آخر المشاركات
         :: Just wanted to say Hi! (آخر رد :NadiaLuke)      :: Just want to say Hi! (آخر رد :WFESharyn5)      :: I am the new one (آخر رد :Eldon3552)      :: _______ _____ _____ _______ _______ (آخر رد :MahaliaSam)      :: I am the new guy (آخر رد :Maryjo11R8)      :: Just wanted to say Hi. (آخر رد :Judy61N74)      :: I am the new one (آخر رد :ArlieOstra)      :: more information (آخر رد :RosieShrop)      :: Just wanted to say Hi! (آخر رد :Judy61N74)      :: I am the new guy (آخر رد :PamelaSidd)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > الأطباء بعد التخرج Postgraduate doctors > ° أطباء التكليف و النواب °

° أطباء التكليف و النواب ° أستراحة خاصة بالزملاء في رحلة الكفاح

إضافة رد
 
أدوات الموضوع انواع عرض الموضوع
قديم 02-17-2010, 01:52 PM   #17
aah803
اللهم اعف عني
Allteb
 
الصورة الرمزية aah803
 
تاريخ التسجيل: Feb 2009
العمر: 34
المشاركات: 1,311
افتراضي رد: تخصص النساء.............ما له ؟؟؟ و ما عليه؟؟؟

أكيد الأفضل للمرأة أن تكشف عليها طبيبة
و الطبيب يكون حل ثاني
و في حالة عدم وجود الطبيبة ذات الكفاءة

و على نفس الأساس ينبغي للطبيب أن يختار هذا التخص كخيار ثاني او ثالث أو عاشر

لا شك أن كل تخصص سكون فيه تعامل مع النساء
لكن هذا التخصص بالذات هو أكثر تلك التخصصات
كما أنه يتعلق بالعورة المغلظة في أغلب الأحيان
فالأفضل العزوف عنه ما استطعت إلى ذلك سبيلا ..

ملحوظة :
الكلام ده مش تحريم لهذا التخصص
ولا تشكيك في نية حضرتك
ولا إتهام لها

بالعكس :
لكن الأفضل و الأولى بكل حال للطبيب عدم اختيار هذا التخصص
و للمريضة الكشف عند طبيبة إذا توفرت الكفاءة

وفقك الله


__________________
الصفحة الرسمية لحملة الدفاع عن هوية مصر الإسلامية
http://www.facebook.com/IslamicId
(( حياة أو موت ))
نقرتين لعرض الصورة في صفحة مستقلة

شارك فى حملة الدفاع عن هوية مصر الالكترونية بالتوقيع الالكترونى على هذا النموذج

اللهم إنك عفو كريم تحب العفو فاعف عني
aah803 غير متواجد حالياً   رد مع اقتباس
قديم 02-17-2010, 11:51 PM   #18
Dr_Ramy
عضو جديد
 
تاريخ التسجيل: Oct 2009
العمر: 37
المشاركات: 7
افتراضي رد: تخصص النساء.............ما له ؟؟؟ و ما عليه؟؟؟

جزاك الله خيرا aah803
وجهة نظر تحترم
و لكن هل هذا هو الواقع ؟؟؟؟

يا ريت الناس كلها تشارك فى هذا الموضوع

مستنى مشاراكاتكم
Dr_Ramy غير متواجد حالياً   رد مع اقتباس
قديم 02-18-2010, 04:19 PM   #20
pure spirit
" ترانيم سابقا "
Allteb
 
الصورة الرمزية pure spirit
 
تاريخ التسجيل: Jan 2009
المشاركات: 3,337
افتراضي رد: التخصصات الطبية .. مزايا وعيوب

جزاكم الله خيرا جميعا على المرور
...
خلصنا التخصصات العامة وبعض اسبيشيلات الجراحة
نستكمل معا بعض اسبيشيالات الباطنة

"الطب النفسي وطب الأعصاب" هو الاسم الدقيق أو

" نفسية وعصبية" اختصارا
.


إيه اللي جاب "الطب النفسي" على "طب الأعصاب" ..... إيه الهبل ده؟

أكيد كلكم تسألوا كدة ...... الإجابة أولا: أنت أكيد في مصر ثانيا: ده رأي بعض المدارس الطبية في كل دول العالم تقريبا بما فيهم الولايات

المتحدة أم
الطب الحديث ما زال حتى الآن التخصص لابد أن يشتمل على تدريب في Neurology وتدريب في Psychiatry قبل السماح

بالتخصص ..... ولكن إحنا بنطبقها بطريقة
مصرية .


المشكلة تبدأ من المجلس الأعلى للجامعات الذي يضع مسمى الشهادات في البلد والمفاجأة إنك ما عندكش ماجستير غير في الاثنين مخلطين على بعض.

والواقع أن الأطباء يتدربوا على تخصص واحد من الاثنين يشتغل به وقبل امتحان الماجستير بيلم التاني كدة علشان ينجح ..... ولا يوجد

مكان خارج
الجامعة يجمع الاثنين. أما الجامعة فكل شيخ له طريقة ومن أحسن الطرق في رأيي طريقة عين شمس لأن النائب هناك 6

شهور نفسي و6 شهور أعصاب لغاية آخر
النيابة.

والحق إن فيه ارتباط بين التخصصين في بعض الحالات فقط : مثل الصرع ومرض باركنسون والتصلب المتناثر .... وقليل من الأمراض

العصبية الأخرى التي
ممكن تظهر بأعراض نفسية خالصة أو أعراض عصبية خالصة أو خليط من الاثنين.

يعني الدكتور الشاطر في أي من التخصصين لازم يكون ملم بجزء كبير من التخصص الثاني علشان بتاع النفسية ما يضيعش مريض

بسبب إنه مالقطش إن عنده عرض
عصبي مثلا قد يكون سببه ورم في المخ وحتى لا يضيع طبيب الأعصاب مريض عصبي مرضه كله بدأ

بأعراض نفسية مثل بعض حالات باركنسون
.

ومن أراد المزيد في النقطة ده يرجع لمجلة
BMJ Career شهر فبراير سنة 2005 كانوا كاتبين في الموضوع ده.

ولكن علشان تكون دكتور شاطر وأمين .... لازم تركز على واحد وبلاش شغل السوق اللي حيودي الطب في داهية ....... وبلاش الهزيمة

النفسية وتتضحك على
الناس : أنا دكتور مخ وأعصاب لو أخذت الطب النفسي.


طب الأعصابNeurology


ده الترجمة الصحيحة ولكن في واحد
ابن حلال علشان يلم شغل السوق بيزود قبلها "المخ" وما عرفش إيه موضوع المخ ده .... وأنا لا

أعرف مرض يجي في المخ لوحده
!!!!

تخصص مظلوم ........ نبدأها بصراحة ........ محدش معترف بنا حتى زملاءنا
الأطباء .... وكله عند جراحين المخ والأعصاب ....

للأسف !!!! حتى الإعلام
الرسمي لما يحب يجيب أستاذ يتكلم عن الصرع مثلا ....... يجيب جراح .... ضاربا عرض الحائط بكل قواعد

الأدب في احترام التخصص .... متجاهلين عظماء
مصر في طب الأعصاب مثل د/ قورة أو د/ عبد اللطيف عثمان ...... وغيرهم كثيرمن أساتذتنا العظام.

العيوب

عيبه الأول هذا التخصص مسروق في شغل السوق عن طريق أطباء جراحة الأعصاب وأطباء الباطنة العامة وأخيرا أطباء جراحة العظام


عيبه الثاني إن التدريب بالنسبة لوزارة الصحة فيه قليل جدا جدا مقتصر فقط على المستشفيات التعليمية وأقوى قسم أعصاب في وزارة الصحة هو في معهد ناصر.

ده العيب الثاني ..... ولكن سهل التغلب عليه بالانتداب للجامعة أثناء الماجستير

العيب الثالث: إنه يحتاج مكان مجهز بأجهزة أشعة مقطعية وأجهزة رسم مخ على الأقل بالإضافة للرنين ومعمل النوم لو عايز تشتغل صح وده مش متوفركثير في الوزارة.

أنا بدأت بالعيوب للأمانة.

المميزات:

ما حدش بيفهم في الحاجات ده غيرك أنت وبس ....... خلي ده في دماغك مريضالأعصاب ده زي اللغز كل الأطباء بيجروا منه ويخافوا

منه .... والأعصاب مش
جلطة وصرع فقط الدنيا كبيرة والأعصاب طايلة كل حتة في الجسم وفي أمراض كثيرعندنا تبدأ بانفلات في البول

وهبوط في الضغط وساعات حول في العين
..... يكفيك فخرا إن المريض بتاعك ما حدش يقدر يمد إيده عليه من أصغر طبيب امتياز لأكبر أستاذ في تخصص تاني.

اللي غاوي كلكعة في رسم مخ ورسم نوم ورسم أعصاب .... والحاجات ده مش أي حد بيفهم فيه في كل محافظة ..... قليل جدا بالذات رسم النوم Polysomnography

لنا سكة في العناية طبعا مش حالة سكتة الدماغ Stroke لأن ده بيهبشها بتوع الباطنة والجراحة سيبها لهم يموتوها وخليك في التقيل Maysthenia & Guillan Barre & ALS

الصرع بتاعك ومحدش بيفهم فيه ومع الاعتذار لكل الأطباء بما فيهم جراحين المخ والأعصاب ، الصرع مش: تجرتول وديباكين

وإبانوتين ورسم مخ ..... في
ه حاجات كثير جوة الكلمات ده كلهم بيهملوها ..... فما بالك ببقية الأدوية والفحوصات.

أمراض النوم تخصص جديد في مصر وهو مشترك بين ثلاثة تخصصات: طب الأعصاب والطب النفسي والصدر. وفي مستشفى العباسية

للطب النفسي بدل المعمل اثنين
لعمل رسم النوم .... يعني في أمل بتاع الوزارة يفهم فيه لو انتدب نفسه هناك

أشهر أمراض الأعصاب إحصائيا: Headache ثم Epilepsy ثم Neuropathy أما سكتة الدماغ فسببها بعيد عننا اسأل عنها بتوع

القلب والضغط والسكر هما
اللي بيشوفوها ليل نهار .... ولما بيحتاسوا في تشخيص بعض أنواعها الصعبة بيدورا علينا .....

فرص السفر فيه ممتازة لو معك شهادة خبرة من مكان محترم ..... ورسم المخ في السعودية ممكن تعيش منه فقط وتقفل شنطتك وتروح مبسوط بعيد عن الأدوية.

الطب النفسي

تخصص مظلوم ............... نبدأها من الأول .... مجنون ... دكتور مجانين .... بتاع المجانين أهو ..... لاسع ....... كلمات حتسمعها من
كل الناس حتى
زمايلك الأطباء للأسف.

العيوب:
وصمة العار
Stigma وهذه على مستوى العالم وكتب فيها بحوث وكتب ومقالات طويلة في كل الدول حتى إن الكلية الملكية بلندن للأطباء النفسيين أطلقت حملة من عدة سنوات باسم Changing the mind علشان تحسن صورة التخصص ده أمام بقية الأطباء أولا ثم عوام الناس ثانيا ....... وصمة العار هذه ستلصق بك من أهلك من جيرانك من زملائك ... لدرجة إن في كثير من الأطباءالنفسيين يخجل من التصريح بتخصصه.

هذا هو العيب الوحيد ... لذا يحتاج لشخص قوي واضح الرؤية لا يتأثر بكلام الناس ... فقط

المميزات:

1-
فرص السفر أضعاف أضعاف التخصصات الأخرى من وأنت نائب وطالع .... الدول العربية ما تقدرش تجيب فيه خبير أجنبي كبقية التخصصات ببساطة لازم واحدعربي .....
2
-
انسى إن حد يفهم معك في حالتك من باب عيادتك لغاية لما يرجع لك المريض ثاني مرورا بالصيدلي .... يعني تخصص صح ماحدش حيعك معك في الحالة زي الضغط والسكر مثلا

3- اللي بيحب شغل اليد عندك ECT وده من العلاجات عندنا ولما تشوف نتايجه حتعرف قيمته وسيبك من الهبل بتاع التلفزيون

4-
الطب النفسي مش مجانين ولا انفصال في الشخصية .... وعلى فكرة اسمها فصام schizophrenia وهو في العقل "الترجمة الحرفية:

فصام العقل أي تفكك
وظائف العقل" وليس في الشخصية أما بتاع الشخصية فاسمه DISSOCATION طبعابرده فكك من الهبل بتاع

Hyde & Jackle

5-
مليء بالتخصصات الفرعية التي تدر دخلا وفيرا في العمل لو أتقنتها: الطب النفسي للأطفال والمراهقين أمراضهم كثيرة وصعبة وتحتاج

خبرة مثل مرض فرط
الحركة ونقص الانتباه ADHD ومرض التوحد Autism وأمراض الشخصية والسلوك ،طب علاج الإدمان ......

مصر غرقانة بالحشاشين والمدمنين للأسف
..... وعلاجهم صعب ومحتاج خبرة كبيرة في الشق النفسي والشق الدوائي، الطب النفسي

للمسنين .... ألزهايمر بتاعنا إحنا بس ، ..... الطب النفسي المتعلق
بالمشاكل الجنسية بداء من الانحرافات والشذوذ ثم وصولا لمشاكل

العلاقة بين
الزوجين ..... والطبيب المتمرن فيها سمعته بين الناس زي الذهب لأنه حيوفرعليهم ثمن الفياجرا ..... الطب النفسي الشرعي

الخاص بتقييم المجرمين
..... وهذا مجال عمله في السعودية رحب جدا جدا أكثر من مصر لأنه في مصر ينحصر في 3 أماكن فقط (العباسية والخانكة والمعمورة).

6-
ممكن تعلمه بسهولة في وزارة الصحة أو في الجامعة .... ومعروف نائب وزارة الصحة بالذات العباسية والمعمورة والخانكة وقريبا

مستشفى المطار
أقوى بمراحل من نائب الجامعة بالذات في علاج الإدمان ويوجد قسم كبيرللأطفال في العباسية ليس له مثيل في الجامعة

وقسم آخر للمراهقين في حلوان
ليس له مثيل في الجامعة وعلاج للإدمان في مستشفى المطار والمعمورة غيرمتوفر أصلا في الجامعة .....

بل في أحد مؤتمراتنا مؤخرا سمعنا من نواب بعض
الجامعات أنهم ليس عندهم قسم داخلي بل عيادة خارجية فقط !!!!!

رأى منقول لنائب نفسية وعصبية

يتبع,,,


pure spirit غير متواجد حالياً   رد مع اقتباس
قديم 02-18-2010, 04:27 PM   #21
pure spirit
" ترانيم سابقا "
Allteb
 
الصورة الرمزية pure spirit
 
تاريخ التسجيل: Jan 2009
المشاركات: 3,337
افتراضي رد: التخصصات الطبية .. مزايا وعيوب

تخصص الجلدية

المزايـــــــــــــا

أولا

تخصص مريح جدا لانه ولا فيه نبتشيات ولا سهر ولا وجع دماغ

ثانيا

ممتع في شغله خصوصا بعد دخول شغل الليزر فيه

ثالثا

مفيهوش خطر يعني تخصص هادئ

رابعا

مربح خصوصا بعد شغل الليزر اللي حقق انجازات كبيرة في التخصص ده ورفع قيمته أوي

كمان بعد التعمق في شغل الاندرولوجي برده رفع قيمته أوي

والفيمال بتوع الجلدية مطلوبين اوي في دلو الخليج

خامسا

مناسب جدا للفيمال لانه هاتقدر الفيمال توفق بين الشغل وبين الاسرة بحكم هدوء التخصص وراحته

سادسا

التعليم فيه مش محتاج مستشفي كبيرة يعني ممكن بسهولة جدا تجيب كتاب وتقرا منه وتشوف الصور وتنجحيعني ممكن تعلم نفسك بنفسك

بس طبعا شغل الليزر ولا شغل ال اندرولوجي عاوز شغل عملي واكينيكلي في مستشفي او مكان كويس



العيـــــــــــــــوب

أولا

بالنسبة لناس كتير مش هو التخصص اللي يرضي طموح دكاترة كتير بس في نفس الوقت فيه ناس بتموووت في التخصص ده

ثانيا

لوعاوز تتعلم شغل الليزر مش هاتلاقي اماكن كتير تتعلم فيها يمكن في الجامعات
ومش اي جامعات يمكن جامعة زي الزقازيق هاتلاقي فيها قسم كويس بس ازاي
تشتغل هناك هيا دي الفكرة


مش شايف عيوب تانية يمكن يكون فيه بس انابصراحة مش شايف

بس انا شايف حاجة مهمة اوي

انه مميزاته أكتر من عيوبه خصوصا للفيمال

يتبع,,,
pure spirit غير متواجد حالياً   رد مع اقتباس
قديم 02-22-2010, 11:55 PM   #22
hosam_neuro
المراقب العام علي الطبي التخصصي
Allteb
 
تاريخ التسجيل: Nov 2009
العمر: 44
المشاركات: 1,254
افتراضي رد: التخصصات الطبية .. مزايا وعيوب

والله جزاك الله خيرا, كلامك عن كل تخصص كأنك بتشتغليه ياريت اسمع رأيك فى التخصص بتاعنا اللى نتمنى ان الوزاه تفهم وتفصلنا عن الطب النفسى اكيد عرفتيه: التخصص اللى ملوش اسم ثابت بالعربى ساعات امراض عصبيه وساعات طب المخ والاعصاب وساعات امراض المخ والاعصاب وغالبا(وللأسف) نفسيه وعصبيه على بعضه واللى الاطباء نفسهم مش حيعرفوه الا لو قلنا neurology وفى الاخر برضه حيقولوا مش يعينى بتوع النفسيه
وحسبى الله ونعم الوكيل فى اللى بيخلط الامور ويلخبط الناس
hosam_neuro غير متواجد حالياً   رد مع اقتباس
قديم 02-23-2010, 01:05 AM   #23
hosam_neuro
المراقب العام علي الطبي التخصصي
Allteb
 
تاريخ التسجيل: Nov 2009
العمر: 44
المشاركات: 1,254
افتراضي رد: التخصصات الطبية .. مزايا وعيوب

انا قرأت الكلام اللى مكتوب عن الأمراض العصبيه بعد ما كتبت كلامى ولحد اخر لحظه كنت حاقولك حرام عليكى يادكتوره انت كمان حتلخبطى الناس وتتكلمى بلهجه شغل السوق ديه لحد ما قولتى انك ناقله الكلام عن نايب نفسيه وعصبيه للاسف وواضح طبعا انه نايب فى مستشفى العباسيه للصحه النفسيه لأنى قرأت كلامه التجارى ده بالتفصيل اكتر من كده فى موقع تانى كان بيناقش الموضوع ده , و بعدين هو ايه معنى الجمله دى اللى انتى ناقلها بالضبط "والحق إن فيه ارتباط بين التخصصين في بعض الحالات فقط : مثل الصرع ومرض باركنسون والتصلب المتناثر .... وقليل من الأمراض

العصبية الأخرى التي ممكن تظهر بأعراض نفسية خالصة أو أعراض عصبية خالصة أو خليط من الاثنين. " والله ما اراه الا حق اُريد به باطل

يعنى اما انا اكون واخد دكتواره فى الامراض العصبيه وعمرى مااشتغلت فى مستشفى نفسيه ولا عمرى حجزت مريض طب نفسى اروح اضحك على مرضى الفصام والوسواس القهرى بالجمله ديه علشان ألمهم فى عيادتى . والمصيبه حتى لو معنديش ضمير وحعمل كده الناس حتقول عليا بتاع مجانين زى الدكتور ما قال ( مع احترامنا انه حيستحمل الاهانه ديه) والعيانين اللى انا فعلا مفروض اعالجهم حيقولوا احنا عايزيين دكتور اعصاب مش واحد بتاع مجانين وطبعا معروف حيروحوا فين طبعا للدكتور المشهور اللى ياما شال بأيده غضاريف واورام لانه هو العاقل اللى بيفهم فى امراض الجهاز العصبى فى نظرهم ونظر الدكاتره كمان وأه مش عارف اقول ايه غير حسبى الله ونعم الوكيل

التعديل الأخير تم بواسطة hosam_neuro ; 02-23-2010 الساعة 02:11 AM
hosam_neuro غير متواجد حالياً   رد مع اقتباس
قديم 02-23-2010, 01:56 AM   #24
hosam_neuro
المراقب العام علي الطبي التخصصي
Allteb
 
تاريخ التسجيل: Nov 2009
العمر: 44
المشاركات: 1,254
افتراضي رد: التخصصات الطبية .. مزايا وعيوب

انا مش شايف الكلام اللى كتبته عن الامراض العصبيه بس المهم نسيت اسال هيه فين المدارس اللى فى اوربا وامريكا اللى رأيها ان الطب النفسى و الneurology تخصص واحد اذا كانت الزماله البريطانيه بجلاله قدرها فصلت الطب النفسى وعملتله زماله الطب النفسى MRCPpsych اما الامراض العصبيه فالتخصص فيها بعد ال General MRCP وفى امريكا عندهم نيابه neurology بعدها النايب ياخد American Board of Neurology ونصف النيابه بيشتغل النايب باطنه عامه والطب النفسى له نيابه وشهاده مستقله تماما . الكلام بقى بتاع خلطه النفسيه والعصبيه بنقرا عنه فعلا فى مجله practical neurology انه لسه فى بعض دول العالم الثالث ذى البرازيل ولينا الشرف طبعاً اننا نتشبه بالبرازيل ومره كتبوا مقال تعجبوا فيه ان دوله النمسا هى الدوله الاوربيه الوحيده كان فيها التخصصين مع بعض لحد سنه 1999 وبعدين انفصلوا لكن كل دول اوربا الامراض العصبيه بعد التقدم العلمى استقلت عن الباطنه العامه وربنا يسهل على سنه 2200 دوله عربيه تقول ان مصر كانت الدوله الوحيده اللى كان فيها التخصصين مخلوطين لحد سنه 2199
hosam_neuro غير متواجد حالياً   رد مع اقتباس
إضافة رد

الكلمات الدلالية (Tags)
مميزات, محتاجة, أخبار, أيكوا..., المبتسرين, المساعدة, المسنين, المنــاظيــــــــر....., الاشعاعي, الافاده, الاورام, الاطفال, التخاطب, التخصص, التخصصات, الدم, الحميات؟!, الجهـــاز, الروماتيزم, الروماتولوجي, الشرعي, الهضمى, الطب, الكلينكال, الكـــبد, اذنكم, احمد, اختيار, ارجو, استفسار, اسرة, اورام), بالله, تحميل, تخاطب, تخصص, بخصوص, تعذيب, ثولوجى, تنظيم, جامعة, يادكاتره, ياريت, جراحة, يفيدني, رايكو, روماتولوجي, سمحتوا, ساعدونى, سؤال, علاجية, عليكم, عامة, عايزه, فالعلاج, هياخد, ولاجراحة, والسمعيات, نيابة, نيابه, وجواب, نيورو؟؟؟؟؟؟؟؟؟؟؟؟؟, وزملاء, نسخة, وعيوب, ؟؟؟؟؟

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 01:37 AM.


Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar