كلمه شكر لا بد منها

[moelgendy78]

السلام عليكم ورحمت الله وبركاته


اخوانى الكرام الاطباء
اولا جزاكم الله خير على هذا القسم بصراحه انا مشترك من فتره ودخلت مره او 2 وكلمت الإدارة بخصوص خريجى المعهد الفنى الصحى
احنا مشكلتنا مشكله
لاننا بنتخرج ولا يوجد اى مرجع اخر لنا ولا يوجد اى سبيل لتطوير مهارتنا او معلوماتنا
انا اتعرفت على منتدى اجنبى بيقدم خدمه مثل خدمتكم لفنين الرعايه ولكن المشكله ان المناهج اللى بيدرسوها فى
امريكا وانجلترا وكندا والسويد بصراحه تعادل اللى بيدرسه هنا الاطباء فى كليه الطب كما انهم يحظون على تدريبات على اعلى مستوى وتدريب على اجهزه فوق العاده فماقدرتش انى اخذ منهم معلومه لان شتنان بين الاعمى (التعليم بتاعى)والبصير

احباط :- جانى احباط خوصا وانى كنت فى كليه اداب قسم انجليزى وحولت على المعهد علشان الوظيفه بينى وبنكم المهم بعد التخرج والتعيين وجدت ان المسعفين القدامى شغالين شيالين وشنطه الامبو صدقونى من الركنه ماكنتش راضيه تفتح اول حاله طلعتها كانت حادث وفضلت اكسر بالحجر واعمل فتحه فى الشنطه علشان اطلع ممر هوائى المريض وصل بسلام وانا اخذت 3 ايام جزاء الف شكر ياوزير الصحه على البهدله .اصحابى الفنيين لاننا مش مسعفين اعلى شويه . تاقلموا مع الوضع الا انا وقله معى بنحب شغلنا شايفين اننا فى موقف حساس انا اول من يتعامل مع المريض اول من يتابع حالته الدوله صرفت عليا ودرست سنتين فى كليه الطلب بمناهج الطب (ماكنش فى اهتمام طبعا الامحانات كنا بننجح من غير مانروح هه) مش علشان ابقى نقاله اشيل واحط فين الضمير .
ذهول:- انا لما بسلم حاله مرضيه كانت او حادث بعطى طبيب الاستقبال ورقه ببقا كاتب فيها درجه حراره المريض الضغط والاصابات والادويه التى تم اعطائها له ارى نظره ذهول من الطبيب (النائب او الامتياز) لاننا كما نعلم فى الارياف لا يوجد اهتمام الاخصائيين بيروحوا بيوتهم او عيادتهم وبيقول لى انت ليه بتعمل كدا انا اول مره اشوف كدا هههههههههه اصبح العمل الصح شاذ فى البلد لكن فى النهايه بيشكرنى .

ثقه :- انا بصراحه كنت قربت اموت من الياس الى ان فى يوم كان فى واحد وقع فى الترعه وكان سائق جرار زراعى والناس اخرجوه بعد 10 دقائق من الترعه ولا يوجد فيه نفس انا كنت مروح من الشغل مع زمليى لقينا الموقف والناس عاوزين يشلوه وينقلوه الى المستشفى التى تبعد 20 كيلو انا وزمليى اخدنا الراجل ونيمانه على الارض وشتغلنا CBr وانعاش قلب رؤى الناس التلموا وكان بيقولوا سيبونا ياحانوتيا ننقله على المستشفى والراجل قاطع نفس انا اعمل ضغط وزميلى يعطى الاكسجين بفمه والناس عاوزه تاخد الراجل مننا الى ان تدخل مجموعه من الشباب المتعلم (شباب الجامعه) وقالوا سيبوهم هم بيعرفوا شغلهم .
وكانت النجده من ربنا الراجل كح واتنفس وقلبه اشتغل كنت فخور جدااا بنفسى اه هو مافقش بس اتنفس نقل الى المستشفى تم تحويله الى الجامعى باسيوط الراجل مات بسبب نزيف داخلى بعد 10 ايام لكن انا كنت فخور بنفسى ان ربنا ادانى الفرصه اللى اكون فيها سبب فى اعاده انفاس الى رجل فقدها وكانت دى علامه جميله سطرنها فى ذاكره ابناء القريه اللى من لحظتها اكنوا لنا كل احترام وتقدير.

شكر وعرفان لمن اشرف على هذا القسم .
وياريت اجد دورات متقدمه وبحوث لنا . لاننا ان كنا على مستوى عالى من العمل الطبى اول من سيستفيد من هذا اطباء الاستقبال .
المريض لما يجى مركب ليه كانيولا ومجهزه احسن ما اشتغل شيال وانت وتتعب والتمريض فى الاستقبال يدور ويكون الراجل دخل فى صدمه.
برجاء اجد بعض المواضيع التى من الممكن ان تفيدنا وتفيد المريض فى جوانب الاسعاف
جزاكم الله خير
انتم خيره اهل العلم فى البلد وركاز الامه واخر حصون كرامه المواطن .فلكم كل الشكر