آخر المشاركات
         :: forex (آخر رد :pattern)      :: Just wanted to say Hi! (آخر رد :ChuPalma94)      :: نصائح بعد عملية الحقن المجهرى (آخر رد :هيثم التحيوى)      :: Just wanted to say Hi! (آخر رد :FannyBradf)      :: I am the new guy (آخر رد :CynthiaTor)      :: I am the new one (آخر رد :KlaraMarie)      :: Just wanted to say Hi. (آخر رد :KlaraMarie)      :: I am the new one (آخر رد :LeannePold)      :: I am the new guy (آخر رد :KlaraMarie)      :: I am the new guy (آخر رد :DeenaHoyle)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > الأطباء بعد التخرج Postgraduate doctors > ° أطباء التكليف و النواب °

° أطباء التكليف و النواب ° أستراحة خاصة بالزملاء في رحلة الكفاح

إضافة رد
 
أدوات الموضوع انواع عرض الموضوع
قديم 04-09-2010, 04:30 PM   #33
ام سجدة
يارب بارك فى سجدة
 
الصورة الرمزية ام سجدة
 
تاريخ التسجيل: Feb 2009
العمر: 35
المشاركات: 242
افتراضي Re: وبعد الاستلام ؟؟ ... يوميات أطباء التكليف

طيب ياجماعة انا استلمت فى مكتب الصحة



بس فى حاجات كتيير حاسة ان اللى معاى مش عايزة تدلنى



فعايزة اسالكم انتم



احنا 3 فى مكتب الصحة بس الموضوع مؤقت علشان التالتة جامعة



وانا هاخد اجازة وضع من الشهر الجاى ان شاء الله



كده اخرج من التقييم 3 شهور


ثانيا حملة شلل الاطفال اللى يعد بكرة احنا كمكتب صحة مسؤلين نخرج نتابع الحملة


طيب مين يخرج ومين يستنى فى المكتب



ثالثا الختم لازم يبقى مع واحد بس والتانى زى قرطاس اللب ولا ايه



رابعا شغل البرايفت هل ياثر علينا ولا يحرمنا من التفييم


ارجو من زمايلنا اللى اكبر يجوبوا لانى متخبطة
__________________
اللهم انى اسالك باسم الاعظم ورضوانك الاكبر ان تشفى عبدك محمود
يا ارحم الارحمين اشفى مرضانا
اسال الله العظيم رب العرش العظيم ان يشفى عبده محمود ويعفو عنه
اذهب البأس رب الناس اشف انت الشافى لا شفاء الا شفاؤك شفاء لا يغادر سقما
اللهم انى اسالك بكل اسم سميت به نفسك او اخفيته فى علم الغيب عندك ان تشفى عبدك محمودو مرضانا
ام سجدة غير متواجد حالياً   رد مع اقتباس
قديم 04-09-2010, 07:47 PM   #34
د/محمد عزت
Banned
 
تاريخ التسجيل: Feb 2009
العمر: 36
المشاركات: 2,010
افتراضي رد: وبعد الاستلام ؟؟ ... يوميات أطباء التكليف

السلام عليكم

حياكم الله أطباء التكليف

اقتباس:
أنا نفسى أستلم بقه

بس المشكلة إنى اتعودت أصحى متأخر:s18soundasleep:

و مش عارف أصحى بدرىنقرتين لعرض الصورة في صفحة مستقلة

مش عارف ايه أعمل ايه فى المشكلة دى ؟

نصيحة يا دكتور أحمد متستلمش أنا جالى أكتئاب على فكرة

لما استلمت وندمت والله على الاستلام

شغل البرافيت بتاعى كله انضرب بسبب الزفت الوحدة دى ومش كده و بس أنا

ابتهدلت بهدلة محصلتش قبل كده

أنا استلمت الأحد اللى فات فى المديرية والأدارة

مدير الأدارة ربنا يسامحه علشان مجبتش معايا واسطة

بعتنى بلد أسمها (( تل مسمار ))

