آخر المشاركات
         :: I am the new guy (آخر رد :SidneyMill)      :: Free MP3 Cutter (آخر رد :StacyMate8)      :: I am the new guy (آخر رد :DonteSalle)      :: Just wanted to say Hi. (آخر رد :DanaeMcKel)      :: I am the new one (آخر رد :Houston71E)      :: Just wanted to say Hi! (آخر رد :HassieQuil)      :: I am the new guy (آخر رد :TarenHerrm)      :: MP3 Editor Online (آخر رد :StacyMate8)      :: I am the new one (آخر رد :Kay13S8060)      :: I am the new guy (آخر رد :DonteSalle)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > نحو الجنة > من القلـ♥ــب للقلـ♥ــب

إضافة رد
 
أدوات الموضوع انواع عرض الموضوع
قديم 02-06-2012, 09:14 PM   #1
ريناد
كان لنا هنا .. وطن :)
Allteb
 
الصورة الرمزية ريناد
 
تاريخ التسجيل: Oct 2010
العمر: 30
المشاركات: 1,719
افتراضي تحت التراب مقاييس تانية خااااالص


نقرتين لعرض الصورة في صفحة مستقلة


لا يحميه تحت التراب مقاييس تانية خااااااااااااااااااالص

مقايس تانية خالص

كل واحد جاى بشهادات قد كدة

انت معاك ايه ... معايا فلوس

استخدمتها فى طاعة ربنا.....لا.....يبقى صفر

وانت معايا دكتوراة من كمبردج استخدمتها فى طاعة ربنا .... لا ... يبقى صفر
وانت معايا دكتوراة كولتى منج منت من الجامعه الامريكية

استعملتها فى طاعة ربنا .....لا ....يبقى صفر

وانت كان فى نسور وسيوف ونجوم على اكتافى

استخدمتها فى طاعة ربنا وخدمة الناس ....لا دا انا كنت برعبهم....يبقى صفر

وانت انا كنت استاذ جامعه برتبة وزير

وانا كنت وزير بحق وحقيقى

استخدمت الكرسى فى طاعة ربنا ......لا ....يبقى صفر

وانت انا كان معايا فلوس كتييييييير دا انا لو كنت اخدت فلوسى وسبت البلد

كان اقتصاد البلد اتهز

استخدمتها فى طاعة ربنا واطعام الفقراء ونصرة الدعوه ودعوة غير المسلمين

للاسلام فى العالم ......لا ....يبقى صفر

وانت انا كان معايا فلوس بسلف الحكومة لما تتزنق

استخدمتها فى طاعة ربنا .....لا .... يبقى صفر

وانت كان معايا معادلة امريكية

وانا كان معايا زمالة كلية الجراحيين الملكية

وانا كان معايا زمالة اكسفور

وانا كان معايا ........

استخدمتوها فى طاعة ربنا ....لا... يبقى صفر

كل حاجة مستخدمتوهاش فى طاعة ربنا تحت التراب تبقى صفر

صفر ياجماعه

نقرتين لعرض الصورة في صفحة مستقلة


مقاييس تانية ياجماعه

مقاييس تانية خااااااالص

انا عايز اقولك انت هتقابل ربنا بالذنوب دى كلها ازاااااااى

انا قعدت حسبتها انهاردة

والله حساب يرعب

قعدت احسبها كدة

اكتب الذنوب اللى بنقع فيها

اكتبى

عقوق الوالدين

قطيعة الارحام....... السخرية........الغيبة ......... النميمة........

الخيانة......الكذب........ عدم غض البصر........ سماع الاغانى


كل معاصى الشباب

معاصى السر

اكتبى كل المعاصى

الرشوة .......الربا

اكتب كل المعاصى وبص كدا

انا لايمكن يوم يعدى عليا مئعش فى معصية ولو حتى واحدة من دول

لااااااااا يمكن

لو موقعتش فى عقوق الوالدين انهاردة هتوقع فى الغيبة

لو موقعتيش فى الغيبة انهاردة هتوقعى فى عدم غض البصر

لو مسمعتش اغنية حرام انهاردة ممكن........

ياجماعه طيب تخيلوا

لو انت عشت 50 او 40 سنة بعد سن البلوغ

تقابل ربنا بذنب

اضرب فى عدد ايام عمرك

تقول لربنا ايه؟؟؟

لو ذنب واحد كل يوم

ياجماعه لازم نتوب......هنتوب

هنقابل ربنا ازاى كدا


نقرتين لعرض الصورة في صفحة مستقلة


ياجماعه احد السلف كان بعد الفجر بعد طول القيام والبكاء

يقف ويقول وااااااااهولاااااااااااااا لو كان هولا واحد يارب لكفى

كيف وهى اهوال كثيرة

يعنى ايه؟؟؟

بيقول يارب لو كان سراط بس كان كفاية يارب

دا احنا نشتغل ليل نهار علشانه

يارب لو مكانش فى الاخرة غير امتحان العرض عليك كان كفاية

يارب لو مكانش فيه غير سؤال الملكين فى القبر كان كفاية

يارب لو مكانش فيه غير وزن الاعمال على الميزان كانت كفاية

يارب دا كان كفاية
يارب دا لو مكانش فيه غير جنة اللى يدخلها يا يدخلها يااما خلاص مفيش جنة
لو مكانش فيه حتى نار كان كفاية
كان كفاية لو مكانش فيه جنة لو كانت نار اللى يعصى يدخلها

واللى ميعصيش ميدخلهاش

ولكنها اهوال كثيرة

نقرتين لعرض الصورة في صفحة مستقلة

الربيع بن خثيم كان يبكى فى القيام لدرجة امه تقوله

يابنى أقتلت نفسا!!!

انت قتلت قتيل يابنى

يقولها قتلت نفسى

انا كل اغنية سمعتها طعنة فى قلبى وايمانى

انا كل بصة حرام بصتها طعنه فى قلبى وايمانى

انت كل موقع دخلت عليه طعنه فى قلبك وايمانك

انتِ كل حتة مكياج او خصلة بينتيها ولا شاب كلمتيه طعنه فى قلبك وايمانك

ياجماعه دا اللى بيشوف النار فى الرؤية بيتوب

اومال اللى يشوفها فى الحقيقة يعمل ايه



واحد من الناس نام حلم ان يوم القيامة والنار بتطير شطاط على الخلق

والناس بتصرخ وتفر وتفزع

تفزع

فهو فى اخر الرؤية

حلم ان جت شرارات منها على رجليه وبيصرخ

وصحى هو وبيصرخ

بيقول صحيت لقيت مواضع دراهم مكان الحروق دى

فعلا الحروق موجودة

تاب الى الله

دا شافها فى الحلم

اومال اللى شافها فى الحقيقة

ابن عمر لما شاف النار فى الحلم تحول الى قوام لله

قوام لله طول عمره

اومال اللى شافها فى الحقيقة

هيعمل ايه؟؟؟....وهيقول ايه؟؟؟

يااخوانى الموقف اخطرمما نتخيل

احنا مهددين

مهددين بسبب المعاصى بتاعتنا

مهددين تهديدات شديدة جدا

خد بالك

خد بالك انك متراقب

دا اللى اتهموه فى الجريمة بتاعت المغنية ولا الممثلة اللى اتقتلت فى دبى

قالوا جابوه ازاى

قالو الكاميرا لقتت ماركة القميص

فبعتوا للمصنع فى اوروبا

المصنع قالهم ال34 فرع اللى بيتعامل معاهم فى دبى

راحوا وجابوا الكود من الفيزا كارد

وقالو يبقى ممكن يكون هو فلان سبحان الله

ربنا يبرء كل من اتهم بظلم

قالوا يبقى ممكن يكون هو فلان

يعنى ايه ياجماعه

تخيل دى رقابة البشر

اومال رقابة الله

انا صوتى بيوصلكم ازاى

انا صوتى دا بيطلع فوق

وصورتى كلها وبتنزلكم من القمر الصناعى

يعنى ايه؟؟؟

يعنى تخيل البشر يقدروا يراقبوا بعض كدا

اومال رقابة الله ليك وليكِ

الرقابة الفنية بتراقب الفيلم لقطة لقطة علشان طبعا تحط الحاجات الوحشة

وتشيل الحاجات الحلوة

تخيل رقابة ربنا لقطة لقطة لحياتك

احنا مراقبين ياجماعة

انت لازم تتغير

انتِ لازم تتغيرى

مفيش مناص ياجماعه

لازم تغيير حقيقى لااااااازم


نقرتين لعرض الصورة في صفحة مستقلة


محمد الفاتح فتح القسطنطينية وعنده 22 سنة

اسامة بن زيد كان خارج يحارب الروم وعنده 17 سنة
اول كتاب البخارى الفه كان عنده 16 سنة


حزين على شباب الامة

حزين على كل بنت وشاب قاعدين فى ثانوى اوبنت وشاب فى جامعه

مش عارفين انكم كنتوا قواد جيوش

لو الايمان دخل قلوبكم هيقلبكم ابطال للامة وابطال للتاريخ

على قد الايمان ما هيدخل على قد الايمان ما هيملأ القلوب

ياجماعه قوموا

قوموا

دا انتوا احفاد ابطال اولاد ابطال

قوموا دا انتوا جدودكم عملوا امجاد فى الدنيا كلها

اتسطرت فى التاريخ كله

قوموا ياجماعه

قوموا

قوم لازم تتغير


نقرتين لعرض الصورة في صفحة مستقلة


لا انسى شاب كان بيقولى كلمة جميلة اوى

شوف مرتب حياته ازاى

انا عايزك تتعلم وعايزك تتعلمى

بيقولى انا بعد الفجر بعد جلسة الضحى واقرأ ورد القرآن

وبعد كدا ينام شوية فى الاجازة زى الايام دى كدا

وبعد الظهر يذاكر علم شرعى يعنى يكون مثلا فى معهد دعاه ولا متابع مع

شيخ ولا حد ويذاكر علم شرعى

وبعد العصر بنزل افوت على الشباب اصحابى ادعوهم

وبعد المغرب احضر درس

وبعد العشاء انام

علشان اصحى اقوم الليل

يااااااااااااااه

مين اللى يقدر يعمل كدا

سنة واحدة بس يبشر ان ربنا هيصطفيه من افضل الناس فى الارض

بعد الفجر جلسة الضحى وورد القرآن

وبعد الظهر العلم الشرعى علشان يعرف دينه (فقه الطهاره , الصلاة ,

الاحكام , العقيدة)

بعد العصر ينزل يلف على الشباب صحابه اوهى تنزل تلف على البنات

صحباتها علشان يدعوهم الى الله

بعد المغرب يحضر درس يشحن قلبه وايمانه

بعد العشاء ينام ويصحى يقوم الليل

ياجماعه فى حاجات عايز اقولهالكم

ولكن التوصية المهمة بتاعتنا دلوقتى

فى الحلقة بتاعت الليلة

التوصية المهمة

فاكرين ورقة الذنوب

انهاردة بقى اهم يوم لازم نعمل فيه ورقة الذنوب

انهاردة كشكول الذنوب

كشكول الذنوب ده لازم يتعمل

الكشكول دا هيفرق فى حياتك

انا قولتلكم ايه ياجماعه

احفظوا معايا بقى

علشان الورقة دى عايز تعملها لنفسك وتعمليها لنفسك

او الكشكول دا وتصوريها وتصوره وتوزعوها على كل اللى تعرفه

علشان نفتح ذهن الناس

انا فاكر ايام الكلية كنت اقعد عايز اعمل ورقة الذنوب مش عارف

طيب افتكر ايه......


نقرتين لعرض الصورة في صفحة مستقلة

انا بفتحلك ذهنك دلوقتى فى ذنوب على ذنوب على ذنوب

قبل ما تفاجىء بها يوم القيامة

اول حاجة اول ذنوب

ذنوب العلاقات المحرمة

العلاقات المحرمة دى ورقة وانت افتكر كل بنت كلمتها فى تليفون او فى شات

او حطيت نمرتها حرام عندك وكنت ناوى تكلمها او كلمتها فى الجامعه منك

ليها
او فى نادى او فى اى مكان

كل شاب كلمتيه فى شاتينج او تليفون او على النت او ....


الصفحة اللى بعد كدة
ظلم العباد كل مدرس كلت عليه فلوسه كل غيبه اغتبتيها كل نميمة نمتيها

كل ظن سوء ظنيته فى مخلوق

كل اتهام

كل حد ضربته , كل حد اذيته

كل حد ظلمته

كل حد افتريت عليه بمركزك واتعاليت عليه

بفلوسك ولا بمركزك

تالت صفحة

ذنوب القلب افتكر بقى ذنوب قلبك اللى هتعرض بيها على الله كل حسد

كل غيرة انت اللى عارف جوا قلبك

انتِ اللى عارفة

لازم تكتب الكلام دا دلوقتى

الذنوب اللى بعد كدا

ذنوب الفرائض كل فجر ضاع كل يوم صيام راح كل فريضة ضيعتها كل

صلاة مصلتهاش


الصفحة اللى بعدها

ذنوب عقوق الوالدين كل مرة شوحت بايدك

كل مرة كلمت ابوك بااسلوب مش حلو

كل مرة رزعت الباب وراك وخرجت

كل مرة اتشاكلت مع والدك او والدتك

اكتب

الصفحة اللى بعدها

ذنوب قطيعة الارحام كل مرة قطعت رحم من ارحامك

او اذيتهم او حاولت تاكل ورث حد منهم او ...او ....او

او اغتبتهم بالذات الارحام

يبقى ذنب قطيعة الارحام

الصفحة اللى بعد كدا

الذنوب المتعدية كل واحدة علمتيها المكياج كل واحدة علمتيها لف الطرح

كل واحدة عرفتيها موقع لف الطرح

كل واحد عرفته موقع اغانى او موقع صور سيئة

كل واحد حملتله من البليتوث او اى طريقة اغنية

كل واحدة عرفتيها على اولاد

كل واحد عرفته على بنات

كل واحد عرفته المخدرات

كل واحد عرفته سكك قرية سياحية مكنش يعرف عنها حاجة وراح عصى فيها ربنا

الذنوب المتعدية

كل دى ياجماعه اكتبوها

اكتبوها

والورقة دى بص لها

بصى ليها

وقولى كل ذنب من دول انتِ مهددة بيه

ذنب ...ذنب

عقوبة فى دنيتك

فى زواجك فى اولادك

فى صحتك فى الرزق فى النفسية

فى حب الناس ليكِ فى احبابك

فى اى حاجة

كل ذنب من دول مهددة بيه فى الدنيا

مهدد بيه فى الخاتمة انك تموت بمعصية بسببه

مهددة بيه فى الاخرة

فى كل مراحل الاخرة

مهدد بيه انك تحرم من صنف من نعيم الجنة بسببه

يبقى اذا يااخوانى الذنوب دى التهديدات بتاعت حياتنا

طب احنا عملنا الورقة دى ليه

علشان انا عايز الورقة دى

هاتها هاتها من درس على النت لو مش فاكر العناصر واكتبها اكتبها بالتفصيل

وزودو عليها وانشروها بين الشباب

علشان يعرفوا هما عملوا ايه

علشان يعرفوا هما مهددين باايه

يعرفوا التهديدات الخطيرة اللى هما فيها

طب والحل


نقرتين لعرض الصورة في صفحة مستقلة


توبة عامة وتوبة خاصة

توبة عامة

عامة ان الذنوب دى نقوم ونتوضى ونصلى توبة

ونستغفر ليل نها طول عمرنا لله

وتوبة خاصة انك تمسك ذنب ذنب من دول

اللهم انى استغفرك من تلك المعصية
اللهم تب عليا من هذا الذنب
والذنب دا تقيل لا دا انا عايز بقى توبة خاصة وضوء وركعتين توبة
والذنب دا فى حق انسان اه انا عايز بقى اروح اديله حقه
علشان اروح ادخل على ربنا نضيف وطاهر
ودى انا عملت ذنب متعدى فى حقها وعرفتها سكة الفساد يبقى هدعوها الى الله وادعيلها بالهداية
والذنب دا والذنب دا

ندخل لربنا طاهرين ونضاف ياجماعه
الذنوب دى لازم نفتكرها

ورقة الذنوب اللى قولتكم عليها
او كشكول الذنوب
وورقة الخسائر اللى قولتلكم عليها امبارح دول زاد لينا


نقلا عن الشيخ حازم شومان

تفريغ بنات أحلي حياة
__________________
الـإبتلـاء ظلامْـ

وفى الظلام يمكنك أن ترى فجراً ينبثق وزرعاً يتمايل وجواداً ينتظر


وهكذَا البلَـاء يمكنك أن ترى فيه خيــراً إنْ أردت ツ
ريناد غير متواجد حالياً   رد مع اقتباس
قديم 02-06-2012, 11:12 PM   #2
drmaiyahmed
إِنَّا إِلَى اللَّهِ رَاغِبُون
Allteb
 
الصورة الرمزية drmaiyahmed
 
تاريخ التسجيل: Dec 2010
المشاركات: 3,547
افتراضي رد: تحت التراب مقاييس تانية خااااالص

جزاكم الله خير ابجد رائعة
__________________
"قلْ أَفَغَيْرَ اللَّهِ تَأْمُرُونِّي أَعْبُدُ أَيُّهَا الْجَاهِلُونَ.وَلَقَدْ أُوحِيَ إِلَيْكَ وَإِلَى الَّذِينَ مِن قَبْلِكَ لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنَ الْخَاسِرِينَ.بَلِ اللَّهَ فَاعْبُدْ وَكُن مِّنَ الشَّاكِرِينَ



" قال رسول الله صلى الله عليه وسلم :ماخاصم وَرِعٌ قط"حديث حسن .



رب اغفر لأبي وارحمه وعافه واعف عنه ؛؛؛
اللهُم اشفِ شيخي أبا اسحق شِفاءاً لآ يُغادر سقماً ..
اللهُم اشفِ شيخي مصطفى سعد شِفاءاً لآ يغادر سقماً ..
وكُل مرضى المُسلمين ..آمين ...
لآ تنسو الشيخين من الدُعاء في رمضان ..
drmaiyahmed غير متواجد حالياً   رد مع اقتباس
قديم 05-25-2012, 06:15 AM   #3
د.أبوحذيفة
عـــودةٌ إلــــــى الأصــــــل
Allteb
 
الصورة الرمزية د.أبوحذيفة
 
تاريخ التسجيل: Jan 2010
العمر: 34
المشاركات: 3,882
افتراضي رد: تحت التراب مقاييس تانية خااااالص

اللهم تب علينا
جزاكم الله خيرا
__________________

http://www.albasira.net


http://www.al-heweny.com


اللهم اشف عبدكـ حجازي بن محمد شريف شفاءا لا يغادر سقما

د.أبوحذيفة غير متواجد حالياً   رد مع اقتباس
إضافة رد

الكلمات الدلالية (Tags)
مقاييس, التراب, ثانية, خااااالص

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 03:10 AM.


Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar