كل الطب أكبر منتديات طبية عربية  10 أعوام من العطاءAllteb 10 Years of Donation

كل الطب أكبر منتديات طبية عربية 10 أعوام من العطاءAllteb 10 Years of Donation (https://www.alltebfamily.com/vb/index.php)
-   ° أطباء التكليف و النواب ° (https://www.alltebfamily.com/vb/forumdisplay.php?f=136)
-   -   نيابات مايو 2011 >> النتيجة ظهرت (https://www.alltebfamily.com/vb/showthread.php?t=40038)

د/ أحـمـد سـليمان 06-02-2011 07:51 PM

نيابات مايو 2011 >> النتيجة ظهرت
 
*
*
*
*
*
*
*
*



الموقع فتح
لتسجيل البيانات الاساسية
http://mhealthf.cu.edu.eg/studentdata.aspx

احتياجات حركة نيابات مايو 2011
هناااااااااااااااااااااا

لتحميل الاحتياجات من على موقع الوزارة
هناااااااااااااا

ودي الإحتياجات مقسمة حسب التخصص و منظمة
http://www.megaupload.com/?d=4NH5LVY3

------------------------
ده إعلان نيابات مايو 2011
جريدة الاخبار - السبت 4 - 6 - 2011
حركة كاملة بها كل التخصصات
البيانات من 6-6-2011 حتى 23-6-2011
الرغبات من 5-7-2011 حتى 21-7-2011


http://up.1aim.net/uploads/images/ww...afbe4f1f70.jpg


pure spirit 06-02-2011 08:01 PM

رد: في إنتظار نيابات مايو 2011
 
جزاكم الله خيرا
هو المطمئن فى الموضوع ان التخصصات اللى كاتبينها اربعة بس
مش معقول هيعملوا حركة كاملة علشان 4 تخصصات كانوا يلغوها أرحم
فى انتظار يوم السبت

د/ أحـمـد سـليمان 06-02-2011 08:14 PM

رد: في إنتظار نيابات مايو 2011
 
بالنسبة للي قدموا في حركة نوفمبر و عايزين يقدموا في مايو لازم يلغوا الاول .. ده كلام د/ سيد عبد الحافظ النهادرة الصبح .. نقلا عن الفيس بوك

frasha alhya 06-03-2011 12:03 AM

رد: في إنتظار نيابات مايو 2011
 
اشكرك ياد.احمد علي المجهود والمتابعه الدائمه
ويارب فعلا تكون الحركه اساسيه وينزل فيها تخصصات واماكن كويسه تناسب الجميع

* محمد سعيد * 06-03-2011 12:32 AM

رد: في إنتظار نيابات مايو 2011
 
جزاكم الله خيرا

بس انا مش لاقى اى داتا على بوابة الحكومة الالكترونية دى !!!!!!!!!!!!!!!!

mbi220004 06-03-2011 01:56 AM

رد: في إنتظار نيابات مايو 2011
 
حركه نيابات مايو نزلت يجماعه بالتوفيق للجميع

http://mhealth.cu.edu.eg/

frasha alhya 06-03-2011 02:39 AM

رد: في إنتظار نيابات مايو 2011
 
ممكن حد يقولنا تفاصيل اكتر عن الحاجات اللي نازله
هوفعلا بدأ التسجيل علي موقع الحكومه الالكترونيه
بس التسجيل بناءا علي ايه ؟؟اساسيه ولا ملحه بس ؟

nonamody 06-03-2011 03:13 AM

رد: في إنتظار نيابات مايو 2011
 
يا جماعه حد يرد عليا بسرعه الله يكرمكم
ازاى نلغى النيابه اللى جات لنا فى النيابات الملحه

nonamody 06-03-2011 03:14 AM

رد: في إنتظار نيابات مايو 2011
 
بس على موقع الوزاره مفيش حاجه مكتوبه عن النيابات دى

Dr\White Angel 06-03-2011 09:42 AM

رد: في إنتظار نيابات مايو 2011
 
الموقع مش شغال

د/ أحـمـد سـليمان 06-03-2011 10:18 AM

رد: في إنتظار نيابات مايو 2011
 
الموقع فتح لتسجيل البيانات
http://mhealthf.cu.edu.eg/studentdata.aspx
لكن لسة مفيش تسجيل رغبات دلوقتي
دي بيتبقى في مرحلة لوحدها

اقتباس:

ممكن حد يقولنا تفاصيل اكتر عن الحاجات اللي نازله
هوفعلا بدأ التسجيل علي موقع الحكومه الالكترونيه
بس التسجيل بناءا علي ايه ؟؟اساسيه ولا ملحه بس ؟


المفروض ان هينزل اعلان جديد او تكملة للاعلان ده
على كلامهم ان كل التخصصات هتنزل للي كمل سنة
بس احنا هنسجب بياناتنا دلوقتي و هنعرف الباقي قبل تسجيل الرغبات

اقتباس:

يا جماعه حد يرد عليا بسرعه الله يكرمكم
ازاى نلغى النيابه اللى جات لنا فى النيابات الملحه

تقريبا لازم تقدمي طلب الغاء في الوزارة

اقتباس:

بس على موقع الوزاره مفيش حاجه مكتوبه عن النيابات دى
موقع الوزارة دايما متأخر في تجديد الأخبار

د/ أحـمـد سـليمان 06-03-2011 11:09 AM

رد: إعلان نيابات مايو 2011
 
إن شاء الله كل التخصصات متاحة للي كمل سنة في التكليف

و الاربع تخصصات الملحة للي مكملش سنة

Dr\White Angel 06-03-2011 11:36 AM

رد: إعلان نيابات مايو 2011
 
الموقع مش بيفتح عندي خالص

د/ أحـمـد سـليمان 06-03-2011 11:39 AM

رد: إعلان نيابات مايو 2011
 
بس شغال معايا
ممكن يكون عليه ضغط و لا حاجة علشان كده بيقع

dodybasha 06-03-2011 11:45 AM

رد: إعلان نيابات مايو 2011
 
طب ينزل غلط ليه ويوجعوا بطن الواحد ويخليه يكره نفسه
عموما خير ان شاء الله
بس يوم السبت لو مكنش الاعلان ينزل يبقى سيد حكم على نفسه بالاعدام
حراااااااااااااااااااااااااااااااااااااااااااااااا ااااااااااااااااااااااام:CryOutLoud:

Dr_Same7Almata3ny 06-03-2011 12:19 PM

رد: إعلان نيابات مايو 2011
 
لو لم يتم تعديل الاعلان لازم يكون لنا موقف

د/رواء احمد 06-03-2011 01:54 PM

رد: نيابات مايو 2011 >>> وبدأ تسجيل البيانات
 
بالتوفيق ان شاء الله

lombasto 06-03-2011 02:18 PM

Re: نيابات مايو 2011 >>> وبدأ تسجيل البيانات
 
انا كمان مش بيفتح معايا
وبعدين م المفروض حسب الاعلان التسجيل من 6-6
يبقى ازاى من النهاردة

Dr. N 06-03-2011 04:12 PM

رد: نيابات مايو 2011 >>> وبدأ تسجيل البيانات
 
يا جماعة أنا دخلت اليوم وسجلت بياناتي وكمان أعطاني في الآخر رقم الخريج

mfsh 06-03-2011 05:28 PM

رد: إعلان نيابات مايو 2011
 
بعد إذنك يا دكتور أحمد هو الحد الأدني ستة أشهر ولا سنة ؟؟ و هل الحد الأدنى للنيابات الملحة ستة أشهر و للنيابات الأساسية سنة؟؟ ولا إيه بالظبط لو سمحت لأن زوجتي قضت سبعة أشهر فقط في التكليف فهل من حقها تقدم في النيابات الأساسية المنتظرة؟؟؟ و آسف للإطالة سؤال كمان ليا أنا ... أنا نائب باطنة خريج 2003 لكن عايز أقدم نيابة تانية مع العلم إني إشتغلت في التكليف سنتين و نص فقط و سافرت سنتين و رجعت استلمت النيابة لمدة سنة و سافرت تاني بقالي سنة و نصف فهل من حقي أقدم على نيابة تانية؟؟؟ و هل كده أنا قضيت أقل من خمس سنوات في التكليف؟؟ لأن اللي قضيته فعليا في التكليف سنتين و نص و هل لو من حقي أقدم على نيابة دلوقتي هل سيتم إيقافي حركتين بسبب تركي لنيابتي القديمة؟؟؟ ... و لك جزيل الشكر و أرجو منك سعة الصدر و آسف مرة أخرى للإطالة و جزاك الله خيرا و منتظر أجوبتك

د/أماني 06-03-2011 05:28 PM

رد: نيابات مايو 2011 >>> وبدأ تسجيل البيانات
 
ربنا يكرمكم يارب ويبشركم بالخير
الواحد كان هيجيله اكتئاب
يارب التخصصات تنزل بقى وربنا يفرجها علينا
كفاية كده اوي في الوحدة الصحية

هو الاعلان هينزل ان شاء الله بكرة في الجمهورية؟؟

مؤمن عز الدين 06-03-2011 05:47 PM

رد: نيابات مايو 2011 >>> وبدأ تسجيل البيانات
 
إسمحولي اشارك بالإجابة عن الاستفسارات

اقتباس:

و هل الحد الأدنى للنيابات الملحة ستة أشهر و للنيابات الأساسية سنة
بالظبط كده

اقتباس:

زوجتي قضت سبعة أشهر فقط في التكليف فهل من حقها تقدم في النيابات الأساسية المنتظرة
لا مش هينفع تقدم في التخصصات العادية
المتاح لها هو التخصصات الملحة فقط
اقتباس:

هل من حقي أقدم على نيابة تانية؟
انت كده اشتغلت في التكليف اقل من 5 سنوات
يعني الشرط ده منطبق عليك
لكن عشان تقدم من جديد لازم تلغي النيابة القديمة

اقتباس:

لو من حقي أقدم على نيابة دلوقتي هل سيتم إيقافي حركتين بسبب تركي لنيابتي القديمة؟
الشرط ده كان معمول بيه لغاية نوفمبر 2010
و في الحركة الاستثنائية ( ابريل 2011 ) تم ايقاف الشرط ده
و كان في مطلب من الاطباء انه يتم ايقافه على طول
بس ده لسة منزلش رسمي

مؤمن عز الدين 06-03-2011 05:52 PM

رد: نيابات مايو 2011 >>> وبدأ تسجيل البيانات
 
اقتباس:

هو الاعلان هينزل ان شاء الله بكرة في الجمهورية؟؟
ده اللي قالوه في الوزارة امبارح
بس كده خلاص احنا عرفنا ان كل التخصصات نازله
هما قي الاعلان عادة بيقولوا (( الملحة كذا و كذا للي كمل 6 شهور .. اما اللي كمل سنة يقدم في كل التخصصات )) .. يعني مش بيسرد العادية واحد واحد .. اما بخصوص الاماكن و الاعداد المطلوبة .. فده هنعرفة من الاحتياجات اللي بتنزل على النت .. في نفس الموقع اللي بنقدم فيه

ربنا يسهل و تطلع الاحتياجات كافية
لأن ده اللي هيكمل فرحتنا بالحركة
اما لو كان التخصصات كلها نازلة بس الاماكن مفيش .. يبقى معملناش حاجة و مش خنلحق اللي احنا عايزينه ... بس انا متفائل خير بالحركة دي و بموقع ( كل الطب ) و إن شاء الله نتابع عليه طول فترة التقديم و بعدها

مؤمن عز الدين 06-03-2011 06:16 PM

رد: نيابات مايو 2011 >>> وبدأ تسجيل البيانات
 
لو حد له استفسار يا جماعة يتفضل .. ممكن نساعد في حدود علمنا و اللي منعرفوش ممكن ندور على اجاباته مع بعض .. لازم الكل يشارك و يساهم .. لأن دي مصلحتنا كلنا و كل واحد بيفيد زمايلة بحاجة

nonamody 06-03-2011 06:28 PM

رد: نيابات مايو 2011 >>> وبدأ تسجيل البيانات
 
يا جماعه انا دلوقتى مسافره وكانت جات لى نيابه طب اسره بس مش عايزاها عايزه
اقدم على نيابه تانيه اعمل ايه
من فضلكوا رودوا عليا

د/ أحـمـد سـليمان 06-03-2011 06:35 PM

رد: نيابات مايو 2011 >>> وبدأ تسجيل البيانات
 
اقتباس:

لو لم يتم تعديل الاعلان لازم يكون لنا موقف
لا متقلقش يا دكتور سامح .. الناس كلموا د/ سيد عبد الحافظ في ساعتها امبارح .. و قالوا له ان الاعلان نازل 4 تخصصات ملحة بس .. قالهم ان دي للي قضى 6 شهور و مكملش سنة اما باقي التخصصات متاحة للي كمل سنة .. و الناس دول اكتر من واحد اعرفهم و من دفعتي .. و هو الاعلان بينزل دايما بصيغة : (( الاطباء الذين مضى على تكليفهم اكثر من عام يمكنهم التقدم فى جميع التخصصات و الاطباء الذين مضى على تكليفهم اقل من عام وبحد ادنى ستة اشهرعليهم التقدم فى التخصصات الملحة التاليه ... و ... و ... ))

الخطأ اللي حصل ان الجملة اللي بالأزرق دي منزلتش .. سقطت سهوا .. و علشان كده الاعلان اللي كان متعلق في ادارة التكليف نفسها اتشال في ساعتها لما اكتشفوا الخطأ .. معلش احنا نصيبنا اننا نتعامل مع وزارة في فجوة بيننا و بينها في التوقيتات و الثقافة و التكنولوجيا .. رغم ان عندهم موقع الوزارة و موقع التنسيق و صفحتهم على الفيس بوك .. يعني يقدروا ينزلو الاعلان نفسه في ثانية او حتى ينزلوا التصحيح بتاعه ..
لكن هي دي مصر
welcome to Egypt
و علشان كده لازم نصبر عليهم ونستحمل لغاية ما نعدي من عنق الزجاجة ده .. و ربنا يصبرنا و يعديها على خير

د/ أحـمـد سـليمان 06-03-2011 06:38 PM

رد: نيابات مايو 2011 >>> وبدأ تسجيل البيانات
 
اقتباس:

المشاركة الأصلية كتبت بواسطة nonamody (المشاركة 286184)
يا جماعه انا دلوقتى مسافره وكانت جات لى نيابه طب اسره بس مش عايزاها عايزه
اقدم على نيابه تانيه اعمل ايه
من فضلكوا رودوا عليا

جت لك في انه حركة ؟
و انتي دفعة كام ؟
لو انتي دفعة 2008 و جت لك في نوفمبر
يبقى من حقك تلغي دي و تقدمي في مايو

pure spirit 06-03-2011 07:49 PM

رد: نيابات مايو 2011 >>> وبدأ تسجيل البيانات
 

اسمى مش موجود !!
هل الفاكس هبيجيب نتيجة ولا أطلع على الوزارة على طول ؟؟

د/ أحـمـد سـليمان 06-03-2011 07:55 PM

رد: نيابات مايو 2011 >>> وبدأ تسجيل البيانات
 
بيجيب نتيجة ان شاء الله و الاسم بينزل تاني يوم .. بس الأول دوري على اسمك في باقي الجامعات و في ( جامعات اخرى ) و لو مكانش موجود ابعتي الفاكس و الاسم هينزل تاني يوم .. مع ملاحظة ان السبت اجازة في الوزارة .. على العموم لسة فترة كبيرة ..

و دي خطوات الارسال

ملاحظات:
1-
عند وجود خطأ في الأسم: أبعث فاكس بصورة البطاقة و توضيح نوع الحركة المرادة "حركة نيابات مايو 2011" و توضيح نوع المشكلة "اسم خاطئ" و توضيح الموبايل والدفعــه والدور والجامعة وكتابة الاسم الخطأ و الأسم السليم إلى 27942627 /02.


2- عند عدم وجود الأسم: ابحث أولا عليه تحت جامعة "أخرى" فإذا لم تجده أبعث فاكس بصورة الشهادة الحاوية للمجموع و توضيح نوع الحركة المرادة "حركة نيابات مايو 2011" و توضيح نوع المشكلة "عدم وجود الاسم" و توضيح الموبايل والدفعــه والدور والجامعة و الاسم إلى 27942627 /02


3-سوف يتم بإذن الله فتح الباب لتسجيل البيانات( لمن لم يتاح لهم تسجيلها) في فترة تسجيل الرغبات




بسيطة ان شاء الله

nadeen 06-03-2011 07:57 PM

رد: نيابات مايو 2011 >>> وبدأ تسجيل البيانات
 
بعد اذنكوا انا عايزه اعرف السنه بتتحسب من تاريخ الاستلام لحد تاريخ نزول الاعلان ولا لا؟ يعني انا مستلمه 3_5_2010 اقدر اقدم في الاساسيه ولا لا؟

د/ أحـمـد سـليمان 06-03-2011 08:00 PM

رد: نيابات مايو 2011 >>> وبدأ تسجيل البيانات
 
اقتباس:

المشاركة الأصلية كتبت بواسطة nadeen (المشاركة 286194)
بعد اذنكوا انا عايزه اعرف السنه بتتحسب من تاريخ الاستلام لحد تاريخ نزول الاعلان ولا لا؟ يعني انا مستلمه 3_5_2010 اقدر اقدم في الاساسيه ولا لا؟

اه تقدري تقدمي في الأساسية إن شاء الله

المدة بتتحسب من يوم الاستلام في المديرية
لحد يوم نزول الاعلان

dr.moony 06-03-2011 09:47 PM

Re: نيابات مايو 2011 >>> وبدأ تسجيل البيانات
 
مبروك يا دكاترة ويارب الاعلان لما يتصحح وتعرفو الاحتياجات تبقو مبسوطين
الواحد مبقالهوش شهرين فى التكليف واعصابه تعبت امال انتو بقى تعملو ايه
ربنا يخرجكو ويخرجنا منه على خير
كان عندى استفسارين لو سمحتم
انا دخلت على صفحه التسجيل قولت اشوفها عامله ازاى
لاقيت ان دفعتنا 2009 موجوده
انا مجربتش اسجل لاتدبس ولا حاجه بس هل ده عادى ولا فعلا لينا حق نقدم
كمان ياريت تقولولى على صفحه التكليف اللى على الفيس بوك
وربنا يعملنا اللى فيه الخير
واسفه انى تطفلت عليكو

د/ أحـمـد سـليمان 06-03-2011 09:57 PM

رد: نيابات مايو 2011 >>> وبدأ تسجيل البيانات
 
اقتباس:

انا دخلت على صفحه التسجيل قولت اشوفها عامله ازاى
لاقيت ان دفعتنا 2009 موجوده
انا مجربتش اسجل لاتدبس ولا حاجه بس هل ده عادى ولا فعلا لينا حق نقدم

حتى لو سجلتي بياناتك مش هتدبسي و لا حاجة .. لأن بعد كده في مرحلة تسجيل رغبات .. و هي دي اللي بيتاخد بيها .. اما تسجيل البيانات بس فده يعتبر اجراء روتيني

اما بخصوص دفعة 2009
المفروض ان الحد الادنى هو 6 شهور تكليف
و طبعا انتم مكملتوش 6 شهور
و دي حاجة غريبة ان اسمائكم تنزل في التقديم .. لأن قبل كده مكانش الاسم بينزل الا لما بيعدي عليه 6 شهور ..
لو افترضنا جدلا ان الاعلان بتاع بكرة نزل فيه تخصصات ملحة مش مشترطة قضاء مدة معينة يبقى من حقكم تقدموا فيها

يمكن يطلع ده بشرة خير

اقتباس:

كمان ياريت تقولولى على صفحه التكليف اللى على الفيس بوك
حضرتك تقصدي صفحة إيه بالظبط ؟

drwalaaz 06-03-2011 10:25 PM

رد: نيابات مايو 2011 >>> وبدأ تسجيل البيانات
 
واللى اسمه مش موجود المطلوب منه اوراق ايه ؟
مكتوب ع موقع التسجيل يجيب شهادة بمجموعه شهادة ايه؟ ؟؟؟

د/ أحـمـد سـليمان 06-03-2011 10:36 PM

رد: نيابات مايو 2011 >>> وبدأ تسجيل البيانات
 
شهادة البكالوريوس

dr.moony 06-03-2011 10:43 PM

Re: نيابات مايو 2011 >>> وبدأ تسجيل البيانات
 
شكرا يا د احمد على الرد
الصفحه انا اقصد بيها الصفحة اللى حضرتك بتنقل منها كلام د سيد
اصل حضرتك كل شويه تقول نقلا عن الفيس بوك
ففين بقى على الفيس بوك ؟؟؟؟؟؟؟؟؟؟

د/ أحـمـد سـليمان 06-03-2011 10:55 PM

رد: نيابات مايو 2011 >>> وبدأ تسجيل البيانات
 
اقتباس:

شكرا يا د احمد على الرد
الصفحه انا اقصد بيها الصفحة اللى حضرتك بتنقل منها كلام د سيد
اصل حضرتك كل شويه تقول نقلا عن الفيس بوك
ففين بقى على الفيس بوك ؟؟؟؟؟؟؟؟؟؟

اه .. حضرتك تقصدي الصفحات اللي متابعة الاخبار .. في اكتر من جروب منهم جروب مطالبنا و جروب متابعة لحركة نيابات مايو .. و في حاجات بيكون زمايلنا بلغوها لنا بالتليفون .. او راحوا الوزارة بنفسهم .. انا بكتب نقلا عن الفيس بك للأمانه العلمية .. و دي امثلة للجروبات .. و إن كنت بعتبر المنتدى اسهل في المتابعة و منظم اكتر
http://www.facebook.com/home.php?sk=...20274804654182

http://www.facebook.com/home.php?sk=...32602470141713

dr.moony 06-03-2011 11:00 PM

Re: نيابات مايو 2011 >>> وبدأ تسجيل البيانات
 
شكرا يا د احمد وانا مع حضرتك المنتدى مرتب اكتر وبصراحه بنلاقى فيه كل حاجه فى وقتها ربنا يكرمكم يا رب
وربنا يوفقكم جمعيا ان شاء الله

mfsh 06-03-2011 11:14 PM

رد: نيابات مايو 2011 >>> وبدأ تسجيل البيانات
 
شكرا جزيلا يا دكتور أحمد و جزاك الله كل خير .... و لكن ما هي طريقة إلغاء النيابة القديمة؟؟؟ و شكرا جزيلا مرة أخرى

د/ أحـمـد سـليمان 06-03-2011 11:20 PM

رد: نيابات مايو 2011 >>> وبدأ تسجيل البيانات
 
اقتباس:

شكرا جزيلا يا دكتور أحمد و جزاك الله كل خير .... و لكن ما هي طريقة إلغاء النيابة القديمة؟؟؟ و شكرا جزيلا مرة أخرى
بتقدم طلب في الوزارة .. بس معرفش ممكن حد ينوب عنك و لا لأ


الساعة الآن 03:13 PM.

Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar