إعـــــــلان

Collapse
No announcement yet.

بس يا سيدي آدي الحكاية..... منقولة

Collapse
X
  • Filter
  • الوقت
  • Show
Clear All
new posts

  • بس يا سيدي آدي الحكاية..... منقولة

    إية الدوشة دى ؟؟
    من امتى بيجيلنا ضيوف !!!
    من امتى حد بيفكر حتى يكلمنا بالتليفون ؟؟!!
    تؤ تؤ ... يمكن بحلم ؟ لالا أنا صاحية و فى وعيي ...
    طب أما اقوم اشوف فى إييييه ؟؟

    ايه ده عمتى و ابنها عندنا ( غرييييبة )

    دول بقالهم ييجى سنتين مزاروناش o_O

    إيه ده ( سمسم ) ازيك يا حبيبتى عاملة ايه وحشااانى والله ؟؟

    مين أنا ؟؟؟

    اومال انا يعنى ؟؟

    تعالى فى حضن عمتك ( و بعد العديد من القبلات و الاحضان أخيييرا قررت اطلاق سراحها )

    ايه يا عمتو مش بنشوفك ليه؟؟

    يعنى احنا اللى بنشوفكم يعنى !! اسكتى اسكتى طالعة اوانطجية زى ابوكى ,,

    اومال فين اولادك يا عمتو ؟؟

    لا اصلهم مشغولين حبتين و اول ما يفضوا هييجوا يزوروكم ان شاء الله

    >>> فى المشمش >>>

    و بعد قعده مليئة بالسلامات و التعرف على الاخبار و الأحوال ,,

    طيب يا عمتو انا هقوم اشوف ماما محتاجة ايه ؟

    وجدت" اسماء" الام منهمكة فى تحضير الطعام و على وجهها علامات الغضب و النرفزة من تلك الزيارة المفاجئة دون سابق انذار ,,,,

    ايه يا ماما عوزانى اساعدك فى حاجة ؟

    لأ اخرجى انتى اقعدى معاهم لحسن ابوكى ينادينى انا اللى اقعد معاهم و انتى عارفة انى مبطقش عمتك دى ولا بقبلها من اساسه ......

    آآآه عارفة انتى هتقوليلى ده انتوا عاملين زى توم و جيرى بالظبط ,,,
    و عادت أسماء لتلك الجلسة المملة بالنسبة لها ...

    و بعد فترة أقبلت الأم بالطعام و قد بدا شهيا و دعتهم للحضور " اتفضلوا الأكل جاهز "

    يزيد فضلك ياختى ... إلا مجيتيش تقعدى معايا شويه ؟؟

    معلش ( مشــــاغل )

    سندينى يا اسماء يا بنتى مبقتش قادرة اقف على رجلى اليومين دول << روماتيزم بعيد عنك >>

    و جلس الجميع على مائدة الطعام و ما ان مضت ربع ساعة و 11 ثانية بالظبط إلا و أصبحت السفرة فارغة من الطعام ..

    >>> ربنا يخليى عمتو>>>

    ايه يا سلوى أنتى مش عاوزة تأكلينا ولا إيه ؟؟

    ده أكل يشبع قطط اصلا ؟؟ وفين اكرام الضيف ؟؟
    شكلك هتاكلينا بالقطارة ,, هو انتى بتصرفى حاجة من جيبك ؟؟
    ده كله من خير اخويا حبيبى ^^

    كتمت الأم غيظها بصعووووبة فلم تكن تريد ان تبدأ الشجار معها و لكن يبدو أنها اجبرتها على ذلك !!

    تقصدى إيييييه يا نحمده ؟؟؟

    اللى على راسه بطحة يحسس عليها و هو انا اللى هفهمك ؟؟

    <<< و بتلك الجمله التى تفوهت بها " نحمده " انقلب وجه "سلوى " إلى لون آخر,,, لا اعرف ما هو بالظبط و لكنه بالتأكيد يدل على شدة الغضــــب .

    و دخل عليها " على " و هو ابن "سلوى " و يبدو عليه علامات التقوى و الهدى ,,,

    " انتوا هتتخانقوا ولا ايه ؟؟ "

    فى ايه يا ماما ؟؟ ايه اللى حصل يا عمتو ؟؟
    اسأل امك ... اللى كل اما تشوفنى تبقا عاوزة تاكلنى تقولش قتلتلها قتيل ؟؟ ولا هو جر شكل و خلاص !!

    خلاص يا عمتو كفاااية مينفعش الكلام اللى انتى بتقوليه ده .

    و قام الكل من ع السفرة و ذهبت الأم الغاضبة إلى غرفتها غالقة الباب ورائها بشدة و لم يكن غضبها من السيده " نحمده "
    شديدا بقدر غضبها من الحاج " اسماعيل " الذى لم يتفوه بكلمة واحدة و لم يدافع عنها ,,,,

    إيه يا ماما هتفضلى قاعدة هنا ؟؟

    و عاوزنى أعمل إيه يعنى يا " على " ؟؟

    لا ابدا ,,, عاوزك تيجى تقعدى معانا بس محتاجك انتى و عمتو فى كلمتين كده على جنب

    ضحكت الام ضحكة سخرية و استخفاف

    دول لو قالولى هنديكى مليون جنيه منيش طالعة بردو *_*

    <<<< يتبـــع بمشيئة الله <<<






  • #2
    رد: بس يا سيدي آدي الحكاية..... منقولة


    جزاكم الله خيراً هما كٌل الناس عمتووووووو دي بتعملهم عٌقدة موش عارفة ليه ؟!
    متابعين ؛)
    sigpic"قلْ أَفَغَيْرَ اللَّهِ تَأْمُرُونِّي أَعْبُدُ أَيُّهَا الْجَاهِلُونَ.وَلَقَدْ أُوحِيَ إِلَيْكَ وَإِلَى الَّذِينَ مِن قَبْلِكَ لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنَ الْخَاسِرِينَ.بَلِ اللَّهَ فَاعْبُدْ وَكُن مِّنَ الشَّاكِرِينَ



    " قال رسول الله صلى الله عليه وسلم :ماخاصم وَرِعٌ قط"حديث حسن .



    رب اغفر لأبي وارحمه وعافه واعف عنه ؛؛؛
    اللهُم اشفِ شيخي أبا اسحق شِفاءاً لآ يُغادر سقماً ..
    اللهُم اشفِ شيخي مصطفى سعد شِفاءاً لآ يغادر سقماً ..
    وكُل مرضى المُسلمين ..آمين ...
    لآ تنسو الشيخين من الدُعاء في رمضان ..

    Comment


    • #3
      رد: بس يا سيدي آدي الحكاية..... منقولة

      بس تابعي د/مي

      أسعدني متابعتكم


      Comment


      • #4
        بس يا سيدي آدي الحكاية..... منقولة

        يا أمى يا حبيبتى انا بس عاوزك 10 دقايق بس هقول الكلمتين اللى انا عاوزهم و افرج عنكم قبل المدة لحسن السير و السلوك
        ابتسمت الأم

        يا بنى ما انت عارف انها مبتطقنيش و ... عاااارف يا ماما كل حاجة من طأطأ لسلامو عليكو .... بس بالله عليكى تيجى معايا دلوقتى ,,,

        استجابت الأم لطلب " على " كيف لا ؟؟ و هو ابنها المطيع البار بها دائما ..
        تفضلى بالجلوس أستاذه ( سلوى ) أستاذه ( نحمده ) ,,,

        استعنــــا ع الشقا بالله

        ايه بقا يا ماما ؟ ايه يا عمتو ؟ مش ناويين تخفوا علينا شوية وتلموا الدور بقا ؟؟ ولا انتوا هتفضلوا طول عمركم متخاصمين كده و مضايقين ؟؟؟ ولا انتوا عايزينى اموت قبل اما اشوفكم ( سمنة على عسل ) ؟؟؟

        بعد الشر عليك يابنى متقولش كده>>> الام و العمة معا <<<

        طيب ندخل بقا فى الجد ... ليه يا عمتو مش بتزورينا ؟؟ ليه يا ماما مش بتزورى عمتو ؟؟؟
        العمة: مشاغل و الله يابنى و انت عارف الحال !

        مشاغل يا عمتو تخليكِ سنتين متزوريناش ؟؟؟ ولا حتى ترفعى سماعة التليفون ؟؟
        و انتِ يا ماما كان ايه اللى مانعك ؟؟

        صمتت الام و يبدو انها لم تجد اجابة لذلك السؤال O_o

        طيب انا جمعتكم انهادره علشان اقولكم اننا ننسى كل اللى فــــــات و نبدأ صفحة جديدة مع بعض و احنا ولاد النهادره
        مش عاوزين قطيعة تانى ولا مشاكل و خناقات تـــــــانى ... عاوزين نرضى ربنا يا جماااااااعة ....رضى ربنا اللى كلكم غفلتم عنه و نسيتوا ان صلة الرحم دى من اهم العبادات و أفضلها كمان ,,,

        طيب اسمعوا الآية دى " فهل عسيتم أن توليتم أن تفسدوا فى الأرض و تقطعوا ارحامكم* أولئك الذين لعنهم الله فأصمهم و أعمى أبصارهم* "

        ايييه ؟؟ عاوزين تفسدوا فى الارض بقطيعتكم دى ؟؟؟؟؟
        عاوزين ربنا يلعنــــكم ؟؟؟؟؟ عاوزين ربنا يطردكم من رحمته ؟؟؟؟!!!!

        ده ربنا سبحانه و تعالى قال " و اتقوا الله الذى تساءلون به و الأرحام "
        يعنى سبحانه و تعالى جاب صلة الأرحام بعد ( تقــــواه ) عاوزين اييييه تانى اكتر من كده ؟؟؟

        و الرسول صلى الله عليه و سلم قال " من كان يؤمن بالله و اليوم الآخر فليكرم ضيفه ,
        و من كان يؤمن بالله و اليوم الآخر فليصل رحمه , و من كان يؤمن بالله و اليوم الآخر فليقل خيرا أو ليصمت "
        يعنى انتوا لو بتؤمنوا بالله و اليوم الآخر اللى هتتحاسبوا فيه على مثقال الذرة,,,,,

        ( فصلـــوا رحمكم )

        و الرسول صلى الله عليه و سلم رغبنا كتييير فى صلة الرحم و بين لنا أهميتها و فضلها

        قال سيدنا المصطفى " من أحب أن يبسط الله له فى رزقه و ينسأ له فى أثره فليصل رحمه "
        يعنى لو عاوزين رزقكم يزيييييد ( صلوا رحمكم )
        لو عاوزين ربنا يطول فى عمركم ( بمعنى زيادة الحسنات حتى بعد الموت ) فصلوا رحمكم .

        يا ماما ,,, يا عمتو الموضوع ده مستهين بيه كتييير اوى و مش عارفين عقوبيته اد ايييييه ولا فضله اد ايييييه ؟؟؟

        ياترى الام و العمة هيستجيبوا لكلام "على" و هيأثر فيهم ولا يبقا الوضع على ما هو عليه ؟؟؟؟




        >>> يتبع بمشيئة الله <<<<






        Comment


        • #5
          بس يا سيدي آدي الحكاية..... منقولة

          كل واحد فيهم يقولك ( لأ كرامتى متسمحليش ) ( لأ انا عزة نفسى متسمحليش ) ( لأ انا كبريائى ميسمحليش ) ( لأ برستيجى .... الخ )

          فى ايييييييه ؟؟؟؟ ايه اللى حصل فى الدنيا !!!!!!

          اييييه اللى اتغير للدرجة دى و غيرنا معاه ليييييه مش بنقف جمب بعض؟؟؟ ليه مش بنحس ببعض ؟؟؟؟؟ ليه غافليــــــــن عن الآخرة للدرجة دى ؟؟؟؟؟

          هو انتوا مش عارفين انكم هتموتوا فى يوم من الايام ؟؟

          طب ياترى كرامتك هتنفعك ولا كبريائك ولا ... ولا .. ؟؟؟
          لأ ولا حاجة من دول هتنفع اى حد فينا
          انما اللى هيبقا و يفضل هو ( عملكم الصالح ) اللى انتوا مستكبرين على عمله ...

          حتى زورينا يا عمتو لو احنا قطعناكِ و قوليللنا ( عاوزة أرضى ربنا فيكم )
          ليه يا ماما مبتسأليش على عمتو ؟؟؟ انتوا مستنيين يعنى لما واحدة منكم يحصلها حاجة علشان التانية تسأل ؟؟؟؟

          يا جماااااعة و الله حرااااام اللى احنا فيه ده حراااااااام قطيعة الرحم دى ...
          ده الرسول صلى الله عليه و سلم قال " الرحم معلقة بالعرش تقول : من وصلنى وصله الله و من قطعنى قطعه الله "

          اسمعوا الآيه دى كمان " و الذين ينقضون عهد الله من بعد ميثاقه و يقطعون ما أمر الله به أن يوصل و يفسدون فى الأرض أولئك لهم اللعنه و لهم سوء الدار "

          لسه عاوزين تقطعوا رحمكم ؟؟؟ لسة مستكبرين تصلوهم ؟؟؟؟

          ده الرسول عليه الصلاة و السلام قال " لايدخل الجنة قاطع " اى : قاطع رحم

          ليه تعملوا فى نفسكم كده ؟؟
          هو انتوا مش عاوزيين تدخلوا الجنة ولا ايه ؟؟؟
          هو احنا اعداء يا عمتو ؟؟ احنا ولاد أخوكِ و ملناش غير بعض و احنا كمان يا ماما ملناش غيرهم و الله ....


          >>> يتبع بمشيئة الله <<<






          Comment


          • #6
            بس يا سيدي آدي الحكاية..... منقولة

            نظر " على " الى وجه امه فوجده قد امتلأ بالدموع و كذلك عمته ففرح فرحا شديدا و قال

            هاااااا استفدتوا حاجة من الكلام اللى قولتهولكم ؟؟

            هزت الاثنتان رأسهما بالإيجاب و أومأتا موافقة )

            يعنى اعتبر دى خلاص صفحة جديدة خااااااالية من قطيعة الرحم و مليئة برضا الله و طاعته ؟؟؟

            ايوه يابنى احنا كنا فعلا غفلانين عن موضوع زى ده .... انا آسفة يا سلوى ياختى على كل اللى عملته معاكى بجد مش عارفة اقولك اييييه ؟؟؟ غير انى طالبه منك انك

            تسامحينى و تنسى اللى عملته فيكى ((

            متقوليش كده يا نحمده انا اللى اطلب منك كده )

            و عانق الاثنتان بعضهما ف حرارة شديدة و قالوا لبعضهم بهمس

            ( صافى يا لبن .... حليب يا قشطة )

            و انتهت الحكاية على تلك النهاية السعيدة التى ارجو ان تتحق فى كل بيت من بيوتنا

            و كعادة السعادة الكاملة تزوج " على " من بنت عمته " سارة " >>> لتوطيد العلاقات الأسريه <<<

            ************************************************** *******

            و هذه كانت رساله أوجهها إلى كل أب ... أم ... ابن .... ابنة ....

            لعل و عسى تحدث تغييرا ولو طفيفا فى واقعنا المرير الذى اصبح فيه الاقارب و العائلات

            لا يعرفون بعضهم البعض الا بالصدف البحته و قد تجاهلوا تماما ( صلة الرحم )

            و نسوا ان سبب همومهم و مشاكلهم اللامتناهية هو مجرد ( انهم لا يجدون احدا يستمع

            اليها و يحلها بفضل الله )

            و الدواء فى ايدينا لكى نعيد لحياتنا هناءها و استقرارها التى طالما فقدناه لسنوات طويلة ....

            الدواء هو ( صلة الرحم )

            هيا ( صلوا رحمــــــكم )

            فو الله لو ذهبوا لن يرجعوا ابداااااااااا

            و ستفقدون تلك الفرصة الى الابد و تندمون يوم لاينفع الندم ...

            هى فرصــــــــة فاغتنمها الآن " فاستبقوا الخيرات "

            و السلام عليكم ورحمة الله و بركاته

            تمت بفضل الله




            Comment

            Working...
            X