فيه بلد فى الدنيا أسمها تل مسمار

طيب تل مسامير ماشى لكن مسمار واحد أزاى ؟

المهم المسمار ده ملوش مواصلات

بأركب من بلدى للزقازيق و أنزل فى نص الطريق

وأستنى أى حاجة تاخدنى للمسمار مرة توك توك

مرة واحد من أهل البلد يعطف عليا وياخدنى وراه على

الموتوسيكل مرة عربية نص نقل وحسبى الله ونعم الوكيل

وأنا باستلم قلت لمدير الأدارة ملهاش مواصلات

قالى أشترى عربية يا سلام مستنى على ما أنت تقولى

لو كان معايا فلوس كنت اشتريت وبعدين يا أتجوز يا اشترى عربية

حاليا مش ينفع الاتنين مع بعض

رحت الوحدة أول يوم كان يوم الثلاثاء ملاقتش ولا واحد هناك

يعنى أنا طبيب أوحد مش أول معنى كده شايل صبح ونبطشية

7 أيام فى الأسبوع بس

رجعت لمدير الأدارة قلت له مش مستلم أنا فى المسمار ده علشان

أنا لوحدى وعايز حد معايا

قال متستلمش قلت له خلاص مش هستلم

طبعا أنا سألت لو ماستلمتش هيحصل أيه ؟

قالوا ليا هتاخد جزاء والجزاء ده هيروح معايا الجامعة يارتنى ما استلمت

الحمد لله قدر الله وما شاء فعل

رحت يوم الأربعاء استلمت الصبح فى الوحدة

لاقتها خرابة بمعنى الكلمة مفيش غير اتنين موظفين أو تلاتة اللى

بيجوا من أصل 17 واحد مفيش أدوية كافية مفيش مرضى

ده حتى مفيش ميه فى الوحدة

والنظافة سيئة للغاية لأن سعادة البيه الفراش المدير مبيجيش

ده الوضع فى الوحدة المسمارية

طبعا التفتيش على ودنه

أول يوم جالى تفتيشين تفتيش الصبح وتفتيش فى النبطشية

وتانى يوم جالى تفتيش فى النبطشية

والله صعبت على الدكتورة اللى بتفتش

أنا قاعد لوحدى فى الوحدة

والممرضة والعمال النبطشيين مش موجودين

سألتنى عليهم قلت لها مش موجودين قالت ليا فين دفتر النبطشية

قلت لها مأعرفش قالت ليا أمال قاعد تعمل أيه

قلت لها جيت فتحت الوحدة وقعدت وخلاص

قالت ليا قوم يابنى أقفل وروح وبعدين قالت ليا خليك لأحسن تقول الدكتورة

سمر اللى قالت لى

وهى ماشية بأسألها يادكتورة أنا المفروض أبات ولآ ايه أصل أنا سمعت خير

اللهم أجعله خير أن النبطشية من 2 الضهر لحد 8 تانى يوم الصبح

يعنى أنا هفضل قاعد فى الوحدة طوال أيام الأسبوع

فقالت ليا أبقى أقفل الساعة ساتة المغرب وأمشى مش تبات

ده التفتيش

بالنسبة للأدارة فأخوك بقة مدير مرة واحدة وأنا مش عارف حاجة فى أى حاجة

وقريت كل المواضيع بتاعت الأدارة فى المنتدى وبرضه مش زى ما شفت فى الوحدة

الناس مهملة ومستهترة فى الحضور بصورة فظيعة ولا كأنهم شغالين

ولا كأن فيه مدير موجود

ده فى ممرضة بتيجى يوم واحد فى الأسبوع ما شاء الله

و العامل مشتفتش وشه خالص

و كل تفتيش يجى يسألنى على الناس مش أنا المدير أقولعهم مش عارف أصلى لسه

جديد وفعلا أنا مش عارف حد فى الوحدة ولا أعرف أسامى الناس اللى بتيجى

وكل شويه واحد يجى يقولى أمضى يادكتور أروح ماضى وشكلى هروح فى داهية فى

الوحدة دى

وحسبى الله ونعم الوكيل فى اللى عمل فيا كده


د/محمد عزت غير متواجد حالياً   رد مع اقتباس
قديم 04-09-2010, 08:43 PM   #35
د/ أحـمـد سـليمان
استَعِينُوا بِاللّهِ وَاصبِروا
Allteb
 
الصورة الرمزية د/ أحـمـد سـليمان
 
تاريخ التسجيل: Jan 2009
العمر: 36
المشاركات: 5,328
افتراضي رد: وبعد الاستلام ؟؟ ... يوميات أطباء التكليف

اقتباس:
قالت ليا أمال قاعد تعمل أيه

قلت لها جيت فتحت الوحدة وقعدت وخلاص

قالت ليا قوم يابنى أقفل وروح
ده على اساس انك فاتح دكان عطارة و محل عصير قصب ؟؟

اقتباس:
شغل البرافيت بتاعى كله انضرب بسبب الزفت الوحدة دى
و لا يهمك يا باشا .. إحنا في الخدمة :)

اقتباس:
فيه بلد فى الدنيا أسمها تل مسمار
يعني هو اسمك بلدكو هو اللي حلو اوي
دي حتى مش على الخريطة :)

اقتباس:
وحسبى الله ونعم الوكيل
هون عليك يا صيقي .. كلنا لها
كل الناس تعبانه بس كل واحد تعب غير التاني
و الحمد لله انت ملكش جيش .. دي لوحدها تفرق كتير

و صدقني ... التجربة دي لا تخلو من فائدة
انت هتاخد فترة زي معسكر تدريب على القرف الاداري .. قبل ما تنتقل للجامعة و تبقى مسؤل إداريا و طبيا مع بعض .. و غير كده علشان لما تروح الجامعة بإذن الله تبقى مقدر النعمة اللي ربنا وهبك إياها ... و تحمد ربنا .. ان في غيرك هيقعد في ظروفك دي لمدة سنة او سنة و نص خاصة لو ملوش جيش و هياخد التكليف لأخرة ...

بس انا عارف بردو ايه اللي مضايقك
ان المدير وزع ناس على اماكن كويسة بوسايط
و ان ظروف الوحدة هتأثر على شغلك الخارجي
و انك هتبقى مضطر تحضر كل الايام علشان تحلل المرتب اللي انت بتاخده

و بصراحة الـ 3 نقاط مقدرش اقلل من اهميتهم


لكن ...


و عسى أن تكرهوا شيئا و يجعل الله فيه خيرا كثيرا


و من يتوكل على الله فهو حسبه
__________________
Nephrology
Long Journey
د/ أحـمـد سـليمان غير متواجد حالياً   رد مع اقتباس
قديم 04-09-2010, 09:12 PM   #36
مؤمن عز الدين
الكلمة الطيبة صدقة
 
الصورة الرمزية مؤمن عز الدين
 
تاريخ التسجيل: Feb 2009
العمر: 36
المشاركات: 867
افتراضي إقرأ خطاب الدكتور حمدي السيد إلى وزير الصحة

ده خطاب الدكتور حمدي السيد نقيب الأطباء
إلى الدكتور حاتم الجبلي وزير الصحة

سبب الخطاب ان نقيب الاطباء تلقى خطابات من أطباء شبان .. بيتكلموا فيها عن احوالهم المعيشية و خاصة اثناء الكليف في ظل الظروف الماسوية للأطباء و رواتبهم و ان كتير منهم إن لم يكن كلهم بيفكروا في الشغل خارج مصر و لو بدون رجعه .. و ان حتى اللي جوه مصر .. معندوش اي تشجيع او حافز للشغل .. و مش قادر يعيش حياته الطبيعية

و فلا انا مقتنع برأي
ان الدكتور اللي اصلا حالتة المدية مش مرتاحة ... عمره ما يفكر ان الطب هيخليه مليونير .. لو هو بيبص لمستوى معين من المعيشة و الرفاهية او الثراء .. فأنا بنصحه بصدق انه يفكر في عمل آخر خارج مجال الطب .. اما لو بيسعي فقط إنه يعيش عيشة كريمة او يبقى ( مستور ) .. فده بإذن الله متاح

و علشان الناس بردو متفهمناش غلط
فإحنا بنوازن بين أمرين


الاول .. ان الرزق بيد الله و التوكل على الله مع الاخذ بالأسباب هو السبيل الوحيد ... و ان الانسان ميشغلش باله برزق غدا طالما ان رب اليوم هو رب غد .. و انه رفعت الاقلام و جفت الصحف ... و كل واحد مكتوب له رزقه و مهما تحايل فلن يأخذ اكتر منه .. و إن ربنا سبحانه و تعالى له حكمة في كل شيء و الانسان لا يعرف اين الخير و لا يعرف هل ما يفتح عليه من خيرات هل هو سعة في الرزق ام ابتلاء و نقمه .. و إن البركة أهم من سعة الرزق و إننا لنا دور في قلة البركة دي و لازم يكون لنا دور فعلى في جلب البركة للرزق ... و إن الطبيب ده في مهنة شريفة من اشرف المهن و يجب ان يستحضر النوايا اثناء عمله

الثاني .. ان دي حقوق يجب السعي وراءها و المطالبة بها و ان لازم يكون في عدالة و اهتمام بأولويات المجتمع زي الصحة و التموين و التعليم و يكون في اصلاح للحالة المادية و العلمية و العملية للأطباء .. لأن دي اركان اساسية للحصول على خدمة و رعاية صحية آدمية ... و إن معظم الاطباء الشباب كل هدفهم هو امتى و ازاي يخرج بره علشان يقدر يرجع يأسس حياته و إيه هو اسهل و اسرع تخصص يحقق له الهدف ده .. مش مهم اي حاجة تانية .. مش مهم الميول و لا حب التخصص مش مهم الارتياح النفسي مش مهم الطبيب يؤدي رسالة .. اصله مش فاضي و لا رايق للكلام ده .. الطبيب عايز يوفي ضروريات حياته اللي مش هيقدر يستقر من غيرها

يعني الامرين دول لازم يكونوا في ذهن كل طبيب بدون ان يتناسى احدهم

و بعد كل الكلام ده
آدي الخطاب من على موقع النقابة

مرحبا بكم فى الموقع الرسمى للنقابة العامة لأطبـــاء مصــــر
مؤمن عز الدين غير متواجد حالياً   رد مع اقتباس
قديم 04-09-2010, 10:22 PM   #37
د/محمد عزت
Banned
 
تاريخ التسجيل: Feb 2009
العمر: 36
المشاركات: 2,010
افتراضي رد: وبعد الاستلام ؟؟ ... يوميات أطباء التكليف

اقتباس:
ده على اساس انك فاتح دكان عطارة و محل عصير قصب ؟؟
هيبقى فيهم شغل عن الوحدة اللى أنا فيها المملة دى

ولا حالة جات ليا حتى الآن طيب حد يعدى يقول أى حاجة

عندى مغص فى صابع رجلى الصغير مثلا محدش معبرنى خالص

مخى هيصدى ياجماعة لاشغل برافيت ولاشغل فى الوحدة

اقتباس:
و لا يهمك يا باشا .. إحنا في الخدمة :)
ههههههه

مصائب قوم عند قوم فوائد

لو ناوى تكمل أتفضل ياباشا المكان ميغلاش عليك والله


اقتباس:
يعني هو اسمك بلدكو هو اللي حلو اوي
دي حتى مش على الخريطة :)
يعنى لازم تحرجنى يا أحمد

اقتباس:
هون عليك يا صيقي .. كلنا لها
لآه الحمد لله أنا ارتحت نفسيا كتير بدليل أنى رجعت أشارك تانى فى المنتدى

أنا كانت نفسى مسدودة والله عن كل حاجة حتى الأكل

وأنا لاقيت حل رضيت بيه هبقى أقولك عليه

وخلاص بقى هفضى لناس فى الوحدة إن شاء الله وأخلى كلو واحد يشوف شغله


اقتباس:
و غير كده علشان لما تروح الجامعة بإذن الله تبقى مقدر النعمة اللي ربنا وهبك إياها ... و تحمد ربنا .. ان في غيرك هيقعد في ظروفك دي لمدة سنة او سنة و نص خاصة لو ملوش جيش و هياخد التكليف لأخرة ...
أقسم بالله شعرت بهذه النعمة بعد هذه المحنة كثيرا

دلوقتى وأنا بأقول الحمد لله فى الأذكار بأستشعر النعمة ده

وده بيحسسنى بطعم الذكر فعلا

وشكرا يا أحمد على وقوفك معى فى هذا الموقف وتهوينك على فيه

جزاكم الله خيرا كثيرا

فالحمد لله حمدا كثيرا مباركا فيه كما يحب ربنا ويرضى
د/محمد عزت غير متواجد حالياً   رد مع اقتباس
قديم 04-09-2010, 11:19 PM   #38
dr_marwa m
عضو جديد
 
تاريخ التسجيل: Jan 2010
المشاركات: 9
افتراضي رد: وبعد الاستلام ؟؟ ... يوميات أطباء التكليف

السلام عليكم
ماانا بعمل زى ماحضرتك بتقوليادكتور بجمع معلومات وبسال زمايلنا فى الوحدات التانيه وفى ناس فى الاداره برضه بيسالولىطبعا الدكاتره فاتحيين عيادات بس illegalعشان مايتحرموش من التقييم؟ كل واحد كاتب على بيته منزل الدكتور كذا بعد ماكان مععلق يافطه؟
والممرضات قالولى استحاله حد منهم يقسم معاكى التقييم مستحيل؟
كله بيقولولى دا بيستعبطوكى وعايزيين يريحو نفسهم
مش مشكله الشهرين دول هاستحمل لحد مااتاكد كمان عشان يشيلونى فى فرحى فى 6 باذن الله بعد كده هاقولهم مش جايه نبطشيات
واللى يعملوه يعملوه
انا مش عايزه منهم حاجه بس الواحد بيتعب نفسيا اما يلاقى حد بيضحك عليه وانا زى ولادهم
فربنا يسهل باذن الله
الف شكر يادكاترة ربنا يجزيكم كل خير
dr_marwa m غير متواجد حالياً   رد مع اقتباس
قديم 04-09-2010, 11:36 PM   #39
pure spirit
" ترانيم سابقا "
Allteb
 
الصورة الرمزية pure spirit
 
تاريخ التسجيل: Jan 2009
المشاركات: 3,337
افتراضي رد: إقرأ خطاب الدكتور حمدي السيد إلى وزير الصحة

لعلها تكون البداية ....نحو التغيير
pure spirit غير متواجد حالياً   رد مع اقتباس
قديم 04-10-2010, 12:06 AM   #40
dr-tropical
 
الصورة الرمزية dr-tropical
 
تاريخ التسجيل: Oct 2009
المشاركات: 36
افتراضي رد: إقرأ خطاب الدكتور حمدي السيد إلى وزير الصحة

اللهم فرج كرب المكروبين من الاطباء المساكين واهدى عليهم المسئولين
وارزقهم ياكريم من فضلك وحنن قلوب الوزراء ويشعروا بجزء مم يشعرون
لكم الله يااطباء مصر الشبان ورزقكم من حيث لاتحتسبون



نقرتين لعرض الصورة في صفحة مستقلة
dr-tropical غير متواجد حالياً   رد مع اقتباس

Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar