أفيدونى افادكم الله عن دورة اسعافات أولية

[لسه مبقيتش دكتور]

فى اعلانات عندنا فى الكلية عن دورة اسعافات اولية

من حاجة كدة اسمها المركز الثقافى الدولى فى شارع التحرير (البحوث) بجوار تربية نوعية

الدورة دى بمبلغ 165 جنيه لمدة أسبوعين ودورة متقدمة بمبلغ 195 جنية بردو لمدة اسبوعين

السؤال دلوقت : لو حد حضر الدورة دى يا ريت يفيدنى عن نظامها وهل التدريب العغملى فيها كويس ولا مجرد كلام نظرى يعنى من الآخر تستاهل ولا لأ

وجزاكم الله خيرا

[Medicalawy]

بص ياباشا أنا اخدت الدورة دي السنه اللي فاتت

هقوللك انطباعي الشخصي عنها ..

أولا : أنا كنت واخد الدورة دي عندنا في الكلية وعارف موضوعات النظري وشغل العملي قبل كده فمكنش فيه جديد بالنسبه لي بس كنت رايح من اجل التجربة ..
وموجدتش أي إختلاف ..

ثانيا : الوقت بيبقي مضغوط في حكايه الاسبوعين دي وتقريبا بيبقي كل يوم فلو انت من خارج القاهره هتبقي مرهقه شوية زي ما حصل معايا السنه اللي فاتت ..

ثالثا : بالنسبه لشغل العملي ، بيوزعوك علي مستشفيات معينة وانت وحظك ، ممكن تلاقي اسمك جاي في مستشفي نضيفه او مستشفي زي امبابه مثلا !!!!
وسواء كده او كده بيقوللك تعالي من غير بالطو عشان انت هتتفرج بس مش هتشتغل ومش هتحط ايدك في حاجة !!!!

رابعا : بالنسبه لمحاضرات النظري ، في العموم بتبقي مفيدة لأنهم بيجيبوا ناس دكاترة كبار محترمين يدوا المحاضرات
فيه الدكتور جمال مدير القسم الطبي بالمركز ده راجل رائع ، وافتكر ان معظم المحاضرات كانت جامدة جدا ما عدا واحده او اتنين معجبونيش قوي ومجبوش هم المشوار ..

خامسا : بيوزعوا ورق كده بتاع الصليب الأحمر تقريبا لشرح النظري ، الورق غالي وملوش لزمة وفيه احسن منه كتير علي النت ، فلو قررت تروح متشتريهوش ولا حتي تصوره

سادسا : الشهادة بتاعتهم عادية جدا ، مش جامدة قوي يعني - مجرد رأي شخصي -

أخيرا : أنا حاسس ان الاهتمام مكنش قد كده بالطلبه والنظام مكنش حلو قوي ، بس عموما الدورة مش وحشة عشان مبقاش ظلمتهم

بس لو انت عاوز حاجة جامدة بقي انا اسمع ان القصر العيني بيعمل دورات كويسة جدا ومركز التدريب القومي بس لسه هعرف التفاصيل وممكن أبقي ابلغك

دورات Basic life support

Advanced life supprt

Trauma

وفيه دورات بتبقي غاليه زي American Heart Association

European Heart Association

فشوف انت اولوياتك ايه ..

وبالتوفيق أن شاء الله ..

[لسه مبقيتش دكتور]

أنا عاوز دورة اسعافات عادية من باب المعرفة يعنى

اشغل وقتى ف الأجازة وكدة ومنها حاجة مفيدة ولو شهادتها جامدة يبقى تمام أوى أهى أحسن وأفيد من المصيف

ولا اروح يومين فى الاستقبال بتاع مستشفى الجامعة وخلاص

[Medicalawy]

عاوز رأيي روح الاستقبال أحسن وحاول تبقوا جروب ودلع نفسك وعيش :d

[dr@hanoda]

انا اخدت الكورس دا السنه الي فاتت كنا في جامعه القاهره كليه حقوق وبصراحه عجبني جدا جدا بس انت بردوه مش هتستفيد الا من النظري وهتفهم كويس نظري العملي لكن التدريب العملي بصراحه مش عارفه لاني ماروحتش لانه كان توزيعي في رمضان بعد الفطار ومكنش ينفع طبعا عشان ااسفر كان كل يوم بس بصراحه كانوا جايبين دكاتره قمه واخدين الدكنوراه من امريكا والي اشتغل في امريكا بصراحه انا استفدت جداااااااااااااااااا من الكورس دا وكانوا اسبوعين حلوين اوي ومفدين جدا احسن من اي مصيف
وبصراحه دكتور حسام رئيس المركز محاضرته 4ساعات كنت بتمني انهم مش يخلصوا

[Medicalawy]

اه كان اسمه الدكتور حسام صحيح .. انا اتلخبطت

[مصطفى زاهر]

طب يا جماعه ممكن حد يعرفنى دورة البورد دى عبارة عن ايه؟