كل الطب أكبر منتديات طبية عربية  10 أعوام من العطاءAllteb 10 Years of Donation

كل الطب أكبر منتديات طبية عربية 10 أعوام من العطاءAllteb 10 Years of Donation (https://www.alltebfamily.com/vb/index.php)
-   طب قناة السويس (( طب الإسماعلية )) (https://www.alltebfamily.com/vb/forumdisplay.php?f=47)
-   -   ارجوكم جاوبونى ارجوكم انا خايف ؟؟؟؟؟؟؟ (https://www.alltebfamily.com/vb/showthread.php?t=15382)

mahmoud_saad400 09-30-2009 03:05 PM

ارجوكم جاوبونى ارجوكم انا خايف ؟؟؟؟؟؟؟
 
يا دكلترة القناة
ممكن اعرف بالظبط النظتم عندكو طب عادى ولا طب اسرة؟
وايه طب الأسرة ده؟
و فى تخصص ولا لأ؟
انا عارف ان النظام مختلف بس انا خايف من المستقبل انا كنت ف الزقازيق وحولولى النهاردة قبل الدراسة بيومين ؟
عاوز اعرف مين الأحسن بصراحة ؟
ارجوكم جاوبونى ؟
هنا زى هناك ولا لأ؟
هطلع بتاع اسرة ؟
ولا متخصص زى بقية الدكاترة ؟
و ايه مميزات الكلية المستقبلية ؟
:CryOutLoud:

راحلة إلى ربي 09-30-2009 08:20 PM

رد: ارجوكم جاوبونى ارجوكم انا خايف ؟؟؟؟؟؟؟
 

السلام عليكم و رحمة الله و بركاته
اقتباس:

ممكن اعرف بالظبط النظتم عندكو طب عادى ولا طب اسرة؟

كلية طب في قناة السويس تدرس جميع المواد و التخصصات لكن بطريقة مختلفة
اقتباس:

وايه طب الأسرة ده؟

طب الاسرة مادة واحدة فقط من المواد التي تدرس لكن قناة السويس تتميز بها عن باقي الجامعات
طبيب الاسرة هو الطبيب الذي تتوجه اليه للتشخيص و العلاج المبدئي و ان استعصى عليه الامر يتم تحويله لمتخصص و هذا المفهوم في كل البلاد الاوربية و بعض البلاد العربية و في مصر يوجد في قناة السويس لا اعلم هل يوجد في المحافظات الاخرى ام لا
اقتباس:

و فى تخصص ولا لأ؟

طبعا في كل التخصصات و ستدرس كل المواد لكن بترتيب و نظام مختلف
اقتباس:

و النبى عاوز اعرف مين الأحسن بصراحة ؟

لا إله إلا الله.... هذا تحكم عليه بنفسك بعد معرفتك لنظام الدراسة في الجامعتين
و تفضل بزيارة هذا الموضوع
من هنا
اقتباس:

و ايه مميزات الكلية المستقبلية ؟

قريبا ان شاء الله يتصبح جامعتنا معترف بها دوليا
كما ان العدد الدفعة مناسب 150 تقريبا يزيد او ينقص و هذا يسمح لك بفرصة تعلم افضل

muslem rewesh 10-01-2009 12:05 AM

رد: ارجوكم جاوبونى ارجوكم انا خايف ؟؟؟؟؟؟؟
 
متشكر جدا يا دكتورة ع المعلومات القيمة دى
بس ممكن اسأل سؤال
اللى بيتخرج من الكلية عندكوا بيطلع متخصص فى حاجة معينة زى مثلا اطفال او نساء زى كل الدكاترة اللى نعرفهم
ولا بيبقى طبيب اسرة عام كدة يحول الناس و السلام ع الدكاترة التانيين ؟
حضرتك فاهمانى يعنى اللى بيتخرج بيبقى زيه زى المتخرج من اى كلية طب تانية ؟
انا برضو معاكوا رايح سنة اولى ؟
يا ريت تفهمينى ب الراحة و انا اسف انى هتعب سعتك ؟

راحلة إلى ربي 10-01-2009 07:12 AM

رد: ارجوكم جاوبونى ارجوكم انا خايف ؟؟؟؟؟؟؟
 
اقتباس:

المشاركة الأصلية كتبت بواسطة muslem rewesh (المشاركة 100623)


بس ممكن اسأل سؤال

اللى بيتخرج من الكلية عندكوا بيطلع متخصص فى حاجة معينة زى مثلا اطفال او نساء زى كل الدكاترة اللى نعرفهم
ولا بيبقى طبيب اسرة عام كدة يحول الناس و السلام ع الدكاترة التانيين ؟
اولا طبيب الاسرة ليست كل مهمته تحويل المرضى
بل يعالج الحالات المتاحة و يتابع مرضاه و يحول الحالات المستعصية فقط
ثانيا
يمكنك ان تختار القسم الذي تشاء بعد تخرجك كاي جامعة اخرى
حضرتك فاهمانى يعنى اللى بيتخرج بيبقى زيه زى المتخرج من اى كلية طب تانية ؟
نعم
انا برضو معاكوا رايح سنة اولى ؟
يا ريت تفهمينى ب الراحة و انا اسف انى هتعب سعتك ؟


الخلاصة بعد ما تدرس 6 سنوات و تاخذ الامتياز كاي جامعة اخرى سيوزع الطلبة على كل التخصصات اطفال نسا جراحة باطنة بجميع اقسامها و و و و


الفرق الوحيد في نظام الدراسة و توزيع المواد على سنوات الدراسة

و تفضل بزيارة هذا الموضوع
من هنا

mahmoud_saad400 10-01-2009 09:56 AM

رد: ارجوكم جاوبونى ارجوكم انا خايف ؟؟؟؟؟؟؟
 
شكرا جدا جدا
انا كدة اطمنت خالص
الفرق الوحيد فى طريقة الدراسة اما طب الأسرة ده مادة اضافية احنا مميزين بيها عن غيرنا بس ف الأخر فى تخصص و الشغل زى الجامعات التانية
مرسى اوى

استشارى نساء وتوليد 04-03-2010 01:39 AM

رد: ارجوكم جاوبونى ارجوكم انا خايف ؟؟؟؟؟؟؟
 
انا بصراحه كنت عاوز انصحك نصيحه بس متزعلش ياريت بدل مكنت تحول من طب الزقازيق الى السويس كنت حولت من كليه الطب خالص لانها اصبحت وجع قلب على الفاضى مرتبك هيكون 200 جنيه بعد صراع طويل وارف وسهر ليالى فكر انت لسه فى اول الطريق

محب الدين 04-03-2010 03:03 PM

رد: ارجوكم جاوبونى ارجوكم انا خايف ؟؟؟؟؟؟؟
 
اقتباس:

الفاضى مرتبك هيكون 200 جنيه بعد صراع طويل وارف


عذرا
حضرتك بيدخل جيبك كل شهر ...
وحضرتك عندك 33 سنة زي ماهو مكتوب
200 جنيه بالضبط .. ؟
دا كل دخلك كطبيب ..؟
اذا كان طبيب الامتياز بياخد اكتر من كدا
وطبيب التكليف بيوصل مرتبه لأكتر من 500
يبقا ازاي حضرتك استشاري وبتاخد 200 جنيه

استشارى نساء وتوليد 04-03-2010 05:15 PM

رد: ارجوكم جاوبونى ارجوكم انا خايف ؟؟؟؟؟؟؟
 
:barak::427515:السلام عليكم والله انا نصحتكم لوجه الله الموضوع مش وردى زى منتم فاكرين والى فرحان بال500 جنيه دول مصروف 3 ايام لواحد فاتح بيت ممكن تسالوا بابا وماما لانكم لسه متعرفوش الدنيا ايوة الطبيب اول ميتخرج وهو امتياز بمرتب 230 جنيه بالضبط اسالوا وهتعرفوا انى مش بكدب شوفوا بعد سهر الليالى ده قيمتك فى البلد وبصوا لمرتبات النيابه والجيش والكهرباء والاتصالات هتلاقيها فى السما ومرتبات الاطباء فى الارض بما لا يناسب المجهود الى عمله فى دراسته والدراسات العليا الى لازم تتعمل علشان يبقى متخصص
:S18SoundAsleep:شوفوا لكم كليه مريحه زى الصيدله او الهندسه وكلها كليات قمه واهربوا من قهر كليه الطب

دكتور المنصورة 04-03-2010 05:18 PM

رد: ارجوكم جاوبونى ارجوكم انا خايف ؟؟؟؟؟؟؟
 
اقتباس:

المشاركة الأصلية كتبت بواسطة استشارى نساء وتوليد (المشاركة 173872)
:barak::427515:السلام عليكم والله انا نصحتكم لوجه الله الموضوع مش وردى زى منتم فاكرين والى فرحان بال500 جنيه دول مصروف 3 ايام لواحد فاتح بيت ممكن تسالوا بابا وماما لانكم لسه متعرفوش الدنيا ايوة الطبيب اول ميتخرج وهو امتياز بمرتب 230 جنيه بالضبط اسالوا وهتعرفوا انى مش بكدب شوفوا بعد سهر الليالى ده قيمتك فى البلد وبصوا لمرتبات النيابه والجيش والكهرباء والاتصالات هتلاقيها فى السما ومرتبات الاطباء فى الارض بما لا يناسب المجهود الى عمله فى دراسته والدراسات العليا الى لازم تتعمل علشان يبقى متخصص
:s18soundasleep:شوفوا لكم كليه مريحه زى الصيدله او الهندسه وكلها كليات قمه واهربوا من قهر كليه الطب

نشوف ايه بقى ما خلاص اللى حصل حصل وفاضل سنتين


وطبعا مصدقين كلام حضرتك بالنسبه للمصاريق والمرتبات

جزاك الله كل خير

محب الدين 04-04-2010 12:05 PM

رد: ارجوكم جاوبونى ارجوكم انا خايف ؟؟؟؟؟؟؟
 
اقتباس:

منتم فاكرين والى فرحان بال500 جنيه دول مصروف 3 ايام لواحد فاتح بيت


يعني حضرتك
بتصرف
في اليوم
500
/
3
166 جنيه
و 65 قرش
:)
ما شاء الله ولا قوة الا بالله
انا بحاول أتخيل نفسي بصرف كدا في اليوم انا ومراتي وانا متجوز
بصراحه مش لاقي حاجة أصرف عليها متين جنيه كل يوم
صعبة شوية يا دكتور
:)

محمد القاضي 04-04-2010 12:18 PM

رد: ارجوكم جاوبونى ارجوكم انا خايف ؟؟؟؟؟؟؟
 
اقتباس:

المشاركة الأصلية كتبت بواسطة khatab (المشاركة 174153)


يعني حضرتك
بتصرف
في اليوم
500
/
3
166 جنيه
و 65 قرش
:)
ما شاء الله ولا قوة الا بالله
انا بحاول أتخيل نفسي بصرف كدا في اليوم انا ومراتي وانا متجوز
بصراحه مش لاقي حاجة أصرف عليها متين جنيه كل يوم
صعبة شوية يا دكتور
:)



والله هو حسب اليوم ههههه

يعني لو اليوم اللي فيه فاتوره الكهربا والميه والغاز الطبيعي والتليفونات والنت والدش وفلوس الشهر بتاعه العيال وابنك الصغير تعباان وبنتك عايزا ملخصات و وسعادتك الجزمه بتاعتك اتهرت من المشاوير ولازمك جزمه دلوقت حالا يبقي اتهيالي انتا عايز 2000 جنيه مش 200 ولا ايه ؟؟؟ دا غير المواصلات و الغدا الفرخة ب 25 والرز وشويه فاكهة لازم بردوا للفيتامينات يعني...



روق يا احمد وسيبها علي الله دا احنا لسه بدري اوووي علينا اهو احنا اللي بيقولوا عليهم لسه مطلعوش من البيضة

محمد القاضي 04-04-2010 12:21 PM

رد: ارجوكم جاوبونى ارجوكم انا خايف ؟؟؟؟؟؟؟
 
نسيت اقولك هاتدفع الايجار بردوا لو ساكن ايجار


وعايز اقول للاخ اللي بيسال فكر وشوف اولوياتك عايز تطلع دكتور وعارف انك هتأجل الجواز والكلام دا ادخل

عايز تتجوز بسعه وتكون نفسك بسرعه شوفلك كليه تانيه بصراحه


الساعة الآن 12:38 PM.

Powered by vBulletin Version 3.8.12 by vBS
Copyright ©2000 - 2022, Jelsoft Enterprises Ltd
Translation by Support-ar