آخر المشاركات
         :: I am the new one (آخر رد :FernandoOg)      :: Just wanted to say Hi! (آخر رد :VYVPetra94)      :: الاجهاض (آخر رد :هيثم التحيوى)      :: I am the new guy (آخر رد :Hildred172)      :: Just want to say Hi. (آخر رد :QOHSherry)      :: I am the new one (آخر رد :ChristyGol)      :: Just wanted to say Hi. (آخر رد :ChristyGol)      :: I am the new guy (آخر رد :MaxineSchm)      :: I am the new guy (آخر رد :Virgilio40)      :: Just want to say Hi! (آخر رد :Hildred172)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > الأطباء بعد التخرج Postgraduate doctors > ° كـل يـوم بنتعــلم ° > الأستقبال و الطوارئ

إضافة رد
 
أدوات الموضوع انواع عرض الموضوع
قديم 11-02-2009, 11:23 AM   #1
د/محمد عزت
Banned
 
تاريخ التسجيل: Feb 2009
العمر: 36
المشاركات: 2,010
افتراضي يوميات طبيب استهبال

السلام عليكم

الحمد لله بدأت من أول الشهر المعركة الإستهبالية

فى استهبال مستشفى جامعة الزقازيق

وحبيت أنقل لكم الحالات الطريفة والمواقف الظريفة واللى مش ظريفة

اللى هتقابلنى فى الاستقبال إن شاء الله

اليوم الأول 1 / 11 / 2009


هو اليوم كان لطيف من أوله صراحة

وأنا خارج من بيتنا

كل واحد يقابلنى يقولى متسافرش يادكتور

ليه ياجماعة خير؟

قلتهلم أزاى مسافرش وده أول يوم ليا فى الاستهبال

ده أنا كان نفسى من زمان أبقى دكتور استهبال

وبعدين ما أنا عارف من أمبارح بعلاقاتى الواسعة طبعا

مش دكتور أمتياز أد الدنيا

وقد أعددت عدتى

أنى ماسافرش من الطريق اللى فيه مشاكل

أتصلت بواحد صاحبى معايا فى نفس الشيفت من البلد اللى جنبنا

معاه عربية ملاكى - ربنا يخيلها لنا -

قلتله ياخدنى معاه بس نمشى من طريق تانى غير طريق المطبات ده

والحمد مشينا من الطريق التانى

ووصلت بسلامة الله إلى ارض الاستهبال

طيب وهو أنا هربان من الكمين ليه ؟

بتاجر فى المخدرات

ولا محتكر الحديد

ولا مليت البلد سرطان

ولا عبارتى غرقت فى البحر ومات ألف بنى آدم بسبى

ولا يمكن أنا السبب فى حادثة العياط الأخيرة وأن مش واخد بالى

نرجع لموضوع الاستهبال


وصلت استهبال الجامعة

وأتارى يوم الأحد فى الجامعة cold

يعنى الطوارىء مش فى الجامعة

الطوارىء فى مستشفى الأحرار العام

أصل أحنا فى الزقازيق

مقسمين

الطوارىء بينا وبين الأحرار

هما يوم وأحنا يوم

علشان نسيبهم ياكلوا عيش برضه

لو أحان فتحين المحل بتاعنا قصدى الاستهبال

بتاعنا كل يوم

ولا حالة كانت هتروح الأحرار

فصعبوا علينا الصراحة

وقلنا لهم نقسم

أحنا طوارىء سبت واثنين وأربع

وهما حد وثلاث وخميس

والجمعة بالتبادل

طبعا 1 / 11 ده كان يوم حد

علشان كده

كانت الدنيا برد جدا فى الاستهبال

لكن برضه جات لنا حالات على خفيف

أمال أنا هحكى ليكم أيه

لازم تيجى حالات علشان أحكى

حكاية النهاردة

رجالة آخر زمن

قاعدين فى أمان الله عملينا نتكلم

دخل علينا مجموعة من الناس

ألحقوا يادكاترة

واحد شارب سم فئران

قام أتنين مننا

وراحوا له

فأنا قعدت

هقوم ليه فيه 2 دكاترة معاه

فأهلوا جهم ليا يادكتور

قوم شوفه

قلت له فيه 2 دكاترة

معاه

قال لى ثواب يادكتور

على أساس أنه شاف دقن فى وشى

يعنى بيحنن قلبى

لكن لآه على مين

أنا قلبى بقى ميت

ده انا قديم فى الاستقبال من سنة خامسة

فقلت له معاه اتنين دكاترة

وأنا معايا حالة

