๑๑ نـيـابــات الريف ๑๑

[dr_rabab]

المشاركة الأصلية كتبت بواسطة ترانيم

جربى تشوفى اسمك يادكتورة فى نتيجة الترشيح الوزارى كدة ؟؟
عموما الناس اللى سالوا فى المديريات قالوا انها هتظهر على شهر 9 ان شاء الله

ان شاء الله

ياريت لو عرفتم حاجة جديدة تعرفونا

جزاكم الله خيرا

[merotta]

السلام عليكم ورحمة الله وبركاته
كل عام وانتم جميعا بخير
دى اول مشاركة لى فى المنتدى ارجو انكم تقبلونى معاكم
انا كان عندى استفسار يا ريت حد يعرف يرد عليا ارجوكم
انا كنت مقدمة نيابات الريف شهر 5 اللى فات ولمل عرفت ان انتيجة الترشيح الوزارى ظهرت على النت لم اجد اسمى ورحت الدراسات العليا سالت وبرده ما لقتش اسمى خالص
فهل فى فرق بين الترشيح الوزارى ونيابات الريف اللى انا مقدمة فيها علما بأنى مقدمة على ماجستير نسا وولادة اسكندرية وتقديرى العام جيد وتقدير المادة جيد ولا يوجد جزاءات والتقارير امتياز وانا دفعة 2004
فارجوكم اللى يقدر يفيدنى يرد عليا سريعا لأن التقديم مفتوح فقط لنهاية هذا الشهر

[pure spirit]

المشاركة الأصلية كتبت بواسطة merotta

السلام عليكم ورحمة الله وبركاته
كل عام وانتم جميعا بخير
دى اول مشاركة لى فى المنتدى ارجو انكم تقبلونى معاكم
انا كان عندى استفسار يا ريت حد يعرف يرد عليا ارجوكم
انا كنت مقدمة نيابات الريف شهر 5 اللى فات ولمل عرفت ان انتيجة الترشيح الوزارى ظهرت على النت لم اجد اسمى ورحت الدراسات العليا سالت وبرده ما لقتش اسمى خالص
فهل فى فرق بين الترشيح الوزارى ونيابات الريف اللى انا مقدمة فيها علما بأنى مقدمة على ماجستير نسا وولادة اسكندرية وتقديرى العام جيد وتقدير المادة جيد ولا يوجد جزاءات والتقارير امتياز وانا دفعة 2004
فارجوكم اللى يقدر يفيدنى يرد عليا سريعا لأن التقديم مفتوح فقط لنهاية هذا الشهر

وعليكم السلام ورحمة الله وبركاته
اهلا بيكى يادكتورة معانا ونتمنى لحضرتك الاستفادة
هيا نيابات الريف لسة نتيجتها ماظهرتش زى مامكتوب فى المشاركة الأولى فى الموضوع انها غالبا بتظهر على شهر 10
الدكاترة اللى سالوا فى مديرياتهم على بعثات الريف 2011 قالولهم اسالوا على شهر 9
يعنى ماتقلقيش كدة كدة لسة ماظهرتش ممكن تتابعينا هنا واحنا هنكون على تواصل ان شاء الله
بخصوص التسجيل هو المعروف انك بعد مالنتيجة بتظهر بتاعة نيابات الريف بتروحى تستلمى وبعد سنة بتسجلى دبلومة أو ماستر
لكن فيه قرار نزل انك تقدرى تسجلى بمجرد استلامك النيابة بس أظن ان ده اتطبق على نيابات العلاجى فقط
يبقى الخلاصة لما النتيجة تظهر ان شاء الله حضرتك هتروحى تستلمى وبعد السنة تقدرى تسجلى بالترشيح اللى هيجيلك السنة دى ان شاء الله
يعنى مفيش حاجة هتروح عليكى باذن الله
تابعينا

[dr_rabab]

هل من أخبار جديدة؟؟؟

[pure spirit]

لاجديد

[Doctormfm]

ايه رايكم يا دكاتره في نيابه الريف في النسا من حيث كل شئ باستفاضه ربنا يكرمكم................؟؟؟؟؟
من حيث
1-عيوبها ومميزاتها عامه
2-اقدم لها من امته
3-لما اقدم هتجيلي هتجيلي ولا مش مضمونه
4-تقديرها
5-متاحه دلوقتي ولا لا لان في ناس بتقول اتلغت
6-الفرق بين النايب العادي و الريف
7-التوزيع(يعني هروح الوحده اللي عاوزها ولا هيوزعوني بمزاجهم كالعاده)
8-مسموحلي الانتداب لاي مستشفي انا عاوزها عام او مركزي قريبه او بعيده
9-لما اعمل انتداب هيبقي ايه اللي مطلوب مني تجاه الوحده والمستشفي(حدود شغلي ومسئوليتي)
10-هقبض تبع الوحده ولا المستشفي وكنايب ولا تكليف
11-لما اقدم للريف هتجيلي الموافقه امته(دا لو مضمونه)وبعدها باد ايه وابقي اخصائي وبعد ما ابقي اخصائي هيشغلوني فين ولا هفضل طول عمري في الوحده ولو هفضل في الوحده هشتغل كتكليف ولا دكتور نسا
12-واللي هحضره ماستر ولا دبلومه ولا زماله وايه الفرق والاحسن
13-مسموحلي اقدم نايب زاير في اي مستشفي تعليمي ولا لا
14-الفلوس
15-في الاخر بقي عاوز اعرف الفرق بين نيابه الريف وطب الاسره كحل للي عاوز نسا وتقديره قليل(72%)

وبجد اتمني ان حد يرد علي الاسئله دي وجزاه الله خيرا وشكرا للجميع

[تائبة الى الله]

انا كمان مستنية حد يكلمنا عن نيابة الريف باستفاضة لانى بصراحة حاسة انها الحل الامثل ليا

[Doctormfm]

مستني معاكي يا دكتوره.......................ياله يا دكاتره حد يرد ويفيدنا