القرنيه المخروطيه

[sherif zyada]

ممكن معلومات عن القرنيه الخروطيه وعن مدي كفاءه الجراحه فيها ومين الدكتور الافضل لذلك ولا أي أخصائي شاطر ممكن يعمل الجراحه عاوز أعرف أكبر قدر من المعلومات

[dr\emy]

بالنسبة للقرنية المخروطية فده بيكون نتيجة ضعف فى ال corneal stroma وبالتالى بيحصل bulging لل cornea بتاثير ال IOP
وده بيدى اعراض قصر النظر واحيانا الاستيجماتيزم
احتمال حدوثه بيزيد مع الناس اللى عندها حساسية فى العين عشان بيدعكو فى عنيهم كتير
تشخيص الحالة بيبقى سهل جدا واحيانا بيبقى بمجرد النظر
مشكلتها انها PROGRESSIVE يعنى كل متتاخر العملية المشكلة بتزيد
فى الاول بنعالجها بالنظارات وبعدين ال Hard contact lenses
بس فى الغالب مابيجيبوش نتيجة العملية اللى بتتعمل كذا نوع فى بيحطو حلقات معدنية لشد القرنية وجعلها مسطحة مرة تانية
فى بيستخدمو طريقة عشان ازود بيها سمك الستروما بتاعة القرنية بطريقة ال polymerization باستخدام الريبوفلافين مع ال u.v rays
بس ممنوع منعا باتا استعمال ال LASIK
ده كل اللى اعرفه عنها انا شفت الحالة زى دى مرة قبل كده فى الجامعة عندنا بس كانت MILD
بما ان حضرتك من طنطا فاحسن واحد ممكن يعمل الموضوع ده هو د/وليد علام هو عيادته فى المحطة وفى ناس اصحابى جربوه وقال انه ايده حلوة اوى فى الشغل انا مجربتهوش بصراحة بس المفروض ان اللى يعمل عملية زى دى يكون بتاع errors of refraction
هو دخلنا محاضرات قبل كده وامتحانى كان معاه هو شخصية محترمة وشاطر جدا وفاهم هو بيقول ايه هو سنه صغير بس شاطر
هو حضرتك متابع مع دكتور معين ولا ايه؟