخدين بالهم ان في جامعة الازهر في حاجة اسمها طلبة صعايدة بيتبدهلو عشان تذاكر القطارات ( المشكلة ان شيخ الازهر من بلدنا يعني المفروض اكتر واحد يكون عارف النقطة دي )
يلا .....ربنا يهديهم
عرفت ياباشا زعلان ليه

**Dr_Hasan_Elmasry** · 09-09-2010, 04:28 AM

جزاك الله خيرا يا دكتور فيصل
علي الاخبار دي
ودي حاجة كويسة عشان نفوق للدراسة بدري
بس الواحد هيقعد في المدينة بدري كدة
وخصوصا ان الواحد داخل خمسة ومفيش اجازات كبيرة تاني
ياه... هنقعد الـ 30 شهر الجايين في المدينة
هون يارب... وعديها علي خير

**ابراهيم السعدونى** · 09-09-2010, 06:56 AM

جزاك الله خيرا يا دكتور فيصل على المجهود .تقبل الله صيامك وعيد سعيد ومبارك باذن الله

**Fisal Mokhtar** · 09-09-2010, 12:40 PM

المشاركة الأصلية كتبت بواسطة dr_hasan_elmasry

جزاك الله خيرا يا دكتور فيصل
علي الاخبار دي
ودي حاجة كويسة عشان نفوق للدراسة بدري
بس الواحد هيقعد في المدينة بدري كدة
وخصوصا ان الواحد داخل خمسة ومفيش اجازات كبيرة تاني
ياه... هنقعد الـ 30 شهر الجايين في المدينة
هون يارب... وعديها علي خير