 آخر المشاركات |
| |||||||
| ° أطباء التكليف و النواب ° أستراحة خاصة بالزملاء في رحلة الكفاح |
 |
| | أدوات الموضوع | انواع عرض الموضوع |
 04-24-2013, 11:43 PM | #1 |
| مدير المنتدي   تاريخ التسجيل: Jan 2009 المشاركات: 4,777 | .gif){kind=icon} يوميات طبيب تكليف السلام عليكم ورحمة الله وبركاته كيفكم يا زملاء الكفاح في التكليف أخبار الوحدات معاكم إيه والتطعيمات أخبارها إيه وجلسات الحوامل وإداريات الوحدة حقيقة كثرت الأقاويل قبل الاستلام وأخذنا جميع ذلك الانطباع السئ عن الوحدات واصبح بداخلنا انطباع سئ وأن ما قادم سئ هكذا هو الحال بنا كما كنا في أيام الكلية تجد من يقول لك قبل المحاضرة الدكتور ده شرحه مش كويس فتاخد انطباع ميبق وبالتالي تدخل وانت غير منتبه ومش تركز هذا هو طبعنا كمصريين المهم أحببت أن أكون مختلفا قبل استلامي بيوم في الوحدة ذهبت إليها بعد معاناة بالطبع فوجدتها وحدة منشئة حديثا من 2002 بها 3 غرف للكشف وسكن للأطباء وبها جهاز سونار المهم عرفت من الطبيبة السابقة لي إن الاقبال بيكون أيام ما يكون فيه دواء وسألتها عن نظام الوحدة ونظام الاداريات اللي كله بيشتكي منها انا طبيب ثاني واتفقنا نقسم الشغل كل واحد ليه 3 أيام المهم جيت تاني يوم واستلمت وبدأت ممارسة عملي طبيب أقوم بالكشف علي الحالات لأن من حظي أنه يوجد دواء والناس تأتي وأخبرت التمريض إني مدرب علي جهاز أشعة تليفزيونية وتقدر تحجز لأي حالة وبيكون ب 5 جنيه المهم الحمد لله بدأت الناس تيجي علي سمعتي -بفضل الله وكرمه - وعملت حتي الان من استلامي 5 حالات سونار للعلم جهاز السونار من 2007 ولم يستعمل حتي اليوم وأنا لي الشرف غني أستعمله ما أقصده وما يجب عليكم هو أن تثبتوا أنفسكم كأطباء عن طريق مهاراتكم وحسن تعاملكم مع المرضي وأهم شئ حسن التعامل واذكروا قول النبي (( الدين المعاملة )) وقوله (( أقربكم مني مجلسي يوم القيامة أحسانكم أخلاقا )) نيجي للإداريات انا شايف إن الناس كبرت الموضوع وكمان خوفت نفسها وأخدت انطباع سئ أنا في يومي بكون طبيب الوحدة وقائم مكان الطبيب الأول عملت نظام بأحضر في أيامي بانتظام وبأروح بدري علي قدر الإمكان ببسأل مين موجود ومين مش موجود حسيت من أول يوم إن فيه استهتار شوية والدكتور بمعني أصح مدلعاهم شويتين فسبتهم يومين وبدأت ألمحلهم في الكلام فين الدكتورة الصيدلانية .. دي مشيت يا دكتور .. طب مش كان المفرزوض الاستئذان يا جماعة ينفع كده نسيت أقولكم عن كلام الدكتورة لي بخصوص الاداريات -- أذونات العمال : لكل عامل إذنين في الشهر اسمه اذن ساعتين من الساعة 12 ظهر ل 2 ظهرا ولازم يتسجل في الدفتر ..خلوا بالكم إن فيه ناس بتاخد الأذونات ومش بتسجلها فلو جه تفتيش يروحوا يسجلوها فأنا عودتهم أي حد جاي ياخد اذن اقوله هاتلي الدفتر واشوف هل أخد اذونات سابقة ولا لا؟ -- الوفيات : أي حالة وفاة من عمر 40 يوم لعمر 40 سنة لازم تشوفها فوق الأربعين غالبا هيكون هناك سبب واضح هتعرفه من المسئول عن الموضوع ده في الوحدة ومن تمريض الوحدة أي حالة تشك فيها اطلب البوليس وكلم مدير الإدارة -- قبل ما تمضي علي اي حاجة اقراها الأول واستفسر منهم عن كل حاجة لكن مش تظهر بمظهر إنك جاهل بالموضوع لا استفسر وافهم يعني مثلا انا عملت 5 حالات سونار وهم بيبعتوا التقييم لقيتهم كاتبين في الورقة اللي المفروض امضي عليها ولا حالة سونار انا قرأت الورقة وقلتلها امال فين حالات السونار بتاعتنا فاتأسفت وعدلتها يعني لازم تكون مصحصح الموضوع بسيط بس احنا معقدينه ومكبرين الدنيا اتعودوا تقراوا وتسألوا وخد تليفون مدير الإدارة واستفسر منه شد عليهم في الحضور والانصراف لكن بذكاء مثلا انا يومي الخميس .. بعد لما كشفت هاتولي دفتر الحضور والانصراف جابوه سألت فين الدكتورة الصيدلانية قالوا مش بتيجي الخميس؟؟؟؟ قلتل ازاي يعني قالولي إنها متجوزة ومخلفة ووو فقلت انا هعدي اليوم ده لكن بلغوا الدكتورة تنتظم وطالما أنا باحضر فالكل لازم يحضر وشديت عليهم في الكلام المهم الدكتور جات الأسبوع اللي بعدها وتقولي ينفع يادكتور محمد كنت عايز تشطب علي فقلتلها يادكتورة انا مش أرضي أشطب لكن طالما أنا موجود فلازم الكل يكون موجود ودلوقتي لو حضرتك مش موجودة وايجه تفتيش مين هيتضر أكيد انتي المهم تقبلت الموضوع وقالت إن شاء الله هأنتظم وهكذا بينلهم إنك فاهم كل حاجة ومسيطر وشد عليهم لكن بأدب وتكون انت ملتزم مش بتحضر يوم بالعافية ومتأخر وفي الاخر تشد عليهم مانت غلطان وإلي لقاء في يوميات أخري د محمد بركات __________________ الحمد لله الذي بنعمته تتم الصالحات  we were learning Medicine under supervision of Doctors Now we Are Doctors it is hard to feel that a life of person related to your Decision so , please don't hesitate to ask and learn |
 |  |
| 04-25-2013, 12:08 AM | #2 |
| مدير المنتدي تاريخ التسجيل: Jan 2009 المشاركات: 4,777 |  رد: يوميات طبيب تكليف ياريت ألاقي مشاركات تشجيعية بحيث أقدر أفيدكم أكتر واكتر --------------------------------------------------------------- المفروض إن لينا نسبة من دخل الوحدةلينا 48% نصفهم لأطباء الوحدة ونصفهم الباقي يتوزع علي بقية العمال في الوحدة وباتالي لازم نزود دخل الوحدة يعني أي حد داخل يسأل الدكتور يقطع تذكر أي حد عايز يقيس الضغط يقطع تذكرة بعد الساعة 12 تذكرة علاج اقتصادي ب 3 جنيه لعمل تحليل أنيميا يتم قطع تذكرة ب 3 جنيه (( الهيموجلوبين )) عمل سونار ب 5 جنيه لازم تزودوا دخل الوحدة وده بشطارتكم وأسلوبكم مع الناس يعني مثلا جاتلي حالة المرة اللي فاتت وعايز ة تسأل عن حاجة لأبنها فقلتلها طب ما تقطعي تذكرة بحيث لو فيه علاج نديكي فقعدت تدعيلي وراجت قطعتها إلي لقاء آخر ومنتظر مشاركاتكم __________________ الحمد لله الذي بنعمته تتم الصالحات we were learning Medicine under supervision of Doctors Now we Are Doctors it is hard to feel that a life of person related to your Decision so , please don't hesitate to ask and learn |
| | |
| 04-25-2013, 12:36 AM | #3 |
| Genetic Mind  تاريخ التسجيل: Jan 2009 العمر: 35 المشاركات: 376 | رد: يوميات طبيب تكليف شكراً يا دكتور على الإفادة .. الموضوع مهم جداً ،، كان عندي استفسار عن العلاج الاقتصادي ... احنا بعد الساعة 12 الضهر .. مش بنقطع تذاكر .. وكل الحاجات بتبقى مجانية زي الغيار على الجرح وكدة ،، فهل ده أصلاً قانوني ولا هما بيستسهلوا ميجيبوش حد يبقى مسئول عن التذاكر في النبوتجية ؟ وشكراً جزيلاً .. __________________ نستغفرك اللهم ونتوب إليك |
| | |
| 04-25-2013, 12:36 AM | #4 |
| مدير المنتدي تاريخ التسجيل: Jan 2009 المشاركات: 4,777 | رد: يوميات طبيب تكليف بخصوص الفلوووووووووووووووووس سألت الطبيبة اللي قبلي عن المرتب فقالتلي الإجمالي بيكون 850 ده غير التقييم اللي بيجيلك علي أساس النبطشيات لعند الساعة 8 وبنمشيها لعند 5 عصرا بيكون 550 جنيه يعني لو واخد تقييمك هيكون مرتبك كله 1400 تقريبا __________________ الحمد لله الذي بنعمته تتم الصالحات we were learning Medicine under supervision of Doctors Now we Are Doctors it is hard to feel that a life of person related to your Decision so , please don't hesitate to ask and learn |
| | |
| 04-25-2013, 12:39 AM | #5 | |
| مدير المنتدي تاريخ التسجيل: Jan 2009 المشاركات: 4,777 | رد: يوميات طبيب تكليف اقتباس:
تذاكر علاج اقتصادي لعند الساعة2 ظهرا والتذكرة ب 3 جنيه لتحسين الخدمة ودي مش بيتصرف عليها علاج مجاني فيه بعض الوحدات فيها علاج اقتصادي وبيتصرف بتمنه بعد الساعة 2 ظهرا تقدري تشغلي الوحدة علي حسابك ممكن الكشف يكون ب 10 جنيه مثلا وظبطي التمريض اللي معاكي بالتوفيق __________________ الحمد لله الذي بنعمته تتم الصالحات we were learning Medicine under supervision of Doctors Now we Are Doctors it is hard to feel that a life of person related to your Decision so , please don't hesitate to ask and learn | |
| | |
| 04-25-2013, 04:43 AM | #6 | |
| عـــودةٌ إلــــــى الأصــــــل   تاريخ التسجيل: Jan 2010 العمر: 35 المشاركات: 3,882 | رد: يوميات طبيب تكليف اقتباس:
وده مكتوب على ظهر التذكرة ______________________ صراحة قياس الضغط مابقطعش عليه تذكرة ولو مصرفتش دوا من الوحدة مبقطعش تذكرة لان اللي هيجي الوحدة ليك او للي معاك من تمن التذاكر ملاليم لاتذكر والباقي بياخدوه الكبار اللي فوق فالناس الغلابة اولى دي وجهة نظري في انتظار مغامراتك ويومياتك المتميزة يامحمد ربنا يوفقك __________________ http://www.albasira.net http://www.al-heweny.com اللهم اشف عبدكـ حجازي بن محمد شريف شفاءا لا يغادر سقما | |
| | |
| 04-25-2013, 09:44 PM | #7 | |
| مدير المنتدي تاريخ التسجيل: Jan 2009 المشاركات: 4,777 | رد: يوميات طبيب تكليف اقتباس:
لأنه لما يكون فيه فلوس في الوحدة هيكون فيه اهتمام وهتيجي أدوية وأصلبا الدواء مش هيطلع إلا علي تذكرة فالمريض مستفيد وبعدين تمن التوكتوك للمستشفي هياخدله علي الأقل 5 جنيه لكن أنا بوفر عليه كشف وعلاج وبأفيد الوحدة ونفسي وبفيد البلد __________________ الحمد لله الذي بنعمته تتم الصالحات we were learning Medicine under supervision of Doctors Now we Are Doctors it is hard to feel that a life of person related to your Decision so , please don't hesitate to ask and learn | |
| | |
| 04-29-2013, 02:38 PM | #8 |
| مدير المنتدي تاريخ التسجيل: Jan 2009 المشاركات: 4,777 | رد: يوميات طبيب تكليف السلام عليكم أخبار الدنيا معاكم إيه في الوحدة الصحية من يومين جاتلي موظفة المخازن ومعاها يجي 25 ورقة محتاجة تمضيهم فسألتها إيه الورق ده (( من مبدأ لازم تعرف كل حاجة )) فقالتلي ده ورق طلبيات الدفاتر لأننا خلاص بنشطب دفاتر فقلتلها ليه مش كتبتي الدفاتر اللي انتي محتاجاهم؟ قالتلي لا احنا بنروح المديرية وبنملاها هناك علي حسب اللي موجود عندهم فقلتلها ماشي طيب قلتلها ليه الورق الكتير ده قالتلي ماهو فيه أصل و 3 صور قلتلها تمام بس الورق ده يجيله 20 ورقة قالتلي ماحضرتك بنمضيي أكتر من طلبية في نفس الوقت بحيث بعد كده مش اتعب حضرتك معاي وووو قلتلها لا انا همضيلك طلبية واحدة او اتنين بالكتير غير كده لما تحتاجي تاني انا موجود قالتلي يادكتور مش تخاف الدنيا امان قلتلها مفيش مشاكل وانا موجود بانتظام وفعلا مضيتلها طلبيتين فقط عودوا نفسكوا مش تخلوا حد يجبركم هلي عمل معين احسبها الألو واسأل ومش تتكسف بالتوفيق __________________ الحمد لله الذي بنعمته تتم الصالحات we were learning Medicine under supervision of Doctors Now we Are Doctors it is hard to feel that a life of person related to your Decision so , please don't hesitate to ask and learn |
| | |
|
« الموضوع السابق | الموضوع التالي »
| أدوات الموضوع | |
| انواع عرض الموضوع | |
العرض العادي
| |
الساعة الآن 05:01 AM.