النصائح

آخر المشاركات
         :: التقويم الهجري (آخر رد :دكتور أشرف)      :: 5minutes for the tpic:Take it fast>>Brain maps (آخر رد :دكتور أشرف)      :: مجموعة فديوهات *جديدة لانج* حصريا ~للرائع د/محمد علي 2012~ مشاهدة وروابط مباشرة !! (آخر رد :البرنس فون)      :: وتفريغ عملى الباطنة دكتور محمد على :) (آخر رد :البرنس فون)      :: اغْسل رُوحَكْ ! (آخر رد :انصر النبى محمد)      :: مبغض النبي –عليه والصلاة والسلام- هو الأبتر (آخر رد :دكتور أشرف)      :: patients at risk Respiratory complications of anaesthesia (آخر رد :دكتور أشرف)      :: تحميل Bitdefender Total Security 2015 Keys for 1 year (آخر رد :ميرنا الشمندى)      :: مشاهدة مباراة ليفربول و ريال مدريد بث مباشر 22-10-2014 (آخر رد :ميرنا الشمندى)      :: فيديو روعة للElbow reduction (آخر رد :انصر النبى محمد)     


العودة   كل الطب أكبر منتديات طبية عربية 6 أعوام من العطاءAllteb 6 Years of Donation > التعليم الطبي الأساسي > ^^معاً...نحو القمة^^ > أرشيف ^^نحــو القمــة^^ > أرشيف ^^الفرقــة الأولى^^2010

الملاحظات

 
قديم 09-16-2009, 12:06 AM   #1 (permalink)
لا اله الا انت سبحانك
 
الصورة الرمزية The ambitious Doc
 
تاريخ التسجيل: Jul 2009
العمر: 24
المشاركات: 460
Thanks: 0
Thanked 2 Times in 2 Posts
Thumbs up (1)أولــ محاضره أناتومــى للفرقه الاولـــى ** معا نحـــو القمـــه**

نقرتين لعرض الصورة في صفحة مستقلة
حياكم الله أصدقائى بالفرقه الاولى
ن شاء الله هنبدأ مع بعض اول محاضره فى الاناتومى
وهى عباره عن المصطلحات الطبيه الهامه
الحقيقه انا وجدت ان طريقة الشرح عن طريق التسجيل الصوتى مناسبه جدا بالنسبه لى خصوصا انى بطئ نسبيا فى كتابة الانجليزى على الكيبورد توفيرا للوقت وللجهد فى الكتابه وأفضل فى ايصال المعلومه
يا رب بس ترتاحوا فى طريقة الشرح الصوتى ولا تجدوا مشاكل فى الفهم
لكن قبل ما نبدأ
انا وبعض أساتذتى على المنتدى كنا كتبنا موضوع مماثل فى قسم الفرقتين الاولى والتانيه عن اول المحاضرات اللى هيدرسها طالب اولى فى مادة الاناتومى
البعض منكم تصفح الموضوع لكن من باب اولى اقرأوها تانى لتأكيد المعلومه وبتركيز أكتر

اتفضلوا
&&

الأناتومي مادة لذيذة جد


بتعتمد على الحفظ و الصور في المقام الأول
ودا طبعا بعد الفهم الجيد والخيال العميق لانك اكيد مش هتعرف تحفظ حاجه طبعا
من غير ماتفهمها وتتخيلها كويس وبعد كده بتأكد المعلومه بدخولك المشرحه فى العملى..
أهم حاجة في مذاكرتها هي التكرااااار .. و مرة على مرة ان شاء الله المعلومة بتثبت
وبمرور الوقت ستجد نفسك ان شاء الله تستطيع الاجابه عن بعض الجزئيات بواقع فهمك لها
قبل ما ندخل فى موضوعنا النهارده احب اعطيكم فكره عامه عن التشريح






يعني ايه تشريح؟



يعني معرفة جميع أجزاء الجسم من عضلات وعظام وأعصاب وأوعية دموية وأعضاء داخلية



كل حاجة من دول تدرسوها بالتفصيل
( مكانها وعلاقاتها بالأجزاء الأخرى المجاورة ليها...إلخ)

"ده طبعا تعريف باختصار شديد".



طيب في سنة أولى هندرس إيه؟



-
في الأول هتبدأوا بbiologyHumanكمقدمه للتشريحIntroductionيعنى

الفرع ده هتدرسوا فيه مبادئ التشريح عامة يعني مش جزء محدد في الجسم .
- والفرع التانيUpper Limb يعني إيه؟ يعني الطرف العلوي هتدرسوا فيه تشريح الذراع وأجزاء من الرقبة والظهر والصدر.
-بعد كده فىLower Limbيعني إيه؟ يعني الطرف السفلى هتدرسوا فيه تشريح الفخذ والساق والقدم



-
بعد كده فى فرع تالت اسمهEmbryologyوده بيدرس مراحل تطور الجنين من لحظة الاخصاب ويمكن من قبلها حتى لغاية الولادة ويمكن كمان لبعدهاشوية.

- أما بقى بعد ما تخلصواUpper Limb هتاخدوا الفرع الرابع اللي هو
Thoraxيعني إيه؟ يعني الصدر وهتدرسوا فيه تشريح الصدر وأهم حاجة فيه طبعا القلب
HeartوالرئتينLungs .



وممكن بدل ال
Thoraxتاخدوا Abdomen
من غير ما تسألوا يعني البطن بما فيهامن معدةStomachوأمعاء IntestineوكبدLiverوطحالSpleenوكلىKidneyوبنكرياسPancrease.

- وبعدAbdomen هتدرسوا Pelvis اللي هو الحوض بما فيه طبعا



دا بيختلف تبعا لكل كليه فمثلا عندنا فى طب الازهر اخدنا
Abdomen فى سنه اولى بدلا من الThorax.



****
لا زم تعرفوا إنUpper LimbوLower LimbوThoraxوPelvisلما تيجوا
تبدأوا كل فرع منهم بتبدأوا تاخدوا العضم الأول وبعد كده الأعضاء والأنسجة الأخرى.



طيب بالنسبة لمحاضرات التشريح بتبقى كلها نظري ما فيهاش عملي خالص وبتدرسوا فيها كل الفروع اللي فاتت
.



أما بقى السكاشن بتبقى معظمها نظري بس بتشوفوا عملي على طول و
biology Human و Embryology ما بيتشرحوش في السكاشن.






التشريح من أمتع المواد والله بشرط المزاكره اولا بأول
فعلا هتدرس ابداع الخالق عز وجل وعظمته فى خلق الانسان
وهتجد نفسك لااراديا بتقول سبحان الخالق


طبعا حاجة تخوف فى الأول أنك تتعامل مع الجثث
بس مع الوقت بتتحول الجثة الىcadiver
و العظم الىbones
و أرجوك
تذكر أنك تتعامل مع جثة انسان
و أن له حرمته التى ننتهكها بغرض التعلم الذى ليس له بديل
أيضا لازم تعرفوا ان فى موضوعات رئيسيه موجوده فى كل البرانشات تقريبا مع اختلاف المضمون طبعا
يعنى ايه الكلام ده ؟؟
يعنى انك هتدرس بالتفصيل الاتى



1 muscles
عضلات
و بتدرس فيها بشكل أساسى4 نقاط_
* originمصدر العضلة العضلة دى ابتدت ازاى
* insirtionالعضلة دى انتهت بأنها مسكت فى ايه
* nerve supplyايه هو العصب اللى بيغذى العضلة
* action العضلة دى بتعمل ايه
و مع الوقت هتلاقى نفسك مش محتاج تحفظ اخر واحده
هتجيبها بالذكاء ان شاء الله


&



2 bones
* بتحدد الجانب بتاع العضمة يمين ولا شمال
* attachmentايه هى العضلات و الأربطة اللى ماسكة فى العضمة
علشان كدة بنصحك تذاكر الmuscles مع ال bones
* structures related الحاجات اللى ماشية جنب العضمة زى الأعصاب و الشرايين


فى امتحان النظرى مش بيسأل على العضم و غالبا مش بيسأل على العضلات
لكن هما شىْ أساسى فى العملى
واول سؤال شفوى بيكون على العضم


&


3 joints
المفاصل أنا بعتبرها جزء مبنبزلش جهد كبير فى مزاكرتها
فى سنة أولى
حضرتك هتكون ذكى ان شاء الله وهتعرف تجمع معلومات الmuscles مع الbonesو تحط عليهم شوية معلومات زيادة
وقبل كده بتكون اخذت انواع المفاصل فى الIntroductioun
وبكده تبقى اظن انك بتكون عرفت كل حاجة عن المفاصل وتقدر بأذن الله تتكلم عنها اذا جيت فى الامتحان
&



4 arteries and veins
الشرايين و الأوردة من الأجزاء المهمه
النقط اللى بتذاكرها هى
* begining
ازاى الشريان ابتدى و فين
* termination
انتهى فين و ازاى
*branches and trebuitaries
ايه هى الشرايين اللى هتتطلع منه أو ايه هى الأوردة التى هتصب فى الوريد
*course
بتوصف المسار بتاعه
هو طلع منين و بعد كدة مشى ازاى علشان يوصل فين
* relation
ايه علاقته باللى حواليه طول ما هو ماشى
يعنى ايه قدامه و ايه وراه
كده يعنى


&


5 nerves
و كل عصب بيختلف عن التانى لان فى حاجات رايحة للجلد و حاجات رايحة للعضلات
هتكتشفوا كل دا و أكثر لما تدخلوا الكلية


المهم ان أصعب حاجة فى الحاجات دى كلها هو الcourse و الrelation
لأى عصب أو شريان
وياريت تعتمد على الصور و تحاول ترسم كل حاجة فى دماغك
و متحاولش أنك تذاكر كل التفاصيل بتاعة كل الشرايين و الأعصاب
اهتم بالحاجات الكبيرة


&


6 spaces
يعنى يا اما تكون فتحة
أو منطقة معينة
أو أى حاجة
بتدرس فيها
* boundary
ايه هى حدود الحاجة دى
* floor and roof
ايه هو سقفها و ايه اللى بيعمل الأرضية!!
* contents
المحتويات بتاعتها


&



7 organs
الأعضاء
* site
بتدرس مكان العضو بالنسبة للعضم و بالنسبة لغيره من الأعضاء
* relation
علاقته مع باقى الأعضاء
* blood supply
ايه اللى بيديه الدم و ايه اللى باخد منه
* lymphatic drainage
أنا بصراحة مش عارف معناها بالعربى بس دى من الحاجات الصعبه فى التشريح
الا لو فهمت القاعدة
فى أماكن الليمف بتاعها بيمشى مع الشريان
و فى بيمشى مع الوريد
هتستنتج الحاجات دى بنفسك
*nerve supply
ايه الأعصاب اللى بتغذيه




طبعا دى الحاجات الأساسية المشتركة بين كل المواضيع
وهتجد فى كل موضوع نقط زيادة
لكن مستحيل ماتلاقيش دول
&&&&&&&&&&&&&&&&&&&&&&&&&&


نبدأ دلوقتى موضعنا عن اول محاضرة اناتومى
هتكون ان شاء الله عن ال
Anatomical position
الأوضاع التشريحية
نقرتين لعرض الصورة في صفحة مستقلة
الاوضاع التشريحية دى اهم حاجة يا دكاتره لازم تعرفها قبل ما تبدأ فى دراسة اى جزء فى الاناتومى
وحتفضل معاك وتستخدمها فى الدراسة طول ما تذاكر او بتشرح الاناتومى
وهى سهلة جدا ولكن لازم تستوعبها كويس علشان تفهم بعد كده
موضع اى جزء بيتم شرحه فى الاناتومى..


أول حاجة طيب ايه هو اصلا الوضع التشريحى الصحيح
او الطبيعى
الوضع التشريحىوده متفق عليه عالميا
يعنى فى اى كتاب فى اى دولة لما يقولك فى الموضع التشريحى
اوThe anatomical position
يقصد ان الشخص واقف ووجهه مقابل لقدام
وذراعه الاتنين جنبه وكف ايده مواجه لقدام
يعنى نقدر نعرفه ونقول



The anatomical position:
, the body is assumed to be standing,
the feet together, the arms to the side,
and the head and eyes and palms of the hands facing forwards
يعنى بيبقى زى كده ما فى الصور
نقرتين لعرض الصورة في صفحة مستقلة


نقرتين لعرض الصورة في صفحة مستقلة


بعض المصطلحات المهمه فى التشريح
Other Anatomical terms



1- Anterior…or (ventral)


وده يعنى امامى او بطنى يعنى الاقرب للجزء الامامى من الجسم
يعنى نقدر نقول



Closer to the anterior surface (the front) of the body


*****
2- Posterior…or(dorsal)


يعنى خلفى او ظهرى يعنى الاقرب لظهر الجسم


Closer to the posterior(the back) of the body


*****
3- Superior.= upper


يعنى فوق او الاعلى يعنى اقرب لرأس الجسم


Nearer to the head of the body


****
4- Inferior = lower


يعنى تحت او االاسفل واقرب للرجل


Nearer to the feet
****
5- Medial


يعنى الاقرب لخط المنتصف


Nearer to the midline


ويقصد بيها مش انها الاقرب مطلقا ولكن الاقرب بالنسبة لنقطة تانية
*****
7- Superficial…


سطحى يعنى


Nearer to the Skin


****
8- Deep..


وديه معانها الاعمق او عميقة او لو مقارنة بين نقطتين حتبقى ال Deeper
الاكثر عمقا يعنى او الابعد من السطح


Away from the skin
****
9- Proximal…


يعنى الاقرب لمنشئ الشئ معلش معناه مش واضح اوى
بس لما تمشى فىا لاناتومى شوية حتفهم يعنى ايه المنشئ وكده
يعنى نقدر نقول مؤقتتا



Closer to the origin of the structure


****
10- Distal..


وده عكس المصطلح السابق يعنى الابعد من منشئ الشئ


Further away from the origin of the structure


معلش ممكن المصطلحين الاخرنين دول مش واضحين اوى
بس ممكن نعرفهم كده اسم حاليا لحد ما نمشى شوية فى ا لمنهج ونعرف
العضلات ومنشأها وكده وساعتها حتفهموها على طول



11- Median


واخدين بالكم ديهMedianوليستmedial
وده يعنى فى النصف بالظبط ومش شرط فى النصف بالظبط يبقى فى خط المنتصف عموما ولكن خط المنتصف بالنسبة للجزء اللى بنتكلم فيه
يعنى لو بتكلم فى الذراع مثلا وقلتmedian يبقى قصدى فى نصف الذراع بالظبط..
وان شاء الله هتفهموها كويس لما تدخلوا الكليه وتشوفو الامثله على كده


12- Intermediate…


ومعناها يعنى حاجة وسط بين حاجتين تانين يعنى لو عندنا مثلا 3 طبقات فوق بعض
اقدر اقول ان الطبقة اللى فى النصف intermediate
بالنسبة للطبقتين الاخرتين


يعنى



Between 2 other structures



13- External…


يعنى من بره او من الخارج يعنىoutside


14- Internal...


يعنى من الداخل من جوه يعنى inside
حتى تلاقى عندنا تخخص الباطنة بيسموه
Internal medicine
على اساس ان معناها باطنى يعنى




14- Supine…


يعنى كف اليدthe palm of the hand مواجه للامام
زى كده فى الوضع التشريحى بالظبط
ده بيسموهSupine


15- Prone


ده بقه العكس لو كف اليد مواجه للخلف
يعنى عكس عن ما فى الوضع التشريحى
ده بيسموهProne



16- Cephaled…


وده يعنى الاقرب لرأس الانسان


المقطعCephal ده اصلا يعنى بيشير للhead
Toward the head
وبنستخدم المصطلح دا اكتر فى الEmbryology17- cuadad..


وده عكسه ومعناها الاقرب لنهاية الجسم
Toward the tail or the feet.

وايضا بنستخدم المصطلح دا كتير فى ال

Embryology

.




_________

و يلا معايا كده ممكن نعمل تلخيص لكل الى قلناه
Anterior ..




أمامي


Posterior..




خلفي

-------
Distal..بعيد عن


Proximal..




قريب من

-------
Dorsal .. خلفي


Ventral..




بطني

-------
Superior..علوي


Inferior..




سفلي

-------
Lateral.. جانبيا ( بعيد عن الخط الذي ينصف الجسم طوليا)
Medial..




داخليا ( بالقرب من الخط الذي ينصف الجسم طوليا )

-------
superficial.. سطحي
deep.. في العمق
-------
external.. خارجي
internal.. داخلي


****************************** *********************
اخر حاجه قبل ما نختم المحاضره دى عاوزين نلقى نظره سريعه على حاجه هامه
لتقسيم الجسم تشريحيا اسمها
Anatomical Planes


ودى عباره عن اربع أنواع


#FRONTAL




و ده بيقسم الجسم لجزء أماميAnteriorو جزء خلفيPosterior ........

#(MEDIAN (midsagittal




و ده بيقسم الجسم لجزء Rightو جزءLeftمتساويين.......

#HORIZONTAL




و ده بيقسم الجسم لجزء علويSuperiorو جزء سفليInferior..........

#SAGITTAL




و ده أيplaneموازي للـmedianplane .....

و دي صور لتوضيح الـ
Anatomical planes
نقرتين لعرض الصورة في صفحة مستقلة


نقرتين لعرض الصورة في صفحة مستقلة


ودلوقتى

اتفضلوا حملوا التسجيل من هنا
نقرتين لعرض الصورة في صفحة مستقلة
Media Fire
نقرتين لعرض الصورة في صفحة مستقلة
نقرتين لعرض الصورة في صفحة مستقلة
Rapid Share
نقرتين لعرض الصورة في صفحة مستقلة

نقرتين لعرض الصورة في صفحة مستقلة

عاوز أفكركم بالاتفاق
المفروض دلوقتى انكم معاكم الكتاب وزاكرتم وحاولتم الى حد ما تأخدوا فكره عامه
وبعدين بدأتم تسمعوا الشرح او بمعنى اصح المراجعه

اسيبكم دلوقتى تزاكروا
لا تنسونا من صالح دعائكم

•°o.O (The ambitious Doc) O.o°•
من مواضيع The ambitious Doc في المنتدى

The ambitious Doc غير متواجد حالياً  
Sponsored Links

قديم 09-16-2009, 12:09 AM   #2 (permalink)
لا اله الا انت سبحانك
 
الصورة الرمزية The ambitious Doc
 
تاريخ التسجيل: Jul 2009
العمر: 24
المشاركات: 460
Thanks: 0
Thanked 2 Times in 2 Posts
افتراضي رد: (1)أولــ محاضره أناتومــى للفرقه الاولـــى ** معا نحـــو القمـــه**


بسم اللـــه الرحمــــن الرحيـــــم
يا شباب انتم حوالى 22 دكتور تقريبا
لازم تقولولى كلكم ايه رأيكم فى الطريقه بتاعت الشرح من غير مجامله او ثناء
عاوز كل الردود
نقد
اقتراح .. استفسار .. طلب ..
وأيهما تفضلوا شرح كتابه ام تسجيل صوتى انا ممكن اتنازل وانزلكم الشرح ان شاء الله كتابه لو حبيتم كده
المهم اللى يريحكم انتم
انتم دلوقتى كل المشروع
يعنى فى الحقيه انتم الاساتذه واحنا الطكلبه
اى استفسار او اى حاجه هنحاول نعملهالكم انا و د:محمد عصام بارك الله فيه وجزاه الله خيرا
بقدر الامكان اذا سمحت الظروف
مقابل مهمه كبيره جداا وهى التفوق والمزاكره بجد والنهوض بالمشروع
وبرده عشان منكنش حجه ليكم بعد كده وتكسلوا وتقولوا الدكاتره لم يعطونا حقنا

والله يا شباب رأيكم بالنسبه للمحاضره الصوتيه هيفيدنى جدا
يعنى تقولولى بالظبط اقتراحكم ايه بحيث اظبط نفسى على اللى انتم تحبوه المحاضره الجايه ان شاء الله
فياريت الردود تكون بعد الانتهاء من المزاكره ومن سماع المحاضره تماما
بعدها تبدأوا تقولوا رأيكم يعنى مش عاوزين ردود خاالص فى غضون الــــــــ3ـــــ ساعات القادمه
وبكرر مره تانيه لو عاوزين نتنازل عن الشره الصوتى ويكون شرح مكتوب فـــــــــ
احنا تحت أمركم _ وان كنت والله ارى ان الشرح الصوت الصوتى افضل لى ولكم _ ولو فيه اقتراح توجهونى ليه عشان تكون النتائج افضل المره القادمه ونرتقى سويا الى ان نصل الى ما نصبوا اليه جميعا ( القمه )
واخــــــــيرا....
المحاضره القادمه هتكون عن
The skeleton الهيكل العظمى
&
Joints المفاصل
عشان الناس اللى هتحضر

ملحوظه : الدكتور محمـــــد عصام
هينزلــــ صور توضيحيه فى نفس الموضوع ان شاء الله
النهارده


اعزرونى على الاطاله
وشكرا
,,,,,,,,,
من مواضيع The ambitious Doc في المنتدى

The ambitious Doc غير متواجد حالياً  
قديم 09-16-2009, 12:12 AM   #3 (permalink)
 
الصورة الرمزية Dr. M.E
 
تاريخ التسجيل: Sep 2009
المشاركات: 135
Thanks: 0
Thanked 0 Times in 0 Posts
افتراضي رد: (1)أولــ محاضره أناتومــى للفرقه الاولـــى ** معا نحـــو القمـــه**

بسم الله الرحمن الرحيم

أنــــا في المشاركة دي هوريلكم بعض الصور التوضيحية اللي نأمل انها تساعدكم في فهم الموضوع مع شرح دكتور بلال(الطبيب الطموح) جزاه الله خيرا
انا سمعت حوالي رع ساعة من الشرح ومبسوط اوي من اسلوبك في الشرح يا دكتور ربنا يوفقك

نبدأ بأول صورة
نقرتين لعرض الصورة في صفحة مستقلة

زي م احنا شايفين الصورة دي بتوضح المصطلحات الرئيسية بالنسبة للاتجاهات
فوق يعني Superior ومش معنى فوق انه لازم يبقى عند الراس بمعنى ان مثلا نقدر نقول ان لو في عضلتين الاتنين في الرجل وفي واحدة فوق التانية يبقوا الاتنين بنفس الاسم
بس واحده يسموها Superior والتانية Inferior
مثلا في عضلة اسمها Superior rectus (مش مهم مكانها دلوقت ) ولكن بديهي لما تسمع الاسم ده يبقى تسأل فين ال Inferior بتاعتها؟؟ هتلاقي في عضلة تانية اسمها inferior rectus


في الصورة برضه هنلاقي خط في النص بديهي للي متابع شرح الدكتور هيقول ان الخط ده Median وليس Medial زي ما مكتوب لأن زي ما عرفنا ان Median يعني في النص
وزي ماحنا شايفين ان الخط في نصف البطن بالظبط وده كلام صحيح
ان الخط ده فعلا Medianولكن..
هو برضه يعتبر medial ولكن لما تسمع Medial يبقى لازم في Lateral
لأن ببساطة Median معناها (أقرب) لخط المنتصف بمعنى ان لازم في مقارنة يبقى أقرب بالنسبة لحاجة (مش شرط انه قريب) ولكنه أقرب
بالبلدي كده نقول ان Medial يعني لجوه
و lateral يعني لبره
ان صح التعبير

نضرب مثال بسيط..ان لو في 3 نقط محطوطين بالعرض على جانب البطن الأيمن في مستوى افقي واحد
تبقى النقطة اللي في النصف Medial للنقطة اللي بره وهي نفسها Lateral للنقطة اللي جوه
والنقطة اللي بره Lateral للاتنين التانيين وهكذا..

وزي ما قلنا على Superior &Inferiorينطبق نفس الكلام على دول
يعني لما تسمع عضلة اسمها medial rectus يبقى علطول تسأل أمال فين Lateral rectus

دايما في الاناتومي هتلاقي الصورة مقلوبة بمعنى انك هتلاقي اليمين شمال والشمال يمين
كأنك باصص في مراية
زي ماحنا شايفين مكتوب على اليمين Left lateral والشمال Right
وهكذا...

نقرتين لعرض الصورة في صفحة مستقلة
الصورة دي توضحلنا أكتر اللي قصدي عليه

وكمان فيها كلمتين جداد(هم طبعا مش جداد لأن الدكتور شرحهم) بس جداد في الصور
Anterior
و Posterior ومش شرط Anterior يبقى في الصدر و posterior يبقى في الضهر
ولكن مثلا...ممكن تشيل الجلد تلاقي عضلتين قدام بعض يسموا واحدة Anterior والتانية Posterior

اسمحولي قبل ما أكمل اني استعمل اختصارات وبالمناسبة دي اختصارات عالمية وهتلاقوها في كتبكم
Anterior=Ant.
Posterior=Post.
Medial=med.
lateral=lat.

نقرتين لعرض الصورة في صفحة مستقلة
الصورة دي انا جايبها علشان ابينلكم المثال اللي قلت عليه
شايفيى X,Y,Z
هنا Y medial ل X
و lateral ل z

ولو حبينا نشرح مصطلح Intermediate زي ما في شرح الدرس الصوتي
يبقى
X=lateral
z=medial
y=intermediate


نيجي للكتابة التانية
نلاقيه كاتب على الحرف اللي (لجوه) بتاع الذراع Medial
واللي (لبره ) Lateral
وطبعا ده مفهوم ليه
واحد هيسأل
طيب ماهو لو قلب ايده (خلى كفه لورا) هيبقى الMedial Lateral والعكس
أقوله لا هيفضل ال Medial Medial و ال Lateral Lateral
طيب ليــــــــــــــــــــــه؟

علشان زي ما قال الطبيب الطموح ان عندنا وضع اساسي للتشريح anatomical position
وهي ان الايد تبقى باصه لقدام يعني...
قبل ما تشوف اي حاجة Medial or lateral
رجعها للوضع التشريحي وشوفها هتبقى ايه بعد كده قرر



بينا على الصورة اللي بعدها
نقرتين لعرض الصورة في صفحة مستقلة


دي بتشرح يعني ايه Proximal و Distal
بالبلدي كده Proximal يعني قريب و distal يعني بعيد
هنا نشوف ان العضد (arm) ليه طرفين واحد عند الكتف (قريب) والتاني عند الكوع (بعيد)(distal)
وهكذا في الساعد(Forearm)

نيجي على اللي بعده
نقرتين لعرض الصورة في صفحة مستقلة
ملكوش أي دعوة بالأسامي المكتوبة اللي هي اسامي العضلات
كل اللي عايزكم تشوفوه في الصورة ان العضلات في جسم الانسان عبارة عن طبقات فوق بعضها
ف القريب من السطح(الجلد) بنسميها superficial
واللي جوه بنسميها deep




دول صور الاتجاهات الاساسية اللي لازم تعرفوها
وبعض المصطلحات

المشاركة الجاية ان شاء الله هجيبلكم صور الحركات المطلوب تعرفوها movements
بس على ما اجيبهالكم عايزكم تنزلوا الدرس وتسمعوه
واي حاجة مش مفهومة تقولوا عليها ومتتكسفوش
احنا في يوم من الايام كنا زيكم ومحتاجين مساعده
ارجوا انكم تلتزموا وتجتهدوا وتورونا حماس علشان نقدر نكمل
لأن احنا طبعا بنتعب على ما نجيبلكم الحاجات دي

منتظرين مقترحاتكم واستفساراتكم

انتظروا الصور الجديدة
من مواضيع Dr. M.E في المنتدى


التعديل الأخير تم بواسطة Dr. M.E ; 09-16-2009 الساعة 05:04 AM
Dr. M.E غير متواجد حالياً  
قديم 09-16-2009, 12:27 AM   #4 (permalink)
 
الصورة الرمزية Dr. M.E
 
تاريخ التسجيل: Sep 2009
المشاركات: 135
Thanks: 0
Thanked 0 Times in 0 Posts
افتراضي رد: (1)أولــ محاضره أناتومــى للفرقه الاولـــى ** معا نحـــو القمـــه**

بسم الله الرحمن الرحيم
دلوقت ميعادنا مع المجموعة التانية من الصور

قبل ما أبدأ في صور ال Movements
بعد ما سمعت الشرح لقيت ان دكتور الطبيب الطموح قال prone position & supine position
وانا كاتبها علشان تعرفوا كتابتها للي مش موجوده عنده في كتب وهي زي الصورة كده
نقرتين لعرض الصورة في صفحة مستقلة
طبعا مش محتاجة شرح
واحد نايم على ظهرة والتاني على بطنه


