النصائح

آخر المشاركات
         :: مشاهدة مباراة ليفربول و ريال مدريد بث مباشر 22-10-2014 (آخر رد :ميرنا الشمندى)      :: فيديو روعة للElbow reduction (آخر رد :انصر النبى محمد)      :: مطلوووب كتاااب ...!!!!!!!! (آخر رد :le baron90)      :: محاضرات البارا كاملة 2013 [[فيديو]] للرائعة د/ عـزة (آخر رد :خالد الجبالي)      :: محاضرات الفارما 2012 2013 [[فيديو]] للرائــع د/ أحمد عبد الرحمن (آخر رد :خالد الجبالي)      :: حالة شيقة جلدية :) (آخر رد :انصر النبى محمد)      :: حالة انا شوفتها بعينى (آخر رد :ابداع نت)      :: دعوة مستجابة مضمونة وسهلة !! (آخر رد :انصر النبى محمد)      :: شاهد اثر القرآن العظيم في المجتمعات الغربية واقبا (آخر رد :تـوب لايـن)      :: ملاحظات هامة فى الحالات ,, روعة :) (آخر رد :انصر النبى محمد)     


العودة   كل الطب أكبر منتديات طبية عربية 6 أعوام من العطاءAllteb 6 Years of Donation > التعليم الطبي الأساسي > الفرقة الثالثة > Parasitology

الملاحظات

إضافة رد
قديم 08-20-2009, 06:22 PM   #1 (permalink)
نتفارقُ زمناً .. يطول !
Allteb
 
الصورة الرمزية الفجـ الآتى ــرُ
 
تاريخ التسجيل: Jan 2009
العمر: 25
المشاركات: 1,462
Thanks: 378
Thanked 633 Times in 328 Posts
Red face " البارا " .... مقدمة تمهيدية لطلاب الفرقة الثالثة


السلام عليكم ورحمة الله وبركاته ،،

استكمالاً لتمهيد مواد الفرقة الثالثة ،،
وبناءً على طلب مشرفتنا الحبيبة وسام

دى مقدمة تمهيدية لمادة الباراسيتولوجى
من موضوع طب اسكندرية
معدلة نوعا ما لتناسب جميع الجامعات

ربنا يوفقكم
وسنة سعيدة عليكم إن شاء الله

***



((( الباراسيتولوجى )))


مادة سهلة وخفيفة ،،
شبه الحواديت كده ،،


***


(( مقدمة ))


" علم الطفيليات "
يعنى ايه كائن طفيلى ؟؟
يعنى كائن حى بيتطفل على كائن حى أخر وبيعتمد فى معيشته عليه


بيأذيه يعنى ؟؟
لأ مش شرط


الكائنات الطفيلية ليها أنواع ..
ممكن تكون متعايشة مع الكائن الحى
ومش بتسببله أى أذى


وممكن تكون بتستفيد منه ، وهو كمان بيستفيد منها


وممكن تكون بتسبب أمراض ..


طب واحنا هناخد ايه فى البارا ؟؟
هناخد الطفيليات اللى بتسبب أمراض ،،


كل اللى بيسببوا أمراض ؟؟
لأ مش كلهم
احنا يهمنا الأمراض اللى بتصيب " الإنسان " بس
ملناش دعوة بباقى الكائنات الحية


***


(( منهج البارا ))


عندنا كتاب النظرى بتاع السنة كلها

كتاب النظرى فيه ايه ؟؟
عندنا فى الأول مقدمة عن البارا introduction
هناخدها فى محاضرتين ( الأسبوع الأول )
بتتكلم عن تعريف البارا
وتعريف الكائنات الطفيلية وأنواعها
وتعريف العائل الأساسى ، والعائل الوسيط ، والناقل .... الخ


المقدمة دى مهمة ؟؟
فيها تعريفات مهمة ، وبتيجى فى الإم سى كيو
لكن بوجه عام المقدمة كلها معليهاش درجات كتيرة

ودى مجرد تعريف بالمادة
مش حاجة عظيمة يعنى ..


طيب ايه المنهج المهم بقى ؟؟
ايه اللى هندرسه ؟؟


عندنا 3 فروع
1-الكائنات وحيدة الخلية Protozoa
2-الديدان Helminths
3-المفصليات الحيوانية ( الحشرات ) Arthropodes


هناخد الـ Helminths الترم الأول
والباقى فى الترم التانى


طيب مثلا لما بيتكلم عن حاجة ، بيتكلم عنها بوجه عام ؟؟
ولا حاجات معينة ؟؟


يعنى بناخد كلام عن الديدان ؟؟
ولا أمثلة ؟؟


لأ بناخد كل parasite
سواء دودة أو حشرة ... الخ
ونتكلم عنه فى درس منفصل ،،
وكل درس فيه عناوين ثابتة


ايه هى العناوين دى ؟؟


1 – هيقولنا الطفيل ده موجود فين فى العالم
Geagraphical distribution


طب واحنا مالنا بالكلام ده ؟؟
أهمية الكلام ده ، إننا نعرف هل بلدنا فيها الطفيل ده ولا لأ
ولو موجود ، فين المناطق اللى بيكون موجود فيها أكتر


هنستفاد كمان بالنسبة للحالات Cases
يعنى ممكن فى الامتحان يقولى كان فى راجل عايش فى السعودية ولقوا عنده أعراض كذا وكذا
ايه الـ parasite
وهكذا
يبقى احنا هنعرف من الأعراض ، واللى هيأكدلنا هو المكان



2 – Habitat


وده المكان اللى بيعيش فيه الطفيل جوا جسم الإنسان ،،
وطبعا بيختلف من كائن للتانى ،،
وأوقات كتير بنلاقى several parasites ليها نفس الـ habitat


3 – Morphology


شكل الطفيل ده ايه ،،


ايه أهمية الحتة دى ؟؟
أهميتها القصوى فى العملى ...


أما النظرى فاحنا بنعرف الحاجات العامة ، مش أدق التفاصيل ..
ليه ؟؟
عشان لو جت فى case برده وقال الوصف نبقى عارفين ...


ممكن تيجى ازاى يعنى ؟؟
ممكن يشرحلى الحالة ، وفى الآخر يقولى لقينا دودة طوييييييييييييلة ، ومتقسمة شبه الشرايح ، ومسطحة
تبقى ايه ؟؟
الدودة الشريطية Taenia
وهكذا


4 – Life cycle & mode of infection


يعنى دورة حياة الكائن ده ، وازاى بنتعدى منه


هيفضل يكلمنا بقى من الأول خااالص
وقعد كام يوم فى الماية ، وبعد أد ايه طلع
وكان شكله ايه ساعتها
وحاجات غريبة كده


ايه المهم فى الكلام ده كله ؟؟
مهم نعرف ايه هو الطور المعدى infective stage
وايه هو العائل الوسيط لو كان موجود intermediate host


5 – Pathology & Pathogenesis


يعنى بيكلمنا عن المرض اللى بيسببه الطفيل من ناحية باثولوجية


ازاى ؟؟
يعنى مثلا ممكن مريض يشتكى من ألم فى البطن ، غثيان ، فقدان شهية ... الخ


ليه بقى حصل كده ؟؟
عشان الـ parasite ده غـيَّــر فى حركة وامتصاص الأمعاء


يبقى احنا هناخد فى العنوان ده ( pathogenesis )
ليه اصلا العيان اشتكى من الأعراض دى


6 – Clinical picture


المريض هيروح للدكتور ويشتكى من ايه ،،
وده طبعا اللى يهمنا " طبيا "
عشان نعرف نشخص الحالة


وطبعا " امتحانيا "
عشان برده نشخص الحالة بتاعة الامتحان
^__^


7 - Diagnosis


التشخيص


هل الكلام اللى بيقوله المريض كافى إننا نعرف هو عنده ايه ؟؟
فى أغلب الأوقات مش كافى ..


يبقى لازم نعمل حاجة نعرف منها هو عنده ايه ..


وده شغل ......... قسم البارا
^__^


عندنا نوعين من التشخيص
تشخيص إكلينيكى ( اللى بيعمله الدكتور )
تشخيص معملى ( تبع البارا )


عايزين مثال ..
واحد مثلا بيشتكى من وجود مشاكل فى التبول
حرقان مثلا frequency ، و دم haematuria


يبقى الدكتور هيحط احتمال كبييير إنه يكون عنده بلهارسيا $ haematobium


عايز يتأكد ، هيعمل ايه ؟؟؟
هيبعت عينة من الـ urine بتاع المريض لمعمل البارا


فى معمل البارا هيعملوا ايه ؟؟
هيعملوا زى تصفية للبول ، ويفحصوا الراسب تحت الميكرسكوب
لو لقوا البيضة بتاعة البلهارسيا
يبقى كده اتأكدوا خلاص ...


لو ملاقوش ؟؟؟
هيجربوا طرق تانية لحد ما يلاقوا ..


لو ملاقوش أى حاجة خاااااالص بعد كل ده ؟؟
يبقى الشخص ده سليم من البلهارسيا
يدوروا بقى على أسباب تانية أدت لمشاكل التبول


وعندنا فى آخر الكتاب محاضرة عن الـ lab. Diagnosis
هناخدها الترم التانى
وكلامها نظرى جاف ،، بس إن شاء الله هتفهموها ..


وبوجه عام ، ده أساس شغل البارا ..
عشان كده بيهتموا بالحاجات دى
سواء فى الامتحان ، أو فى السيمينار
دى الحتة بتاعتهم يعنى
^__^


8 – Treatment


هنعالج المريض ده ازاى ...


ايه المهم فى الجزء ده ؟؟


بالنسبة للطب ، فهو أساس الأهمية ..
لإننا بنشخص ونعالج ،،
بأمر الله طبعا


أما بالنسبة للامتحان ،،
ممكن مثلا فى الـ case
يقولى هنعالج ازاى ،،


ممكن فى مقارنة بين 2 parasites
يجيبلى من أوجه المقارنة treatment


وممكن جداااا فى الإم سى كيو


وأخييييييييرا
عنوان مش بيبقى موجود فى كل الدروس
لكن موجود فى أغلبها


9 – Prevention & control


الوقاية خيرٌ من العلاج
^__^


طبعا كلام – أغلبه – عام
يعنى مثلا نهتم بالنظافة الشخصية personal hygiene
نغسل الأكل كويس ونغطيه
الصرف الصحى المناسب proper sewage disposal system


وكلام كده
لكن فى parasites معينة
بيكون ليها طرق خاصة للوقاية ،،


فى حاجات مثلا ممكن يقولنا نحفظها عند درجة حرارة كذا
وحاجات تانية يقولنا نغسلها بمطهر اسمه كذا
.....
وهكذا
^__^


ونكمل المرة الجاية عشان الملل
من مواضيع الفجـ الآتى ــرُ في المنتدى

التوقيع

نقرتين لعرض الصورة في صفحة مستقلة

اوعـى تفكِـر يآ " مُحتل "
بـ أرض بلآدى رآح تضل


عمرك مآ بـ تخوفنـآ ..
نحنآ كبـآر ومآ بـ ننذل


اهـدم واحـنآ بـ نعّـمر
رآح نـعلّــى دآرنــا

الفجـ الآتى ــرُ غير متواجد حالياً   رد مع اقتباس
يا الفجـ الآتى ــرُ قام الأعضاء بشكرك علي هذه المشاركة المفيدة:
د.عبير الجنة (10-05-2011)
Sponsored Links

قديم 08-20-2009, 06:23 PM   #2 (permalink)
نتفارقُ زمناً .. يطول !
Allteb
 
الصورة الرمزية الفجـ الآتى ــرُ
 
تاريخ التسجيل: Jan 2009
العمر: 25
المشاركات: 1,462
Thanks: 378
Thanked 633 Times in 328 Posts
Red face رد: " البارا " .... مقدمة تمهيدية لطلاب الفرقة الثالثة


(( فروع البارا ))


أولا : الديدان Helminths


خليكم فاكرين
احنا بناخد الديدان اللى بتعمل أمراض للإنسان ،،
ممكن تكون بتعمل أمراض لكائنات تانية ، حيوانات مثلا
لكن برده بتصيب الإنسان


ممكن يكون الإنسان هو الكائن الوحيد اللى بتعيش عليه وبتأذيه


وممكن تكون بتأذى الإنسان والحيوان بنفس الدرجة
يعنى بتعيش على الاتنين بنفس المستوى


وممكن تكون بتأذى الحيوان بشكل أساسى
لكن بتصيب الإنسان كده عن طريق خاطىء


زى مثلا دودة بتعيش فى الضفادع والسحالى
وفى شعوب بيتخيلوا إن جلد الضفادع ده مفيد لآلام العين
فيجيبوا الجلد ويعملوه بطريقة معينة ويغطوا بيه العين
تقوم الدودة تخرم جلد الإنسان وتسببله مرض فى عينه
وكده بكل بساطة
^__^


الـ Helminths
3 أشكال


1 – ديدان مسطحة ( مبططة يعنى ^__^ )
وجسمها كله حتة واحدة مش متقسم
اسمها ..... Trematoda
" تريماتودا "


هناخد كام دودة هنا ؟؟
هناخد 3 بس


* الدودة الكبدية Fasciola ونوعيها
* Heterophyes
* البلهارسيا Schistosoma بنوعيها برده
واختصارها $


بس يعنى مفيش داعى للاختصار
أحسن دول بيتلككوا ، والحكاية مش ناقصة


أول سكشن خالص المعيدة قالتلنا لو مكتبتوش أول حرف فى الاسم capital هتنقصوا فى الامتحان


فعلى ايه وجع الدماغ
اكتبوا كل الكلام capital
^__^


نعود للديدان
2 – الشكل التانى
ديدان مسطحة برده ،، لكن جسمها متقسم شرايح
اسمها ايه ...... Cestoidea
" سيستودا "


ودى نفسها نوعين
عندنا فى النوع الأول دودتين شبه بعض


والنوع التانى
3 شبه بعض
2 شبه بعض
1 مع نفسها
2 شبه بعض


ومش هوجع دماغكم بأسامى
^__^


3 – الشكل الثالث
ديدان برده
^__^


أهم حاجة فيها إن ليها جسم ، مش مسطحة
يعنى شبه الإسطوانة ، وليها body cavity


اسمها .... Nematoda
" نيماتودا "


ودى برده أمثلة كتيرة
على ما أذكر كانوا 16
ولا أخفى عليكم ، مش ناوية أطلع الكتاب وأعدهم
^__^


متستعجلوش بكرة تعرفوهم ..


المهم ،،
الديدان فيها حاجة مهمة جداااا
ألا وأنها تبيض ولا تلد ^__^
الـ eggs مهمة جدا
وهنتكلم عنها بعدين


وطبعا الديدان دى هى منهج الترم الأول كله
يعنى مهمة جدااا سواء عملى أو نظرى


****


ثانيا : Protozoa


الأوليات الحيوانية
يعنى ايه ؟؟
يعنى كائنات وحيدة الخلية ،، كلها على بعضها خلية واحدة ..
بتتكاثر إما بدون تزاوج
يعنى بالانقسام
ازاى ؟؟
ممكن الخلية الواحدة تنقسم وتبقى 2 شبه بعض بالظبط
انقسام ميوزى يعنى
اسمه ؟؟
Binary fission


وده ممكن يكون طولى longitudinal
أو عرضى transverse
أو من زاوية معينة random


وممكن برده نفس الخلية تدى خلايا كتييييرة
حاجة زى التبرعم بتاع الخميرة كده
اسمه ؟؟
Multiple fission
واسمه التانى schizogony


وممكن تتكاثر بالتزاوج
بيبقى عندنا مثلا 2 gametes
إما الخليتين كلهم يتحدوا مع بعض بعدين ينقسموا
فى الحالة دى اسمها syngamy
أو النواة بتاعتهم بس هى اللى بتتحد بعدين تنقسم
واسمها conjugation


كلام الأحياء ده عايزينه ليه ؟؟
عايزينه عشان نعرف أنواع الـ protozoa


هى ليها أنواع ؟؟
طبعاااا عندنا 4 أنواع
بيتصنفوا تبعا لطرق تكاثرهم
والأهم
تبعا للطريقة اللى بيتحركوا بيها


فى أنواع بتتحرك بأسواط
وأنواع بتتحرك بأهداب
Flagella or cilia
وأنواع ملهاش organs محددة بتتحرك بيها


ايه هى الأنواع دى ؟؟


1 – Sarcomastigophora
ودى جزأين
جزء اسمه sarcodina
ومثاله المعروووف هو الأميبا


وجزء اسمه mastigophora
فى مثال شهييير ، وهو الطفيل اللى بيسبب مرض النوم


2 – Ciliophora
ودى عندنا ليها مثال واحد بس


3 – Apicomplexa
أهم حاجة فيها هو الطفيل اللى بيسبب الملاريا
وده مهم جدااا جداااا


4 – Microspora



والجزء ده فى الترم التانى مهم نظرى وعملى جداا


****


ثالثا : الحشرات Arthropodes

وده جزء مهم عملى
لكن نظرى مش أوى


المهم
كالعادة
هناخد الحشرات اللى بتسبب أمراض للإنسان
زى ؟؟
زى العقرب
والقراد
والبراغيت
والناموس
وكل العائلة الكريمة ،،


وأكيد طبعا كل مجموعة معينة من الحشرات بتشترك فى صفات ما
وبتتقسم فى مجموعات
ودى برده تقسيمة طويلة ، وأسامى جافة
مش هتفيدكم بحاجة دلوقتى

من مواضيع الفجـ الآتى ــرُ في المنتدى

التوقيع

نقرتين لعرض الصورة في صفحة مستقلة

اوعـى تفكِـر يآ " مُحتل "
بـ أرض بلآدى رآح تضل


عمرك مآ بـ تخوفنـآ ..
نحنآ كبـآر ومآ بـ ننذل


اهـدم واحـنآ بـ نعّـمر
رآح نـعلّــى دآرنــا

الفجـ الآتى ــرُ غير متواجد حالياً   رد مع اقتباس
قديم 08-20-2009, 06:47 PM   #3 (permalink)
رؤى سابقا
 
الصورة الرمزية moon_whisper
 
تاريخ التسجيل: Jun 2009
المشاركات: 1,948
Thanks: 20
Thanked 23 Times in 17 Posts
افتراضي رد: " البارا " .... مقدمة تمهيدية لطلاب الفرقة الثالثة

الله ينور عليكى يا فجر

متابعة معاكى

ربنا يكرمك يا رب
من مواضيع moon_whisper في المنتدى

التوقيع
نقرتين لعرض الصورة في صفحة مستقلة
Always from time to another .. stop .. close ur eyes .. think .. open up .. look around .. then go on .

moon_whisper غير متواجد حالياً   رد مع اقتباس
قديم 08-20-2009, 07:09 PM   #4 (permalink)
نتفارقُ زمناً .. يطول !
Allteb
 
الصورة الرمزية الفجـ الآتى ــرُ
 
تاريخ التسجيل: Jan 2009
العمر: 25
المشاركات: 1,462
Thanks: 378
Thanked 633 Times in 328 Posts
Red face رد: " البارا " .... مقدمة تمهيدية لطلاب الفرقة الثالثة

اقتباس:المشاركة الأصلية كتبت بواسطة رؤى مشاهدة المشاركة
الله ينور عليكى يا فجر

متابعة معاكى

ربنا يكرمك يا رب
ربنا يخليكى يا رؤى ،،
انتى شفتى موضوع الباثولوجى ؟؟

أنا كنت كاتبة الكلام ده فى الموضوع التمهيدى الخاص بطلبة الاسكندرية ،،
بس لقيت فى حاجات ينفع تتحط بره
فنقلتها عشان الكل يستفاد منها

ولو عايزة أى حاجة أنا تحت أمرك
من مواضيع الفجـ الآتى ــرُ في المنتدى

التوقيع

نقرتين لعرض الصورة في صفحة مستقلة

اوعـى تفكِـر يآ " مُحتل "
بـ أرض بلآدى رآح تضل


عمرك مآ بـ تخوفنـآ ..
نحنآ كبـآر ومآ بـ ننذل


اهـدم واحـنآ بـ نعّـمر
رآح نـعلّــى دآرنــا

الفجـ الآتى ــرُ غير متواجد حالياً   رد مع اقتباس
قديم 08-20-2009, 07:12 PM   #5 (permalink)
مديــر كل الطــب
 
الصورة الرمزية Dr Ahmed Darwish
 
تاريخ التسجيل: Jan 2009
المشاركات: 3,277
Thanks: 85
Thanked 107 Times in 63 Posts
افتراضي رد: " البارا " .... مقدمة تمهيدية لطلاب الفرقة الثالثة


جزاكم الله خيرا

بالفعل سيكون للمشروع ثماره إن شاء الله

مشروع الفرق الدراسية .. هي فكره أكثر من رائعه .. اسال الله ان يفيد به الجميع

جزاكم الله خيرا يا دكتورة على الشروح المبسطة

وبانتظار باقي الشروحات من باقي أعضاء الفريق بمشيئة الله

في رعاية الله ،،
من مواضيع Dr Ahmed Darwish في المنتدى

التوقيع
^_^ I got it , I'm a Cardiologist ^_^

نقرتين لعرض الصورة في صفحة مستقلة
Dr Ahmed Darwish غير متواجد حالياً   رد مع اقتباس
قديم 08-20-2009, 07:32 PM   #6 (permalink)
نتفارقُ زمناً .. يطول !
Allteb
 
الصورة الرمزية الفجـ الآتى ــرُ
 
تاريخ التسجيل: Jan 2009
العمر: 25
المشاركات: 1,462
Thanks: 378
Thanked 633 Times in 328 Posts
افتراضي رد: " البارا " .... مقدمة تمهيدية لطلاب الفرقة الثالثة

اقتباس:المشاركة الأصلية كتبت بواسطة dr ahmed darwish مشاهدة المشاركة

جزاكم الله خيرا

بالفعل سيكون للمشروع ثماره إن شاء الله

مشروع الفرق الدراسية .. هي فكره أكثر من رائعه .. اسال الله ان يفيد به الجميع

جزاكم الله خيرا يا دكتورة على الشروح المبسطة

وبانتظار باقي الشروحات من باقي أعضاء الفريق بمشيئة الله

في رعاية الله ،،
جزيتم مثله وأكثر
وإن شاء الله المشروع يكون ناجح جدااااااا
ويكون بصمة تميز جديدة لكل الطب ،،

وفقكم الله
من مواضيع الفجـ الآتى ــرُ في المنتدى

التوقيع

نقرتين لعرض الصورة في صفحة مستقلة

اوعـى تفكِـر يآ " مُحتل "
بـ أرض بلآدى رآح تضل


عمرك مآ بـ تخوفنـآ ..
نحنآ كبـآر ومآ بـ ننذل


اهـدم واحـنآ بـ نعّـمر
رآح نـعلّــى دآرنــا

الفجـ الآتى ــرُ غير متواجد حالياً   رد مع اقتباس
قديم 08-21-2009, 04:43 AM   #7 (permalink)
اسطـر النهااااااااية
Allteb
 
الصورة الرمزية وســــــام
 
تاريخ التسجيل: Jan 2009
العمر: 25
المشاركات: 2,057
Thanks: 10
Thanked 13 Times in 10 Posts
افتراضي رد: " البارا " .... مقدمة تمهيدية لطلاب الفرقة الثالثة

جزاكم الله خيرا

فعلا
انتِ الفجر الاتى

منوووووورة يا حبيبتى
مجهود رائع

جعله الله فى ميزان حسناتك

فى انتظار المزيد *_^

دائما متميزة

دمتم بود
من مواضيع وســــــام في المنتدى

التوقيع
تمسك بمبادئك وحاول أن تدعو الآخرين إلى الأخلاق الحميدة
إبـدأ بنفسـك

وكن متفـائـلا دائمـا
وثق أن الله سيقف بجانبك
إذا رأيت الصحراء تمتد وتمتد
فأعلم أن ورائها رياض خضراء وارفة الظلال
وإذا رأيت الحبل يشتد ويشتد فأعلم أنه سوف ينقطع
وأعلم أن مع الدمعة بسمة
ومع الخوف أمان
ومع الفزع سكينة
وســــــام غير متواجد حالياً   رد مع اقتباس
قديم 08-21-2009, 11:34 AM   #8 (permalink)
نتفارقُ زمناً .. يطول !
Allteb
 
الصورة الرمزية الفجـ الآتى ــرُ
 
تاريخ التسجيل: Jan 2009
العمر: 25
المشاركات: 1,462
Thanks: 378
Thanked 633 Times in 328 Posts
Red face رد: " البارا " .... مقدمة تمهيدية لطلاب الفرقة الثالثة

اقتباس:المشاركة الأصلية كتبت بواسطة wessam مشاهدة المشاركة
جزاكم الله خيرا

فعلا
انتِ الفجر الاتى

منوووووورة يا حبيبتى
مجهود رائع

جعله الله فى ميزان حسناتك

فى انتظار المزيد *_^

دائما متميزة

دمتم بود
وإياكِ الله جزى

ربنا يكرمك يا وسام
ده نوووووورك والله

متهيألى اسمى يبقى أحسن
الفجر اللى مش باينله
كده لايق عليا أكتر
^__^

لو عايزة حاجة معينة قوليلى يا وسام ،،
عشان ورايا حاجات كتير أوى ودماغى مش فيا ،،

وبقية المواد عليكم على فكرة
^__^

من مواضيع الفجـ الآتى ــرُ في المنتدى

التوقيع

نقرتين لعرض الصورة في صفحة مستقلة

اوعـى تفكِـر يآ " مُحتل "
بـ أرض بلآدى رآح تضل


عمرك مآ بـ تخوفنـآ ..
نحنآ كبـآر ومآ بـ ننذل


اهـدم واحـنآ بـ نعّـمر
رآح نـعلّــى دآرنــا

الفجـ الآتى ــرُ غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:51 AM.


Powered by vBulletin Version 3.8.5
Copyright ©2000 - 2014, Jelsoft Enterprises Ltd
Translation by Support-ar
Style coding by: BBcolors.com

Search Engine Optimization by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325