اى دكتور محترم يرد عليا بسرعة جدا ( موضوع خطير بالنسبالى )

[mohiiiy]

ارجو ان تشرح نظام الدراسه باقى السنوات
شـكــ وبارك الله فيك ـــرا لك ... لك مني أجمل تحية .

[تائبة الى الله]

بصراحة انا معرفش كتير عن طب اسماعيلية بس اتحكالى عنه انه طب من خيال بجد نظامهم حلو اوى وبيطلع دكاترة بجد ..ربنا يوفقك

[سما]

ايه النظام الحامى ده بتبقى دكتور من سنة اولى ده ولا فى الاحلام طب فين الاساس يعنى الاسمنت والظلط والحديد انا اعترف انى بقالى 3سنين فى الكلية ومعرفش اشخص برد وباخد تريقة كثيرة لكن الصبر مفتاح الفرج يعنى الممرضة ممكن يكون عندها خبرة 20سنة بس ما تعرفش تعمل عملية لوز ليه علشانالاساس

[dr.toto5]

السلام عليكم يا دكتورة سما. وبقول دكتورة علشان ان شاء تبقى أشطر دكتورة بس الصبر حلو .ايه يعنى 3 سنوات فى عمرك الطبى ان شاء الله ولا حاجة
وبعدين كل شيىء بياخد وقت غالبا بيطلع صح. وبعدين كلنا كنا كده بس مع الأيام وكل ما تشوفى وتسمعى وتقرى أكتر هتعرفى أكتر باذن الله وافتكرى دايما من جد وجد كل خير باذن الله

[سما]

يا رب اكون دكتورة ماهرة يسمع منك ربنا وانا صابرة بس الاقى وشكرا لتحفيذك لى وربنا يوفقك

[أمل]

المشاركة الأصلية كتبت بواسطة mohiiiy

ارجو ان تشرح نظام الدراسه باقى السنوات

بالنسبة للسنوات الثلاث

سنة رابعة و خامسة و سادسة

فسنة رابعة و سادسة مرحلة منفصلة

و سنة خامسة مرحلة اخرى

سنة رابعة

تدرس الاتي
ترم
راوند نسا و معه الfamily
راوند اطفال و معه الcommunity
الترم الاخر
راوند باطنة ، راوند جراحة ، راوند occupitional

طبعا لا تدرس المنهج كاملا انما انصاف مناهج و ستكمل هذه الانصاف في سنة سادسة ان شاء الله

لكن ما هي رواندات سنة سادسة بالضبط في الحقيقة لا اعلم

اما سنة خامسة

فيها الاتي
ترم
راوند رمد ، راوند جلدية ، راوند نفسية و عصبية و معه طول الترم طب شرعي(مثلا)
الترم الاخر
راوند حميات ، راوند عظام ، راوند انف و اذن و حنجرة و معه طول الترم سموم(مثلا)

*طبعا معمل المهارات و الواحدات الصحية التي كانت دائمة في السنوات الاولى توقفت
اما بالنسبة للمشروع
فلسنة رابعة و خامسة مشروع واحد تقوم به كل الدفعة
اما سنة سادسة فلك مشروع منفصل تقوم به

بالنسبة لنظام الامتحانات

مختلف عن باقي الجامعات ايضا من نظرية التداخل و طبعا اكثر ما ييميز جامعتنا ان الامتحانات كثيرة

سنة اولى فيها(امتحان ترم اول ، امتحان ترم ثاني ، امتحان شامل)

سنة ثانية و ثالثة سويا مرحلة اي ( امتحان ترم اول و ثاني سنة ثانية، امتحان ترم اول و ثاني سنة ثالثة ، امتحان شامل على سنة ثانية ثالثة )

و الملاحظ انه في السنين الثلاثة الاولى تمتحن بلوكات و ليس مواد كباقي الجامعات

سنة رابعة و سادسة مرحلة سويا

امتحانات دورية (تمتحن بعد الانتهاء من كل راوند امتحان عملي و في نهاية الترم تمتحن على رواندات هذا الترم امتحان نظري)
ثم بعد انتهاء سنة رابعة و سادسة تمتحن امتحان شامل

سنة خامسة مرحلة وحدها

امتحانات دورية (تمتحن بعد الانتهاء من كل راوند امتحان عملي و في نهاية الترم تمتحن على رواندات هذا الترم امتحان نظري)
ثم بعد انتهاء سنة خامسة تمتحن على كل راونداتها امتحان شامل

حاولت الايضاح قد المستطاع
اي استفسار تفضل

[أمل]

المشاركة الأصلية كتبت بواسطة سما

ايه النظام الحامى ده بتبقى دكتور من سنة اولى ده ولا فى الاحلام طب فين الاساس يعنى الاسمنت والظلط والحديد انا اعترف انى بقالى 3سنين فى الكلية ومعرفش اشخص برد وباخد تريقة كثيرة لكن الصبر مفتاح الفرج يعنى الممرضة ممكن يكون عندها خبرة 20سنة بس ما تعرفش تعمل عملية لوز ليه علشانالاساس

و الله يا دكتورة سما هذا ما اردت قوله
استفادتك العملية في السنوات الاثلاث الاولى بالذات
تعمد على(طبعا توفيق من الله سبحانه و تعالى)
مجهود شخصي منك و عدم الاتكال او التراخي و الكسل
مجهود الطبيب لكن بصراحة اذا راى منكم حب للعلم لن يبخل و منهم من يصر على تعليمك حتى ان رفضت اما اخرون فيتركون لكم الحرية و لسان حاله يقول_ان لم تعمل او تذاكر فانت حر هذا مستقبلك و انت المستفيد من عملك و لست انا_
اما عن _الاسمنت و الحديد و الظلط_ فهذا ما تجاهدين للبحث عنه و يساعدك فيه استاذك

بمعنى اخر في الوحدة الصحية طفل يشكو الهزال و المغص نعم انتي لم تدرسي الجهاز الهضمي في راوند باطنة لكن يمكن للطبيب ان يشرح لك الاساس بطريقة مبسطة و تخرجين باستفادة كيف تتعاملين مع المريض و ما هي الاسئلة التي يجب توجهيها لتحددي في اي اتجاه ستسيرين مع مراعاة السن و حالته العامة و و و
و هذا لن يتحقق اذا ذهبنا للوحدة و كل همنا من سيكتب التقرير عن الزيارة و كل همنا الغياب

اما النظرية فكلنا فيها سواء ستذاكرين من الكتب التي يذاكر منها البقية و من يبحث عن الفهم و التحليل لن ينسى ما ذاكره و من يبحث عن الحفظ الاعمى فهو المسؤول

بالتالي ستجدي زميلك المجتهد بعد هذه السنوات الاولى قد يملك من المعلومات اكثر منك لكن لا تيأسي او تملي فيمكن لاحق ما فاتك في سنة رابعة و خامسة و سادسة
و عن تجربة حقيقة

وفقك الله لما يحب و يرضى

[قطر الندى]

طبعا انا مش هضيف كلام كتير عن ال الدكتورة امل شرحته دى بصراحة كان وافى
بس انا عاوزة اوضح حاجة ان سنة خامسة مش منفصلة ولا حاجة
هى الباطنة متقسمة ع 3 سنين
4 فى رابعة و2 فى خامسة و5 فى سادسة
والجراحة كذلك
جراحة عامة فى رابعة وسادسة وخاصة فى خامسة
وكان زمان امتحان البكالوريوس يشتمل ع ما تم دراسته فى الثلاث سنين
ولكن نتيجة لملاحظة ان المنهج كبير
تم عمل بكالوريوس فى نهائى خامسة
ونهائى سادسة
وذلك للتسهيل
وعاوزة اوضح حاجة كمان ان اليوم الدراسى فى الكلينيكال مقسم الى اخذ حالات اكلينيكية ومناقشتها مع المدرس المساعد واجراء الفحص عليها ثم وقت للمحاضرات النظرية