كمان قال حاجة اسمه Ipsilateral & Contralateral
دول ملهومش دعوة ب Lateral اللي خدتوها من شوية
ولكن زي ما قلنا ان في خط منصف للجسم
اي حاجتين موجودين على نفس الجهة يبقوا Ipsilateral
واللي على جهتين مختلفين
Contralateral

مثال: يقولك مثلا في شلل نصفي تلاقي في مشكلة في المخ مثلا في الجنب اليمين
ف يجي يقولك انه بيعمل Ipsilateral hemiplegia
يعني شلل نصفي في نفس الجانب بتاع المشكلة
بمعنى ان لو المشكلة في اليمين يبقى الايد اليمين والرجل اليمين مش هيتحركوا

وفي حاجات تانية بيعمل Contralateral hemiplegia
يعني بيعمل شلل في الناحية التانية من الجسم اللي المخ فيها سليم

(ملكوش دعوه بكلمة شلل نصفي انا جايبها بس علشان تعرفوا الكلمتين دول)

نيجي بقى لل Movements

بس احب انوه تنويه بسيط
طبعا كلكم عارفين ان جسم الانسان عبارة عن عظام بتحركها عضلات
وأي حركة بين عظمتين بتبقى في مفصل Joint
يعني كل حركة في الحركات اللي هنقولها دي بتحصل في المفاصل
(مش العضلااااااااااااااااااااات)
مثلا مفيش عضلة بيحصلها Flexion لكن هي اللي بتسببه
ولكن في مفصل بيحصله Flexion
اللي بيحصل في العضلة حاجة من اتنين ملهمش تالت
يا اما انقباض Contraction
أو انبساط Relaxation
وطبعا مش بتعمله بمزاجها ولكن بتجيلها اشارة من المخ بتوصلها عن طريق اعصاب تغذيها

دي مقدمة بسيطة علشان تعرفوا ان كل اللي هيتقال ده هيتقال على المفاصل مش العضلات

نبدأ..
نقرتين لعرض الصورة في صفحة مستقلة
دي اول حركتين اللي هم Flexion انقباض
extension انبساط
طيب يفرقوا ايه عن الكلمتين اللي قبلهم؟؟
قلت دول للمفاصل ولكن اللي فاتوا كانوا للعضلة

نرجع للصورة..
طيب هنا الانقباض في مفصل ايه؟
صح...مفصل الكوع وده اللي الحركة فيه وده اللي عايز يوريهولنا في الصورة
ولكن..
لو بصينا لمفصل الرسغ Wrist هنلاقي ان مع انقباض الكوع بيعمل برضه انقباض فيه
يللا تخيلوا كل Flexion على كل مفصل في جسمكم هيبقى شكله ايه وعكسه هيبقى Extension واعملوه على نفسكم دلوقت وتعالوا نشوف..

الرسغ؟؟؟Wrist Joint
نقرتين لعرض الصورة في صفحة مستقلة

الأصابع؟؟ (مش هقولكم اسم المفصل)

نقرتين لعرض الصورة في صفحة مستقلة
طبعا يمين flexion شمال extension


الركبة؟؟Knee joint
نقرتين لعرض الصورة في صفحة مستقلة
وطبعا هو هنا عامل flexion برضه لمفصل الحوض hip joint

طيب لو الحركة بين المفاصل اللي بين فقرات العمود الفقري والحوض؟؟
نقرتين لعرض الصورة في صفحة مستقلة




الكتف؟؟؟
shoulder joint

لا ده هسيبكم تفكروا فيه للدرس الجاي لما نيجي لشرح المفاصل
وهو غريب شوية بس حاولوا تفكروا فيه

نيجي للحركة اللي بعد كده

Adduction
Abduction

نقرتين لعرض الصورة في صفحة مستقلة
طبعا الصورة موضحة نفسها ولكن هسأل سؤال
هنا الحركة حول مفصل ايه؟؟
الكتف طبعا

طيب اعمل الحركتين دول على نفسك بس على مفصل الحوض وشوف الصورة كده...


نقرتين لعرض الصورة في صفحة مستقلة
adduction
وعكسها
abduction
كان دكاترتنا بيحفظوهالنا ان اللي فيها (b) تبقى ل(ب)ره

وحاولوا دايما تحفظوا الكلمات بحاجات زي دي
اخترعوا حاجة زيها واحفظوها بيها
انا لغاية دلوقت بعمل كده

نرجع لموضوعنا

حد يتخيل لو الحركة دي في مفصل الرسغ هيبقى شكلها ايه؟؟

نقرتين لعرض الصورة في صفحة مستقلة
سوري ملقتش صورة أظرف من دي
لكن...
شايفين هنا اننا لما نروح لأصبع الابهام يبقى احنا بنعمل abductin وناحية الاصبع الصغير يبقى احنا بنعمل Adduction

طيب ليه؟؟
لأننا لو رجعنا للوضع التشريحي هتلاقي ان اصبع الابهام هو اللي بره لأن كف اليد مواجه للأمام
يبقى لما اروح ناحيته ل(ب)ره يبقى انا بعمل A(b)duction
والعكس
برضه بيسموها ulnar & radial deviation (or flexion)
ملكمش دعوة بالاسامي دي بس بقولها علشان لو حد لقاها في الكتاب ميتخضش

استنوا لقيتلكم صورة
نقرتين لعرض الصورة في صفحة مستقلة
ركزوا تحت على الشمال
اللي متحركة ناحية الthumb تبقى abduction
واللي ناحية الاصبع الصغير ( little finger) تبقى adduction




طيب تخيل الحركة لو في الأصابع
نقرتين لعرض الصورة في صفحة مستقلة
طيب ازاي ده؟؟
في اليد بنعتبر ان خط المنتصف بتاعنا هو ال middle finger
ولما نقرب منه يبقى بنعمل adduction ولما نبعد عنه يبقى بنعمل abduction
وكذلك في القدم
بص الصورة دي كده


نقرتين لعرض الصورة في صفحة مستقلة
ده abduction

طيب لو الحركة في مفصل القدم ؟؟؟

نقرتين لعرض الصورة في صفحة مستقلة
ده adduction وعكسه abduction




نيجي للحركة اللي بعد كده



supination & pronation

نقرتين لعرض الصورة في صفحة مستقلة
بصوا الصورة دي
لو خلينا الايد وجهها لفوق (زي واحنا بندعي) بتبقى supination
ولو خلينا ظهرها لفوق تبقى pronation

كان دايما دكاترتنا يحفظهولنا بإن الناس وهي بتدعي بتقول (سُبحانك يا رب ) تبقى بتعمل supination

وطبعا هنا الحركة حول مفصل ايه؟؟
لا غلط مش الرسغ wrist?
طيب ليه؟؟
حاول كده تخلي كف ايدك بس اللي يعملها من غير ما تحرك باقي ايدك
مش هتعرف
لازم الساعد هو كمان يتحرك
يبقى الحركة في الساعد مش في كف اليد
بين عظمتين اللي هم الزند والكعبرة
مش مهم اساميهم ولا مهم المفصل دلوقت
هتاخدوه الدرس الجاي

شوف معايا الصور دي...
نقرتين لعرض الصورة في صفحة مستقلة

نقرتين لعرض الصورة في صفحة مستقلة
الصورة دي جميلة جدا لأنها بتوضحلنا ان الحركة من العظمتين اللي في الساعد مش من اليد

نقرتين لعرض الصورة في صفحة مستقلة

Supination Supination is to rotate the forearm so that the palm faces forward.

Pronation Pronation is to rotate the forearm so that the palm faces backward.
كل واحد يحفظ التعريف اللي في كتابه


الحركة دي برضه بتحصل في القدم بس الحركة فيها محدودة شوية ...ومش هجيبلكم صورها دلوقت علشان هتلغبطكم مع حركة تانية واعتقد انها مش عليكم أصلا
بس لو حد لقاها في كتابه يقولي




نقرتين لعرض الصورة في صفحة مستقلة




نيجي للحركة اللي بعد كده
Medial and lateral rotation



نشوف شكلها في اليد
نقرتين لعرض الصورة في صفحة مستقلة
lateral rotetion
نقرتين لعرض الصورة في صفحة مستقلة
medial rotation

لأن زي ما اتعلمنا medial يعني بجيب الساعد لجوة
و يعني بودي الساعد لبرهlateral

طيب شكلها في القدم؟؟

نقرتين لعرض الصورة في صفحة مستقلة
نقرتين لعرض الصورة في صفحة مستقلة

Medial Rotation

Medial rotation is to turn inward.



Lateral Rotation

Lateral rotation is to turn outward.




الحركة اللي بعدها
Protraction & retraction
(اللي ميلاقيهاش في كتابه ميذاكرهاش)


نقرتين لعرض الصورة في صفحة مستقلة.
ده protraction ل ال head
ولو رجع راسه لوراء يبقى retraction

نقرتين لعرض الصورة في صفحة مستقلة


طيب شوفوا دي كده...
نقرتين لعرض الصورة في صفحة مستقلة
ده في الكتف
يمين retration
شمال protraction

ودي برضه ممكن تحصل في الفك السفلي (بس ملقتش ليها صور)
زي ماممكن تطلع فكك السفلي لقدام ووراء
اعملها وصور نفسك ونزل صورتك في الموضوع :)

ومش بس كده
كلمة protracted دايما بنقولها على اي حاجة تطلع من مكانها
زي حاجة مشهورة أوي:
جرب افرد ذراعك واضغط به بقوة على حائط أمامك
هتلاقي ان عظمة لوح الكتف اصبحت بارزه خلف ظهرك وده بنسميه scapular protraction
scapula=لوح الكتف
شوف الصورة

نقرتين لعرض الصورة في صفحة مستقلة










اللي بعــــــــــــــــــده
eversion &inversion

نقرتين لعرض الصورة في صفحة مستقلة
inversion


نقرتين لعرض الصورة في صفحة مستقلة
برضه كانوا دايما يقولولنا اللي فيها (In) تبقى لجوه






اللي بعده
Elevation & depression

نقرتين لعرض الصورة في صفحة مستقلة
هم الصورتين اللي على الشمال
أعتقد سهلين ومش محتاجين شرح

نفس الحركة برضه بتحصل لما تفتح فمك وتقفله وانت بتاكل أو تتكلم

لما بتفتحه انت بتعمل depression للفك السفلي
والعكس...
برضه ملقتش ليها صور




اللي بعده
opposition
برضه اللي ميلاقيهاش عنده ميذاكرهاش انا بس جبتها علشان الدكتور بلال قالها في الشرح
نقرتين لعرض الصورة في صفحة مستقلة

نقرتين لعرض الصورة في صفحة مستقلة

ودي الحركة اللي بتستخدمها وانت بتعد على أصابعك





اللي بـــــــــــــــعده

circumduction

نقرتين لعرض الصورة في صفحة مستقلة
زي ما انت شايف نقدر نسميها تجاوزا انها الحركة في دائرة
وهنا الحركة حول الفقرات القطنية للعمود الفقري

طيب لو في الطرف العلوي؟؟
نقرتين لعرض الصورة في صفحة مستقلة



أتمنى تكون مفهومة







ركزوا في الحاجات دي كويس وذاكروا أول بأول علشان هتتكروت في الكلية
واللي مش مفهوم او اللي ماتقالش قولولنا عليه علطول

بجد احنا بنتعب جدا جدا على ما نجيبلكم الحاجات دي عايزين تقدير للمجهود ده ومذاكرة وتفاعل....

أنا كده خلصت الدرس الاول ومستني رأيكم في الايجابيات والسلبيات والمقترحات والاستفسارات

نســـــــــألكم الدعاء لنا...

من مواضيع Dr. M.E في المنتدى


التعديل الأخير تم بواسطة سما البحر ; 09-17-2009 الساعة 03:35 AM
Dr. M.E غير متواجد حالياً  
قديم 09-16-2009, 04:19 AM   #5 (permalink)
 
الصورة الرمزية Dr. M.E
 
تاريخ التسجيل: Sep 2009
المشاركات: 135
Thanks: 0
Thanked 0 Times in 0 Posts
افتراضي رد: (1)أولــ محاضره أناتومــى للفرقه الاولـــى ** معا نحـــو القمـــه**

بسم الله الرحمن الرحيم
اقتباس:
لسلام عليكم ورحمة الله وبركاته
الله ينور عليك يا دكتور بلال بجد .....كنت رائع جدا انا لحد دلوقتى قسمت اللى حضرتك بتقوله الى حاجات معينة لحد ما سمعت لانى لو سمعتها على بعضها كل حاجة هتدخل عدى فانا اخدت المحاضرة كعناوين رئيسية بمعنى مثلاا

مقدمة simple introduction........anatomy

وحضرتك قولت انواع ليها
macro- anatomy
micro -anatomy (الهستولوجى )

وانواع (systemic --applied--surface--radiological--regional)...
دى يعنى branches of anatomy science

وبعدين نقلت الى

anatomical position .....الوضع التشريحى
anatomical planes ......المستويات التشريحية

دول الحمدلله فهمتهم كويس منك يا دكتور ...مع التكرار هيبقوا ان شاء الله كويسين

نيجى بقى للحتة اللى شويه ارهقتنى ولسه برده مش دخلت اوى

terms of position
اصطلاحات الوضع
دى بقى بجد حاولت كتير اركز فى الصور وفى الكلاام والكتاب وبرده .....مش دخلت علشان كدا وقفت عندها علشان افهمها
فى حاجات فى الكتاب كلمات حضرتك مش ذكرتها
وفيه حاجات حضرتك شرحتها تفصيليا وملقتهاش فى الكتاب عندى ...وكدا
فرجاء اكتب التيرمز دى
وياريت لو كمان تعرف ع الرسام تحط the body وتحط عليه نقط كتير متفرقة وكل نقطة نقف عندها ونقول موضعها بالنسبة للmidline والحاجات دى يبقى تمام اوى

بالاضافة ان فى حاجات عايزة حضرتك تنطقها معلش انا رزلت وهتعبك اوى
as

superior>>called cranial
inferior >>>called caudal
anterior >>>>called ventral
posterior >>>>called dosral

الحاجات دى لاقيتها فى الكتاب ومعرفتش اقراها كويس
اوى هاتلى موقع قاموس طبى ناطق
وكدا
ومعلش رزلت اوى
بس عايزة توضيح للتريمز دى علشان تثبت

وبجد بجد
جزاك الله كل خير
والله ينور عليك بجد
مية مية يا دكتور
بالنسبة للأوضاع التشريحية يا دكتورة
في صور في المشاركة التالتة
شفتيها؟؟

عموما لو شفتيها ولسه برضه مش داخلة هجيبلك صور اكتر
بس انا كنت حابب ان الصور التانية دي بعد ما تسمعوا كلكم علشان نعملها زي امتحان

اقتباس:
superior>>called cranial
inferior >>>called caudal
بصي يا دكتورة سمسمة
كرانيال Cranial
& Caudal كودال
دي حاجات هتستخدميها أكتر في الامبريولوجي Embryology
ودول معناهم ايه؟؟
cranialدي كلمة بتطلق على أي حاجة متعلقة بالرأس أو الجمجمة بمعنى أصح
Cranium=head
ف علشان كده بيقولوا على الحاجات اللي في الجنين الصغير جدا جدا لو حاجة أقرب لراسه بيقولوا عليها Cranial
مش Superior
مش عارف جايز علشان هو بيبقى اصغر من ان يبقى فيه فوق وتحت أو لأنه مش بيقف أصلا علشان يبقى فوق وتحت
واللفظ ده بيطلق من بدري أوي حتى من قبل م رأس الجنين تتكون بيطلقوا Cranial
على المكان الأقرب للجزء اللي هيكون الرأس فيما بعد

نيجي بقى ل Caudal
ودي معناها ذيلي
يعني ناحية الذيل
وبما ان الانسان في العصر الحالي مالوش ذيل ف دي بطلق على الجزء السفلي من الجنين أو على الحاجات القريبة من الأجزاء اللي هتدي الأرجل فيما بعد فلذلك هي بديل كلمة Inferior
في علم الأجنة Embryology

اما Ventral & Dorsal دي متشغليش بالك بيها دلوقت
هتعرفيها كويس جدا لما تاخدي الفروع بتاعة التشريح
بس اديكي نبذه عنها برضه

لو شفتي الصورة اللي جابها د/ الطبيب الطموح بتاعة ال
normal anatomical position
هتلاقي ان كف الايد هنا مواجه لقدام
يعني بنقول عليه Ventral aspect of the hand
يعني الجانب الامامي من اليد
اما ضهر اليد بنسميه
Dorsal aspect of the hand=dorsum of the hand

أما بالنسبة للحاجات الموجوده في الكتاب والدكتور مقالهاش ياريت تقوليلنا عليها علشان نشرحها
علشان انا لقيت صعوبة اني اشرح الشرح نتيجة لضيق الوقت والصوت عندي واطي على الجهاز

وبما ان حضرتك بتقولي انك مسمعتيش كل حاجة ممكن الحاجات دي تتقال بعدين
اسمعي الدرس كله
وقوليلنا برضه حضرتك جامعه ايه

وردي عليا على الصور علشان هي جاهزة لو محتاجة توضيح اكتر بيها قوليلنا ولو فهمتي من الصور اللي فوق سيبي الصور الباقية للإمتحان


بالنسبة للقاموس الطبي انا عندي واحد على الجهاز هحاول أرفعهولك إن شاء الله
بس بالنسبة للحاجات دي ممكن أي قاموس عادي ينطقهم زي Easy lingo

أرجو اكون وفيت الاجابة على استفساراتك ومنتظر ردك

أسف طبعا اني رديت على كلامك مع انه كان موجه للطبيب الطموح بس انا قلت أخفف عنه وأسيبه هو للشرح لأن ده كان اتفاقي معاه اني هرد على الاستفسارات...


شكرا على تفاعلكم ومستنيين تفاعل بقية زمايلكم
من مواضيع Dr. M.E في المنتدى

Dr. M.E غير متواجد حالياً  
قديم 09-16-2009, 05:48 AM   #6 (permalink)
 
الصورة الرمزية Dr. M.E
 
تاريخ التسجيل: Sep 2009
المشاركات: 135
Thanks: 0
Thanked 0 Times in 0 Posts
افتراضي رد: (1)أولــ محاضره أناتومــى للفرقه الاولـــى ** معا نحـــو القمـــه**

اقتباس:المشاركة الأصلية كتبت بواسطة dr.gehad مشاهدة المشاركة
السلام عليكم ورحمة الله وبركاته بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين جزاك الله كل خير على المجهود الرائع ده وبالنسبة للصوت انا استخدمت الهيد فون والحمد لله كان واضح بس كان عندى سؤال هو ايه الفرق بين superior , و cephaled مع ان الاتنين معناهم الاقرب للراس وجزاكم الله عنا خير الجزاء واثابكم ثوابا عظيما واالسلام عليكم
وعليكم السلام ورحمة الله

انا سمعت دلوقت الدرس ومش لاقي ان الدكتور قال Cephaled دي
عايز اعرف هو حضرتك جايباها من كتاب مثلا؟

عموما عايز اقولك ان Cephal- دي prefix لاتيني معناها Head
يعني مثلا لو قلتلك Cephalic يبقى الحاجة اللي هقولها بعدها دي موجوده في الرأس سواء كان مرض او جزء أو أي حاجة

طبعا لكل قاعدة شواذ مثلا هتلاقي وريد اسمه Cephalic vein وده موجود في الطرف العلوي

بس Cephaled دي مش بتستخدم لوصف مكان في الجسم زي Superior & inferior
يعني ممكن متشوفيهاش تاني الا ممكن في ال Embryology
ولكن ممكن تكون مكتوبه علشان تشرح كلمة Superior

مش عايزه تعرفيها خالص مش مهم

وبالنسبة للصور عايزكم كلكم تتابعوا باستمرار مشاركتين بتوعي اللي في أول الموضوع كل شوية هحط صور جديدة تسهل عليكم
من مواضيع Dr. M.E في المنتدى

Dr. M.E غير متواجد حالياً  
قديم 09-16-2009, 06:41 PM   #7 (permalink)
 
الصورة الرمزية Dr. M.E
 
تاريخ التسجيل: Sep 2009
المشاركات: 135
Thanks: 0
Thanked 0 Times in 0 Posts
افتراضي رد: (1)أولــ محاضره أناتومــى للفرقه الاولـــى ** معا نحـــو القمـــه**

د/ سمسمة

اقتباس:
السلام عليكم ورحمة الله وبركاته
انا كل نقطة هقول لحضرتك اللى فى الكتاب عندى واللى حضرتك بتقوله .....تقريبا هو نفس المعنى والغرض بس بصراحة طريقتك يا دكتور بلال اسهل ...فقولى بقى ازاكر من الكتاب الاول وبعدين اسمعك ولا اكتب اللى بتقوله وازاكر منه
ولا اعمل ايه بالظبط ......بالمرة اجيبلك معلومة الكتاب نصا وكدا

بصي يا دكتورة...
انا لما كنت في اولى كان صعب عليا جدا الترجمة كنت بحاول أفهم اللي اقدر عليه واللي مش بيتفهم بيتحفظ زي ماهو مكتوب
بس لو حضرتك وصلتي انك تفهمي وعندك قدرة لغوية انك تعبري بإسلوبك ف هو ده المطلوب ولو عملتيه تبقي ممتازة
وده اللي هيبقى مطلوب منك طول سنوات الطب...
بالنسبة لطريقة سماع الدروس انا عندي اقتراح
انك تقفلي الكتاب خالص وتسمعي الدرس وانتي قدامك الصور اللي في الموضوع وقدامك ورقة وقلم وتكتبي اللي بيقوله
وبعد ما تخلصي وتفهمي منه بإسلوبه هو...
تفتحي الكتاب وتقارني اللي فهمتيه وبالتالي هتلاقي الكتاب سهل ان شاء الله

وبرضه د/ بلال يشاركنا برأيه
بس انا بقولك اللي كنت بعمله

اقتباس:
anatomical position
anatomy is the science of the structure of the body
التشريح هو العلم الذي يهتم بتركيب الجسم

اقتباس:
all descriptions of the human body are based on the assumption that the personis standing upright,with the upper limbs hanging by the sides and the face and the
palms of the hands are facing forwards.... this called the Anatomical Position
هنا بيوصف الوضع التشريحي اللي منه بنقرر وضع كل نقطة في الجسم
الترجمة:كل الوصف في جسم الإنسان مبني على ان يكون الانسان واقفا معتدلا وطرفه العلوي موضوع بجانبه والوجه وكف اليد مواجهين للأمام وهذا ما يعرف بالوضع التشريحي

اقتباس:
and you said

the anatomical position
1-standing direct
2-arms to the side
3-legs close together
4-eyes and palms facing forwards
هو نفس الكلام طبعا
ولكن...
بصي يا دكتورتنا المطلوب هنا انك تكوني عارفه الوضع التشريحي ولو مجرد انك تعرفي شكله في الصورة
وتعبري عنه بإسلوبك
ومش هيجي يسألك في الامتحان يعني ايه وضع تشريحي الأسئلة لسه موضعها مش دلوقت
الكلية مش زي الثانوي بيسأل في كل كلمة ولكنه بيسأل في الحاجات اللي هتفيدك كدكتورة فيما بعد
زي مثلا مكان العضلة فلانة بيغذيها عصب اسمه ايه؟؟
ولو اتقطع ايه اللي يحصل للعضلة وهكذا

ولكن مهم جدا انك تعرفي الوضع التشريحي علشان تعرفي ال medial & lateral وهكذا...
ولما تشوفي المشاركة التالتة هتفهمي قصدي أكتر

اقتباس:
ممممممممممم دا بالنسبة للنقطة دى
انا عارفة انى بكبر الحكاية
هو الكلام تقريبا واحد او المضمون واحد
بس عايزة اعرف انا دلوقتى فهمت المضمون عايزة احفظ بقى علشان لما اجى اجاوب
احفظ من الكتاب ولا من كلاام المحاضرة انا بسمعك كويس وبكتب وراك الكلاام
ففهمنى بقى اعمل ايه بالظبط
وجزاكم الله كل خير
ولا يهمك كلنا كنا مكبرينها في الأول وانا مبسوط جدا انك مهتمة وده بيدينا دافع اننا نكمل

بصي يا دكتورة
بما انك قلتي انك جامعة اسكنرية معايا يبقى حضرتك أكيد بتذاكري من كتاب د/شيرلي وده كتاب ممتاز جدا
عموما افهمي المضمون..
واكتبي ورا د/بلال
وبعدين افتحي الكتاب واحفظي منه
ولو د/بلال قال كلمة بالعربي كده تسهلكم الفهم اكتبيها في الكتاب جنبها بالرصاص في جنب علشان تفكرك
زي مثلا كنت سامع وهو بيشرحلكم Abduction
قال انه زي تمرينات الصباح في طابور المدرسة لما كان المدرس بيقول الذراعين جانبا رفع
مفيش مانع تكتبيها جنبها لو هتفكرك
وبعد كده احفظي من الكتاب ولو نسيتي كلمة متقفيش عندها وهاتي بدالها من اسلوبك

في الكلية بيدوا الدرجات على انك فاهمة الفكرة العامة مش حافظة بالحرف

وبالنسبة للترجمة حاولي انك متترجميش ترجمة حرفية علشان ساعات مش هتدي المعنى المطلوب
ولكن حاولي تترجمي الجملة ككل



وبعتذر اني برد بدل د/ بلال لأنه بطئ في الكتابة وده مرهق جدا ليه
فأنا سايبه للشرح وانا هأرد عليكم واجيبلكم الصور ان شاء الله
من مواضيع Dr. M.E في المنتدى

Dr. M.E غير متواجد حالياً  
قديم 09-16-2009, 07:04 PM   #8 (permalink)
 
الصورة الرمزية Dr. M.E
 
تاريخ التسجيل: Sep 2009
المشاركات: 135
Thanks: 0
Thanked 0 Times in 0 Posts
افتراضي رد: (1)أولــ محاضره أناتومــى للفرقه الاولـــى ** معا نحـــو القمـــه**

د/سمسمة
اقتباس:
proximal :nearer to the root of limb
distal: nearer to the end of the (limb >>hand >>foot
دول مش فاهمهم خالص رغم انى حاولت كتيييييييييير اوى فيهم
د/سحر أبو العلا
اقتباس:
معلش يا دكاتره عندى شويه اسئله اعذورونا احنا طلبه مزعجين شويه
1_هل proximal وdistal
دى مصطلحات خاصه بlimp الاطراف بس
ولا ممكن نستخدمها لما نوصف اى organ تانى
النقطتين دول نفس الاجابة عليهم
بداية هترجم لحضرتك دكتورة سمسمة
هنا بيقولك root دي يعني جذر دي ترجمة حرفية ولكن هنا معناها منشأ الشئ
limb يعني طرف اما علوي أو سفلي يعني الأيدي والأرجل
وهنا ال root of limb اللي هو الكتف في الطرف العلوي والحوض في الطرف السفلي

انا distal بيقول انها الحاجة الأقرب من نهاية الطرف يعني كف اليد في الطرف العلوي والقدم في الطرف السفلي
ده لو بنتكلم على الطرف ككل

يبقى ال proximal اقرب للكتف و distal اقرب لكف اليد
اما لو بنتكلم على العضد بس (زي الصورة اللي جبتهالكم في المشاركة التالتة) يبقى ال proximal هو الكتف أما ال distal هو الكوع لأن دي النقطة اللي العضد انتهى عندها

أما بالنسبة لإستفسار د/سحر
لا يا دكتورة دي بتستخدم لوصف حاجات كتير اوي بس احفظوها زي ما قلتلكم بالبلدي
proximal يعني قريب و distal يعني بعيد
هديكي مثال
الجهاز الهضمي عبارة عن انبوبة متصلة من الفم الى الشرج
بيبقى فيها انتفاخات في اماكن معينة زي المعدة وانحناءات في الامعاء وهكذا
هتلاقيه مثلا لما يجي يتكلم عن الامعاء الدقيقة يقولك ان ال proximal part بتاعها اسمه (.....) أما ال distal part اسمه(......) يبقى اول 1/3 بنسميه حاجة وأخر 2/3 بنسميهم حاجة
وهنا proximal يعني أقرب لبداية الامعاء يعني اقرب للمعدة
اما distal بعيد يعني قريب لنهايتها وبداية الامعاء الغليظة

لاحظوا اني مش راضي اكتبلكم اي مصطلحات انجليزي علشان مألغبطكمش بس اتمنى تكون المعلومة وصلت بالمثال
ولو لسه مش مفهومة قولولي برضه
من مواضيع Dr. M.E في المنتدى

Dr. M.E غير متواجد حالياً  
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:06 AM.


Powered by vBulletin Version 3.8.5
Copyright ©2000 - 2014, Jelsoft Enterprises Ltd
Translation by Support-ar
Style coding by: BBcolors.com

Search Engine Optimization by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325