كل الطب أكبر منتديات طبية عربية  10 أعوام من العطاءAllteb 10 Years of Donation

كل الطب أكبر منتديات طبية عربية 10 أعوام من العطاءAllteb 10 Years of Donation (https://www.alltebfamily.com/vb/index.php)
-   ° أطباء التكليف و النواب ° (https://www.alltebfamily.com/vb/forumdisplay.php?f=136)
-   -   نيابات مايو 2011 >> النتيجة ظهرت (https://www.alltebfamily.com/vb/showthread.php?t=40038)

pure spirit 06-05-2011 06:18 PM

رد: نيابات مايو 2011 >>> وبدأ تسجيل البيانات
 
والله مهزلة عدم وجود بعض الاسماء دى
ياريت اللى مش لاقين اساميهم نتواصل هنا ونشوف الفاكسات هتجيب نتيجة ولا ايه نظامهم

ام امير 06-05-2011 06:31 PM

رد: نيابات مايو 2011 >>> وبدأ تسجيل البيانات
 
معلش يادكتوره ترانيم انا تقلت في اسئلتى بس انا مشواري بعيد عن الوزاره اوى وكمان انا حامل وخايفه ارجع علشان حاجه هل فيه ورق مطلوب منى لالغاء النيابه هيطلبوه منى هناك زى مثلا اثبات انى فعلا اسلمت نيابه او كده وجواب من المكان اللي استلمت فيه ومعلش سؤال كمان اتواصل معاهم ازاي تليفونيا ولا لازم اروح الوزاره ولو مجليش رد قبل الرغبات متنزل هل لو كتبت الرغبات مش هتحفظ او مليش الحق انى اكتب رغبات غير لما يجى الرد وهل الرد بعد شهر ده مطبق علي اللي استلم بس ولا اللي كمان اللي مستلمش والف شكر وجزاكى الله خيرا

pure spirit 06-05-2011 06:41 PM

رد: نيابات مايو 2011 >>> وبدأ تسجيل البيانات
 
اقتباس:

المشاركة الأصلية كتبت بواسطة ام امير (المشاركة 286501)
معلش يادكتوره ترانيم انا تقلت في اسئلتى بس انا مشواري بعيد عن الوزاره اوى وكمان انا حامل وخايفه ارجع علشان حاجه هل فيه ورق مطلوب منى لالغاء النيابه هيطلبوه منى هناك زى مثلا اثبات انى فعلا اسلمت نيابه او كده وجواب من المكان اللي استلمت فيه ومعلش سؤال كمان اتواصل معاهم ازاي تليفونيا ولا لازم اروح الوزاره ولو مجليش رد قبل الرغبات متنزل هل لو كتبت الرغبات مش هتحفظ او مليش الحق انى اكتب رغبات غير لما يجى الرد وهل الرد بعد شهر ده مطبق علي اللي استلم بس ولا اللي كمان اللي مستلمش والف شكر وجزاكى الله خيرا

أيوة يادكتورة بتجيبى ورقة تثبت انك طبيب مقيم فى التخصص الفلانى فى المسشفى الفلانى من يوم كذا (تاريخ استلامك للنيابة)
وأقصد بالتواصل بالتليفون تاخدى رقمهم هناك بدل ماكل شوية تروحى تسالى
وحتى لو النتيجة طلعت بعد شهر من دلوقتى عادى بتكتبى بياناتك فى مرحلة ادخال الرغبات ده متاح عادى حتى للى بيفوتهم مرحلة تسجيل البيانات من غير اى اسباب
بالتوفيق ان شاء الله وتقوميلنا بالسلامة


مؤمن عز الدين 06-05-2011 07:48 PM

رد: نيابات مايو 2011 >>> وبدأ تسجيل البيانات
 
اقتباس:

والله مهزلة عدم وجود بعض الاسماء دى
ياريت اللى مش لاقين اساميهم نتواصل هنا ونشوف الفاكسات هتجيب نتيجة ولا ايه نظامهم

اعتقد ان السبب هيختلف من واحد للتاني
كل حركة بيكون في اسماء ناقصة بس مش كتير
يمكن المرة دي علشان الحركة الاستثنائية خلتهم مش عارفين يحطوا مين و يستبعدوا مين .. بس ان شاء الله حلها بسيط .. اللي من حقه التقديم هينزلوا اسمه و اللي مش من حقه هيعرفوهم .. وموضوع الفاكس اعرف انه كان بيجيب نتيجة و الناس بتوع مركز الحاسب الآلي كانوا ذوق مع الدكاترة اللي عندهم مشاكل ( على فكرة الحاسب الآلي دول موظفين تبع جامعة القاهرة ملهمش دعوة بالوزارة .. كل شغلتهم ينظموا التقديم ) حضرتك لو بعتتي فاكس و الاسم منزلش خلال يوم او اتنين .. بتتصلي على الخط الساخن و تعرفيهم مشكلتك وانك بعتي فاكس و ممكن ينزلو اسمك و انتي معاهم على التليفون

مؤمن عز الدين 06-05-2011 07:56 PM

رد: نيابات مايو 2011 >>> وبدأ تسجيل البيانات
 

ملحوظات يا جماعة

اللي عنده مشكلة في تسجيل البيانات يجرب يغير المتصفح

اللي مجموعه بكسور يجرب يكتب الكسر من غير علامه

و اللي مجموعه من غير كسور يجرب يكتب صفر من غير علامة بجوار المجموع

التسجيل بالمجموع التراكمي العادي بتاع كليتك

الازهريين يخصموا درجات المواد الشرعية من المجموع

اللي مش لاقي اسمه يدور في باقي الجامعات قبل ما يبعتلهم

لما يطلع لك رقم الخريج .. يبقى كده تم التسجيل و ده معناه ان كل بياناتك صحيحة .. لأن اصلا في database في الموقع فيها بيانات اسمك و مجموعك .. و تسجيلك ما هو إلا تـأكيد لها و تكملة لباقي البيانات علشان يتأكدوا ان مفيش حد بيسجل مكان حد .. و علشان يعملوا حصر مبدئي لعدد الراغبين في التقديم


pure spirit 06-05-2011 09:43 PM

رد: نيابات مايو 2011 >>> وبدأ تسجيل البيانات
 
نقلا عن الفيس بوك :
الاحتياجات الاسبوع القادم ان شاء الله لجميع التخصصات

quiet_doctor 06-05-2011 09:53 PM

رد: نيابات مايو 2011 >>> وبدأ تسجيل البيانات
 
السلام عليكم
لو تكرمتم انا فى اجازه بره مصر هل الاجازه دى بتتحسبلى من التكليف ولا لا مع العلم انى بسدد التامينات

د/ أحـمـد سـليمان 06-05-2011 10:00 PM

رد: نيابات مايو 2011 >>> وبدأ تسجيل البيانات
 
اي اجازة بدون مرتب لا تحتسب من التكليف
اللي يحتسب هو مدة العمل الفعلية بس


الساعة الآن 06:21 PM.

Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar