إعـــــــلان

Collapse
No announcement yet.

يعني ايه سنة تانية>>>من هنا!

Collapse
This is a sticky topic.
X
X
  • Filter
  • الوقت
  • Show
Clear All
new posts

  • يعني ايه سنة تانية>>>من هنا!

    السلام عليكم

    الحقيقة ان من الحاجات اللي تميز كليتنا ان كل سنة ليها طعم جديد
    بمعنى:
    اعدادي...اول سنة جامعة ودي نقلة حياتية
    اولى ....اول سنة في كليتنا ودي نقلة تانية خالص وتبتدي تحس بحقيقتك
    تالتة....اول سنة كلينيكال وعيادات وشغل
    رابعة ..سنة التخرج يعني بقيت دكتور

    طيب تانية؟؟؟؟؟؟؟؟؟
    الحقيقة ان تانية اول سنة عملي بجد...
    اول سنة هتفرق بيها عن بقية الكليات..انك بقيت حرفي او مهني لا تقتصر دراستك على قراءة الكتب والحقظ ..
    بقى ليك شغلة...
    اول سنة بهدلة حقيقية في الشغل...وان كانت اخف في النظري
    ومن غير تطويل نبدأ علطول


    ببساطة كده حضرتك بعد ماخدت العلوم الاساسية الطبية والاسنانية في اولى...
    يفترض انك تدخل بقى في مجال الشغل الحقيقي والعلوم العملية او المساعدة ليك في العيادة
    لكن حتى العلوم دي ليها مواد تمهيدية او PRECLINIC
    المواد دي طبية برضه واسنانية..
    وكل مادة وليها امتداد طبي او CLINICAL بعد كده
    مثلا الفارما والباثولوجي دول مواد PRECURSER لمواد طب الفم وامراض اللثة
    مواد اسنان العلاج التحفظي والتيجان والجسور والاستعاضة الصناعية هي برضه مواد ممهدة لنفسها
    يعني بتاخد الاساسيات بتاعتها في تانية وتكملهم عملي وشغل عيادات في تالتة ورابعة

    وهكذا نفهم ان تانية حلقة وصل بين اولى وتالتة وما بعدها


    لو قسمنا الدراسة في تانية واكيد زي ماكلكم عرفتم او سمعتم ست مواد او سبعة
    تلات مواد اسنان (او اربعة للجامعات اللي بتاخد اورال هستولوجي في تانية)
    -استعاضة صناعية...او prosthesis وماحدش يقلب ال e,i اللي في الاخر لو سمحت(لأن كلهم يفعل ذلك خاصة مكتبات المذكرات)
    -علاج تحفظي...او operative وتنطقها خطف كده
    -التيجان والجسور crownيعني وطبعا محدش عمره زود عن كده وقال and bridge رغم ان ده الصح

    تلات مواد طب (او صيدلة للي بياخدوا فارما في كلية صيدلة)
    علم الادوية او pharmacology او فارما علطول او لو حضرتك من المجمع اللغوي تبقى اسمها (اقربازين) ومتسألنيش ليه!
    علم الامراض وده علم اسمه جميل زي ماانتو شايقين! وكذلك اسمه pathology
    بفضل حبيب القلب ال......لحظة...نسيت اسمه بالعربي بصراحة بس هو microbiology يعني واختصارا بيبقى ميكرو طبعا

    كان هذا هو الموجز واليكم التفاصيل,,,,,,,,,في المشاركات الجية بقى ان شاء الله
    متقطع التواجد
    بشكل منقطع النظير!

  • #2
    Re: يعني ايه سنة تانية>>>من هنا!

