كل الطب أكبر منتديات طبية عربية  10 أعوام من العطاءAllteb 10 Years of Donation

كل الطب أكبر منتديات طبية عربية 10 أعوام من العطاءAllteb 10 Years of Donation (https://www.alltebfamily.com/vb/index.php)
-   ° أطباء التكليف و النواب ° (https://www.alltebfamily.com/vb/forumdisplay.php?f=136)
-   -   ๑๑ نـيـابــات الريف ๑๑ (https://www.alltebfamily.com/vb/showthread.php?t=38850)

د/ أحـمـد سـليمان 04-18-2011 07:13 PM

๑๑ نـيـابــات الريف ๑๑
 
معلومات
منقولة
للإفادة
*
*
*
*
*
*
نيابات الريف هي نيابات بتنزل تبع القطاع الوقائي وهي طريق مختصر للنيابه اللي انت عايزها بمجموع قليل بس تكون قضيت سنتين في التكليف .. التقديم بيكون في اداره التدريب و البعثات التابعه للمديريه اللي فيها تكليفك .. بينزل الاعلان في اداره التدريب والبعثات في شهر 4 وبيكون عباره عن احتياجات كل برنامج في العلاج الوقائي
يعني مثلا ( برنامج الرعايه الاساسيه ) و ( برنامج رعايه الامومه والطفوله ) واللي اعرفه ان كل برنامج بيطلب تخصصات معينه .. المهم التخصصات اللي بتنزل غالبا كل التخصصات .. علي حسب احتياجات كل برنامج .. المهم انكم تتابعوا في اداره التدريب والبعثات اللي انتوا تابعين ليها وتسالوا عن الاعلان نزل ولا لا

الورق المطلوب/ صوره طبق الاصل من شهاده البكالوريوس وشهاده الامتياز وافاده من الاداره اللي انته فيها انك علي قوه العمل فيها وبيان حاله وظيفيه ودي من الاداره برده .. وفيه ورقه دي بقه المهمه بتاخدها من اداره التدريب والبعثات وبتمليها وهي مقسمه 3 اجزاء

الجزء الاول بتكتب فيه بياناتك وانته تابع لاي اداره
الجزء التاني بتكتب فيه رغباتك وهما بيبقوا رغبتين وغالبا لا ينظروا للتانيه .. وكمان بتكتب تلات رغبات للجامعه اللي عايز تحضر فيها بعد قبولك في بعثه الريف
الجزء الثالث وده المهم من الورقه بيتملي من المديريه وبيبقي فيه خانه للجزاءات وتقرير الكفايه والاجازات بدون راتب اللي خدتها لان طبعا الاجازه بدون راتب بتتخصم من مده التكليف


المهم الورق بيتقدم وبتبان النتيجه في عشره والاستلام في نوفمبر
وبالتوفيق للجميع

د/رواء احمد 04-26-2011 02:41 AM

رد: نيابات الريف
 
شهر ابريل خلص

ولسه مفيش ولا حس ولا خبر عن نيابات الريف ؟؟؟؟؟؟؟

هما هيلغوها السنه دى ولا ايييييييييييييه ؟؟؟؟؟؟

أم سارة 04-26-2011 09:05 PM

رد: نيابات الريف
 
جزاكم الله خيرا
فى سؤال بس هو نايب االريف بيفضل فى الوحدة ولا ممكن يكون فى مستشفى عام
طب لو حد قدم ولسه باقى شهر او اتنين ويكمل السنتين فى احتمال يتوافق عليه ولا لازم سنتين بالظبط

د/رواء احمد 04-26-2011 11:57 PM

رد: نيابات الريف
 
اقتباس:

فى سؤال بس هو نايب االريف بيفضل فى الوحدة ولا ممكن يكون فى مستشفى عام


نايب الريف بيعمل انتداب سنه فى اىمستشفى علاجى

وبعد كده ممكن يجددها كذا مره واو يرجع الوحده تانى

dr_abeer 05-01-2011 10:02 PM

رد: نيابات الريف
 
السلام عليكم ورحمه الله وبركاته كنت عايزه اسأل عن العمل بنصف اجر هل تأثر على التقديم فى نيابه الريف والمده بتتحسب اجازه ومش من التكليف ولا ايه حد يفدنى الله يكرمكم

أم سارة 05-04-2011 09:26 PM

رد: نيابات الريف
 
جزاكم الله خيرا د رواء

dr.honeycomb 05-05-2011 02:52 PM

Re: نيابات الريف
 
جزاكم الله خيرا دكتور على الموضوع المفيد ده بجد افادتنى جداااااا

د/رواء احمد 05-08-2011 05:48 AM

رد: نيابات الريف
 
هو طبعا التقديم ف نيابات الريف بدا تقريبا من اسبوع بس محدش يعرف هيستمر قد ايييييييه ؟؟؟؟؟؟


الساعة الآن 05:20 AM.

Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar