حبيبات كريهة تخرج من الفم

السلام عليكم ورحمة الله وبركاته

لدي استشارة بعد إذن حضراتكم

من فترة حوالي شهرين تلاتة لاحظت خروج حبيبات كريهة الرائحة تخرج من فمي

ولا اعرف لها سببا وفي هذه الفترة احس ان رائحة فمي كلها كريهة ولا استطيع تذوق الطعام واحس بغصة في حلقي

اشتريت مضاد حيوي قبل كده في بداية ملاحظتي اياها لكن دون جدوى ومنذ اسبوع تقريبا اشتريت شريط كمان وايضا في اسناء الاستعمال اقنع نفسي اني عادي تمام لكن ابدا هيه هيه الرائحة والازعاج النفسي المستمر اللي انا فيه

ودلوقتي ما دفعني للاستشارة اني حاسة اني تعبانة وفي حاجة واقفة في زوري تعوق انفاسي

................

صراحة انا قلقانة جاااااااااااااااااااااااااااامد

...........

جزيتم خيرا م ارجو منكم الافادة

[aboborda]

اولا اللف سلامه عليكى واحب اعرف شويه حاجات
يعنى الحبيبات اللى بتخرج دى لونها ايه ؟شكلها منتظم زى الكور الصغيره كده ولا لأ؟جتلك الحاله دى قبل كده ولا لأ؟حجم الحبيبات اد ايه؟

الحبيبات لونها ابيض مائل للأصفر وحجمها مثل حبة الأرز او اكبر او اقل وشكلها مش منتظم

ودي أول مرة تيجلي وكان بيجلي زمان من خمس سنين التهاب اللوزتين وآخر مرة كانت عندي اللوز الدكتور قالي اعمل العملية وانا طنشت صراحة ومن بعدها مش جاتلي تاني

ومن خمس شهور كان عندي الم في بطني لما كشفت باطنة الدكتور شخص قولون واخذت العلاج وخفيت لكن بيجي تاني مع اي قلق بس الغريب اني من شهر مش بقى قولون بس بعد الأكل بحس في تعب في معدتي

مش عارفة هل ده ممكن يكون له علاقة بوجود الشيء الغريب ده فالحلق وغالبا بتخرج مع المضمضة في الصباح او اي وقت آخر

أكثر ما يزعجني الآن هو الشعور بغصة في حلقي دائما مش بس خروجها

[aboborda]

بصى غالبا دى بتكون حصوة فى اللوز
اللوز بتلتهب كتير فحجمها بيكبر وبتبدأترسب جواها بقايا الأكل والكالسيون وتكون حصوات.دى حاله نادره جدااااااااااا
ده تشخيص مبدأى مش هيتأكد الا لما دكتور انف واذن كبير يكشف عليكى وحلها ان اللوز تتشال
موضوع تعب معدتك بعد الأكل ده مش تخصصى هتحتاجى حد باطنه
والف سلامه ليكى

رمضان كريم

[mahmoud123]

باختصار الحبيبات دى بتخرج من اللوزتين انا كان عندى المشكلة دى واستمريت سنة ونص مش عارف ايه المشكلة . وكانت اللوز مش ملتهبين وحجمهم صغير كمان وكنت اظن ان الشىء الى بيخرج دة من الحلق من جوة مش من اللوز . ووصلت فى الاخر بفضل دعائى لله كتير ان اللوز فيها تجويف ولما ضغط علىها طلعت الشىء دى . والشىء دة اسمه حصوات اللوز . والحصوات دى ممكن تكون ظاهرة او لا . عندى انا كانت مختفية تماما . وبتخرج رائحة كريهة جدا الحصوات .ودة اللينك الى ممكن يفهمكم ازاى تخرجوها https://www.youtube.com/results?sear...+tonsil+stones انا تعمدت ان انا ادر على الصفحات الى انا مريت عليها قبل ما اعرف حل المشكلة عشان الناس تستفيد . ادعولى ان ربنا يزيدنى صلاحا وايمانا كل يوم طول ما انا عايش