آخر المشاركات
         :: I am the new guy (آخر رد :StellLane)      :: I am the new one (آخر رد :StellaLack)      :: Just want to say Hi. (آخر رد :MauraLange)      :: I am the new one (آخر رد :EugenioCos)      :: I am the new one (آخر رد :GallardAva)      :: I am the new one (آخر رد :CarsonTayla)      :: I am the new guy (آخر رد :NorbertoEp)      :: Just want to say Hi. (آخر رد :ElissaGarc)      :: مكتبة برامج اسطورية بأخر اصدارات البرامج مع الكراكات و الصور و الشرح المفصل و الكثير (آخر رد :محمدعطية)      :: I am the new guy (آخر رد :PrestonBuc)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > الأطباء بعد التخرج Postgraduate doctors > ° الــدراســات الــعــلـيـا ° > الزمالـة البريطانية

الزمالـة البريطانية Membership of Royal College

إضافة رد
 
أدوات الموضوع انواع عرض الموضوع
قديم 04-18-2009, 08:07 PM   #1
vampire106
عضو جديد
 
تاريخ التسجيل: Apr 2009
العمر: 34
المشاركات: 1
افتراضي كل مايهمك عن الزمالة البريطانية

كل الدكاترة بعد الكلية بيفكروا هيكملو ازاي حياتهم شريحة كبيرة منا بتفكر في التقديم لامتحان الزمالة البريطانية دورت شوية ولقيت الموضوع ده شارح الزمالة بطريقة بسيطة وفيه معظم المعلومات الي محتاجينها

الموضوع منقول من الزميل sohaib_sمن منتدى مداد للاهمية




الزماله البريطانيه

الزماله البريطانيه تعتبر اكتر مشوار طبي بيدخله الاطباء المصريين بعد الماجستير المصري, بسبب تسهيلاتها الكثيره ومميزاتها عن غيرها واللي حنذكرها بالتفصيل في الموضوع ده



طب يعني ايه زماله اصلا؟ وهل فيه فرق بين ال Membership & fellowship?

زماله معناها عضويه في جمعيه اسمها الجمعيه الملكيه للاطباء البريطانيين, والعضويه دي بتديك امتيازات منها اشتراكات في مجلات علميه ومواقع انترنت في مقابل ضئيل جدا (حوالي 100 استرليني في السنه) لكن طبعا الميزه الكبيره في الموضوع هي قوة الشهاده نفسها كشهاده بريطانيه معترف بيها عالميا .
ومفيش فرق بين ال Membership وال fellowship , ببساطه شديده انت بتاخد عضويه الأول اللي هي ال Membership وبعد 6 الى 8 سنين من العضويه بتاخد الزماله او ال Fellowship , وتفرق ال fellowship عن ال membership انها منصب شرفي بتاخده بيديلك الحق انك تبقى ممتحن للناس اللي بتقدم على الزماله , يعني مجرد منصب شرفي بس طبعا أكيد بيزيد من قيمة الشهاده


طيب ايه مميزات الزماله البريطانيه عن غيرها؟

الزماله البريطانيه تتميز عن غيرها بما يأتي
1- لا تستلزم السفر خارج مصر للحصول على الشهاده
2- شهاده قويه جدا علميا وتعادل الدكتوراه المصريه
3- تكلفتها اقل بكثير من الامريكيه والاستراليه والكنديه
4- امتحاناتها اسهل بكثير من باقي المعادلات حيث تستلزم نجاح او سقوط فقط وليس سكور كالمعادله الامريكيه
5- ممكن تقدم بيها للعمل في دول كثيره من العالم زي استراليا واللي بتقبل الحاصلين على الزماله البريطانيه بالذات



طيب ايه الفرق بين الزماله البريطانيه وال PLAB
وهل الزماله بتديني فرصه اني اسافر بريطانيا؟

الفرق بين الزماله وال
Plab هو ان ال Plab
ده امتحان هدفه انك تاخد رخصه للشغل في بريطانيا, وبالتالي الزماله على قد ما هي شهاده قويه على قد ما ميزانها في بريطانيا نفسها ميسمحلكش انك تشتغل هناك كطبيب الا لو عندك الجنسيه البريطانيه


طيب مدتها قد ايه؟ وايه انواعها ؟
مدة المعادله البريطانيه في المتوسط من 3 الى 4 سنين, وأقل بكثير في زمالة الجراحه و النسا (حوالي سنتين)
وسبب التفاوت ده هو التالي:
ان من شروط التقدم لامتحان زمالة الباطنه هو مرور 12 شهر كطبيب في مستشفى تعليمي (يعني فترة الامتياز)
وتزيد في الأطفال لتصل الى 18 شهرا
لكن في الجراحه والنسا الشرط ده مش موجود فبالتالي معظم الناس بيقدموا على امتحان الجزء الاول جراحه او نسا في امتياز

زمالات المعادله البريطانيه كالتالي
MRCP زمالة الباطنه
RCPCH زمالة الاطفال
MRCS زمالة الجراحه
MRCOG زمالة النسا
RCOpth زمالة الرمد
RCPath زمالة التحاليل
RCOPsych زمالة النفسي
RCR زمالة الاشعه

مع ملحوظة ان آخر 4 زمالات
اماكن امتحانات الجزء الثاني موجوده في بريطانيا فقط لحد الآن


وحاليا بيناقشوا ادخال زمالتين جدد, لسه مبدأوش واحتمال يبدأوا من السنه الجايه ان شاء الله, لكن للاحاطه بالعلم, الجمعيه الملكيه بتاخد وقت طويل في مناقشة اي قرار جديد قبل تنفيذه, و الزمالتين الجداد هما
دبلومة Head & Neck Surgery
زمالة العظام



كام ممكن تكلف الزمالة البريطانيه من أولها لآخرها؟
تكلفة الزماله البريطانيه بتختلف من زماله للتانيه, وطبعا بتفرق اذا كان مكان امتحان الزماله موجود في مصر او لأ

لكن المتوسط هو 22 الف جنيه مصري

تتقسم كالتالي
الجزء الأول (أكاديمي) : 5500
الجزء الثاني( كلينيكال نظري) : 5500
الجزء الثالث (كلينيكال عملي) : 11000


ايه خطوات التقديم للزماله؟
اول شئ لازم تستوفي شرط الخبره لو طلبوها (زي الباطنه والاطفال) وبعد كده تروح للعناوين التاليه لكل زماله

زمالة الكلية الملكية البريطانية –أطفال-
لجنة التعليم الطبى المستمر
42 شارع القصر العينى -دار الحكمة
هاتف مباشر: 27958405\ 27963685
فاكس: 27962751\27958405


زمالة الكلية الملكية البريطانية –باطنة
لجنة التعليم الطبى المستمر
42 شارع القصر العينى -دار الحكمة
هاتف مباشر: 27958405\ 27963685
فاكس: 27962751\27958405




زمالة الكلية الملكية البريطانية –نساء وتوليد-
القاهرة – 40 شارع طاعت حرب- وسط البلد
مكتب : 25755869 فاكس : 5754271 2
أ.د/ عمر الشلقانى


زمالة كلية الجراحين الملكية – بانجلتر
192شارع النيل بالعجوزة
تليفون : 3031514 , 3001872
فاكس : 3443076
أ. هالة محمد " مسئولة الامتحانات بالمركز"
فرع التدريب بادارة الخدمات الطبية العسكرية بكوبرى القبة

زمالة الكلية الملكية البريطانية –الرمد
القاهرة –إدارة الخدمات الطبية- شارع الخليفة المامون – كوبرى القبة
هاتف-2603860 من 9 صباحاً إلى 2 ظهراً
The Royal College Of Ophthalmologists of England
17 Corn wall Terrace , LONDAN NW 1 40 QW
Tel : 01719350702 FAX: 01719359838


كل مركز مختص من العناوين اللي فوق بالزماله بتاعته بيحاول يوفرلك كل التسهيلات للزماله من كتب وكورسات و curriculum وبيتابعك لحد ما تنجح في كل الامتحانات باذن الله

وطبعا يوجد كورسات خارجيه وكتب للزماله متوفره بمكتبات القصر العيني



ايه نسبة النجاح في الامتحانات؟ وهل ممكن أعيد الامتحان اذا رسبت ولا لأ؟
نسبة النجاح في الامتحان تختلف بحسب الامتحان نفسه ومستوى المتقدمين فيه
يعني : لو كل المتقدمين للامتحان في مصر حصلوا على نسبه عاليه يبقى درجة النجاح حتبقى عاليه وبالتالي عدد الناجحين حيقل
والعكس صحيح

ويقال (من مصادر غير رسميه) ان النجاح في الامتحان من مصر صعب نسبيا مقارنة بنفس الامتحان ولكن من بريطانيا, لان المتقدمين للامتحان في بريطانيا درجاتهم اقل من المتقدمين للامتحان في مصر وبالتالي درجة النجاح أقل, عشان كده كثير من ناجحي الزماله البريطانيه بينصحوا انك تمتحن امتحانات الزماله في بريطانيا لو قدرت لأن الامتحان حيكون اسهل بالنسبالك في جو المنافسه الضعيف في بريطانيا مقارنة بمصر

في سنة 2007 كانت نسب النجاح كالتالي في زمالة الباطنه والأطفال (النسب منقوله من نقابة الاطباء)
الجزء الأول: 40% من عدد المتقدمين
الجزء الثاني: 60% من عدد المتقدمين
الجزء الثالث: 40% من عدد المتقدمين

وده مش معناه ان الامتحانات صعبه , ولا معناه برضه ان الامتحانات سهله, معناه ببساطه شديده ان الزماله البريطانيه زي غيرها محتاجه مذاكره بجديه, ولو ذاكرت بجديه حتنجح بسهوله ان شاء الله
واذا رسبت في اي امتحان بامكانك انك تعيده ولو عشرين مره بس طبعا بتدفع المبلغ بتاعه في كل مره بتعيد فيها الامتحان



ايه موضوع الخبره العمليه في امتحان الكلينيكال العملي؟ وكيف أحصل عليها؟
الخبره العمليه في امتحانات الكلينيكال دي مطلوبه أكتر في امتحانات الباطنه والأطفال اكثر من امتحانات الجراحه والنسا, والخبره دي بتسهل عليك مذاكرتك للامتحان وبتزيد من فرصة انك تنجح في الامتحان من أول مره
عشان تحصل على الخبره العمليه بامكانك انك تلتحق بالكورسات اللي بتوفرها النقابه, او الكورسات الخارجبه

لكن أحسن طريق واللي ينصح بيه معظم الناجحين في الزماله هو : النائب الزائر

وببساطه شديده النائب الزائر بيستلزم منك تقديم استقالتك من وزارة الصحه والالتحاق بأي مستشفى تختارها لمدة سنه او اتنين في مقابل مبلغ رمزي (حوالي 200 جنيه) بتدفعه ليهم
وطبعا الخبره العمليه الكافيه للنجاح من امتحان الكلينيكال العملي بتاخدها بسهوله جدا اذا كنت نايب زائر لمدة سنه الى سنتين



يعني ايه الزماله بتعادل الدكتوراه المصريه ؟

اي ممتحن بياخد أي زماله بريطانيه بيحصل على الآتي

1- يحصل على درجة أخصائي من النقابه
2- يحصل على درجة استشاري بعد 5 سنين من حصوله على الزماله
3- بيحصل على دكتوراه ناقصه مناقشة رساله فقط, يعني يستلزمه مناقشة الرساله فقط للحصول على الدكتوراه دون اي امتحانات
4- بيحصل على ال Fellowship بعد 6 الى 8 سنين على الأكثر



ايه عيوب الزماله البريطانيه؟
عيوب الزماله البريطانيه تتلخص في الآتي
1- طولها بالنسبه لباقي المعادلات (من 3 الى 4 سنين)
2- لا تسمح ليك بالسفر لبريطانيا للعمل
3- في أول الموضوع, الشهاده تعطيك مالا ولكن لا تعطيك علما, يعني مش بتديك خبره عمليه زي الامريكيه مثلا, ولكن الخبره دي بتكتسبها بعد كده بالممارسه



ايه اهم الكتب اللي ممكن اذاكر منها للزمالات المختلفه؟

يفضل انك ترجع لاماكن التسجيل الرئيسيه للزمالات لأنهم أكيد عندهم فكره بالمنهج ومصادره اكتر من أي حد وبصوره متجدده لكل سنه

في اللينك ده في قايمة باسم الكتب المطلوبه في امتحان
الباطنه والأطفال و النسا والجراحه
british fellowship
باقي التخصصات الكتب بتاعتها متواجده في مقر التسجيل بتاعها


يا تري بالنسبه للباطنه فيه تخصص بعد كده ولا باطنه عامه وبس؟

لأ فيه تخصصات جديده متاحه في الباطنه ممكن تتخصص فيها بعد ما تحصل على الزماله البريطانيه للباطنه MRCP

والتخصصات دي ليها امتحان اسمه KBA (knowledge Based Assisment)

والامتحانات دي حيبدأ تطبيقها باذن الله في التخصصات التاليه في سنة 2008

Acute Medicine
Clinical Pharmacology and Therapeutics
Dermatology
Endocrinology and Diabetes
Gastroenterology
Geriatric Medicine
Infectious Diseases
Medical Oncology
Neurology
Renal Medicine
Respiratory Medicine
Rheumatology

الامتحان عباره عن اختياري من متعدد (best of five)

تكلفته 1000 يورو

اماكن الامتحان هي هي نفس اماكن امتحان ’MRCP داخل بريطانيا وخارجها

ينفع أدخل امتحان KBA من غير ما آخد شهادة MRCP? , وهل فيه أي اخباره انهم حيلغوا امتحان MRCP ويستبدلوه بامتحانات السبشيالات؟؟


لا مينفعش, لازم تخلص الزماله البريطانيه للباطنه العامه الأول وبعد كده تدخل امتحان التخصص لو حبيت
(ممكن لو اخدت 3 سنين كنايب باطنه في بريطانيا انك تدخل امتحان التخصص على طول من غير ما تمتحن mrcp)

مفيش اي خطه معلن عنها في الوقت الحالي لالغاء امتحان MRCP لأنهم بيعتبروه كأنه تخصص باطنه عامه والامتحان ده مقدس جدا عندهم

ليه مفيِش امتحان KBA لل Cardiology?

مفيش امتحان كارديولوجي لأن الكارديولوجي حاليا ليه حاله خاصه
المفروض ان الهيئه اللي حتبقى مسؤوله عن امتحاناته اسمها الجمعيه البريطانيه للقلب ودي لغاية دلوقتي مقررتش اذا كانت حتعرف تعملها ولا لأ
لذلك آخر الأخبار هي انهم حيعملوا امتحان تجريبي في شهر يونيو 2009 في بريطانيا بس حيقيموا فيه نفسهم كممتحنين !!!!!
وبعد كده حيقرروا أول معاد للامتحان الرسمي لأول KBA في الكارديولوجي (لو التجربه نجحت طبعا وده أملنا ان شاء الله)



وأي معلومات جديده ستضاف هنا باذن الله
__________________
كم عشت أسأل‏ أين وجه بلادي
أين النخيل وأيـن دفء الــوادي
لاشيء يبدو في السمـــاء أمـامنـا
غير الظـلام وصــورة الجــلاد

هذي بلاد لم تعد كبلادي
فاروق جويدة
vampire106 غير متواجد حالياً   رد مع اقتباس
قديم 04-19-2009, 03:34 AM   #2
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 35
المشاركات: 2,692
افتراضي رد: كل مايهمك عن الزمالة البريطانية

جزاكم الله خيرا

موضوع مفيد جداا
د أحمد سمير غير متواجد حالياً   رد مع اقتباس
قديم 04-30-2009, 09:51 AM   #3
blackhorse_86
عضو جديد
 
الصورة الرمزية blackhorse_86
 
تاريخ التسجيل: Mar 2009
المشاركات: 49
Smile رد: كل مايهمك عن الزمالة البريطانية

thanxxxxxxxxxxx


نقرتين لعرض الصورة في صفحة مستقلة
blackhorse_86 غير متواجد حالياً   رد مع اقتباس
قديم 05-02-2009, 02:38 AM   #4
lucky doctor
HEART OF THE OCEAN
 
الصورة الرمزية lucky doctor
 
تاريخ التسجيل: Mar 2009
العمر: 31
المشاركات: 940
افتراضي رد: كل مايهمك عن الزمالة البريطانية

بصراحة الموضوع رااااااااااااااااااااائع جدااااااااااااا
lucky doctor غير متواجد حالياً   رد مع اقتباس
قديم 05-06-2009, 10:35 PM   #5
د/محمد عزت
Banned
 
تاريخ التسجيل: Feb 2009
العمر: 35
المشاركات: 2,010
افتراضي رد: كل مايهمك عن الزمالة البريطانية

جزاكم الله خيرا على المعلومات دى بس الفلوسة كتيرة
اقتباس:
لكن المتوسط هو 22 الف جنيه مصري

تتقسم كالتالي
الجزء الأول (أكاديمي) : 5500
الجزء الثاني( كلينيكال نظري) : 5500
الجزء الثالث (كلينيكال عملي) : 11000
ده أنا لو معايا الفلوس دى أقعد فى البيت يا عم هههههههه
د/محمد عزت غير متواجد حالياً   رد مع اقتباس
قديم 06-22-2009, 10:45 AM   #6
د/ أحـمـد سـليمان
استَعِينُوا بِاللّهِ وَاصبِروا
Allteb
 
الصورة الرمزية د/ أحـمـد سـليمان
 
تاريخ التسجيل: Jan 2009
العمر: 35
المشاركات: 5,328
افتراضي رد: كل مايهمك عن الزمالة البريطانية

شكرا جزيلا على المعلومات القيمة
و في إنتظار المزيد
__________________
Nephrology
Long Journey
د/ أحـمـد سـليمان غير متواجد حالياً   رد مع اقتباس
قديم 08-08-2009, 05:29 PM   #7
عمود الاسلام
عضو جديد
 
تاريخ التسجيل: Jul 2009
العمر: 31
المشاركات: 1
افتراضي رد: كل مايهمك عن الزمالة البريطانية

السلام عليكم


شكرا يا دكتور على موضوعك الجميل و المهم جددددددددددددددا


بس حابب اسألك سؤال
هل الخبرة شرط لدخول الجزء الثالث من زمالة الباطنة؟
أم لمجرد الحصول على الخبرة لاجتياز الامتحان

لأن هذا السؤال لم أجد له جواب في جميع المنتديات التي دخلتها

الرجاء الرد للأهمية

و لك جزيل الشكر

سلام
عمود الاسلام غير متواجد حالياً   رد مع اقتباس
قديم 08-10-2009, 08:49 PM   #8
heshammm
عضو جديد
 
تاريخ التسجيل: Apr 2009
العمر: 37
المشاركات: 1
افتراضي Re: كل مايهمك عن الزمالة البريطانية

شـكــ وبارك الله فيك ـــرا لك ... لك مني أجمل تحية .
heshammm غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 02:19 PM.


Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar