تجــمّع طلاب الفرقه الخامسه . ( المجموعه الثالثه ) .. باطنه خاصّه

[mans.doctor]

السلام عليكم
النهاردة 14-10
المحاضرة كارديولوجي اخدنا mitral regurgitation & prolapse
الروند جلدية شفنا حالات impetigo , tinea circinata , wart
هما كدا بس

[mans.doctor]

هو انا مفيش حد غيري ف الروند دا و لا ايييييه

[romantic whisper]

La ana m3aky aho ya mans bs bstna wlw l2etk m3mltesh el report bta3 elyom h3mlo ana..Rbna y5leky lena..

[دكتور المنصورة]

ياسلام على الجودة

النهاردة من الساعه 9-11 قاعدين نهش ومحدش عبرنا

والساعه 11 دخلت دكتور مها حازم كملت باقى ال spinal cord هوا بصراحه كان النهاردة كوس بس انا اللى كنت زهقان وعاوز انام فلاسف مش ركزت وسرحت كتير

ودخلوا ناس تبع مجلس الكليه معاهم استمارات تقييم للكليه عن الايجابيات والسلبيات وكتبنا فيها اللى فيه النصيب

[bayazeed]

الجودة عاملة شغل جااااااااااااااامد اوى
المحاضرات فى مواعيدها بالظبط والحالات كتييييييييييييييييييييييييييير وكل اساليب الشرح والفهم موجودة
بس صراحة الدكتور محمد عبد السلام دا اسطورة بجد بس يا رب نبعد عنه فى الشفوى

[mans.doctor]

احنا بقى الروند بتاع الجلدية معاده 10 بنبدا 11 و تلت كل مرة اه و الله عما الدكتور بيجي بنكون زهقنا و عاوزين نروح دا غير بقى ان الداكترة داخلين زهقانين مننا و بيشرحولنا و هما بيحسسونا اننا عبء عليهم و انهم بيشرحولنا تفضل منهم علينا رغن ان دي شغلتهم اصلا
و روند الكارديو الدكاترة مش بيعملوا المجموعات سواسية يعني عندنا ال examination الكلام دا اتقال ف محاضرة ف المجموعة التانية اللي هى ب2 اتقال بفهم و شرح
احنا رحنا المستشفيات الاسبوع دا ( اينعم معرفناش حاجة بس اهو رحنا ) المجموعة التانية حدفوهم ليوم الاحد الجاي دا غير ان مفيش مكان ف المستشفى للطلبة يعني فضلنا واقفين ف الكوريدور لحد اما جه دورنا من 9 ونص ل 10 ونص مش لاقيين كرسي نقعد عليه عما دخلنا للحالات كنا تعبنا و دخنا و زميلتنا اغمى عليها و ضغطها وطي و ركبولها محلول و كانت هيصة دا غير سوء التهوية البشع اللي ف مستشفى فيها ناس تلات ترباعهم عندهم ضيق ف التنفس
يعني م الاخر كل اما نلاقي عذر نلاقي جنبه 40 حاجة لازم تتصلح كلية نكد بجد
و بالنسبة لحكاية الورق اللي اتوزع دا لسه موصلناش حاجة و معتقدش انه هيوصلنا اصلا
ما علينا المهم ناخد الجودة عشان نعرف نشتغل و منحدفش ف وحدة صحية ف منطقة نائية دا المهم

[حمودة89]

معلش ياجماعة انا عارف ان الموضوع مش فى مكانة بس عايز اسال عن كورسات الاطفال مين الللى بيدى ومواعيدة ياريت اللى يعرف يرد وشكرا

[Dr.penicillin]

حياكم الله
سورى يا دكاتره
for delay

انا راوند جلديه كارديو مجموعه
2b
الجلديه كانت ماشيه كويسه والحالات حلوه بس فى دكتور كده ربنا يسهل له بقى دخل لنا وهاتك يا اسئله
وطلعنى على حاله
وايه بقى عاوز يعرف منى كل حاجه
فاكرنى حاوى واحنا لسه تالت يوم فى الراوند
المهم قلت له اللى فيه النصيب وبصيته بقرف كده وقالى طب اتفضل
بس روقته احلى روقان هحرمه يطلعنى تانى
مجموعتى بتروح العيادات الخارجيه اللى فى جيهان تحت الانف والاذن بالظبط
الجلديه حلوه وحالاتها بتتكرر
احنا شوفنا
pitryasis versicolor
warts
tinea capitis
molluscum cotagiosum
planter wart
vetiligo
عارف فيهم شويه والباقى ابيض يا ورد
بس هم بيركزوا على الحالات اوى
مفيش شرح منهج
اللى قدامهم متاح من الحالات بيشرحوه
يعنى مش ملتزمين بترتيب منهج
الكارديو بقى
حاجه كده استغفر الله العظيم
بدايه مبشره
دخلنا دكتور اول يوم خلص ييجى نص الكارديو
كان جبار الباشا
والتانى بتاع تانى يوم
ربنا يسهلهم جميعا
مبطلتش ضحك فى الراوند لا وايه كنت قاعد فى وشه فى اول بنش قال ايه هفهم يعنى
واول ما يضير وشه انزل تحت البنش واقعد اضحك انا واللى جمبى
بس وربنا كان غصب عنى
ده فظيع
بيفكرنى بممثل قديم كان بيعمل مسرحيات بس كويس انى مش فاكر اسم الممشل علشان مش اكرهه
يوم الحالات ولا شوفنا اى حاجه معامله مقرفه وناس ربنا يهديهم
لا تقسم ولا عيانين ولا دكاتره
وبيقولى شوف المرمر
يا عم اجرى بلا مرمر بلا نيله
ومش عاوزيين ياخدوا غيابنا الا لما دكتور ايمن ييجى
فضلنا قاعدين لحد الضهر وبعدين اطلقوا سراحنا
بدايه مش مبشره بالمره ربنا يستر بقى فى الكارديو
ياريت يا جماعه اللى فى مجمعتنا
a or b
يقول على نظام المزاكره ومنين ولو ينفع نحضر مع مجموعه a
فى المستشفى بدل التهريج ده
وشكرا
واسف على الاطاله