إعـــــــلان

Collapse
No announcement yet.

هعمل ايه فى الاجازه سوال يطرح نفسه

Collapse
This is a sticky topic.
X
X
  • Filter
  • الوقت
  • Show
Clear All
new posts

  • هعمل ايه فى الاجازه سوال يطرح نفسه

    اولا مبارك لكم الاجازه وعقبال النجاح ان شاء الله
    ثانيا سوال يطرح نفسه لكل اللى خدوا اجازه ناويين تعملوا ايه فيها ؟؟
    قررتوا حتعملوا ايه ولا لسه؟؟
    ثالثا ياريت الكل يشارك علشان الاستفاده للجميع
    وشوفوا كده المثال ده ايه رايكو؟؟


    السلام عليكم
    علشان تبقى الاجازه مفيده وسعيدة ورائعه نعمل ايه؟؟
    لا نحاول نضيع كل دقيقه بهدف الثار بما فعلته الدراسه فينا
    نبتدى نجيب ورقه وقلم ونرتب نفسنا ووقتنا
    1) الناحيه الدينيه : وما اجمل ان نستثمر اجازتنا فى اننا نرتقى دينيا نزود طاعتنا نحاول نتغلب على معاصينا نزود شويه ايماننا وتوكلنا على الله بحيث انه يكون زاد لنا فى السنه القادمه
    لماذا مثلا لا نحفظ القران؟ كان الوقت مزدحم فى الدراسه فما الذى يمنعك الان؟ طب ايه رايكو تتعلموا تجويد القران؟ الموضوع بسيط جدا تروح اى دوره مثلا او وانت فى بيتك
    نقرا كتب دينيه نسمع شرايط والامثله كثيره كل حسب شخصيته شوف انت واتركك لابداعاتك
    2) الناحيه الشخصيه : ايه رايك تتطور من شخصيتك تحضر مثلا ندوات عن ذلك محاضرات تنميه بشريه فيك خصله مش عاجباك وعايز تغيرها ومش فاضى وقت الدراسه حاول الان
    اهتم بنفسك شويه خارجيا فكرت مثلا تنزل تشترى ملابس جديده بالنسبه للبنات اهتمى بنفسك اكتر شعرك بشرتك ماسكات وكده يعنى
    3) والديك لهم عليكى حق فاضيين دلوقتى ما تساعديهش ليه
    4) الرحلات والخروج وده اهم شى غير جو طول الدراسه رايح الجامعه او المستشفى وجاى منها ممكن دلوقتى تروح مكان اخر
    تنزل وانت مش متضايق انك نازل مثل ايام الدراسه شوف الاماكن ومتع نظرك بالطبيعه على فكره ده هيعطيك طاقه جامده جدا للسنه الجديده وهايخليك واعى اكتر
    5) اقعد على النت براحتك بس ياريت وانت قاعد من فتره للاخرى تشوف معلومات عن السنه الجديده من باب الثقافه تشوف حال البلد يعنى تثقف نفسك
    6) حاول تطور نفسك فى الطب يعنى لو لقيت دورات زى مثلا دوره الاسعافات الاوليه ليه ما تاخهاش من باب الثقافه مثلا الدوره دى على فكره انا اخذتها فى ثالثه وحليت منها معظم امتحان الطب الشرعى
    ادخل على النت وشوف دورات مفيده لك منها افاده ومنها ترفيه بس خلى بالك شوف المناسب ليك وما تكترش علشان تستمتع ببقيه الاجازه.

    ونصيحه اخويه اخيرررررررررررررررررررررررررررره

    احذر مما يقولون لك ما تعملش حاجه فى الاجازه لانك مش هتلاقى وقت فاضى تانى تعمل حاجات كانت هتبقى مفيده ليك لو عملتها
    ما تذاكرش ولكن رتب نفسك للسنه القادمه ومتع نفسك على الاخر فى نفس الوقت يعنى مش تقعد طول الاجازه عمال تذاكر امال هتعمل ايه السنه القادمه!
    كن وسطا نحن امه وسطا


  • #2
    رد: هعمل ايه فى الاجازه سوال يطرح نفسه


    سبقتينى بالموضوع

    أولاً الله يبارك فيكى أخيراً الواحد أخد أجازة بعد سنة سعيـــــــــدة جداً ماشاء الله

    سوال يطرح نفسه لكل اللى خدوا اجازه ناويين تعملوا ايه فيها ؟؟
    قررتوا حتعملوا ايه ولا لسه؟؟


    قررت من زمان

    بالنسبة للجامعة أو كمشروع دكتورة يعنى

    * اشتركت فى تدريب تبع الجامعة بيعلمونا مقدمات كده للسنين الاكلينيكية اللى جاية بناخد فيه كورسات نظرى وجزء عملى بنروح المستشفى ونشوف حالات بيكونوا هما شرحوها فى النظرى

    * ومشتركة فى تدريب تانى هو مش تدريب هو مشروع جديد عاملة دكتور فى الفارما وهيختار مجموعة تكمل معاه لحد ما نخلص الجامعة بس ممتاز جداً بيعلمنا كل الفنيات والحاجات اللى بتوع الامتياز مش بيبقوا عارفينها بيعلمنا إزاى تكون فعلاً دكتور من كل النواحى
    المشورع ممتاز والدكتور ماشاء الله عليه أكثر من رائع وعنده علم اللهم بارك ربنا ينفعنا بيه

    * هانزل الاستقبال بإذن الله

    * هاروح صيدلية إن شاء الله اطبق فيها اللى اتعلمته فى الفارما ومع الدكتور فى المشروع

    * ناوية بإذن الله اسمع شرايط الفارما تانى لدكتور محسن لأنها كانت ممتازة وفيها معلومات قيمة بعيداً عن جو الامتحانات بيبقى لها نفع اكتر وكمان هذاكر الباثولوجى من تانى لأنى مش كنت باحبه خالص وأنا فى الدراسة

    * وبدأت اسمع الرمد كنوع من الثقافة العامة بعيداً برده عن جو الدراسة

    وتبقى كده الأجازة خلصت من غير أجازة خالص

    بالنسبة للنواحى التانية ع المستوى الدينى والاجتماعى فدى احتفظ بيها لنفسى



    الـإبتلـاء ظلامْـ

    وفى الظلام يمكنك أن ترى فجراً ينبثق وزرعاً يتمايل وجواداً ينتظر


    وهكذَا البلَـاء يمكنك أن ترى فيه خيــراً إنْ أردت ツ

    Comment


    • #3
      رد: هعمل ايه فى الاجازه سوال يطرح نفسه

      بسم الله ما شاء الله دكتوره ريناد
      ربنا يبعد عنك شر عنين الناس اللى مش هتعمل حاجة

      Comment


      • #4
        رد: هعمل ايه فى الاجازه سوال يطرح نفسه

        بسم الله ما شاء الله دكتوره ريناد
        ربنا يبعد عنك شر عنين الناس اللى مش هتعمل حاجة

        طيب ما الناس دى تعمل حاجة

        اكيد فى عندكوا تدريبات فى الجامعة ولو فاضية وعايزة تعملى حاجة انزلى أى صيدلية أو انزلى اقرب مستشفى ليكى

        الاجازة من غير اى شغل بتبقى مملة جداً وكئيبة جداً جداً والواحد بيجيله كل الأمراض النفسية فيها !!

        فعلاً أول أجازة مش احس فيها بالملل

        هو فعلاً مش عارفة استريح وانااااااااااام بس ع الأقل باستفيد حاجات كتير الحمد لله
        الـإبتلـاء ظلامْـ

        وفى الظلام يمكنك أن ترى فجراً ينبثق وزرعاً يتمايل وجواداً ينتظر


        وهكذَا البلَـاء يمكنك أن ترى فيه خيــراً إنْ أردت ツ

        Comment


        • #5
          رد: هعمل ايه فى الاجازه سوال يطرح نفسه

          يا دكتوره نعمل ايه بس هوة فية وقت؟؟؟؟الواحد يدوب بينام ويؤم يسهر على النت شوية وخلص اليوم
          يا دكتوره ردا على كلامك ان الاجازة بتجيب كل الامراض النفسيه اومال ايام المذاكرة بتجيب ايةةةةةةةةةة؟؟؟؟!!!هههه انا ما بصدق امتحن عشان استريح من الكتب شوية اؤم ازاكر فى الاجازة كمان
          بصى دكتورةه ريناد
          سيبك من كلام الناس المثبطين للهمم دول
          وربنا يوفقك فى برنامجكك اللى انتى ناوية تعملية
          وبالتوفيق ان شاء الله

          Comment


          • #6
            رد: هعمل ايه فى الاجازه سوال يطرح نفسه

            انا ما بصدق امتحن عشان استريح من الكتب شوية اؤم ازاكر فى الاجازة كمان


            لأنكـ فى الأجازة مش بتذاكرى وانتى متوترة أو قلقانة وعايزة تركزى على دى عشان مهمة ودى سؤال امتحان والحاجات اللى تتعب دى
            إنتى بتذاكرى for your own knowledge
            عشان كده بتبقى المذاكرة ممتعة كأنك بتقرأى قصة أو كتاب عادى وبالعكس المعلومات بتثبت أكتر كمان
            الـإبتلـاء ظلامْـ

            وفى الظلام يمكنك أن ترى فجراً ينبثق وزرعاً يتمايل وجواداً ينتظر


            وهكذَا البلَـاء يمكنك أن ترى فيه خيــراً إنْ أردت ツ

            Comment


            • #7
              رد: هعمل ايه فى الاجازه سوال يطرح نفسه

              معنديش اجازة للاسف وهقضيها مذاكرة وامتحانات
              وبالتالى السؤال لا ينطبق عليا
              انتظرونى



              ونصائح للفرقة الخامسة

              Comment


              • #8
                رد: هعمل ايه فى الاجازه سوال يطرح نفسه

                المشاركة الأصلية كتبت بواسطة ريناد مشاهدة المشاركة

                سبقتينى بالموضوع

                أولاً الله يبارك فيكى أخيراً الواحد أخد أجازة بعد سنة سعيـــــــــدة جداً ماشاء الله



                قررت من زمان

                بالنسبة للجامعة أو كمشروع دكتورة يعنى

                * اشتركت فى تدريب تبع الجامعة بيعلمونا مقدمات كده للسنين الاكلينيكية اللى جاية بناخد فيه كورسات نظرى وجزء عملى بنروح المستشفى ونشوف حالات بيكونوا هما شرحوها فى النظرى

                * ومشتركة فى تدريب تانى هو مش تدريب هو مشروع جديد عاملة دكتور فى الفارما وهيختار مجموعة تكمل معاه لحد ما نخلص الجامعة بس ممتاز جداً بيعلمنا كل الفنيات والحاجات اللى بتوع الامتياز مش بيبقوا عارفينها بيعلمنا إزاى تكون فعلاً دكتور من كل النواحى
                المشورع ممتاز والدكتور ماشاء الله عليه أكثر من رائع وعنده علم اللهم بارك ربنا ينفعنا بيه

                * هانزل الاستقبال بإذن الله

                * هاروح صيدلية إن شاء الله اطبق فيها اللى اتعلمته فى الفارما ومع الدكتور فى المشروع

                * ناوية بإذن الله اسمع شرايط الفارما تانى لدكتور محسن لأنها كانت ممتازة وفيها معلومات قيمة بعيداً عن جو الامتحانات بيبقى لها نفع اكتر وكمان هذاكر الباثولوجى من تانى لأنى مش كنت باحبه خالص وأنا فى الدراسة

                * وبدأت اسمع الرمد كنوع من الثقافة العامة بعيداً برده عن جو الدراسة

                وتبقى كده الأجازة خلصت من غير أجازة خالص

                بالنسبة للنواحى التانية ع المستوى الدينى والاجتماعى فدى احتفظ بيها لنفسى



                مبروووووووووووووووووووووووووك على الاجازه وان شاء الله اجازه سعيده عليكم
                برافو عليكى ياد ريناد اللى عاوزه تعمليه فى الاجازه وانك قررتى وربنا يوفقك ويعينك على التنفيذ
                لكن خلى بالك لازم تاخذى راحه علشان تقدرى توصلى السنه اللى جايه يعنى اهم شى فى الموضوع انك تعرفى تنظمى وقتك بين الراحه والعمل حتى تحققى الاستفاده المطلوبه
                وان شاء الله هابقى اقول ازاى نعمل كده على قد ما اقدر بس مستنيه اعرف اقتراحكتوا الاول
                وعايزين نعرف النواحى التانيه علشان نستفاد ياد ريناد


                Comment


                • #9
                  رد: هعمل ايه فى الاجازه سوال يطرح نفسه

                  المشاركة الأصلية كتبت بواسطة Dr.ahmoda_for_ever مشاهدة المشاركة
                  معنديش اجازة للاسف وهقضيها مذاكرة وامتحانات
                  وبالتالى السؤال لا ينطبق عليا
                  ياDr.ahmoda_for_ever ان شاء الله تاخد اجازه بعد الامتحانات حتى لو كانت يومين اهو الواحد ينسى فيهم المذاكره خالص وما يقعدش فى البيت اساسا
                  علشان يستعد لسنه سادسه الرائعه

                  Comment


                  • #10
                    رد: هعمل ايه فى الاجازه سوال يطرح نفسه

                    المشاركة الأصلية كتبت بواسطة kezo مشاهدة المشاركة
                    يا دكتوره نعمل ايه بس هوة فية وقت؟؟؟؟الواحد يدوب بينام ويؤم يسهر على النت شوية وخلص اليوم
                    يا دكتوره ردا على كلامك ان الاجازة بتجيب كل الامراض النفسيه اومال ايام المذاكرة بتجيب ايةةةةةةةةةة؟؟؟؟!!!هههه انا ما بصدق امتحن عشان استريح من الكتب شوية اؤم ازاكر فى الاجازة كمان
                    بصى دكتورةه ريناد
                    سيبك من كلام الناس المثبطين للهمم دول
                    وربنا يوفقك فى برنامجكك اللى انتى ناوية تعملية
                    وبالتوفيق ان شاء الله
                    دkezo ازاى تقولى ما فيش وقت ايوه معاكى ان اول يومين بيبقى الواحد نايم طول اليوم ومش طايق يعمل حاجه بس المفروض ما نقعدش كده كتير ونمسك ورقة وقلم ونرتب هنعمل ايه حتى لو ما نفذناش كله اهو ننفذ بعضه
                    لاحظى ان ده تعتبر اخر اجازه بالمعنى المراد اسالى مجرب دلوقتى حاسه ان فيه حاجات كتير كان لازم اعملها وللاسف مش لاقيه وقت ليها بس اوعى كلامى يخليكى مش تستمتعى بالاجازه خليكى وسط نحن امه وسطا واهم حاجه بقى فى الاستمتاع الخروج وتغيير الجو

                    Comment


                    • #11
                      رد: هعمل ايه فى الاجازه سوال يطرح نفسه

                      ايه رايكو فى الجدول اللى فوق يارب يكون مفيد لكم

                      Comment


                      • #12
                        رد: هعمل ايه فى الاجازه سوال يطرح نفسه

                        السلام عليكم
                        انا ان شاء الله داخلة اولي طب السنة دي و عايزة اعرف اعمل اية في الاجازة عشان استعد للكلية و بالنسبة للمحاضرات الي بيعملوها للطلبة الجداد عشان يعرفوهم بالمنهج هل لازم احضرها

                        Comment


                        • #13
                          رد: هعمل ايه فى الاجازه سوال يطرح نفسه

                          المشاركة الأصلية كتبت بواسطة yoyo_flash مشاهدة المشاركة
                          السلام عليكم
                          انا ان شاء الله داخلة اولي طب السنة دي و عايزة اعرف اعمل اية في الاجازة عشان استعد للكلية و بالنسبة للمحاضرات الي بيعملوها للطلبة الجداد عشان يعرفوهم بالمنهج هل لازم احضرها

                          وعليكم السلام الف مبروك على السنه الجديده
                          ما تعمليش حاجه غير اللى انا كتباه فوق يادyoyo يعنى كل اللى ممكن تعمليه بالنسبه للطب انك تقراى معلومات عن طب وعن سنه اولى من النت او تعرفى من طلبه اكبر منك علشان ما تضيعيش وقت اول السنه فى المواضيع دى
                          وتدخلى على قسم سنه اولى وقسم طب اسكندريه بالذات
                          لو عايزه تاخذى دورات فى icdl خديها لانها هتنفعك فى الابحاث او انجليزى خصوصا محادثه كما تحبى مش ضرورى بس افضل
                          واستمتعى ببقيه الاجازه انت خارجه من ثانوى
                          وانصحك بقراءه هذا الموضوع مهم جدا


                          http://www.alltebfamily.com/vb/showthread.php?t=12355


                          Comment


                          • #14
                            رد: هعمل ايه فى الاجازه سوال يطرح نفسه

                            شكراااااااااااااااااا جداً يا دكتورة و الموضوع مفيد اوي بجد و كل مواضيع المنتدي

                            Comment

                            Working...
                            X