كل الطب أكبر منتديات طبية عربية  10 أعوام من العطاءAllteb 10 Years of Donation

كل الطب أكبر منتديات طبية عربية 10 أعوام من العطاءAllteb 10 Years of Donation (https://www.alltebfamily.com/vb/index.php)
-   الأستقبال و الطوارئ (https://www.alltebfamily.com/vb/forumdisplay.php?f=485)
-   -   يوميات طبيب استهبال (https://www.alltebfamily.com/vb/showthread.php?t=17266)

د/محمد عزت 11-02-2009 11:23 AM

يوميات طبيب استهبال
 
السلام عليكم

الحمد لله بدأت من أول الشهر المعركة الإستهبالية

فى استهبال مستشفى جامعة الزقازيق

وحبيت أنقل لكم الحالات الطريفة والمواقف الظريفة واللى مش ظريفة

اللى هتقابلنى فى الاستقبال إن شاء الله

اليوم الأول 1 / 11 / 2009


هو اليوم كان لطيف من أوله صراحة

وأنا خارج من بيتنا

كل واحد يقابلنى يقولى متسافرش يادكتور

ليه ياجماعة خير؟

قلتهلم أزاى مسافرش وده أول يوم ليا فى الاستهبال

ده أنا كان نفسى من زمان أبقى دكتور استهبال

وبعدين ما أنا عارف من أمبارح بعلاقاتى الواسعة طبعا

مش دكتور أمتياز أد الدنيا

وقد أعددت عدتى

أنى ماسافرش من الطريق اللى فيه مشاكل

أتصلت بواحد صاحبى معايا فى نفس الشيفت من البلد اللى جنبنا

معاه عربية ملاكى - ربنا يخيلها لنا -

قلتله ياخدنى معاه بس نمشى من طريق تانى غير طريق المطبات ده

والحمد مشينا من الطريق التانى

ووصلت بسلامة الله إلى ارض الاستهبال

طيب وهو أنا هربان من الكمين ليه ؟

بتاجر فى المخدرات

ولا محتكر الحديد

ولا مليت البلد سرطان

ولا عبارتى غرقت فى البحر ومات ألف بنى آدم بسبى

ولا يمكن أنا السبب فى حادثة العياط الأخيرة وأن مش واخد بالى

نرجع لموضوع الاستهبال


وصلت استهبال الجامعة

وأتارى يوم الأحد فى الجامعة cold

يعنى الطوارىء مش فى الجامعة

الطوارىء فى مستشفى الأحرار العام

أصل أحنا فى الزقازيق

مقسمين

الطوارىء بينا وبين الأحرار

هما يوم وأحنا يوم

علشان نسيبهم ياكلوا عيش برضه

لو أحان فتحين المحل بتاعنا قصدى الاستهبال

بتاعنا كل يوم

ولا حالة كانت هتروح الأحرار

فصعبوا علينا الصراحة

وقلنا لهم نقسم

أحنا طوارىء سبت واثنين وأربع

وهما حد وثلاث وخميس

والجمعة بالتبادل

طبعا 1 / 11 ده كان يوم حد

علشان كده

كانت الدنيا برد جدا فى الاستهبال

لكن برضه جات لنا حالات على خفيف

أمال أنا هحكى ليكم أيه

لازم تيجى حالات علشان أحكى

حكاية النهاردة

رجالة آخر زمن

قاعدين فى أمان الله عملينا نتكلم

دخل علينا مجموعة من الناس

ألحقوا يادكاترة

واحد شارب سم فئران

قام أتنين مننا

وراحوا له

فأنا قعدت

هقوم ليه فيه 2 دكاترة معاه

فأهلوا جهم ليا يادكتور

قوم شوفه

قلت له فيه 2 دكاترة

معاه

قال لى ثواب يادكتور

على أساس أنه شاف دقن فى وشى

يعنى بيحنن قلبى

لكن لآه على مين

أنا قلبى بقى ميت

ده انا قديم فى الاستقبال من سنة خامسة

فقلت له معاه اتنين دكاترة

وأنا معايا حالة

مش شايف

وفعلا كان معايا واحد

كنت بأفك له غرز فى صباعه

رجع زميلى من عند الحالة

بقول لهم أيه حصل أيه

قالوا شارب سم فئران

ليه ؟

علشان متخانق مع

مراته

يا سلام

شفتوا الرجالة

يا حلاوة ياولاد

يتخانق مع مراته

يشرب سم فئرن هو

مش هيا

والله رجالة آخر زمن

مش قادر على مراته

يشرب سم فئران

والله الحريم بقوا مفتريين

وبعدين ده كان هيخسر دينه أولا

وحياته ثانيا

علشان أيه ده كله ؟

ما علينا من ده كله

خلينا فى شغلنا

أتصلنا بنايبة السموم

ودى فيها سنة ونص على متيجى

معرفش بيان نواب السموم بيجوا من بيوتهم

بيتأخراو بصورة مستفزة

أحيان بيقعدوا ساعتين بجد على ما يجووا للحالة

طبعا أحنا عارفين كده

فقلنا نقوم بالواجب مع الحالة

قلت لزميلى

أحنا نديلة أمبول fortacortine

على ما النايبة تيجى

قام واحد منهم قال وضغطه واطى 90 / 70

قلت خلاص نعلق له محلول

ونحط فيه الفورتاكورتين

قالوا نعلقه ملح

قلتلهم خلينا فى السيف سيد

نديله لبنات

وكتبنا اللبنات والفورتاكورتين

والتمريض علق المحلول للعيان

بعد شويه صغيريين كده

جت نايبة السموم

وقفت المحلول أول ما دخلت

وبعدين قعدت تسأله كام سؤال كده

علشان تعرف نوع السم

مش ده المهم

المهم أنها قالت لنا الفورتاكوريتن ماشى كويس لكن المحلول

ممكن يدخل العيان فى plumonary edema

علشان السم بيزود الـ secretions of the body

وكمان محلول يعنى بنموته

ودى كانت أول غلطة لينا فى الاستهبال

الحمد لله النايبة دى جت بسرعة

على فكرة

يعنى العيان ملحقش ياخد حاجة من المحلول

وبعدين كانت بنت حلال صراحة

مكلمتناش نص كلمة

قالت لنا بس

ركبوا رايل

علشان نعمل غسيل معده

والعيان اتحجز فى المستشفى

وانتهت أولى حكايات طبيب الاستهبال

كان معكم

طبيب استهبال من جامعة الزقازيق

انتظرونا يوميا





شهر زاد 11-02-2009 11:35 AM

رد: يوميات طبيب استهبال
 
ربنا يعينك الموضوع شكله صعب في المستشفي غير الكليه خالص

:F01Farewell:

ea4islam 11-02-2009 12:51 PM

رد: يوميات طبيب استهبال
 
جزاكم الله خيرا

amse_010 11-02-2009 01:03 PM

رد: يوميات طبيب استهبال
 
موضوع جميل يا دكتور محمد أكمل وإحنا متابعين


بازوكا 11-02-2009 02:14 PM

رد: يوميات طبيب استهبال
 
حتروح يعنى حتروح يا مشرفنا amse010 ده قدرك

د.أحمد السنوسي 11-02-2009 03:43 PM

رد: يوميات طبيب استهبال
 
متابع ان شاء الله
موضوع رائع
جزيت خيرا

د أحمد سمير 11-02-2009 05:16 PM

رد: يوميات طبيب استهبال
 
وعليكم السلام ورحمة الله وبركاته

موضوع جميل يا د محمد فكرتينى بذكرياتى أيام الاستقبال

كان فعلا أجمل قسم مرينا عليه

كان فيه شغل كتير و تحس إن فيه عمل جماعى و كل واحد بيعلم التانى

و كنا لسه فى أول الامتياز فكنا مش عارفين أى حاجة

و لا غرز و لا Ryle و لا catheter

و نظرا لظروف معينة فكانوا آخدين معظم الولاد فى استقبال العضم

و مش سايبين إلا الولاد اللى جايبين تقديرات عالية

كنا 3 ولاد فى كل مجموعة بس

و كان معانا 6 بنات مبيجوش خاااالص

بس كانت أيام جميلة بجد

مش عارف كده بقيت انتا و مادح و ابو عبيدة بتكتبوا مذكراتكم

و انا اللى ماليش نفس و لا ايه

انا شكلى هغير منكم و اكتب

ea4islam 11-02-2009 07:47 PM

رد: يوميات طبيب استهبال
 
متابعين ان شاء الله


الساعة الآن 08:29 PM.

Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar