كل الطب أكبر منتديات طبية عربية  10 أعوام من العطاءAllteb 10 Years of Donation

كل الطب أكبر منتديات طبية عربية 10 أعوام من العطاءAllteb 10 Years of Donation (https://www.alltebfamily.com/vb/index.php)
-   ° أطباء التكليف و النواب ° (https://www.alltebfamily.com/vb/forumdisplay.php?f=136)
-   -   يوميات طبيب تكليف (https://www.alltebfamily.com/vb/showthread.php?t=49287)

Muhammad Barakat 04-29-2013 02:47 PM

رد: يوميات طبيب تكليف
 
نيجي لموضوع مهم وهو المرتب
هتقبضوه ازاي

هناك طريقان أولهما إن انت اول ما بتستلم المفروض بتقدم طلب لاستخراج فيزا كارت يتبعتلك المرتب عليها
وده عن طريق إنك بتصور صورة البطاقة وبتبعتها مع الكاتب لما يروح الإدارة اللي انت تابع ليها
وهم بيجمعوا عدد الأطباء اللي في الإدارة وبعد كده
بيستخرجوا فيزا ولما بتستلمها هتقبض عليها مرتب الشهر التالي وليس الحالي

لحين استخراج البطاقة
المفروض بيتصرفلك شيك باسمك او علي اسم الكاتب ويتم صرفه لك من أي بنك

فلازم تسألوا في الموضوع ده
بالتوفيق

Muhammad Barakat 04-30-2013 03:14 PM

رد: يوميات طبيب تكليف
 
دوكتور: عاوزة اعمل سونار اطمن ع البيبي
انا: انت في الشهر الكام؟
هي: مش عارفة
انا: طب اخر مرة كشفتي امتى؟
هي: ما كشفتش ،لسه اول مرة
انا: طب عملتي تحليل بول تعرفي انك حامل؟
هي :لا
انا: طب تحليل دم؟
هي: لا
انا: طب الدورة اتقطعت؟
هي: ال ، منتظمة
انا: امال عرفتي ازاي انك حامل؟!
هي: اصل عندي شوية تعب في ضهري....
انا: @#@$#$%@%@%

-----------------

حدثت مع صديقي د محمود عادل

Muhammad Barakat 04-30-2013 03:14 PM

رد: يوميات طبيب تكليف
 
دوكتور: عاوزة اعمل سونار اطمن ع البيبي
انا: انت في الشهر الكام؟
هي: مش عارفة
انا: طب اخر مرة كشفتي امتى؟
هي: ما كشفتش ،لسه اول مرة
انا: طب عملتي تحليل بول تعرفي انك حامل؟
هي :لا
انا: طب تحليل دم؟
هي: لا
انا: طب الدورة اتقطعت؟
هي: ال ، منتظمة
انا: امال عرفتي ازاي انك حامل؟!
هي: اصل عندي شوية تعب في ضهري....
انا: @#@$#$%@%@%

-----------------

حدثت مع صديقي د محمود عادل

Muhammad Barakat 05-08-2013 12:49 PM

رد: يوميات طبيب تكليف
 
السلام عليكم يا دكاترة التكليف (( رد الجميل للبلد زي ما قال عبد الناصر ))
المهم
حصل موقف غريب معاي
كشفت علي حالة وكتبتلها العلاج
مضاد حيوي حقن + مضاد حيوي شرب
لأن الحالة كانت تستاهل لأنها علي وشك الدخول علي التهابات رئوية وحرارتها مرتفعة
طفل بعمر 7 شهور
المهم لقيت الكاتب (( female )) لأن الحالة قريبتها
بتقولي يادكتور هو حضرتك كاتبلها حقن وشراب مع بعض
قلتلها آه خير؟؟؟
الكلام ده قدام أهل المريض
فبقتولي مش كتير عليها يادكتور
قلتلها لا مش كتير
فبتقولي أصل كان الدكتور قبل كده
قطعت كلامها قلتلها كل حالة بتختلف عن التانية
ووجهت كلامي لأهل المريض وقلتلهم امشوا علي العلاج زي ما قلتلكم لأن العلاج محسوب علي حسب وزن الطفلة مش بالويم
ومشيوا
المهم بعت للكاتب
أول ما دخلت علي
قلتلها إياكي الموضوع ده يتكرر تاني
بصتلي باستغراب وهي امرأة تجاوزت ال 40 من عمرها
وقالتلي موضووع إيه
قلتلها موضوع إنك تيجي تراجعي الدكتور في حاجة قدام أهل المريض
فيه أي حاجة تكلميني بعيد عنهم
أما تيجي تراجعيني قدامهم ما يتكررشي تاني
كل ده وهي مزهولة من الكلام
قلتلها المرة دي هعديها
المرة الجاية هيكون فيه كلام تاني
المهم حسيت إنها عرفت غلطها وبدأت تتأسف وتحاول تلطف الموضوع


-------
الدروس المستفادة :
- الشدة لابد أن تكون في مواضعها
- كنت أريد إحراج الكاتب أمام أهل المريض بأبسط كلام (( هو انتي دكتورة )) لكن آثرت إني أكون كويس للنهاية لأنهم علي الأقل هيشيلوني لو فيه أي مشكلة أما لو شديت عليهم وأحرجتهم فأنت بتبني عداوات وانت ماشي كمان كام شهر


بالتوفيق
وإلي لقاء في يوميات أخري


Muhammad Barakat 05-09-2013 11:38 AM

رد: يوميات طبيب تكليف
 
هو انا الوحيد اللي بشارك ليه يا جماعة
مفيش حد ليه أي مغامرات في الوحدة

Muhammad Barakat 05-12-2013 05:38 PM

رد: يوميات طبيب تكليف
 
السلام عليكم ورحمة الله وبركاته

حاليا تقوم الإدارة الصحية بعمل دورات تدريبية للأطباء
ياريت نحضرونستفيد كلنا

بالتوفيق

Muhammad Barakat 05-18-2013 11:39 PM

رد: يوميات طبيب تكليف
 
السلام عليكم

فيه مغامرات جديدة
وحاجات مهمة اتعلمتها في الادارة

إن شاء الله هحكيلكم علي كام موقف لكن غد

لكن الخلاصة

لا تكن لطيفا أكثر من الازم

إشراقة أمل 06-11-2013 08:53 PM

رد: يوميات طبيب تكليف
 
بصراحة استفدت جدا من كلام حضرتك يا دكتور محمد
جزاك الله خيرا
عندى استفسار بعد اذنك:
ايه طريقة حساب جرعة المضاد الحيوى ( injections) فى الاطفال؟
لو فيه معادلة مثلا زى معادلة الشراب ياريت حضرتك تكتبها لانى للأسف مش عارفاها
وأرجو التوضيح بمثال


الساعة الآن 02:54 PM.

Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar