آخر المشاركات
         :: Nephrology pearals (آخر رد :doomm007)      :: Module: Basic Mechanical Ventilation (آخر رد :دكتور أشرف)      :: علاج الترامادول (آخر رد :جهاد الحياة)      :: فيديوهات شرح منهج الجراحة كاملا للبكالوريوس و الماجيستير للدكتور على حسيب (آخر رد :dr_m_6000)      :: كيف استعد لعملية تكميم المعدة (آخر رد :dr.elsobky)      :: 10 مميزات لعملية شفط الدهون بالليزر (آخر رد :dr.elsobky)      :: لَقَدْ نَزَل بكم عشرُ رمضانَ الأخيرةُ (آخر رد :دكتور أشرف)      :: سورة القدر...معاني و إشارات (آخر رد :دكتور أشرف)      :: تقوى الله خير زاد (آخر رد :دكتور أشرف)      :: جميع ختمات الأجزاء- مصحوبة بترجمة للمعاني باللغة الفرنسية (قناة المجد) (آخر رد :دكتور أشرف)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > ۞ السّــاحةُ الإجتماعية والحوارية ۞ > أخــبـــار

أخــبـــار أخبار بلدنا....والعالم الإسلامي ... وما يحدث في العالم

موضوع مغلق
 
أدوات الموضوع انواع عرض الموضوع
قديم 11-20-2009, 05:02 PM   #1
د/محمد عزت
Banned
 
تاريخ التسجيل: Feb 2009
العمر: 34
المشاركات: 2,010
افتراضي أصابة 11 ضابطا و24 فرد فى أحداث شغب حول السفارة الجزائرية فى مصر

القاهرة (رويترز)



حذرت وزارة الداخلية المصرية من أنها ستتخذ اجراءات مشددة ضد متظاهرين



حاولوا في الساعات الاولى من صباح يوم الجمعة تحطيم سفارة الجزائر



في القاهرة بعد غضب عام فجرته اتهامات مصرية لمشجعين جزائريين


بالاعتداء على مشجعين مصريين في الخرطوم خلال مباراة التأهل لكأس العالم



لكرة القدم فازت بها الجزائر.


وقال بيان وزارة الداخلية ان الوزارة تسامحت مع الحشد الاحتجاجي الذي



اقترب من السفارة الجزائرية "التزاما بموقف مؤسسات الدولة وتقديرا لمشاعر جموع المصريين"



لكنها لن تتهاون في مواجهة أعمال شغب ارتكبها متظاهرون.


وقالت الوزارة ان عددا من المحتجين "جنح الى القاء الحجارة وزجاجات بها مواد ملتهبة



نحو قوات الشرطة مما أسفر عن اصابة أحد عشر ضابطا و24 من الافراد وحدوث تلفيات


في خمس عشرة سيارة خاصة وشرطة. وكذا تهشمت واجهات أربعة محلات



ومحطة وقود واثنتي عشرة لوحة للاعلانات."


وأضاف أن ذلك "اضطر قوات الشرطة لتفريق المتجمعين وضبط متزعمى أعمال الشغب."


وقالت الوزارة في البيان الذي صدر بلسان مصدر أمني


"ستكون الشرطة مضطرة ازاء أي تجاوز اخر الى اتخاذ ما تراه ضروريا فى هذا الصدد لتنفيذ القانون".


وقال شهود عيان ان ما بين 2000 و2500 متظاهر كان بعضهم يحرق الاعلام الجزائرية


تجمعوا بالقرب من سفارة الجزائر بالقاهرة ابتداء من وقت متأخر من يوم الخميس



مرددين هتافات مناوئة للجزائر ومطالبين برحيل السفير عن البلاد.


ورأى شاهد من رويترز مركبتين للشرطة دمرتا وقال ان احداهما قلبت


وتحطم زجاجها في أعمال الشغب.


وقال الشهود ان الشرطة استخدمت الغاز المسيل للدموع لمنع وصول المتظاهرين الى السفارة.


انتهى الخبر



اعتقد أن اللى انضربوا مصريين والمحلات ومحطات الوقود دى مصرية



واللى ضرب مصريين



طيب فين الكرامة ياجماعة مصريين بيضربوا مصريين



عيب عليكوا والله



علشان لما أقول الموضوع مش كرامة



ولاحاجة الموضوع أننا اتغلبنا لاأكثر ولاأقل وهو ده الدليل



وحسبى الله ونعم الوكيل



عايز تعلياقتكوا الجملية اللى بتشتم فى الجزائرين وتصفهم بالبربرية والهمجية



وتقول أنهم مش عرب وأنهم مش مسلمين ويهود



وأننا بنكرههم تطلق على المصريين دول



ولا الموضوع هنا مختلف ؟



المصريين دول عملوا زى اللى عمله الجزائريين أيه الفرق ؟



سؤال أخير هل دول يمثلوا المصريين ؟



ردوا على نفسكوا يا ناس






د/محمد عزت غير متواجد حالياً  
قديم 11-20-2009, 05:41 PM   #2
مشواري طويل
DR.Sara
Allteb
 
الصورة الرمزية مشواري طويل
 
تاريخ التسجيل: Apr 2009
العمر: 30
المشاركات: 947
افتراضي رد: أصابة 11 ضابطا و24 فرد فى أحداث شغب حول السفارة الجزائرية فى مصر

والله يادكتور أنا مستغربة موقفك جدا !!

لما هوا الموضوع مش متعلق بمسألة كرامة أمال متعلق بايه بالظبط ؟؟

مكسب وخسارة في الكورة ؟

والله انا لابحب الكورة ولا ليا فيها ولا عمري شجعت أصلا

ومع ذلك دمي بيغلي من ساعة ماشفت اللى حصل من الجزائريين ، وكم الشتايم اللى بنتشتمها عالنت في كل مكان بدخله وفي اي منتدى بشارك فيه وعالفيس بوك

بيقولو علينا شعب انضرب واستخبي زي الـــ ... ، لا وانضربنا من شوية عيال كمان ، أمال لو كانو بعتولنا الرجالة بتاعتهم !!

أنا بقالي كتير بشوف موضوعات زي دي عالمنتدى هنا بتقول لازم نهدى ومنسمحش بالفتنة دي انها تحصل

بس الحقيقة ان الفتنة حصلت فعلا ، وموجوده دلوقتي ، واحنا اتحطينا في موقف وحش لازم ناخد فيه وقفة

ونرجع حقنا ، عشان محدش يقول الكلام ده ، ماهو سهل أوي نسكت ونقول مبروك للجزائر ونصقفلهم وساعتها كل ده هينتهى ،

بس ياجمالنا أدام العالم كله دلوقتي !

أنا عارفة إن شكلنا في كلتا الحالتين وحش بس يترد حقنا ومش مهم بقا أي حاجة تانية

ولو عالمظاهرات واللى حصل فيها ، فاده طبيعي مفيش مظاهرات بتنتهي بشكل سلمي ، دايما يحصل اشتباكات وبتتصعد الأمور وبتاخد مجرى تانى

ودي أكيد مش أول مرة ! ولا اول مظاهرة !


اقتباس:
عايز تعلياقتكوا الجملية اللى بتشتم فى الجزائرين وتصفهم بالبربرية والهمجية
اقتباس:




وتقول أنهم مش عرب وأنهم مش مسلمين ويهود

هما فعلا كده ، يوم مايوافقو إنهم يطوعو نفسهم لليهود ويعملو اللى عملوه ويشعلو نار الفتنة يبقى خلاص باقي ايه تانى ؟؟


اقتباس:

المصريين دول عملوا زى اللى عمله الجزائريين أيه الفرق ؟





سؤال أخير هل دول يمثلوا المصريين ؟



يمكن غلطو اه ، ويمكن ده صدر في لحظة غضب ، لكن الأهم إن محدش أجرهم وبعت معاهم قنابل وقالهم روحو فجرو السفارة
بدون وجه حق



صحيح



إلا مافي واحد جزائري من عامة الشعب حتى اعتذر مش المفروض إنهم قلة قليلة اللى قامو بالأعمال الوحشية دي !



طب فين الباقي يدافع عن نفسه !



الكل مؤيد للأسف



لاحول ولا قوة إلا بالله

وأعتذر عن الإطالة وياريت يادكتور متاخدش كلامي على إنه تمهيد لخناقة أبدا والله ده كلام محبوس جوايا بقاله يومين
__________________
اللهم لكـــَ الحمد :)

نقرتين لعرض الصورة في صفحة مستقلة

التعديل الأخير تم بواسطة مشواري طويل ; 11-20-2009 الساعة 05:54 PM
مشواري طويل غير متواجد حالياً  
قديم 11-20-2009, 09:12 PM   #3
د/محمد عزت
Banned
 
تاريخ التسجيل: Feb 2009
العمر: 34
المشاركات: 2,010
افتراضي رد: أصابة 11 ضابطا و24 فرد فى أحداث شغب حول السفارة الجزائرية فى مصر

أنا ملاحظ حاجة الناس بتخش تقرى الخبر وتجرى ومتعلقش ليه ؟

اتذنقوا فى الأسئلة ولاأيه ؟

مفيش غير الدكتورة مشوارى طويل هى اللى ردت


اقتباس:
والله يادكتور أنا مستغربة موقفك جدا !!
الحمد لله أنا مش مستغرب موقفى ده ولاحاجة

الفتنة دى فكرتنى بالفتنة الأولى بين على ومعاوية رضى الله عنهما وهو قياس مع الفارق

تفتكروا ياجماعة من الصح فيهم ؟ ( رغم نهى السلف عن الخوض فى هذا الأمر )

لكن لنا من التاريخ عبرة

الصح هو من اعتزل الفتنة الذى لم يشارك مع أى منهما

وكان فيه صحابة كتير واخدين الموقف ده زى أبوهريرة رضى الله عنه

وأبوذر الغفارى رضى الله عنه

فدى فتنة بين المسلمين أنا شخصيا معرفش الحدود الوهمية دى

اللى بتفرق بين المسلمين اللى أصلها وزير فرنسى ورئيس وزراء بريطانى

فيما يعرف باتفاقية سيكس بيكو على اسميهما

فأنا بانظر من منظور أننا مسلمين وهما مسلمين وحدثت بيننا فتنة فأنا أفضل اعتزالها

لا إلى هؤلاء و لا إلى هؤلاء ما يهمنى هو أنهاء هذه الفتنة فى أسرع وقت لأنى بجد حزين على

ما آل إليه حالنا والله بجد حزين جدا

فموقفى بالنسبة لى شخصيا على الأقل ليس مستغرب


اقتباس:
وكم الشتايم اللى بنتشتمها عالنت في كل مكان بدخله وفي اي منتدى بشارك فيه وعالفيس بوك

نفس الشتايم احنا بنشتهما ليهم وأدخلى على الدى فى دى وشوفي تواقيع الشباب المحترم

أنا عندى استعداد أنقل الشتايم والصور دى بس أنا أترفع عن مثل هذا العفن الذى يتلفظ به هؤلاء

سوف يقول قائل هما اللى بدأوا

والله العيب مش عليهم العيب على حكومتنا اللى المفروض أول ما الكلام ده حصل

كان تليفون صغير من سعادته لسعادته التانى يقوله عيب الكلام اللى بيحصل ده

وكان الموضوع انتهى لكن رايح يكلمه امبارح بعد خراب مالطه وتأزم الموقف لهذه الدرجة

والموضوع وصل لطريق مسدود تقريبا


اقتباس:
أنا بقالي كتير بشوف موضوعات زي دي عالمنتدى هنا بتقول لازم نهدى ومنسمحش بالفتنة دي انها تحصل

بس الحقيقة ان الفتنة حصلت فعلا ، وموجوده دلوقتي ، واحنا اتحطينا في موقف وحش لازم ناخد فيه وقفة
يعنى لازم أشعلل الفتنة وأنفخ فيها زى فشلة الأعلام اللى مش وراهم حاجة غير أذكاء نار الفتنة

ولا أقعد أشتم ف الجزائريين وأقول لازم ناخد حقنا وأشعلل الموضوع ونزود الفتنة

وأجيب للشيطان شغل ورزق بقى

وبعدين أعتقد اللى بيدخل بين اتنيين متخانقين ويحوش بينهم بيبقى

ده العاقل اللى فيهم ولا حد ليه رأى تانى ؟


اقتباس:
ولو عالمظاهرات واللى حصل فيها ، فاده طبيعي مفيش مظاهرات بتنتهي بشكل سلمي ، دايما يحصل اشتباكات وبتتصعد الأمور وبتاخد مجرى تانى

ودي أكيد مش أول مرة ! ولا اول مظاهرة !
فين ده اللى أنا فاكره حصل فيه كده بس مظاهرتين

يوم الأضراب فى المحلة ومظاهرة يوم احتلال العراق فى 2003

يمكن حضرتك شوفتى بس أنا ما شفتش


اقتباس:
هما فعلا كده ، يوم مايوافقو إنهم يطوعو نفسهم لليهود ويعملو اللى عملوه ويشعلو نار الفتنة يبقى خلاص باقي ايه تانى ؟؟

هو ده اللى باتكلم عليه من زمان التكفير (( من قال لأخيه ياكافر فقد باء بهما أحدهما ))

يعنى أنتى يادكتورة حطيتى نفسك دلوقتى فى موقف لاتحسدى عليه بنص الحديث

ولتعلمى أن التكفير مش بالساهل حتى ولو أتى الرجل بفعل يوجب الكفر

يجب أستيفاء الشروط وانتفاء الموانع حتى نحكم عليه بالكفر

يمكن يجهل الحكم اللى كفرناه بيه

ده على أساس أنهم أتوا بفعل يوجب الكفر

أما إذكاء الفتنة إحنا برضه بنزود الفتنة والله وإعلامنا شغال الله ينور

وكررت الكلمة دى كتير ياجماعة اثبتوا أنهم كفروا بالأدلة

وأنا أول من يكون معكم فى حرب الجزائر المرتدة إن ثبت ذلك


اقتباس:
يمكن غلطو اه ، ويمكن ده صدر في لحظة غضب ، لكن الأهم إن محدش أجرهم وبعت معاهم قنابل وقالهم روحو فجرو السفارة
بدون وجه حق
مشتفتش يعنى الناس دول طلعوا على سفارة أسرائيل لما بيقتل كل كام شهر مصرى على الحدود بالنيران الصديقة

ولا واحد منهم طلع على سفارة ألمانيا لما مروة الشربينى اتقتل

أنا باتكلم على مصريين مش هقول غزة وفلسطين والعراق وتركستان المسلمة لآه

والله ياجماعة اللى اسرائيل بتقتلهم على الحدود مصريين ولاد مصريين

أنتوا فين بقى يا اللى بتقولوا أسرائيل أحسن من الجزائر

[
quote]
إلا مافي واحد جزائري من عامة الشعب حتى اعتذر مش المفروض إنهم قلة قليلة اللى قامو بالأعمال الوحشية دي !



طب فين الباقي يدافع عن نفسه !



الكل مؤيد للأسف

[/quote]

أعتقد رئيس الجزائر بنفسه أعتذر رسميا

وأعتقد أن فيه ناس أتصلوا على قناة الرحمة ونفت علاقتهم بالأحداث دى

لكن ده فى نظرى مش كافى الناس اللى أذت أى واحد لازم يتقدموا للمحاكمة

وكمان الناس المصريين اللى أذت الضباط المصريين لازم بتحاكموا

وأكرر ياأخوانى لاتعمموا والله ظلم ظلم هذا التعميم

اقتباس:
وأعتذر عن الإطالة وياريت يادكتور متاخدش كلامي على إنه تمهيد لخناقة أبدا والله ده كلام محبوس جوايا بقاله يومين
عادى يادكتورة

وربنا مايجيب خناقات الواحد مش ناقص

وكمان أنا باكتب هنا من حزنى من اللى بأشوفه على المنتديات

ربنا يعدى الأزمة على خير يارب
د/محمد عزت غير متواجد حالياً  
قديم 11-20-2009, 10:08 PM   #4
Dr.ahmoda_for_ever
 
تاريخ التسجيل: Feb 2009
العمر: 31
المشاركات: 3,045
افتراضي Re: أصابة 11 ضابطا و24 فرد فى أحداث شغب حول السفارة الجزائرية فى مصر

يا دكتور محمد الشعب مش مثالى والواحد مش هيقدر يضبط نفس كل فرد فى الشعب المصرى

يعنى دى رده فعل للى حصل انا عارف انهم اخطاوا طبعاا

لكن اللى حصل مش شويه وبردوا الموضوع مش كوره

الموضوع اكبر من كده
اقتباس:
أعتقد رئيس الجزائر بنفسه أعتذر رسميا
محصلش يا دكتور وحتى لو اعتذر جاى يعتذر امتى بعد مانضربواا ورجعوا والمسؤلين عندهم يهنوا المنتخب والجماهير على اللى عملوه يبقى هل ده فعلا ماتش كوره ؟؟

وبردوا احنا ضد اللى يكفروا
اللى يسبوا الشعب كله

لكن مش معنى انهم مسلمين واخوة اشقاء نسبهم يضربونا
وايوه فعلا اللى عملوا كده همجين وبطلجيه ومسنودين من ناس كبار عندهم ( لكن الدخول فى تكفير لا اطلاقا مينفعش طبعا )
__________________
انتظرونى



ونصائح للفرقة الخامسة
Dr.ahmoda_for_ever غير متواجد حالياً  
قديم 11-21-2009, 01:10 AM   #5
مشواري طويل
DR.Sara
Allteb
 
الصورة الرمزية مشواري طويل
 
تاريخ التسجيل: Apr 2009
العمر: 30
المشاركات: 947
افتراضي رد: أصابة 11 ضابطا و24 فرد فى أحداث شغب حول السفارة الجزائرية فى مصر

اقتباس:
هو ده اللى باتكلم عليه من زمان التكفير (( من قال لأخيه ياكافر فقد باء بهما أحدهما ))

يعنى أنتى يادكتورة حطيتى نفسك دلوقتى فى موقف لاتحسدى عليه بنص الحديث
اقتباس:
( لكن الدخول فى تكفير لا اطلاقا مينفعش طبعا )
بالله عليكم

أنا موصفتهمش بالكفر ولا كفرت حد ،

أنا يمكن أخدت الكلام كله اقتباس من كلام حضرتك

وعشان كده وصلت بشكل غلط

لكن عشان أوضح أكتر ومحدش يتهمني بأي حاجة ( لاقصدتها ولا أنا أد إني اقولها)

أنا أؤيد وصفهم بالهمجية والتبعية لليهود لكن لاقولت إنهم يهود ولا قولت كفار وده كان رأيي

**************

طبعا كلام حضرتك أنا أحترمه جدا وأقدره ،، بس نعتزل الفتنة ازاي مع كل الظروف المحيطة بينا وكم الاستفزازات ده ؟؟

مانا قولت قبل كده موقفنا ده أجبرنا عليه واتحطينا فيه غصب عننا بسببهم ، خلونا أضحوكة الغرب والعرب كمان

وأكيد يعني كلنا نتمنى إن الفتنة دي تنتهي ( على خير إن شاء الله )
__________________
اللهم لكـــَ الحمد :)

نقرتين لعرض الصورة في صفحة مستقلة
مشواري طويل غير متواجد حالياً  
قديم 11-21-2009, 01:49 AM   #6
لسه مبقيتش دكتور
د. أحمد شقران
 
الصورة الرمزية لسه مبقيتش دكتور
 
تاريخ التسجيل: Feb 2009
المشاركات: 420
افتراضي Re: أصابة 11 ضابطا و24 فرد فى أحداث شغب حول السفارة الجزائرية فى مصر

خير ان شاء الله

انا عاوز اقول حاجة

المشكلة ف الاعلام والافلام المنحرفة اللى اظهرت مصر على انها بيت دعارة أو كباريه كبير(آسف فى التعبير)

هما عمالين يتكلمو ويقولوا بلد الرقاصات والعاهرات وكلام مقرف جدا

يا ريت من حكومتنا الجميلة تحسن صورتنا وتنقل الصورة الجيدة لهم

شكرا
__________________
الموت

أقرب مما تتخيل
لسه مبقيتش دكتور غير متواجد حالياً  
قديم 11-21-2009, 01:54 AM   #7
محمد القاضي
هوالله قبلك حاسس بيك
Allteb
 
الصورة الرمزية محمد القاضي
 
تاريخ التسجيل: Apr 2009
العمر: 31
المشاركات: 1,396
افتراضي رد: أصابة 11 ضابطا و24 فرد فى أحداث شغب حول السفارة الجزائرية فى مصر

يا جماعة

احنا اللي غلطانين

احنا بنمشي بلا نظام

بالبركة وعلشان كده متظبطين

ومعندناش ما يسمى بالكرامة للناس اللي زعلانة على الكرامة

احنا عاملين زي الانسان اللي ملوش شخصية

بس المشكلة.... اننا متعازين ميكونش عندنا شخصية

بس بعد الموضوع طلع اننا فعلا ملناش شخصية

المهم

اولا اي ماتش بيكون فيه تجاوزات ودا موجود بين اهلي وزمالك وفي اي مكان من عصبة متعصبين

يقوم الاعلام الفضائي ينشر الوقائع دي ويهولها ويغلي الشعب

يقوم شوية مهاطيل و ناس لا تعرف معنى اي شئ غير المياعة والرجولة المزيفة على الفيس بوك والفضائيات يشعللوا الموضوع اكتر كرد فعل لما نشر في الفضائيات من فعل الجزائر

ويقولوا هانقطعكم يا جزائرين وهانضربكم ضرب ونزلت اغاني تهديد كمان

طيب يا جماعة

الناس اللي حرقت العلم وعملت الصور بتاعة اللعيبة مش حفنة قليلة متعصبة لاتمثل الشعب الجزائؤي ابدا؟؟ ولا ايه؟ وكان ممكن يعدي لو استمرينا بالتهدئة لان دي بلد شقيق مش عدو

لا شهرنا الموضوع وشعللناه على كل المستويات واصبح ((هانضربكم ونقطعكم في مصر يا جزائرين)) على لسان الكل

طيب مش من حق الجزائرين انهم يخافوا على نفسهم؟؟؟

قاموا باعتين ناس جامدة تقدر تستحمل الضرب اللي هددنا بيه ........... خدوا بالكم من دي

لكن احنا امننا يحمي اي حاجة في الدنيا الا المصرين

يروح دارفور اليمن الجزائر ليبيا اي حته لكن مع المصرين بيضربهم بالجزم ويغتصبهم ويصورهم على الموبايلات ........ كرامة بقى

وفعلا وكالعادة طلع الجزائرين ولم يصيب اتوبيسهم حتى طوبة ومحدش سمع ان حاجة حصلت للجماهير الجزائرية في مصر في الماتش الاول

قامت مصر بقى بتستعد للماتش التاني وجسر جوي واشتغالات ملهاش اي لازمة وبرده هاتنضربوا وهاتتقتلوا وهتت وهتت.

راح بتوع الجزاير عاملين حسابهم وباعتين بلطجية خدو بالكم برده من دي

نكتشف ونفاجأ
.
.
.

ان الجمهور المصري عبارة عن فرافير

قمامير مصرية ...

زي مبيقولوا صفوة شعب مصر اللي هم ((الممثلين والمغنين والمسئولين واولاد الوزرا والمسئولين والاثرياء ورجال الاعمال اللي قدروا يدفعوا 2500 جنيه تمن التذكرة))

دول صفوة المجتمع ..........

اما زبالة المجتمع اللي هما ((الدكاترة والمهندسين والمدرسين والفلاحين والموظفين والغلابة ففضلوا في مصر))

ما علينا بقى من موضوع الصفوة والزبالة من حيث الطبقية ونوعية اللي في كل طبقة وبرده الكرامه

خلينا بقى في الموضوع واللي مخليني هشد في شعري

طبعا كلكم لاحظتوا او اللي شاف الماتش لاحظ ان صوت الجمهور المصري ناااااااااااااام بعد ربع ساعة

ومبقناش سامعين حد بشجع ولا غيره

وكثرت مشاهد الممثلين اللي بيشربوا ميه

اللي فالقني بقى

ليه مدمنا عملنا فيها رجالة في الاول وهددنا بالضرب والقتل مبعتناش امن مركزي بدل الصفوة دي

كانوا حتى عرفوا يأدبوا اي واحد يعتدي علينا ويحفظوا حقنا بره؟؟؟؟؟؟؟؟؟


ودا بقى يدل على اننا مبنعرفش نخطط صح ومفيش نظام واننا بقينا متعنتزين اووي ......... رايحين فسحة احنا بعد كل التهديد اللي عملناه احنا

واللي الجزائرين عملوا حسابه

!!!!!!

انا مستغرب على الناس اللي بتتكلم عن الكرامة؟؟؟

مين اللي ضيع كرامتنا؟؟

الممثلين؟؟ الفنانين؟؟ اللصوص؟؟ الفاسدين؟؟

مين اللي هايجبلنا كرامتنا؟؟

نصر الممثلين؟؟ الفنانين؟؟ اللصوص؟؟ الفاسدين؟؟

اللي كانوا بيصوتوا من الرعب ....... الرعب اللي بيعاني المصرين الغلابة (زبالة المجتمع) اضعافه

رعب الحياه اليومية وهيعرف يصرف على اولاده ولا لا ويا تري بعد ما يموت اولاده هايحصلهم ايه

انا بجد فرحان انهم اتعلموا درس مهم

وهو انهم مش صفوة ولا حاجة ........... عادي

في بلدهم (صفوة) لكن على مستوى العالم (زبالة) زينا بالظبط في بلدنا

يا جماعة يا بتوع الكرامة

عمر مصر ما هايكون لها كرامة الا بالعلم والدين

مش بالرقص والاغاني

بس

خلصت
الموضوع مش محتاج لا موقف سياسي ولا ثقافي ولا غيره

لو عايزين تردوا الكرامة بتاعتكم انتوا......... الغلابة كفاية كلمة زبالة

خلوا الكلام الكبير دا للصفوة

انا سمعت في برنامج البيت بيتك واحد من المعاتيه اللي مالين التليفزيونات وبيتقال عليهم مخرجين

بيقول "" ان اللي حصل دا اهانة لمصر بتاريخها وفنانينها وموسيقاها وممثلينها ومسرحها ""

مصر بقت ممثلين ومسرحين يا ولاد بس

والدتي قالتلي طيب ما العالم كله بيحرق عالم امريكا كل يوم....... ليه مبيردوش عليهم؟؟؟

سؤال جميل ....... قلتلها لان الناس دي كبيرة بجد مش كلام زينا والكبير بجد ميهموش التفاهات والسطحيات دي بقدر ميهمه قيمته الحقيقة

ومادام الموضوع بس اهانة للصفوة فخلاص

الزبالة بقى ميهمهمش لان كرامتهم مش موجودة اصلا

علشان يخافوا الا تتهان

بتوع الامتياز هايفضلوا في المدارس

التعليم هايفضل فاشل

المهندسين هايفضلوا يتعذبوا وياخدوا ربع تعبهم

المدرسين والموظفين المحترمين هايفضلوا عايشين بالكفاف

الكليات هاتفضل في الضياع

المساجد هتفضل مقفولة بين الصلاة

الشيوخ هتفضل مطرودة

خلاص

خلص الموضوع

وسلمولي على الكرامة
__________________
نقرتين لعرض الصورة في صفحة مستقلة
محمد القاضي غير متواجد حالياً  
قديم 11-21-2009, 02:03 AM   #8
Dr.ahmoda_for_ever
 
تاريخ التسجيل: Feb 2009
العمر: 31
المشاركات: 3,045
افتراضي Re: أصابة 11 ضابطا و24 فرد فى أحداث شغب حول السفارة الجزائرية فى مصر

انا مليش دعوه مين الى انضرب او انهان ممثل بياع دكتور مهندس كلهم ابناء مصر ده الواقع
ولا احنا عشان ممثلين نروح نبعهم

وفئه متعصبه مين يا دكتور ؟؟؟ فئه متعصبه مين اللى مبعوت ليهم طيارات حربيه
فئه مين اللى معمول ليها اجتماع قبل الماتش بايام اى فئه دى اللى خارجه من السجن
اى فئه اللى الجرايد بتاعتهم بتدافع عنهم واللى للاسف واخده تمويل يهودى دلوقتى يا سلااااام اليهود فرحانين وبيهنوا الجزاير

ياريت بس فى المرحله القادمه ننسى مرحله العالم الخارجى ونشوف نفسنا دى المصيبه بقت مصيبتين كنا بنقول صوره العرب والاسلام مشوهه فى الخارج
دلوقتى لسه يا هادى يارب عاوزين نشوف البهوات دول بيكرهونا ليه وحاملين تجاهنا جميع انواع الغل والحقد البشرى
__________________
انتظرونى



ونصائح للفرقة الخامسة
Dr.ahmoda_for_ever غير متواجد حالياً  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 06:06 AM.


Powered by vBulletin Version 3.8.12 by vBS
Copyright ©2000 - 2020, Jelsoft Enterprises Ltd
Translation by Support-ar