    نرجع تاني...
    اولا في نصائح عامة كده
    -اقدر للضرورة قدرها...ولكل مقام مقال...بمعنى شوف المواد عندك وقسمها اهم فمهم على حسب الحجم او الدرجات او نظام الامتحانات او مدى صعوبة الدكاترة...وكذلك في الامتحانات شوف الامتحان ده اهميته ايه ودرجاته اد ايه وعلى اده اتعب واجتهد...او حتى اقلق ...لكن مايبقاش امتحان بقرش والاقي التوتر والعرق وسهر الليالي...والامتحانات المهمة ممكن نطنش فيها او كده
    -براحة على نفسك في العملي....ولا تستعجل الشغل الحلو او السريع...وماتبصش لغيرك...ممكن يكون هو احسن منك دلوقت وبعدين وبمرور الوقت تبقى انت احسن...
    -قلل من الكورسات-لو انت من بتوع الكورسات يعني-...ووفر وقتها احسن وذاكر من ورقها وخلاص من غير ماتحضر وماتستهترش بالمحاضرة..
    -عود نفسك على النظام في العملي وعدم التأجيل عشان مايتراكمش عليك خاصة لو عندك requirements
    -دايما اشتغل مع حد...اتعاونوا وخدو رأي بعض
    -اتصاحب على المعيدين على اد ماتقدر


    اكيد انتو عندكو خبرة طبعا من السنة اللي فاتت وعندكو حكم احسن من دي بس يعني للتذكير بس
    عموما نبدأ بقى في كل مادة على حدة
    بلا بينا..............
    متقطع التواجد
    بشكل منقطع النظير!

    Comment


    • #3
      Re: يعني ايه سنة تانية>>>من هنا!

      الاستعاضة الصناعية

      يعني قلت ابدأ بالتقيل...طبعا دي اكتر مادة هتلاقوا فيها شغل...وحتى النظري بتاعها يعتبر ارخم من مواد اسنان التانية لأن كل شابتر في المنهج تحس انه لوحده وجديد...مشكلام بيتكرر زي الابراتيف والكراون

      طب اولا يعني ايه استعاضة صناعية...يعني تستعيض او تستبدل جزء مفقود....منين؟؟؟
      من الاسنان او اللثة او العضم ....ده التعريف العلمي البسيط
      اما التعريف العامي يعني الطقم...طقم الاسنان سواء كلي او جزئي
      طب منهجنا في تانية هيبقى عبارة عن ايه؟؟............اقولك

      النظري....
      مقدمات الطقم..ودي عبارة عن الANATOMICAL FEATURTES للفم
      والTRAYS ...فاكرها؟؟؟...بتاعة اخد المقاس...
      بعد كده يبدأ الكلام عن الطقم...من الاول خالص... مرة عن الBASE ومرة عن الTEETH الصناعية طلبعا فصول متوالية وماشية مع خطوات العملي..وكلها تقسيمات وتعليلات ونقط وانواع...بصراحة اهم سؤال في المادة...ليه...
      بطريقة ما هي شبه الماتريال
      الترم الاول عن الطقم الكلي والتاني عن الجزئي...والى حد ما الاول اهم
      المذاكرة بقى ده على حسب الجامعات...
      هاتكلم عن خبرة شخصية المنصورة...الترم الاول من ورق الدكاترة و
      المحاضرات...لازم المحاضرات عشان الزيادات بتاعة الدكاترة
      وكان فيه مذكرة اسكندرية...وهي حلوة بس اصغر شوية من المقرر بس اسلوبها جميل وبسيط جدا يا حظ بتوع اسكندرية بيها
      والترم التاني كان كتاب من القسم جميل بصراحة بس كل ده محتاج محاضرات...بصراحة وبكلم بتوع المنصورة بالذات...لو ماركزتش هتشيل...وكل دكتور وله طريقة ورأي.,..بصراحة هما بيراعوا ضميرهم في حدود الامكانيات بس من ناحية الدرجات او التقدير والامتحانات مفيش رحمة..

      ا..العملي
      خطوات عمل الطقم الكامل ...من اول عمل التراي وRECORD BLOCK ,MOUNTING SETTING لغية ال FLASKING

      المهم الخطوة الاهم في ده كله الSETTING عشان ده الامتحان وهو وضع السنان الاكريل في مكانها الصحيح في الطقم وعمل OCCLUSION

      بس اعتقد ده كان في المنصورة بس الباقي ماعملش فلاسك الادوات بتيجي كل سكشن بسكشنه...بس اساسي WAX SHEETS الاحمر او البمبي سيبوكوا بقى من الاسود ده...فيه مصري وتركي بس كله بيمشي رغم فرق السعر الكبير نسبيا..لكن طبعا المصري مايريحش...فيه كمان BOWL وKNIFE وكمان اكريل وجبس و ARTICULATOR

      وده تستلفوه من حد خلص تانية او تيجيبوه وهاتوا الMAGNATIC افضل
      طبعا الكلام ده عن الترم الاول
      اما الترم التاني قيختلف في نوع الواكس هيبقى غالي بغباء ...
      وطبعا بيبقى الSETTING مختلف حبة ومابيبقاش هو الاساس اهم حاجة عمل DESIGHN للطقم ودي عملية ظريفة بالواكس
      وده برضه اللي بييجي في الامتحان

      عموما البروسيسز ممكن يحسسكموا بالعجز واليأس احيانا كثيرة...لأن اي غلطة صغيرة تبوظ الشغل كله وتعيييد من الاول
      واكتر مادة هتتعبك فاعمل حسابك يعني وخدها ايزي وتسلية هتمشي
      وزي ماقلت صاحب المعيدين وكمان الفنيين بتوع معمل الطلبة اللي بتشتغلوا فيه ساعات عشان ممكن يساعدوكم بس ماتخليش برضه الفني يحس انه استاذ وانت بتتعلم منه ...لـأ انت مهما كان دكتور

      يعني ده اللي قدرت عليه في الاستعاضة لو فيه حاجة نسيتها قولوا
      ويارب افيدكم ولو بواحد في المية
      والى اللقاء في مادة اخرى

      متقطع التواجد
      بشكل منقطع النظير!

      Comment


      • #4
        رد: يعني ايه سنة تانية>>>من هنا!

        طب البروسيزس فى تانية شكلها ايه يعنى هنعمل ايه فيها وادواتها مهى مكملة معانا لتانية ممكن اخد فكرة عنها
        Last edited by ايهاEب; 08-29-2010, 05:19 PM.

        Comment


        • #5
          رد: يعني ايه سنة تانية>>>من هنا!

          بسم الله ما شاء الله

          جزاكم الله خيرا يا د / إيهاب على الشغل الجامد ده

          وواضح غن الدنيا بمبى و احمر و تبعث على التفاؤل
          لا إله إلا أنت سبحانك إنى كنت من الظالمين



          اللهم يا مقلب القلوب ، ثبت قلبى على دينك

          Comment


          • #6
            رد: يعني ايه سنة تانية>>>من هنا!

            أنا متفائل بالرغم من كل حاجة


            1** لجنة شفوي ال prosthesis تخلص الساعة 2 بالليل

            2** مفيش طالب واحد على مستوى كلية طب أسنان المنصورة قدم تظلم وخد درجة واحدة ........

            3** نص دفعتي عايدة السنة ( سنة أولى )





            شكرا ع المعلومات يا دكتور
            يا ورقة شجر زعلانة على غياب المطر

            بقيتي دبلانة بعد اما كنتي قمر

            طولتيه بعد الغياب او بعد العتاب


            قولي له انك تعبتي من عيون البشر ........ سامح جمال

            Comment


            • #7
              Re: رد: يعني ايه سنة تانية>>>من هنا!

              المشاركة الأصلية كتبت بواسطة نرمين السيد مشاهدة المشاركة
              طب البروسيزس فى تانية شكلها ايه يعنى هنعمل ايه فيها وادواتها مهى مكملة معانا لتانية ممكن اخد فكرة عنها
              انتو تقريبا خدتوا جزء في اولى في اسكندرية....صح؟؟
              طب خدتوا ايه ...احنا عندنا هي بدايتها في تانية
              وزي ما قلت انها عبارة عن عمل طقم كامل في الترم الاول بدون الخطوات الاكلينكية طبعا
              وعمل تصميمات لاطقم جزئية في تانية
              ممكن انتو تكونوا خدتو ترم من دول في اولى ..قولي لنا
              تابعي واخبرينا
              والادوات زي ما قلت حاجات بتنجاب سكشن بسكشنه كماتيريال زي الواكس
              وادوات ثابتة زي الارتيكيلاتور والspatula وknife وrubber bowl
              Last edited by ايهاEب; 08-29-2010, 05:39 PM.
              متقطع التواجد
              بشكل منقطع النظير!

              Comment


              • #8
                Re: رد: يعني ايه سنة تانية>>>من هنا!

                المشاركة الأصلية كتبت بواسطة dr. Ahmedilwn مشاهدة المشاركة
                بسم الله ما شاء الله

                جزاكم الله خيرا يا د / إيهاب على الشغل الجامد ده

                وواضح غن الدنيا بمبى و احمر و تبعث على التفاؤل
                ماانت عارف الفولة يا دكتور احمد
                جزاك الله خيرا عل المشاركة
                متقطع التواجد
                بشكل منقطع النظير!

                Comment


                • #9
                  Re: رد: يعني ايه سنة تانية>>>من هنا!

                  المشاركة الأصلية كتبت بواسطة babroman21 مشاهدة المشاركة
                  أنا متفائل بالرغم من كل حاجة


                  1** لجنة شفوي ال prosthesis تخلص الساعة 2 بالليل

                  2** مفيش طالب واحد على مستوى كلية طب أسنان المنصورة قدم تظلم وخد درجة واحدة ........

                  3** نص دفعتي عايدة السنة ( سنة أولى )





                  شكرا ع المعلومات يا دكتور
                  واحد منصورة كمان...
                  ايه الجمال ده
                  على فكرة انا احد الناس اللي قعدو لنص الليل في الامتحان ومالقتش حتة ابات فيها حتى ولا عرفت اروح
                  وعلى فكرة ماامتحنتش برضه وامتحنونني تاني يوم
                  بس اديني بافتكر دلوقتب وباضحك
                  مفيش حاجة بتلزق

                  ربنا معانا كلنا
                  متقطع التواجد
                  بشكل منقطع النظير!

                  Comment


                  • #10
                    رد: يعني ايه سنة تانية>>>من هنا!

                    موضوع رائع ومنظم
                    وتاني مرة يا دكتور ايهاب اما تبقي نص الليل ومتلاقيش حتة تبات فيها ابقى تعالى
                    وحعملك تخفيض متخفش

                    Comment


                    • #11
                      رد: يعني ايه سنة تانية>>>من هنا!

                      إيه ده إيه ده إنت مقلتليش يا د / إيهاب على حكاية نص الليل ديه

                      طيب بتخبى عليا

                      بتدينى الحلو اللى على وش القفص وتخمنى فى الباقى اللى تحت

                      ماااااااااااااشى

                      لا إله إلا أنت سبحانك إنى كنت من الظالمين



                      اللهم يا مقلب القلوب ، ثبت قلبى على دينك

                      Comment


                      • #12
                        رد: يعني ايه سنة تانية>>>من هنا!

                        احنا اخدنا الطقم الكامل فى اولى فقط وكتاب قالو هنمتحن فيهمع كله اللى هو الامتحان بتاع تانية اللى ب200 درجة وحتى استلمنا فلاسك انا مش عارفة هنعمل بيها ايه بعدين فكنت بسأل هل فى تانية هناخد الطقم الجزئى وبس ولا حاجات تانية وجزاك الله خيرا

                        Comment


                        • #13
                          رد: يعني ايه سنة تانية>>>من هنا!

                          الف شكر يا دكتور على الموضوع الجامد ده خصوصاً إنك من المنصوره زي
                          في إنتظار باقي المواد

                          Comment


                          • #14
                            رد: يعني ايه سنة تانية>>>من هنا!

                            جزاك الله كل خير
                            مستنين باقي المواد
                            بس فيه سؤال مفيش كتب خالص هتنزل في المنصوره ولا زي مذكرة القاهره او حاجه
                            وهل فيه مواد تحتاج لكورسات او لا

                            Comment


                            • #15
                              Re: رد: يعني ايه سنة تانية>>>من هنا!

                              المشاركة الأصلية كتبت بواسطة dr. Ahmedilwn مشاهدة المشاركة
                              إيه ده إيه ده إنت مقلتليش يا د / إيهاب على حكاية نص الليل ديه

                              طيب بتخبى عليا

                              بتدينى الحلو اللى على وش القفص وتخمنى فى الباقى اللى تحت

                              ماااااااااااااشى

                              يا دكتور دي حاجات عادية مش مستاهلة يعني
                              مسيركم تقعدوا للفجر ولا يهمك
                              متقطع التواجد
                              بشكل منقطع النظير!

                              Comment

                              Working...
                              X