كل الطب أكبر منتديات طبية عربية  10 أعوام من العطاءAllteb 10 Years of Donation

كل الطب أكبر منتديات طبية عربية 10 أعوام من العطاءAllteb 10 Years of Donation (https://www.alltebfamily.com/vb/index.php)
-   ° أطباء التكليف و النواب ° (https://www.alltebfamily.com/vb/forumdisplay.php?f=136)
-   -   نيابات مايو 2011 >> النتيجة ظهرت (https://www.alltebfamily.com/vb/showthread.php?t=40038)

د/أماني 10-15-2011 02:57 PM

رد: نيابات مايو 2011 >> فى انتظار النتيجة
 
لاحول ولاقوة الا بالله

ربنا يوفقكوا يادكاترة بكرة ان شاء الله وتوصلوا لحاجة مع الناس دي

ولا يخلونا مع حركة نوفمبر بقى وخلاص

د/ أحـمـد سـليمان 10-15-2011 11:22 PM

رد: نيابات مايو 2011 >> فى انتظار النتيجة
 
إن شاء الله رايحين الوزارة بكرة ( الأحد )
دعواتكم معانا

احنا هنبقى هناك الساعة 11 ان شاء الله
عند إدراة التكليف
و لو حد يقدر يجي يبقى ياريت

دكتور أشرف 10-16-2011 02:53 PM

رد: نيابات مايو 2011 >> فى انتظار النتيجة
 
اللهم يسر لنا أمرنا

pure spirit 10-16-2011 04:14 PM

رد: نيابات مايو 2011 >> فى انتظار النتيجة
 
اقتباس:

المشاركة الأصلية كتبت بواسطة د/ أحـمـد سـليمان (المشاركة 308332)
إن شاء الله رايحين الوزارة بكرة ( الأحد )
دعواتكم معانا

احنا هنبقى هناك الساعة 11 ان شاء الله
عند إدراة التكليف
و لو حد يقدر يجي يبقى ياريت
و ده رقم تليفوني لو في حاجة
01066173377

جزاكم الله خيرا
ربنا يوفقكم


د/أماني 10-16-2011 04:21 PM

رد: نيابات مايو 2011 >> فى انتظار النتيجة
 
طمنونا ياجماعة
عملتوا ايه النهاردة؟؟

وصلتوا لحاجة مفيدة؟؟

د. مصطفى 10-16-2011 06:53 PM

رد: نيابات مايو 2011 >> فى انتظار النتيجة
 
في حد راح يا جماعة؟؟
ايه الأخبار؟

د/ أحـمـد سـليمان 10-16-2011 07:03 PM

رد: نيابات مايو 2011 >> فى انتظار النتيجة
 
نتائج مشوار اليوم للوزارة

الخلاصة : في تأكيدات إن النتيجة هتظهر إن شاء الله نهاية الاسبوع ده .. يعني ممكن الخميس

التفاصيل : كنا 5 دكاترة .. منهم 3 من الشرقية :).. كنا هناك الساعة 11:30 .. دخلنا مباشرة احنا الـ 5 لمكتب د/ سيد عبد الحافظ .. قلناله اننا دفعة 2008 المقدمين في نيابات مايو 2011 .. و جايين نستفسر عن سبب تأخرالنتيجة بالشكل ده .. و اننا كل ما نتصل بناخد معاد مختلف و كل مرة يبعدوها اسبوعين لدجة ان ناس سألت و قالولهم بعد العيد الكبير في نص 11 .. مع ان التقديم قفل من اول شهر 8

راح مطلع ورقة من قدامه .. مكتوب فيها ( نتيجة نيابات مايو 2011 ) .. فيها الاعداد الاجمالية بس .. ( يعني كام واحد تقدم و كام واحد استنفذ و هكذا ) .. و قال ان النتيجة دي لازم تعتمد علشان النتيجة تنـزل .. هتتبعت للدكتور/ هشام شيحة مدير الطب العلاجي .. و هيعرضها على لجنة التكليف .. علشان تعتمد قلناله يعني إمتى ؟؟ قال ان اللجنة معادها يوم الاربع من كل اسبوع

و قال ان اهم اسباب التأخير هو ان عدد كبير من اللي اساميهم نزلت على النت مودوش بيان مدة العمل .. نزل 1600 اسم .. منهم 700 بعتوا و 900 مبعتوش .. ( على فكرة الـ 900 دول إستبعدوا من النتيجة ) .. و حتى الـ 700 اللي بعتوا معظمهم اتأخروا في التسليم .. و الفئات اللي أساميهم نزلت على النت كانوا إما خدوا نيابة في حركة قبل كده أو نائب جامعة حاليا أو تكليف جهات خارجية أو خد أجازات من اللي بتأثر على مدة العمل .. و طبعا في ناس من دول مكانتش عايزة الحركة أصلا .. ( زي نواب الجامعة اللي كانوا مقدمين علشان يبقوا يبدلوا مع زملائهم في التظلمات )

المهم هو قال ان مجرد ما د/ هشام توصله الورقة دي هيعرضها على لجنة التكليف في اول اجتماع لإعتمادها .. ( و الورقة دي كانت ساعتها خدتها مدام عايده تعدل فيها غلطات مطبعية و ترجعهاله تاني ) ..و ان النتيجة على يوم الخميس .. فقلناله خلاص لو مظهرتش يوم الخميس هنيجي لحضرتك .. المهم لقيناه بشكل أو بآخر رمى الكورة في ملعب الطب العلاجي

بعدها طلعنا على مدام عايدة نشوف الورقة وصلت لفين .. قالت انها اتظبطت خلاص و هتتبعت و ( ممكن ) دكتور هشام يعتمدها و خلاص من غير اللجنة .. و إن بمجرد الاعتماد ده .. هيبعتوا للحاسب الآلي ينزل النتيجة ( اللي فهمته منها و من أ/ بيتر إن النتيجة بعد ما تخلص في الحاسب الآلي من ناحية التنسيق الإلكتروني .. بتيجي ادارة التكليف يطلعوا منها الاحصائيات .. يعني عدد المتقدمين و عد المستنفذين و كام واحد جاله رغبة أولى و كام واحد خد ملحة و كام واحد أستبعد .. إلخ )

قلنا يبقى نطلع الطب العلاجي يمكن الموضوع يخاص في نفس اليوم .. قابلنا دكتور من مكتب د/ هشام .. ( طبعا الورقة كانت لسة متبعتتش ) بس كنا بنسأل عن الوقت اللي لسة هتاخده النتيجة في الطب العلاجي علشان تعتمد .. و هل ممكن نجيبها احنا و نمضيها .. فقال انه طبعا لسة ميعرفش .. و البوسطة لسة مجاش فيها حاجة .. و ان دكتور هشام موجود يوميا و وقت ما تيجي هيعتمدها و ( ممكن ) من غير ما يعرضها على اللجنة

فالزملاء إقترحوا اننا نرجع للتكليف نطلب منهم اننا ناخد الورقة نعتمدها .. بس أنا قلت مستحيل يديهالنا و لا حتى يبعت معانا حد .. لأنه معتبر التأخير كله مش بسببه و ان الأمور هتاخد مجراها .. حتى لما أحد الزميلات قالت له " مش عايزين نمشي إلا لما ناخد معاد " .. إنفعل و قال انه مبيحبش التهديد و لوي الدراع .. فكانت هي بتسخن من ناحية و انا بلطف من ناحية علشان منصطدمش معاه :)

المهم لما رجعنا تاني ادارة التكليف .. اتنين دخلوا لدكتور سيد و طبعا زعق معاهم و قالهم انه وعدهم خلاص و انها هتظهر آخر الاسبوع ده .. و الاتنين التانيين دخلوا لمدام عايدة و استاذ بيتر نشوف هل فعلا الموضوع اعتماد بس و لا في تأخير لسبب تاني .. قالوا ان التأخير خلال الايام الاخيرة كان في الاحصائيات اللي بيعملوها و ان مركز الحاسب الآلي بيراجع النتيجة بعد ما خلصت و لما النتيجة تعتمد هيبعتوا له ينزل النسخة النهائية منها

المفروض حتى اللحظة دي ان الاحصائيات اتعملت و مش فاضل غير النسخة النهائية اللي هتيجي بمجرد الاعتماد .. ( بس طبعا كل كلامهم مكانش بالوضوح ده .. أنا بجيب المضمون )

آخر حاجة قلنا نروح مكتب الأستاذ عبد الباسط ( موظف هناك بس راجل محترم و بيتواصل معانا أحيانا على الفيس بوك ) قلناله أحنا عايزين كلامك انت النهائي بيننا و بينك .. قال ان فعلا الكلام ده صحيح .. و الورقة كانت وصلت قدامه ساعتها :) .. و قال اننا ننتظرها من الاربع بالليل لغاية السبت .. مش هتخرج عن كده ان شاء الله .. و إن هو هيتابع معانا على الجروب بتاع النيابات و أول ما تنزل هيبعت لنا اللينك بتاعها علشان ينبهنا بردو .. و لو عرف جديد هيكتبه على الجروب .. و لما سألته عن سبب انقطاعه طول الفترة اللي فاتت و عدم متابعته معانا على الجروب .. قال انه زهق من تعليقات بعض الدكاترة و إن بعضهم بيردوا عليه ردود رخمة مع إنه ملوش يد في التأخير و هو متطوع يعرفنا الجديد و يوفر علينا المشاوير

ملحوظة :.. قال كمان ان نتيجة تكليف سبتمبر المتأخرة هتظهر معانا إن شاء الله .. و لما بصيت في ورقة الاحصائيات إياها .. لقيت فعلا عدد المستبعدين 900 و شوية و عدد المستنفذين 1300 .. ده اللي قدرت ألمحه

ربنا يسهل و إن شاء الله هننتظرها سوا
AllTeb Postgraduate Team


pure spirit 10-16-2011 07:11 PM

رد: نيابات مايو 2011 >> فى انتظار النتيجة
 
جزاكم الله خيرا
يارب مشواركم يحركهم شوية وميتأخروش عن كدة
وأدينا منتظرين ان شاء الله
:la7aramak:





الساعة الآن 07:39 PM.

Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar