تجــمّع طلاب الفرقه الخامسه . ( المجموعه الثالثه ) .. باطنه خاصّه

[دكتور المنصورة]

المشاركة الأصلية كتبت بواسطة المستشار

سوال بسيط دلوقتى سامع ان الشيخ اللى كان بيدى رمد بيدى باطنة السنة دى فياريت لو حد يعرف نظامة يقولنا ومواعيدة والمكان وياترى مزكراتة كويسة ولا خطها صغير زى السنة اللى فاتت
وبخصوص موافى هو نظامة اية ومواعيدة والمكان

بالنسبه لموضوع دكتور الشيخ فمش عارف بصراحه انه هيشتغل باطنه ولالا

وبالنسبه لدكتور موافى فانا رحت الmetting معاه بس مش رحت تانى لدكتور تانى بس فى النهايه استقريت انى مش هاخد كورسات خالص

يعنى ربنا كرمنى باول اربع سنين امتيازات فخفت الصراحه من تغير النظام واسلوب المزاكرة مرة واحدة

وبالنسبه لدكتور موافى طبعا ليه منا كل الاحترام والتقدير ودكتور موافى غنى عن التعريف سواء فى القاهرة او المنصورة بس بصراحه لو كنت هاخد مكنتش هروح عندة لشويه حاجات خاصه بيا انا فى اسلوب مزكراتى لقتها مش هتتفق معاه هوا

ومش هخوض فيها عشان بس مكنش بعمل دعايا لحد على حساب اى حد وجميع الدكاترة ليهم منا كل الاحترام والتقدير

وبالنسبه لدكتور موافى فهوا بيشرح فى اماكن كتير عندك منها سنتر توتال وسنتر هوس والمواعيد ان شاء الله اجبهالك

[دكتور المنصورة]

المشاركة الأصلية كتبت بواسطة bayazeed

الجودة عاملة شغل جااااااااااااااامد اوى
المحاضرات فى مواعيدها بالظبط والحالات كتييييييييييييييييييييييييييير وكل اساليب الشرح والفهم موجودة
بس صراحة الدكتور محمد عبد السلام دا اسطورة بجد بس يا رب نبعد عنه فى الشفوى

انت مين يا ترى ؟؟؟
اكيد انا اعرفك

اصل كلنا على بعضنا بتاع 6 ولاد ولا حاجه فى النيرو

واهلا بيك يا دكتور منور المنتدى

[دكتور المنصورة]

المشاركة الأصلية كتبت بواسطة mans.doctor

احنا بقى الروند بتاع الجلدية معاده 10 بنبدا 11 و تلت كل مرة اه و الله عما الدكتور بيجي بنكون زهقنا و عاوزين نروح دا غير بقى ان الداكترة داخلين زهقانين مننا و بيشرحولنا و هما بيحسسونا اننا عبء عليهم و انهم بيشرحولنا تفضل منهم علينا رغن ان دي شغلتهم اصلا
و روند الكارديو الدكاترة مش بيعملوا المجموعات سواسية يعني عندنا ال examination الكلام دا اتقال ف محاضرة ف المجموعة التانية اللي هى ب2 اتقال بفهم و شرح
احنا رحنا المستشفيات الاسبوع دا ( اينعم معرفناش حاجة بس اهو رحنا ) المجموعة التانية حدفوهم ليوم الاحد الجاي دا غير ان مفيش مكان ف المستشفى للطلبة يعني فضلنا واقفين ف الكوريدور لحد اما جه دورنا من 9 ونص ل 10 ونص مش لاقيين كرسي نقعد عليه عما دخلنا للحالات كنا تعبنا و دخنا و زميلتنا اغمى عليها و ضغطها وطي و ركبولها محلول و كانت هيصة دا غير سوء التهوية البشع اللي ف مستشفى فيها ناس تلات ترباعهم عندهم ضيق ف التنفس
يعني م الاخر كل اما نلاقي عذر نلاقي جنبه 40 حاجة لازم تتصلح كلية نكد بجد
و بالنسبة لحكاية الورق اللي اتوزع دا لسه موصلناش حاجة و معتقدش انه هيوصلنا اصلا
ما علينا المهم ناخد الجودة عشان نعرف نشتغل و منحدفش ف وحدة صحية ف منطقة نائية دا المهم

ياة بجد ربنا يكون فى عونكم

يعنى مش احنا لوحدينا اللى بنتاخر

والورق ممكن يتوزع عليكم الاسبوع الجاى ان شاء الله

وربنا يسهل ونقدر ناخد الجودة مش عارف الصراحه بدات الاحباط يظهر عندى فى الموضوع دة

[دكتور المنصورة]

المشاركة الأصلية كتبت بواسطة حمودة89

معلش ياجماعة انا عارف ان الموضوع مش فى مكانة بس عايز اسال عن كورسات الاطفال مين الللى بيدى ومواعيدة ياريت اللى يعرف يرد وشكرا

والله يا دكتور تحت امرك ومفيش مشكله

بس المشكله الوحيدة الصراحه ان حضرتك عارف نظام الجودة وكل الدكاترة اللى فى القسم مضوا اقرارت انهم مش هيدوا دروسوا وممكن يضروا فى الموضوع دة فانا بصراحه ببقى متحفظ جدا انى اكتب اسم دكتور كورس على المنتدى

بس عموما اللى اعرفه فى الاطفال دكتور شريف رفعت اللى كان بيدى فارما بردة لكن بصراحه مش اعرف اى تفاصيل تانيه

[دكتور المنصورة]

المشاركة الأصلية كتبت بواسطة dr.penicillin

حياكم الله
سورى يا دكاتره
for delay

انا راوند جلديه كارديو مجموعه
2b
الجلديه كانت ماشيه كويسه والحالات حلوه بس فى دكتور كده ربنا يسهل له بقى دخل لنا وهاتك يا اسئله
وطلعنى على حاله
وايه بقى عاوز يعرف منى كل حاجه
فاكرنى حاوى واحنا لسه تالت يوم فى الراوند
المهم قلت له اللى فيه النصيب وبصيته بقرف كده وقالى طب اتفضل
بس روقته احلى روقان هحرمه يطلعنى تانى
مجموعتى بتروح العيادات الخارجيه اللى فى جيهان تحت الانف والاذن بالظبط
الجلديه حلوه وحالاتها بتتكرر
احنا شوفنا
pitryasis versicolor
warts
tinea capitis
molluscum cotagiosum
planter wart
vetiligo
عارف فيهم شويه والباقى ابيض يا ورد
بس هم بيركزوا على الحالات اوى
مفيش شرح منهج
اللى قدامهم متاح من الحالات بيشرحوه
يعنى مش ملتزمين بترتيب منهج
الكارديو بقى
حاجه كده استغفر الله العظيم
بدايه مبشره
دخلنا دكتور اول يوم خلص ييجى نص الكارديو
كان جبار الباشا
والتانى بتاع تانى يوم
ربنا يسهلهم جميعا
مبطلتش ضحك فى الراوند لا وايه كنت قاعد فى وشه فى اول بنش قال ايه هفهم يعنى
واول ما يضير وشه انزل تحت البنش واقعد اضحك انا واللى جمبى
بس وربنا كان غصب عنى
ده فظيع
بيفكرنى بممثل قديم كان بيعمل مسرحيات بس كويس انى مش فاكر اسم الممشل علشان مش اكرهه
يوم الحالات ولا شوفنا اى حاجه معامله مقرفه وناس ربنا يهديهم
لا تقسم ولا عيانين ولا دكاتره
وبيقولى شوف المرمر
يا عم اجرى بلا مرمر بلا نيله
ومش عاوزيين ياخدوا غيابنا الا لما دكتور ايمن ييجى
فضلنا قاعدين لحد الضهر وبعدين اطلقوا سراحنا
بدايه مش مبشره بالمره ربنا يستر بقى فى الكارديو
ياريت يا جماعه اللى فى مجمعتنا
a or b
يقول على نظام المزاكره ومنين ولو ينفع نحضر مع مجموعه a
فى المستشفى بدل التهريج ده
وشكرا
واسف على الاطاله

كل دة وفى الاخر بتجيبوا امتياز وياريت بينفع معاكم قر ( ابتسامه)


اهلا يا خويا شرفت

وبطل ضحك فى الروند انت واللى جنبك

وعلينا بردة تلاقيك طلعت شرحت الدرس كله للطلبه

[Dr.penicillin]

المشاركة الأصلية كتبت بواسطة دكتور المنصورة

كل دة وفى الاخر بتجيبوا امتياز وياريت بينفع معاكم قر ( ابتسامه)


اهلا يا خويا شرفت

وبطل ضحك فى الروند انت واللى جنبك

وعلينا بردة تلاقيك طلعت شرحت الدرس كله للطلبه

الله اكبر
قل اعوذ برب الفلق
على اساس انك بتطلع كل سنه بمادتين

الحق اهرب بقى من المنتدى احسن لك

ومش هبطل ضحك
ده انا هعمل له قرد لو دخل لنا تانى

عيب عليك يا وليد
ده انا وقفت جمب العيان زى ما اكون ابن خالته
وبرده قعدت ابص للدكتور بارف
انه يتخنق منى ويدخلنى بس لا
عاندنى
وسالنى كتير

[mans.doctor]

السلام عليكم
النهاردة 16-10
محاضرة الجلدية الصبح كانت andrology و اخدنا فيها introduction of male genital system & infertility
الروند كارديو مجموعة ب 1 دخل دكتور محترم اوي الصراحة كبير ف السن ربنا يكرمه اول مرة حد عدل يدخل عندنا من اول الروند دا شرح ال auscultation كله
و قال ان يوم الاتنين الجاي ان شاء الله هيبقى عندنا شغل ف مستشفي الباطنة التخصصي و لازم كل واحد يجي بسماعته اللي هيتعود عليها و الصراحة مش عاجبه النظام اللي شغالين بيه دا و بيقولنا اما نشوف هيطلع ايه النظام دا واثق انه مش هيطلع دكاترة اللي هو احنا يعني و شايف ان النظام القديم طبعا افضل بكتير و الطالب بيستفاد فيه اكتر
المهم يعني ان دا اللي حصل
و السلام عليكم

[دكتور المنصورة]

النهاردة فى روند النيرو خلصنا الcranial nerves الدكتور كان ممتاز بس للاسف دخلت متاخر شويه وكمان الدنيا كانت زحمه والروند بتاعنا كبير جدا عشان الماليزين وكنت قاعد ورا مش شايف ولا سامع والدنيا كانت حر

ودخلنا بعد كدة دكتور شرح ال crebellum هوا ممتاز بس مقلش ولا كلمه عربى غير سلامو عليكو اما خلص

وكان معاه فيدوهات ممتازة لعينانين من المستشفى بس عشان احنا الروند بتاعنا محظوظ دايما البطريه بتاع الاب فصلت