إعـــــــلان

Collapse
No announcement yet.

المختصر البسيط لمشوار الطبيب

Collapse
X
  • Filter
  • الوقت
  • Show
Clear All
new posts

  • المختصر البسيط لمشوار الطبيب

    بسم الله الرحمن الرحيم

    السلام عليكم و رحمة الله و بركاته

    إن شاء الله فى الموضوع ده هنتكلم بأسلوب بسيط عن اللى هيحصل بعد التخرج
    و يعنى ايه نيابة و تكليف
    و ازاى الواحد بيتخصص و التقدير بيفرق فى ايه
    عشان برده نعرف الأجيال الجديدة و نشجع الناس على المذاكرة
    لإن للأسف مفيش حد بيوعينا بالكلام ده و احنا صغيرين
    و مش بنعرفه إلا لما نكبر جدااا


    أول حاجة بعد ما تتخرج من الكلية
    هتبدأ سنة الامتياز
    أظن كله عارف لحد كده

    باختصار كده
    سنة الامتياز بتبدأ يوم 1 شهر 3
    بتتقسم كالآتى
    شهرين باطنة
    شهرين جراحة
    شهرين أطفال
    شهرين نسا
    شهر استقبال
    شهر تخدير
    شهرين للتخصصات الأخرى حسب اختيارك

    هقولكم مثلا ايه أهمية ترتيبك على الدفعة فى
    الامتياز ؟؟
    من أول ما تتخرج انتا بتتحول لرقم
    الرقم ده اللى هوا ترتيبك على الدفعة
    انتا مثلا رقم 100
    هتلاقى فى الكشوفات بتاعة الأسامى فى كل

    الأقسام ترتيبك قدام اسمك
    ده هيفرق فى ايه ؟؟
    مثلا فى الشهرين بتوع الاسبيشيالات دول
    بيتعمل تنسيق و الرغبات حسب الترتيب
    يعنى ممكن تبقه انتا عايز تروح قسم كويس
    و فيه تعليم و متعرفش تروحه عشان فيه
    إقبال كبير عليه من الناس اللى ترتيبهم قبلك

    فى الجراحة برده فيه نظام إن إحنا بنكتب رغبات
    حسب الترتيب عشان تختار القسم اللى هتروحه
    فى الاستقبال الولاد اللى ترتيبها متقدم
    بتاخد استقبالها فى المستشفى الميرى
    الباقى كله بياخده فى استقبال مستشفى ناريمان
    بس الكلام ده للmales بس


    طيب السؤال المهم و بعد الامتياز ؟؟
    بتاخد شهادة تخرجك
    و كارنيه ممارسة المهنة
    و يبقه من حقك تمارس الطب لوحدك
    و تفتح عيادة كمان
    بس يبقه اسمك
    ممارس عام GP

    طبعا فى الامتياز ممكن تشتغل عادى private برده
    بس ده قانونا ممنوع


    بعدين بتبدأ حاجة اسمها التكليف
    يعنى تبقه دكتور تكليف
    ده ازاى ؟؟

    إحنا طلبة اسكندرية كنا بنتوزع على 3 محافظات
    الإسكندرية
    البحيرة
    مرسى مطروح

    و بعدين لغوا الكلام ده و خلوا التوزيع على مصر كلها
    و بعدين بيقال إنهم رجعوا فى كلامهم تانى

    المهم التوزيع ده برده حسب التقدير
    يعنى كل ما يكون تقديرك أقل
    كل ماهتروح حتة بعيييييييييييييدة

    بالنسبة للبنات اللى أعرفه إنها لو متجوزة
    بتقدم تظلم و بينقلوها حتة قريبة
    لو مش متجوزة بتعامل زينا حسب تقديرها

    مع العلم إن فيه قانون
    و المفروض إن ممنوع أى حد ياخد تكليفه فى

    مستشفى عام
    لازم فى وحدة صحية

    لحد كده تمام
    حد مش فاهم حاجة ؟؟؟

    ده بالضبط اللى هيحصل لكللللل الناس
    من الأول على الدفعة لآآآآآخر واحد


    طيب و بعدين ؟؟
    الناس بقه اللى ليها نيابة فى الجامعة
    ده عدد بيختلف كل سنة
    يعنى السنة دى كانوا طالبين 203
    منهم 72 ببوست
    هقولكم بعد كده يعنى إيه إن شاء الله

    الجامعة بقه فى شهر 8 كده
    بتنزل إعلان فى الجرايد كلها
    و الكلام ده فعلا حصلا من حوالى 3 أسابيع كده
    يوم الخميس
    مش عارف حد فيكم شافه و لا لأ ؟؟

    تعلن جامعة الأسكندرية عن حاجتها لشغل وظيفة
    طبيب مقيم فى الأقسام التالية
    جراحة عامة 24
    باطنة عامة 19
    ...........
    و هكذا

    يقوم الناس اللى كانوا طالعين الأوائل دول يقدموا
    ورقهم و بعدين بيعملوا قعدة كده
    اسمها قعدة النيابات
    دى برده لسه معمولة الجمعة اللى قبل اللى فاتت
    فى قاعة المؤتمرات
    بيحضرها العميد و وكيل الكلية

    أنا كان نفسى أحضرها بس روحت متأخر
    و مرضوش يدخلونا
    بس فيه صحابى حضروا و حكولى

    بيبقه فيه كده شاشة
    و عليها كل قسم و الأعداد اللى طالبها

    و بعدين يطلع الأول على الدفعة
    يمسك الميكروفون و يقول اختار ايه

    و بعدين يطلع التانى و هكذا
    يعنى السنة دى مثلا
    الأول و الثانى و الثالث أخدوا رمد
    الرابع أخد أنف و أذن
    الخامس أخد عظام
    السادس تقريبا كانت بنت أخدت أكاديمى
    و هكذا

    و كل قسم طالب عدد معين
    لو الناس اللى قبلك أخدوه خلاص القسم بيقفل
    يعنى مثلا الرمد طالب 3
    و خلاص أول 3 أخدوه
    لو انتا الرابع دلوقتى و عايز تاخد رمد خلاص

    مينفعش
    طبعا الموضوع ده مالوش قاعدة
    لإنه مرتبط بالرغبات
    إنما بيبقه معروف إن فيه تخصصات بتخلص فى

    الأول
    و تخصصات بتعد للآخر
    فكل واحد بيكون متوقع ايه
    التخصصات اللى هتوصله غالبا

    و يفضل النظام ماشى كده
    لحد ما النيابات اللى ببوست تخلص
    يعنى ايه ببوست ؟؟
    يعنى هيكمل فى الجامعة

    يبقه نايب ثم معيد ثم مدرس مساعد
    ثم مدرس ثم أستاذ مساعد ثم أستاذ

    بعد كده بقه تبدأ النيابات اللى من غير بوست
    يعنى ايه ؟؟
    يعنى يفضل نايب فى الجامعة
    لحد ما يخلص نيابته و ياخد الماستر
    طيب و بعدين ؟؟

    بيرجع تانى للإدارة اللى كان تبعها فى تكليفه
    بتوزعه على مستشفى
    بيتعين فيها على درجة مساعد أخصائى

    و برده زى ما قلنا هيختاروا تخصصهم كما سبق
    بالضبط
    طبعا ممكن واحد يكون ليه نيابة ببوست بس متاخر
    و تجيلى تخصصات هوا مش عايزاها
    فممكن يضحى بالبوست و ياخد الحاجة اللى بيحبها
    و ممكن ياخد البوست
    هوا و راحته

    دول بقه نواب الجامعة
    طيب ايه الميزة فى انك تكون منهم ؟؟

    أولا : ان انتا كده سبقت زمايلك
    يعنى بدأت تحضر و عرفت تخصصك
    و بدأت تشتغل فيه
    و زمايلك لسه فى وحدات صحية
    شغالين فى التطعيمات

    ثانيا : انتا هتتعلم فى مكان كويس
    معروف ان الجامعة اعلى مستوى علمى
    و الحالات الصعبة كلها بتتحول ليها
    فهتشوف الحالات دى كلها و هتشوف بيتعاملوا

    معاها ازاى
    عشان كده عادة نايب الجامعة بيكون مستواه أعلى

    بكتيير من نايب وزارة الصحة
    ثالثا : أى واحد بيحضر ماستر فى الدنيا
    لازم يكون تبع جامعة
    حتى لو كان نايب فى وزارة الصحة
    فانتا كنايب فى الجامعة بتكون مع الأساتذة على

    طول و عارفينك عشان كده فرصتك بتكون اكبر طبعا
    انك تنجح و كمان لو عزت تحضر دكتوراة بعد كده

    و مزايا كتير طبعا
    بس ده اللى فى دماغى دلوقتى

    طيب باقى الناس اللى بعد ال 200 الأوائل
    ايه اللى هيحصلهم ؟؟

    هيفضلوا فى التكليف
    لازم يقضوا سنة كاملة الأول
    و بعدين بتبقه فى حاجة اسمها حركة النيابات

    بيقدموا فى نيابات وزارة الصحة
    تقريبا بتبقه مرتين فى السنة
    بيتكتب رغبات
    بالتخصص و بالمتسشفى
    زى الثانوية العامة كده

    و شوفوا النتيجة بتظهر كده مثلا

    رقم الخريج اسم الخريج الأعتبارى النهاية العظمى الرغبات
    03080283 هشام سيد محمد سيد 3374.4 4600 معاملم0قبارىاسكندرية
    03080284 هشام صبحى باهى عبدالواحد 3700.3 4600 عنايهمركزه دلنجات
    06190449 هشام عبدالسلام محمد محمد وفا 3059.5 4600 .م.الجديدة ص.نفسية
    06200128 هشام كمال الدين عبدالفتاح الامام 3148.4 4600 اشعةم0بئرالعبد سيناءش
    06240118 هشام مبروك عبدالنبى عبد الجواد 3096.2 4600 صدر صدر العباسيه
    06430238 هشام محمد شعبان ابراهيم 3502.1 4600 استنفذ رغباته
    06010722 هشام محمد عبد الفتاح شعير 3510.4 4600 عنايهمركزه بنهاهيئة
    02150286 هشام محمد عبدالواحد بشته 3312.4 4600 حميات حميات امبابه
    06010723 هشام محمد عوض الزينى 3669.1 4600 كلى صناعىت0 نيل قليوبية
    06170586 هشام محمد فتحى محمد شاور 3149.8 4600


    و طبعا من غير ما أقول كللل ده بالتقدير
    بمعنى كل مستشفى بتكون طالبة عدد معين
    و حسب الرغبات
    بتطلع لكل مستشفى و تخصص حد أدنى

    و طبعا لو انتا مجموعك قليل ممكن متعرفش تاخد التخصص اللى انتا عايزه
    و تاخد أى حاجة عشان تخلص من التكليف

    و الأهم طبعا من التخصص هوا المكان
    فكل ما تكون جايب تقدير أعلى كل ما هتختار براحتك
    و تروح مكان يكون كويس و فيه استشاريين كبار
    فتتعلم صح و يطلع مستواك كويس

    بس كده
    هذا ما أعلم و الله أعلى و أعلم

    و آسف على الإطالة
    و أتمنى يكون الموضوع مفيد ليكم
    و اللى مش فاهم أى حاجة يتفضل يسأل

    و السلام عليكم و رحمة الله و بركاته

  • #2
    رد: المختصر البسيط لمشوار الطبيب

    [align=center]صحيح انا طب الزقازيق

    بس الموضوع دة نور لى الفكرة شوية

    شـكــ وبارك الله فيك ـــرا لك ... لك مني أجمل تحية .
    [/align]
    يا فاشل يا فاشل

    Comment


    • #3
      رد: المختصر البسيط لمشوار الطبيب

      06430238 هشام محمد شعبان ابراهيم 3502.1 4600 استنفذ رغباته y3ny eh daaaa
      الحياة لو لعبة ... كنت شيلت الحجارة

      Comment


      • #4
        رد: المختصر البسيط لمشوار الطبيب

        طيب لو جالي تخصص في التنسيق دة انا مش عايزه وعايز حاجة احسن بس مجموعي مجبهاش يكون اية الحل ؟ينفع اغير التخصص بالدراسات بعد كدة ولا لا

        Comment


        • #5
          رد: المختصر البسيط لمشوار الطبيب

          الله ينور يا دكتور احمد

          شغل جامد والله

          الف شكر ليك وجزاك الله كل خير

          هاقرا بقى وبعدين اعلق


          Comment


          • #6
            Re: المختصر البسيط لمشوار الطبيب



            السلام عليكم و رحمة الله و بركاته

            وعليكم السلام ورحمة الله وبركاته

            مثلا فى الشهرين بتوع الاسبيشيالات دول
            بيتعمل تنسيق و الرغبات حسب الترتيب
            يعنى ممكن تبقه انتا عايز تروح قسم كويس
            و فيه تعليم و متعرفش تروحه عشان فيه
            إقبال كبير عليه من الناس اللى ترتيبهم قبلك
            فى الجراحة برده فيه نظام إن إحنا بنكتب رغبات
            حسب الترتيب عشان تختار القسم اللى هتروحه
            فى الاستقبال الولاد اللى ترتيبها متقدم
            بتاخد استقبالها فى المستشفى الميرى
            الباقى كله بياخده فى استقبال مستشفى ناريمان
            بس الكلام ده للmales بس

            يعنى شهرين اسيبشل
            يعنى يختار الى هوة عايزه؟
            ودة بيكون لكل الدفعة ولا الاوائل بس
            شكله للكل
            طيب الى مش اوائل بيعملوا اييه
            ودة بس بيكون علشان يتعلم كويس يعنى ملوش دعوة بالنيابة الى بعد كده؟

            طبعا فى الامتياز ممكن تشتغل عادى private برده
            بس ده قانونا ممنوع

            يعنى ايه؟
            يعنى كل ما يكون تقديرك أقل
            كل ماهتروح حتة بعيييييييييييييدة

            بعيدة بالنسبة للجامعة ولا الحتة الى أنا فيها ؟

            يعنى الاوائل الاول بيكونوا تكليف ومبيغبوش فيه وبعدها النيابة ؟



            جزااااااااااااك الله خيرا يا دكتور
            متشكرة جدا على اهتمام حضرتك
            ومجهودك الرائع
            ومعلش أسئلتى كتيييرة
            بس علشان الصورة تكتمل فى ذهنى

            أسكنك الله الفردوس الأعلى

            اللهم اشفي الشيخ أبا إسحاق شفاءا لا يغادر سقما

            Comment


            • #7
              رد: المختصر البسيط لمشوار الطبيب

              [align=center]
              ايه ده يعنى ممكن حد ما يدخلش القسم اللى عايزه عشان التقدير اقل او يتحرم من النيابه فى قسمه عايزه عشان التنسيق

              طيب ربنا ييسرها ومجموعنا يفضل عالى فى النهايه عشان ما نتحوجش للوجع التنسيق

              طيب والدكتوراللى رغباته استنفذت بيكون ايه مصيره؟

              شكرا دكتور

              جزاك الله خيرا
              [/align]
              ’’ اْسَتغنِ عَمَن شِئتـَ تَكُن نَظِيرَه ،، وَاحْتَج إِلى مَن شِئتَـ تَكُن أسِيرَه ،،
              وَأحْسِنـ إِلى مَنْ شِئتَـ تَكُنـ أَمِيرَه .. ‘‘

              [ عَلى إبنَ أبِي طَالبـ رَضِى اللهُ عَنه ]


              click here plz

              Comment


              • #8
                رد: المختصر البسيط لمشوار الطبيب

                المشاركة الأصلية كتبت بواسطة stayin' alive مشاهدة المشاركة
                [align=center]صحيح انا طب الزقازيق
                المشاركة الأصلية كتبت بواسطة stayin' alive مشاهدة المشاركة

                بس الموضوع دة نور لى الفكرة شوية

                شـكــ وبارك الله فيك ـــرا لك ... لك مني أجمل تحية . [/align]

                و فيكم بارك الله

                و متقلقش

                تقريبا كل الكليات نفس النظام

                Comment


                • #9
                  رد: المختصر البسيط لمشوار الطبيب

                  المشاركة الأصلية كتبت بواسطة mony مشاهدة المشاركة
                  06430238 هشام محمد شعبان ابراهيم 3502.1 4600 استنفذ رغباته y3ny eh daaaa

                  جزانى و إياكم كل خير

                  يعنى كل الرغبات اللى كاتباها مجتلوش منها ولا واحدة

                  Comment


                  • #10
                    رد: المختصر البسيط لمشوار الطبيب

                    الله يا دكتور والله الموضوع مهم اوى
                    انا لسه داخله اولى وكان نفسى افهم الطريق قدامى يبقى ازاى
                    فبجد استفت جدا من كلام حضرتك
                    بس ليا سؤال هو مثلا اللى يختار اكاديمى ويدرس ماده معينه من المواد يعنى مثلا فسيولوجى
                    بعد كده يعمل تخصصه ازاى
                    معلش يارب اكون عرفت اوصل السؤال لسه على قدى يا دكتور
                    من فضلك مرر الماوس على التوقيع
                    [flash=http://www.al7jaz.com/upload/al7jaz-1251816246.swf]WIDTH=600 HEIGHT=220[/flash]



                    ●°۝°● معا نحو القمة للفرقة الأولى●°۝°●

                    شارك معنا





                    (نحبك يارسول الله حب لم يحبه رضيع لأمه ولا أم لأبناءها .بل حبنا لك اكبر واقوى نحبك حبا لانسطتيع كبحه او السيطره على اوتاره . اشتد حبنا للك ولم نراك وزاد وعلا حتى وصل الى الشوق . لو تعرف كم نحبك يارسول )

                    Comment


                    • #11
                      رد: المختصر البسيط لمشوار الطبيب

                      المشاركة الأصلية كتبت بواسطة mohammedmohsen مشاهدة المشاركة
                      طيب لو جالي تخصص في التنسيق دة انا مش عايزه وعايز حاجة احسن بس مجموعي مجبهاش يكون اية الحل ؟ينفع اغير التخصص بالدراسات بعد كدة ولا لا

                      امممممم
                      على حد علمى مينفعش تغير بالدراسة
                      لإن انتا مثلا هتبقه نايب فى تخصص هتبقه بتشتغل فى التخصص ده
                      و بتحضر ماستر فيه
                      هتغير ازاى يعنى ؟؟

                      إنما لو انتا بتحب تخصص أوى و مش هيجيلك ممكن تاخده فى أى مكان حتى لو مش كويس
                      و تحاول تجيب واسطة و تاخد حاجة اسمها نايب زائر فى الجامعة
                      و ممكن كمان تستقيل خالص من وزارة الصحة و يبقه اسمك طبيب حر
                      و ممكن تستنى الحركات الجاية تقريبا كل ما تستنى فى التكليف بيبقه ليك أولوية أكتر

                      دى الحلول اللى أعرفها على حد علمى

                      Comment


                      • #12
                        رد: المختصر البسيط لمشوار الطبيب

                        المشاركة الأصلية كتبت بواسطة محمد القاضي مشاهدة المشاركة
                        الله ينور يا دكتور احمد

                        شغل جامد والله

                        الف شكر ليك وجزاك الله كل خير

                        هاقرا بقى وبعدين اعلق


                        الله يخليك يا د محمد و شكرا على التثبيت

                        بس ينفع الكلام ده

                        تثبت الموضوع من غير ما تقراه

                        ايه الثقة دى :)

                        و فى انتظار تعليقك بعد القراءة

                        Comment


                        • #13
                          رد: Re: المختصر البسيط لمشوار الطبيب


                          يعنى شهرين اسيبشل
                          يعنى يختار الى هوة عايزه؟
                          ودة بيكون لكل الدفعة ولا الاوائل بس
                          شكله للكل
                          طيب الى مش اوائل بيعملوا اييه
                          ودة بس بيكون علشان يتعلم كويس يعنى ملوش دعوة بالنيابة الى بعد كده؟

                          ايوه دول شهرين ثابتين للكل
                          بنختار أى قسمين بس باستثناء الأقسام اللى أنا قلتها
                          اللى كله بيمر عليها
                          لأ ده مالوش علاقة أوى بالنيابة
                          لإن الامتياز مهما كان ليه limits فى التعليم
                          أنا أقصد إن فيه أقسام الحضور فيها خفيف و بنتعلم فيها الحاجات البسيطة
                          و فيها أقسام فيها شيفتات كتير و dirty أكتر

                          طبعا فى الامتياز ممكن تشتغل عادى private برده
                          بس ده قانونا ممنوع

                          يعنى ايه؟

                          يعنى شغل خاص غير شغل الامتياز
                          فى مستشفيات خاصة و مستوصفات

                          بعيدة بالنسبة للجامعة ولا الحتة الى أنا فيها ؟

                          للاتنين
                          إسكندرية التقديرات فيها أعلى
                          إنما لو حضرتك عايزة فى البحيرة
                          فهتحتاجى تقدير أقل كمان

                          يعنى الاوائل الاول بيكونوا تكليف ومبيغبوش فيه وبعدها النيابة ؟

                          ايوه بالضبط كده
                          حوالى 6 - 9 شهور



                          جزااااااااااااك الله خيرا يا دكتور
                          متشكرة جدا على اهتمام حضرتك
                          ومجهودك الرائع
                          ومعلش أسئلتى كتيييرة
                          بس علشان الصورة تكتمل فى ذهنى

                          جزانى و إياكم كل خيير
                          العفو مفيش تعب و لا حاجة
                          حضرتك اسألى براحتك
                          بالتوفيق

                          أسكنك الله الفردوس الأعلى

                          اللهم آميييين
                          و إياكم

                          Comment


                          • #14
                            رد: المختصر البسيط لمشوار الطبيب

                            المشاركة الأصلية كتبت بواسطة baby doc مشاهدة المشاركة
                            [align=center]
                            المشاركة الأصلية كتبت بواسطة baby doc مشاهدة المشاركة
                            ايه ده يعنى ممكن حد ما يدخلش القسم اللى عايزه عشان التقدير اقل او يتحرم من النيابه فى قسمه عايزه عشان التنسيق


                            [/align]

                            أكيد
                            ما هوا لو مفيش كده
                            كل الناس هتروح أماكن معينة
                            و مفيش حد هيروح أماكن تانية خاااالص
                            طيب ربنا ييسرها ومجموعنا يفضل عالى فى النهايه عشان ما نتحوجش للوجع التنسيق

                            اللهم آمييين
                            شدوا حيلكم
                            طيب والدكتوراللى رغباته استنفذت بيكون ايه مصيره؟

                            بصراحة معنديش فكرة كبيرة عن نظام النيابات فى وزارة الصحة
                            بس فيه واحد قريبى حصله كده
                            و تقريبا بيروح القاهرة يكتب رغبات تانية
                            أو يستنى الحركة الجاية

                            شكرا دكتور

                            جزاك الله خيرا

                            عفوااا

                            جزانى و إياكم كل خير

                            Comment


                            • #15
                              رد: المختصر البسيط لمشوار الطبيب

                              المشاركة الأصلية كتبت بواسطة سحر ابو العلا مشاهدة المشاركة
                              الله يا دكتور والله الموضوع مهم اوى
                              المشاركة الأصلية كتبت بواسطة سحر ابو العلا مشاهدة المشاركة
                              انا لسه داخله اولى وكان نفسى افهم الطريق قدامى يبقى ازاى
                              فبجد استفت جدا من كلام حضرتك
                              بس ليا سؤال هو مثلا اللى يختار اكاديمى ويدرس ماده معينه من المواد يعنى مثلا فسيولوجى
                              بعد كده يعمل تخصصه ازاى
                              معلش يارب اكون عرفت اوصل السؤال لسه على قدى يا دكتور

                              عفوا يا دكتورة
                              و يا رب تكونى استفدتى و فهمتى الموضوع كويس
                              شدوا حيلكم بقه من سنة أولى
                              عشان تجيبوا درجات كبيييرة

                              اللى بيختار أكاديمى هيكمل و يبقه معيد و أستاذ و هكذا
                              لو هوا عاوز ياخد تخصص كلينكال
                              بيحضر فيه أكنه زى أى دكتور مش فى الكلية
                              و تقريبا لازم كمان يكون أخد الدكتوراة فى الفرع الأكاديمى اللى هوا فيه
                              ده الكلام اللى متأكد منه
                              بس معرفش بيعملوا ايه بالضبط عشان يتخصصوا برده

                              و ربنا يوفقكم فى سنة أولى

                              Comment

                              Working...
                              X