مش شايف

وفعلا كان معايا واحد

كنت بأفك له غرز فى صباعه

رجع زميلى من عند الحالة

بقول لهم أيه حصل أيه

قالوا شارب سم فئران

ليه ؟

علشان متخانق مع

مراته

يا سلام

شفتوا الرجالة

يا حلاوة ياولاد

يتخانق مع مراته

يشرب سم فئرن هو

مش هيا

والله رجالة آخر زمن

مش قادر على مراته

يشرب سم فئران

والله الحريم بقوا مفتريين

وبعدين ده كان هيخسر دينه أولا

وحياته ثانيا

علشان أيه ده كله ؟

ما علينا من ده كله

خلينا فى شغلنا

أتصلنا بنايبة السموم

ودى فيها سنة ونص على متيجى

معرفش بيان نواب السموم بيجوا من بيوتهم

بيتأخراو بصورة مستفزة

أحيان بيقعدوا ساعتين بجد على ما يجووا للحالة

طبعا أحنا عارفين كده

فقلنا نقوم بالواجب مع الحالة

قلت لزميلى

أحنا نديلة أمبول fortacortine

على ما النايبة تيجى

قام واحد منهم قال وضغطه واطى 90 / 70

قلت خلاص نعلق له محلول

ونحط فيه الفورتاكورتين

قالوا نعلقه ملح

قلتلهم خلينا فى السيف سيد

نديله لبنات

وكتبنا اللبنات والفورتاكورتين

والتمريض علق المحلول للعيان

بعد شويه صغيريين كده

جت نايبة السموم

وقفت المحلول أول ما دخلت

وبعدين قعدت تسأله كام سؤال كده

علشان تعرف نوع السم

مش ده المهم

المهم أنها قالت لنا الفورتاكوريتن ماشى كويس لكن المحلول

ممكن يدخل العيان فى plumonary edema

علشان السم بيزود الـ secretions of the body

وكمان محلول يعنى بنموته

ودى كانت أول غلطة لينا فى الاستهبال

الحمد لله النايبة دى جت بسرعة

على فكرة

يعنى العيان ملحقش ياخد حاجة من المحلول

وبعدين كانت بنت حلال صراحة

مكلمتناش نص كلمة

قالت لنا بس

ركبوا رايل

علشان نعمل غسيل معده

والعيان اتحجز فى المستشفى

وانتهت أولى حكايات طبيب الاستهبال

كان معكم

طبيب استهبال من جامعة الزقازيق

انتظرونا يوميا





التعديل الأخير تم بواسطة Dr MaHmOuD RoShDy ; 11-12-2009 الساعة 04:50 AM
د/محمد عزت غير متواجد حالياً   رد مع اقتباس
قديم 11-02-2009, 11:35 AM   #2
شهر زاد
لك*العتبي*حتي*ترضي*
 
الصورة الرمزية شهر زاد
 
تاريخ التسجيل: Oct 2009
العمر: 31
المشاركات: 442
افتراضي رد: يوميات طبيب استهبال

ربنا يعينك الموضوع شكله صعب في المستشفي غير الكليه خالص

نقرتين لعرض الصورة في صفحة مستقلة
__________________
نقرتين لعرض الصورة في صفحة مستقلةسبحان الله وبحمده سبحان الله العظيم

http://www.shbab1.com/2minutes.htm


نقرتين لعرض الصورة في صفحة مستقلة
شهر زاد غير متواجد حالياً   رد مع اقتباس
قديم 11-02-2009, 12:51 PM   #3
ea4islam
أبو مازن المصرى
Allteb
 
الصورة الرمزية ea4islam
 
تاريخ التسجيل: Feb 2009
العمر: 35
المشاركات: 1,96%
افتراضي رد: يوميات طبيب استهبال

جزاكم الله خيرا
__________________
نقرتين لعرض الصورة في صفحة مستقلة


كم منتدى في النت يألفه الفتى وحنينه ابدا لافضل منتدى

رحـمـك الله يا أبــــى
ورزقك الفردوس الأعلى من الجنة


نقرتين لعرض الصورة في صفحة مستقلة




اللهم اشرح لي صدري و يسر لي امري
وعليك بكل من ظلمنى



إلى الجيش 30 شهر
الله المستعان
دعواتكم



لا أريد الرجوع .3gp
كل الطب .wmv
المواضيع التي كتبها ea4islam

التعديل الأخير تم بواسطة Dr MaHmOuD RoShDy ; 11-12-2009 الساعة 04:52 AM
ea4islam غير متواجد حالياً   رد مع اقتباس
قديم 11-02-2009, 01:03 PM   #4
amse_010
نائب جلديه وتناسليه
Allteb
 
الصورة الرمزية amse_010
 
تاريخ التسجيل: Jan 2009
العمر: 35
المشاركات: 1,552
افتراضي رد: يوميات طبيب استهبال

موضوع جميل يا دكتور محمد أكمل وإحنا متابعين

__________________
اللهم انى فقير فأغننى،
وضعيف فقونى
، وحائر فسددنى،
ومريض فاشفنى
،وجاهل فعلمنى
وعاص مذنب فتب على إنك أنت التواب الرحيم
،اللهم صل على محمد صلاه أزدلف بها إلى مغفرتك،
وسلم عليه تسليما يحشرنى فى زمره أوليائه،ويدخلنى فى شفاعته يوم لا شفيع إلا بإذنك.

محمود شاكر (رساله فى الطريق إلى ثقافتنا)

التعديل الأخير تم بواسطة Dr MaHmOuD RoShDy ; 11-12-2009 الساعة 04:52 AM
amse_010 غير متواجد حالياً   رد مع اقتباس
قديم 11-02-2009, 02:14 PM   #5
بازوكا
 
تاريخ التسجيل: Aug 2009
المشاركات: 229
افتراضي رد: يوميات طبيب استهبال

حتروح يعنى حتروح يا مشرفنا amse010 ده قدرك
بازوكا غير متواجد حالياً   رد مع اقتباس
قديم 11-02-2009, 03:43 PM   #6
د.أحمد السنوسي
طـبـيـب
 
تاريخ التسجيل: Feb 2009
العمر: 35
المشاركات: 475
افتراضي رد: يوميات طبيب استهبال

متابع ان شاء الله
موضوع رائع
جزيت خيرا

التعديل الأخير تم بواسطة Dr MaHmOuD RoShDy ; 11-12-2009 الساعة 04:53 AM
د.أحمد السنوسي غير متواجد حالياً   رد مع اقتباس
قديم 11-02-2009, 07:47 PM   #7
ea4islam
أبو مازن المصرى
Allteb
 
الصورة الرمزية ea4islam
 
تاريخ التسجيل: Feb 2009
العمر: 35
المشاركات: 1,96%
افتراضي رد: يوميات طبيب استهبال

متابعين ان شاء الله
__________________
نقرتين لعرض الصورة في صفحة مستقلة


كم منتدى في النت يألفه الفتى وحنينه ابدا لافضل منتدى

رحـمـك الله يا أبــــى
ورزقك الفردوس الأعلى من الجنة


نقرتين لعرض الصورة في صفحة مستقلة




اللهم اشرح لي صدري و يسر لي امري
وعليك بكل من ظلمنى



إلى الجيش 30 شهر
الله المستعان
دعواتكم



لا أريد الرجوع .3gp
كل الطب .wmv
المواضيع التي كتبها ea4islam

التعديل الأخير تم بواسطة Dr MaHmOuD RoShDy ; 11-12-2009 الساعة 04:53 AM
ea4islam غير متواجد حالياً   رد مع اقتباس
قديم 03-06-2010, 11:48 PM   #8
REHAB SAAD
عضو جديد
 
الصورة الرمزية REHAB SAAD
 
تاريخ التسجيل: Feb 2010
المشاركات: 2
Talking رد: يوميات طبيب استهبال

[FONT=Traditional Arabic]
تحذير :
احنا برده فى استقبال المستشفى الجامعى فى اسكندرية (أو الميرى زى ما بيقولو عليها)بنشوف مهازل كتير بس الحمد لله ادينا خلصنا امتياز وهنشوف التكليف بقى اخباره ايه وربنا يستر[/
نقرتين لعرض الصورة في صفحة مستقلةنقرتين لعرض الصورة في صفحة مستقلة
FONT]نقرتين لعرض الصورة في صفحة مستقلة
REHAB SAAD غير متواجد حالياً   رد مع اقتباس
إضافة رد

الكلمات الدلالية (Tags)
يوميات طبيب

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 08:00 PM.


Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar