••• يوميات أطباء التكليف •••

[د/رواء احمد]

المشاركة الأصلية كتبت بواسطة dr_hero85

الحمد لله .. استلمت يوم السبت 3/4 في الوحدة .. وكنت عارف ان الطبيب الأول هتخلي .. والطبيب الثاني كانت بالفعل اخلت من الادارة بس لسه الوحدة .. المهم فيه دكتورة استلمت قبلي بس مدير الادارة كاتب لها في الجواب طبيب ثاني ..

روحت يوم السبت وقعدت معاهم شوية .. ولأن الطبيب الثاني خطيبة واحد صاحبي مشيتها بدري من النوباتجية وقعدت لغاية المغرب .. شوفت شوية ورق اداريات كده مافهمتش منه حاجة خاااالص

المهم الطبيب الأول اخلت النهاردة .. وانا اللي مضيت لها على الاخلاء .. وسلمتني الصيدلية علشان مفيش دكتور صيدلي .. وشرحت لي شوية حاجات ادارية بوظت دماغي خااالص ..

بجد .. الواحد بدأ يحس ان الطبيب الأول ده مسئولية وشغل وورق .. اكبر بكتييير من شغلك كطبيب ..

ربنا يستر ..

حاسس ان الموضوع كبير .. بس مش عارف لسه .. لأن الوحدة شغلها قليل خالص وهحاول - ان شاء الله - اظبطها شوية ..

الموضوع كبير قوي ومسئولية الطبيب الاول دي مشكله
ربنا معاك

[د/رواء احمد]

المشاركة الأصلية كتبت بواسطة dr_hany777

انا بقى حكايتى حكايه انا استلمت 29/3 بعد ايه عذاااااااااااااااااااااب
رحت يوم 28 الاداره المهم انه بعد ماتم توزيع الاحباب على الاماكن اللى عاوزينها نيجى بقى نوزع اللى مش احباب على الوحدات البعيده اللى هو اناااااااااا

تم توزيعى على وحدة تبعد عنى حوالى 3 ساعات مواصلا ت ومواصلات ايه شنيعه وعربيات مش لنقل بنى ادمين لا لنقل الحيوانات والطريق فظيع جدا جدا جدا

وغير كده امشى حوالى تلت ساعه داخل البلد بين الاراضى الزراعيه
العجيب انى من بلد تانيه مركز تانى يعنى وفيه وحده قريبه ليا جدا يعنى اركب عربيه من قدام بيتى انزل قدام بوابة الوحده بالظبط اكثر حاجه نص ساعه شوفتوا العذاب ولكن مدير الاداره بيوزع اللى له واسطه بس فى الاماكن القريبه كل ما مسئول يشوف جوابى ويعرف انى فى الوحده دى يقلى ليه كده ده حرام مافيه وحده قريبه ليك يا بنى

نعمل ايه حسبنا الله ونعم الوكيل
زى مايكون مفيش حد بيدخل طب من البلد اللى انا فيها او من المناطق المجاوره

والله العظيم ده حرام وظلم
انا كل يوم بروح بتعب نفسيا وجسمانيا وماديا مواصلات حوالى 12 جنيه فيه جمال اكتر من كده
اقول لمدير الاداره انا بتعب والطريق والفلوس وانا جايب تقدير عالى واهل البلد نفسهم مش بيوافقوا يروحوا هناك

يرد بكل استخفاف(مش عاجبك اقطع الجواب واقعد فى بيتك )

المهم اتعذب واروح الوحده ونشوف الوضع
معايا دكتور هناك ومفيش اصلا ناس بتيجى كل اللى بييجى عشان ياخد العلاج بس

والجمال ان مع تانى يوم شغل جالى تفتيييييييييش من الاداره
بس الحمد لله كنت موجود والامور كانت سليمه لكن فهمت انها بلد ورق وليست بلد شغل
اذا كانت الدفاتر سليمه وورقك مظبوط حتى لو انت بتعمل ايه فانت كده زى العسل وتاخد التقييم
اما اذا كان فيه ورقه مش كويسه او الجنينه مش مزروعه فانت كده مفيش تقيييييييييييم هذا هو الطب فى مصر

ربنا يعينك بجد يا دكتور
بس انا مش عارفه ليه مش يخلو كل واحد في اقرب مكان ليه كده حتى الواحد يشتغل وهو مبسوط لكن الشحططه دى تخلى الوحد يشتغل وهو ساخط وقرفان
الله يسامحهم مديرو الادارات

[ندا]

انا عرفت ليه زوجي او خطيبي لاني كتبه كتاب بس مش راضي ياخدني معاه في نفس المكان
علشان مش يقولوا دا مريح مراته الحمد لله هاسيبني اتبهدل في مكان تاني
بس برده زي ما قولتي انه احن وارق انسان وهبه رزقني ربنا بيها
عقبال كل البنات ما قلوبها تستريح ويهدي سرها زينا
كل اللي يدخل يقول اميييييييييييييييييييين

[أم سارة]

ممكن ياجماعة اللى عنده معلومات عن مهام الطبيب التانى
وهل للطبيب الاول ان يحمل الطبيب الثانى سجلات او ملفات
ومن الناحية المادية ليه ايه بالظبط

[dr_hero85]

المشاركة الأصلية كتبت بواسطة أم سارة

ممكن ياجماعة اللى عنده معلومات عن مهام الطبيب التانى
وهل للطبيب الاول ان يحمل الطبيب الثانى سجلات او ملفات
ومن الناحية المادية ليه ايه بالظبط

لو هنتكلم بصراحة .. المفروض ان الطبيب الأول هو مدير الوحدة وبالتالي هو رئيس العمل للطبيب الثاني وهو اللي بيقيمه ويكتب له التقارير السرية اخر السنة .. علشان كده المفروض العلاقة بين الاتنين تكون كويسة اوي لاسباب اننا زملاء وأطباء وناس محترمة ..

الطبيب الثاني مسئول عن الصيدلية في حالة عدم وجود طبيب صيدلي ..

السجلات والملفات بالاتفاق .. يعني مثلا حد يمسك الجودة وحد يمسك ملفات الادارة والاسر المترددة .. لان رسميا الطبيب الأول هو اللي بياخد فلوس التأمين وتنظيم الأسرة ولو متفق مع التاني انه يشيل معاه الشغل بيقسم معاه على حسب الاتفاق .. لو مش عايز فلوس خلاص ما متسكش حاجة ..

المادية .. أساسي المرتب + 150 % بدل طبيب + 250 % تقييم

[أبو عمر]

أعانكم الله

والمحافظ جه وانا قاعد فى العياده

سلم عليا

وقالى : الاطباء الجدد اللى هيكتبلى ورقه انه هيقيم فى سينا هديله شقه تمليك

(إبتسامة)

[د/حنين]

بس فيه شغل يعنى و لا بتروحوا تمضوا و خلاص ؟؟

فيه تذاكر بتيجى بس مش كتير والناس قبل ما تجيب التذكرة بتسأل فيه دواء ولا لأ
ويوم السبت جلسة حوامل ويوم الاثنين تطعيمات

[dr_marwa m]

السلام عليكم جميعااااا

انا بقى رحت وحده فيها دكتورين كبار بتوع زمان دول؟وبيشتغلونى عالاخر؟
الطبيب الاول ده ادانى نوبتجيه يومين معرفش ليه مع ان الناس كلها بيقولو الطبيب التالت مالوش تقييم يعنى بالتالى مالوش نوبتجيات؟
المهم جه شطب عليا يومين بعدها ورجع يقولى انا مش موظف زيى زيك انتى عايزه تيجى يومين بس؟
اليوم اللى بعدهم كان شم النسيم وكنت نوبتجيه المهم فضلت قاعده للساعه خامسه يدوب مشيت جت واحده من الاداره شطبت عليا؟؟؟؟؟؟وانا لسه مستلمه يوم الخميس واتشطب عليا سبت وحد واتنين؟فى جمال اكتر من كده؟
فالوقتى انا طبيب تالت ف ليا تقييم ونووبتجيات ولا ايه؟ ياريت حد يرد عليا؟