๑๑ نـيـابــات الريف ๑๑

[pure spirit]

أنا هشارك معاكم على قد معرفتى وان شاء الله الزملاء يشاركونا :

1-عيوبها ومميزاتها عامه

المميزات : تاخد التخصص اللى انت عاوزه فى مكان قريب منك وبمجموع قليل
كمان لما بتسافر مش بيسألك انت كنت نياب ريف ولا علاجى المهم هو الدرجة (ماستر او دبلومة )
ممكن من خلالها تفضل فى العلاجى على طول يعنى باب خلفى للنيابات العادية
العيوب : انك فى الأصل بتكون تبع القطاع الوقائى يعنى ترقياتك كلها وانت فى الريف وشغل الأرياف مش قد كدة

2-اقدم لها من امته

شهر 4 من كل عام

-لما اقدم هتجيلي هتجيلي ولا مش مضمونه
4-تقديرها

بتاخد من مجموع قليل بالمقارنة بنيابات العلاجى
ان شاء الله هتجيلك طالما التخصص اللى انتى كاتبياه نازل فى الحركة

5-متاحه دلوقتي ولا لا لان في ناس بتقول اتلغت

متاحة وآخر حركة بتاعة 2011 الناس منتظرة نتيجتها

9-لما اعمل انتداب هيبقي ايه اللي مطلوب مني تجاه الوحده والمستشفي(حدود شغلي ومسئوليتي)

نفس مسئوليات النايب العادى بالظبط

10-هقبض تبع الوحده ولا المستشفي وكنايب ولا تكليف

من المكان اللى فيه درجتك المالية (لأن الموضوع ده متغير )
حاليا الدرجات المالية بتفضل فى جهة تكليفك فترة يعنى هتقبضى من وحدتك الصحية

-لما اقدم للريف هتجيلي الموافقه امته(دا لو مضمونه)وبعدها باد ايه وابقي اخصائي وبعد ما ابقي اخصائي هيشغلوني فين ولا هفضل طول عمري في الوحده ولو هفضل في الوحده هشتغل كتكليف ولا دكتور نسا

بتقدمى فى شهر 4 والنتيجة بتظهر غالبا فى شهر 9 او 10
والاستلام فى 11
والتقديم للماستر فى السنة اللى بعدها لما الجامعات تفتح
تدرجك الوظيفى بالدرجة اللى معاكى يعنى بعد حصولك على الماستر بتبقى طبيب مقيم مؤهل ثم مساعد اخصائى ثم اخصائى
او مابتستلمى بتعملى انتداب سنة للعلاجى بعد السنة دى ممكن تجددى لحين حصولك على المؤهل (الماستر او الدبلومة )
بعدها بتترقى لمساعد اخصائى ريف وممكن بعدها تقدمى طلب تحويل للعلاجى وانتى ونصيبك

13-مسموحلي اقدم نايب زاير في اي مستشفي تعليمي ولا لا

أعتقد مسموح عادى

14-الفلوس

زى النايب العادى

15-في الاخر بقي عاوز اعرف الفرق بين نيابه الريف وطب الاسره كحل للي عاوز نسا وتقديره قليل(72%)

بالمقارنة لحد عاوز نسا بس يبقى نيابة ريف نسا احسن
لان طبيب الاسرة بيشتغل كل حاجة

[Doctormfm]

شكرا علي الاهتمام والرد وياريت لو حد عنده اضافات
او معلومات مفيده يفيدنا

[M&T&M]

[dr_rabab]

مافيش حد سأل فى الوزارة على نتيجة بعثات الريف السنة دى؟؟؟؟؟

[pure spirit]

المشاركة الأصلية كتبت بواسطة dr_rabab

مافيش حد سأل فى الوزارة على نتيجة بعثات الريف السنة دى؟؟؟؟؟

لسة ماظهرتش يادكتورة رباب
وأقاويل عن ظهورها اول 10 ان شاء الله

[د/رواء احمد]

المشاركة الأصلية كتبت بواسطة ترانيم

لسة ماظهرتش يادكتورة رباب
وأقاويل عن ظهورها اول 10 ان شاء الله

لسه برده مفيش اخبار ع النتيجه ؟؟؟؟؟؟؟

[dr_rabab]

المشاركة الأصلية كتبت بواسطة د/رواء احمد

لسه برده مفيش اخبار ع النتيجه ؟؟؟؟؟؟؟

لما سألنا فى الوزارة قالوا على نص 10
الله المستعان
ربنا يرضينا جميعا ويقدر لنا الخير حيث كان

[تائبة الى الله]

سؤال بعد اذنكم

هى بعثات الريف لازم تكون بعد مده قد ايه من التكليف ؟؟؟ هل ممكن اكون ماكملتش سنة واقدم
لان على شهر 4 الجاى مش هكون كملت سنة فهل من حقى اقدم ؟؟؟