آخر المشاركات
         :: I am the new one (آخر رد :MabelMcCon)      :: I am the new one (آخر رد :BrittInnes)      :: I am the new guy (آخر رد :ClaritaRod)      :: Just wanted to say Hi! (آخر رد :DougAmaya5)      :: Just wanted to say Hi! (آخر رد :ChristalMe)      :: Just wanted to say Hi. (آخر رد :OtisMcCrea)      :: شركة البيوت للخدمات المنزلية بالرياض (آخر رد :البيوت)      :: اعراض ما قبل الولادة (آخر رد :هيثم التحيوى)      :: عملية سحب البويضات (آخر رد :هيثم التحيوى)      :: تاخر الحمل (آخر رد :هيثم التحيوى)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > الأطباء بعد التخرج Postgraduate doctors > ° أطباء التكليف و النواب °

° أطباء التكليف و النواب ° أستراحة خاصة بالزملاء في رحلة الكفاح

إضافة رد
 
أدوات الموضوع انواع عرض الموضوع
قديم 11-13-2014, 07:34 PM   #1
Muhammad Barakat
مدير المنتدي
Allteb
 
الصورة الرمزية Muhammad Barakat
 
تاريخ التسجيل: Jan 2009
المشاركات: 4,777
exclusive سلسلة مستقبل الطبيب - الهجرةللدول الأجنبية والدول العربية موضوع متكامل

السلام عليكم ورحمة الله وبركاته

نقرتين لعرض الصورة في صفحة مستقلة
ننقل لكم هنا في هذا الموضوع تجارب الطباء في الخارج

أطباء مصريين في مختلف دول العالم ك ألمانيا انجلترا أمريكا فنلندا سنغافورا استراليا إلخ

سلسلة متكاملة

شكر خاص للدكتور بشير حلمي علي ما يقدمه من مجهود في هذه السلسلة
__________________

الحمد لله الذي بنعمته تتم الصالحات
نقرتين لعرض الصورة في صفحة مستقلةنقرتين لعرض الصورة في صفحة مستقلة

we were learning Medicine under supervision of Doctors
Now we Are Doctors
it is hard to feel that a life of person related to your Decision
so , please don't hesitate to ask and learn
Muhammad Barakat غير متواجد حالياً   رد مع اقتباس
قديم 11-13-2014, 07:35 PM   #2
Muhammad Barakat
مدير المنتدي
Allteb
 
الصورة الرمزية Muhammad Barakat
 
تاريخ التسجيل: Jan 2009
المشاركات: 4,777
افتراضي رد: سلسلة مستقبل الطبيب - الهجرةللدول الأجنبية والدول العربية موضوع متكامل

ان اريد الا الاصلاح ما استطعت ..

رسالة موجهة اساسا الى شباب الاطباء حديثى التخرج ...

اولا محدثكم لم يخرج للعمل خارج مصر حتى الان ومشى فى السكة التقليدية ماستر ودكتوراه .. خلو بالكم ..!!

الحكاية انى طموح حبة وبحب اطور من نفسى وده بيخلينى اقرأ كتير جدا على الفرص اللى ممكن فى ظل ظروفى استغلها ...

ده اللى خلانى اكتشف ان وضع الطبيب المصرى بشهاداته صعب حبتين خارج الوطن العربى ..
خلونا بقى نتكلم بوضوح...

انا دلوقتى فى الكلية ممكن اعمل ايه ؟؟

انا شايف ان انت ممكن فى الكلية تركز جنب دراستك فى حاجة من اتنين ...

لو انت محدد هدفك كويس اوى وعن دراسة وتانى وسؤال لاهل الخبرة يبقى خد سكة المعادلات من بدرى وده ممكن تمتحنها فى الكلية ..

لو مش محدد يبقى الكلية فرصة ذهبية لتعلم لغة ..انجليزية عشان امتحان الايلتس مطلوب فى كل العالم مش هتمتحنه عشان له صلاحية سنتين بس هتطور من نفسك وتذاكر ايلتس عشان متاخدش سنين فى التحضير له فيما بعد .. معتقدش فى الكلية جنب دراستك ممكن تعمل حاجة تانية ...

بس متنساش ان دراستك الطب فى الكلية سواء الزقازيق القاهرة اى مكان فى مصر مهم جدا لان حضرتك ده اهم شهادة هتفهم بعد كده لو انت معاك دكتوراه وعايز تقدم بره هو مش هيتكلم معاك اصلا من غير شهادة بكالريوس وامتياز ...ومش هيبص للماستر والدكتوراه ...

طيب انا امتياز ...

فرصتك احسن شويه .. لا احسن كتير ...ليه بقى اولا : عندك وقت كبير بدل ما تقعد تتململ وتشتكى من الوقت ..ياخى اتحرك فى اى اتجاه ..لو هدفك واضح امتحن بقى المعادلة المطلوبة فى الخارج ...طور لعتك انجليزى المانى اى حاجة اخترتها ..ثانيا : اتعلم المهارات الطبية الاساسية اللى اى طبيب لازم يعرفها وبدون ضغط عصبى مفيش امتحانات زى ايه ؟؟ تركيب كانيولا ..حقن وريدى ..مهارات رسم القلب الاساسية ...الغرز الجراحية .. وخلافه ..اشتغل فى مستشفىات وشوف ازاى تتعامل مع التمريض والاستشاريين واهل المريض و اتعلم ازاى تواجه مريض ...

نيجى بقى على المرحلة الاهم تقرير المصير ..

اختيار التخصص ايه مش موضوعى الان ...

اخترت ؟؟ تمام ..

والله يا ابن اخويا لو ليك بوست فى مكان محترم استنى فى مصر على الاقل لما تاخد ماستر .. بس انا زهقان يا دكتور والماستر هيطول ...لا يا برنس مفيش زهق انت هتفضل طول عمرك
تذاكر و تجتهد وتاخد خبرات ..اتفقنا ؟؟؟ ممممممممم .. اوك اتفقنا ..

طيب نكمل ...

طيب انا تقديرى ضعيف و ضاقت بى الحيل والطرق و الدنيا غامقة .بس والله طموح ..طيب اسمع مش بالكلام الموضوع ..

على الاقل متخرجش من مصر الا بماستر ليه بقى .. هقولك ...

اولا هيمكنك انك تشتغل بمرتب معقول فى الخليج تجيب فلوس عشان تصرف على المعادلات والزمالات اللى بفلوس كتير صراحة ..

ثانيا يا ابن عمى مهو انت مش ضامن وممكن ترجع مصر اى لحظة يبقى انت معاك ماستر لان فى مصر مهما بلغت فى الخارج كل ده مش معترف بيه هنا ..

واله يا دكتور ضاق بى الحال ومش قادر اتحمل لما اخد ماستر ..

يبقى امشى يبنى والارزاق على الله ..

ادامك طريقين يا حبة عينى ..

يا تنشن على دولة اجنبية ..فاكر اللغة بقى هتنفعك جدا هنا واجتهد انك تدخل السيستم بتاعهم وتاخد الجنسية وتبقى خدمت عيالك صراحة ..والامثلة كثيرة

يا دولة عربية تبقى ممارس عام وهتفضل كده بقى ولا جنسية ولا هتتطور ..والامثلة كثيرة برضه يا ضنايا ..

خلصت الماستر ..ده مفترق طرق مهم جدا صراحة ...

شوف ظروفك بقى وادامك الطرق الاتية ...

لو انت فى الجامعة او مكان يتيح لك الحصول على الدكتوراه يبقى كمل فى الدكتوراه ..قدرنا كده يخويا معلش ..
محنا مش ضامنين حتى لو خرجنا ممكن نرجع اى لحظة .. يعنى انا فى الجامعة مش هعرف اخطف اى حاجة اجنبيه ..

بص معظم الشهادات الاجنبية عايزة تروح تقعد هناك عشان يبقى معاها خبرة وتبقى قوية ..بس ممكن تفكر زيى فى الزمالة البريطانية ممكن تاخدها من مكانك بس هينقصها الخبرة الاوروبية اللى لو عايزها تبقى قوية اوى لازم تحصل عليها ...

طيب لو انت بره الجامعة وحصلت على الماستر بالعافية مش لعيب فيك والله عشان هو النظام كده يبقى انت متفكرش صراحة فى الدكتوراه المصرية ..ده رايى بقى ..هتضيع عمرك فى الفاضى ..امال اعمل ايه ...

عارف الخليج ؟؟ جرى على هناك ومش تقعد بقى تاكلى كبسة وتربى كرش ... لاه وانت هناك يا معلم تذاكر وتذاكر وتذاكر عشان تحصل على زمالة .. بورد ..معادلة ..اى حاجة عشان تطور من نفسك متفضلش بقى محلك سر طول العمر ...

ولو جاتلك فرصة تشتغل فى اى دولة اوروربية باى شهادة حصلت عليها روح يبنى وسيب الخليج والكبسة ان شاء الله سنتين وهترجع تانى على الخليج برضه ..بس برنس بقى وكونسالتنت ومرحب بيك فى الخليج تماما عكس الاول لما كنت رايح بالماستر عشان فى منه كتير ..صح ؟؟..فاكر زميلك بتاع الجامعة الى قرر يكمل فى الدكتوراه ... لسه مخدهاش على فكرة

طيب والاخ بتاع الدكتوراه اللى كافح ..

ربنا يجازيه خير ان شاء الله ويعوض صبره ..

يا يكمل بقى ويفتح عيادة ويشق طريقه وربنا هيكرمه ان شاء الله والارزاق بتاعة ربنا ..ويصبر شويه حتى لو عايز يروح الخليج لو عرف يصبر 3 سنين ممكن يروح الخليج كونسالتنت ووضعه يبقى ممتاز .. او يكون وضعه فى مصر جيد ...

ولو جاتلك فرصة يبنى تطلع بره برضه بس شغل سيبك من الفيولشيب والاوبسرفيرشيب والكلام ده ..انا بتكلم على شغل يعنى معاك زمالة او معادلة تطلع تاخد خبرة اوروبية من بره بتفرق كتير يا برنس ...

فاكرين بقى زميلكم اللى كان تقديره ضعيف و الحال كان ضيق بيه ..؟؟

دلوقتى معاه الجنسية الكندية وابنه على معاه الجنسية هو كمان ..وخد البورد الكندى وان شاء الله جاى الخليج و هيشتغل فى الحرس الوطنى كونسالتنت بضعف مرتبكم ..يا خايبين

د بشير حلمى
تابعوا الهاشتاج ده
#مستقبل_الطبيب_كل_الطب
شكر خاص للدكتور . بشير حلمي
مدرس بكلية الطب جامعة الزقازيق
#كل_الطب
#Alltebfamily
__________________

الحمد لله الذي بنعمته تتم الصالحات
نقرتين لعرض الصورة في صفحة مستقلةنقرتين لعرض الصورة في صفحة مستقلة

we were learning Medicine under supervision of Doctors
Now we Are Doctors
it is hard to feel that a life of person related to your Decision
so , please don't hesitate to ask and learn
Muhammad Barakat غير متواجد حالياً   رد مع اقتباس
قديم 11-13-2014, 07:37 PM   #3
Muhammad Barakat
مدير المنتدي
Allteb
 
الصورة الرمزية Muhammad Barakat
 
تاريخ التسجيل: Jan 2009
المشاركات: 4,777
افتراضي رد: سلسلة مستقبل الطبيب - الهجرةللدول الأجنبية والدول العربية موضوع متكامل

سلسلة #مستقبل_الطبيب_كل_الطب
الهجرة إلي #كندا

خاص بالأطباء والصيادلة وأطباء الأسنان
=================
هدية الى احبابى
خطوات تفصيلية لتبسيط اجراءات الهجرة الكندية .. طب والله عنوان شديد
فى انظمة كتير للهجرة اللى كندا اللى هيناسب معظمنا برنامج العمالة المهرة federal skilled workers اللى هنتكلم عليه بالتفصيل ..اما بقى اللى متجوز كندية وعايز يلم شمل الاسرة فده له نظام تانى واللى لاقدر الله مليونير و رايح يستثمر فى كندا فده له نظام تالت..
خلينا فى نظام الغلابة الكادحين ..
فاتحين من اول مايو 2014 على 50 وظيفة كل واحدة توصل الف هتقفل ..
حضرتك عشان تقدم لازم اول شئ بالراحة كده تلاقى وظيفتك اللى هتقدر تجيب فيها شهادة خبرة فى الليستة ده
http://www.cic.gc.ca/english/immigra...ions.aspلاقتها ؟؟؟
تفاصيل اكتر هنا
http://www5.hrsdc.gc.ca/NOC/English/...rch.aspx?val65
شوف بقى هى فيها اماكن ولا قربت تقفل ..ازاى؟؟ هتلاقى جنبها رقم يقولك عدد المقدمين بشكل تقريبى
ها قربت تقفل ولا مرتاحة ؟؟؟ مرتاحة ؟؟
مبروك ..لازم تجمع 67 نقطة من نظان نقط معين يعتمد على السن وسنوات الخبرة و التعليم و اللغة واشياء اخرى :
تعالى بقى نحسبها لمعرفة درجات السن من هنا
http://www.cic.gc.ca/english/informa...OC.asp#results كيفية حساب سنوات الخبرة من هنا برضه بس لازم شهادة الخبرة تكون فيها التاريخ و الراتب والمهامالوظيفية اللى هتلاقى عليها امثلة فى اول لينك و مكان العمل وعنوانه وتليفونه وايميله
http://www.cic.gc.ca/english/informa...OC.asp#results بقى على المهم
للحصول على درجات التعليم لازم تبعت شهاداتك تتقيم فى جهات كندية شان تديك شهادة او تقرير بقول تعليمك ده يقابل ايه من التعليم الكندى
تقييم الاطباء لازم من هنا كود 3111 او 3112
http://physiciansapply.ca/services/e...al-assessment/
,
وتقييم الصيادلة المفروض من هنا
http://www.pebc.ca/index.php/ci_id/3114/la_id/1.htm
بس مفيش وظيفة صيدلى فى القائمة الجديدة فى مدير صيدلية اللى هو كود 0311
وده احسن هقولك ليه دلوقتى..
وبقية الشعب الكادح من هنا بما فيهم مدير الصيدلية
http://www.wes.org/ca/fswp/index.asp?
بكالريوس الطب والاسنان و الصيدلة والطب البيطرى والحقوق بيدى 23 نقطة ..ولمعرفة التفاصيل برضه من هنا
http://www.cic.gc.ca/english/informa...OC.asp#results ده بتبعتلك تقرير يقول تعليمك يوازى ايه فى التعليم الكندى والورقة ده ورقة اساسية فى ملف الهجرة ..
تقييم الاطباء بياخد وقت طويل والصيادلة الى حد ما لو عرفت تبعد عن الوظائف اللى كودها موضح يبقى هتقيم بال wes وده سريع عشان الوقت ..
ابعد ازاى يعنى ..
اقولك ..
الدكتور لو جامعى هيقدم على كود 4011 للمحاضرين يبقى هرب من الميديكال كاونسل
الصيدلى كده كده هيقدم على مدير صدلية اذن تقييمه سريع تققيمه من wes...
المشكلة فى الكودين دول 3111 و 3112
المهم بتحسب بقى النقاط ده عشان تشوف باقى ايه على ال 67 تجيبهم من اللغة اللى هى امتحان الايلتس العام مش الاكاديمى وموضوعى عن الايلتس اهو :
https://www.facebook.com/besheer.hel...2424328403263\
ولمعرفة كيفيت تحويل اسكور الايلتس الى نقاط من هنا
http://www.cic.gc.ca/english/immigra...ge-testing.asp اللى ليها فى الفرنساوى هتمتحن فرنساوى بدل الايلتس ..
المهم جمعت ال 67 .. اوك تمام ...
مجمعتش؟؟ لسه فى فرصه ..
زوجة حضرتك لو الزوج هو المتقدم الرئييسى او زوج حضرتك لو الزوجة هى المتقدم الرئيسى يمتحن ايلتس ويجيب 4 بس و يضيف 5 درجات
ولو ليكو قريب فى كندا درجة اولى اخ اخت عم خال كده يضيف 5 درجات بس تجيب بياناته هناك
لو ليك وظيفة هناك عرض يعنى يضيف درجات ..
لو جمعت بقى 67 درجة ..
ممتاز ... فى بس عقبة كمان ..
لازم يبقى معاك رصيد بنكى بشهادة بنكية الرصيد فيها حسب عدد افراد الاسر والتفاصيل هنا
http://www.cic.gc.ca/english/immigra...lled/funds.asp
خلصت كله ؟؟
تمام
هتجمع كل الورق اللى فى اللستة ده ..
http://www.cic.gc.ca/e…/information/...ns/skilled.asp
التشيك الللست الى فى الاول فيها الورق المطلوب والابليكيشنز المطلوب تملاها بعناية تحتها ..
خلصت؟؟ جمعت ا لورق كله ؟..جهز الملف وابعته ..
.....................
ملحوظة :
كندا هتغير نظام الهجرة من يناير 2015 فاللى عايز يبعت يبعت باقصى سرعة وهنا فى مشكلة فى الاطباء لان تقييمهم بيطول اوى ..
يقال ان النظام ممتد حتى ابريل 2015 ..مش اكيد ...!!
تانى ملحوظة :
ده هجرة يعنى اجراءات اقامة بتسهل على سعادتك البحث عن وظيفة اللى بيشرط غالبا يكون معاك اقامة ..بس لازم تمشى معاها بالتوازى فى اجراءات المعادلة والبورد ..
اقرأ الجايد بعناية شديدة وخليه مرجعك الرئيسى ...
http://www.cic.gc.ca/english/informa...OC.asp#results
لازم تتحرك باقصى سرعة لو ناوى عشان الوقت يفضل تقدم قبل اخر السنة
التقييم و الايلتس اهم ورقتين و الى بياخدو وقت ..لو انت تقييمك بعيد عن الميديكال كاونسل و كويس فى الانجليزى تقدر تقدم بسرعة..
راجع الجايد ومنتدى مطاريد باستمرار ..
ولو احتجت حاجة معاك...
قوم بس اطلق باقصى سرعة ..
د بشير حلمى

#كل_الطب
#Alltebfamily
__________________

الحمد لله الذي بنعمته تتم الصالحات
نقرتين لعرض الصورة في صفحة مستقلةنقرتين لعرض الصورة في صفحة مستقلة

we were learning Medicine under supervision of Doctors
Now we Are Doctors
it is hard to feel that a life of person related to your Decision
so , please don't hesitate to ask and learn
Muhammad Barakat غير متواجد حالياً   رد مع اقتباس
قديم 11-13-2014, 08:27 PM   #4
Muhammad Barakat
مدير المنتدي
Allteb
 
الصورة الرمزية Muhammad Barakat
 
تاريخ التسجيل: Jan 2009
المشاركات: 4,777
افتراضي رد: سلسلة مستقبل الطبيب - الهجرةللدول الأجنبية والدول العربية موضوع متكامل

نصحية الاستاذ الدكتور خالد سليمان استاذ مساعد التخدير فى طب عين شمس
لشباب الاطباء ..
اقرءوها جيدا من فضلكم
د بشير (ربنا يجازيك كل خير ويوفقك) الكلام دا موجه لشباب الأطباء من خلال حضرتك
دى وجهة نظرى المتواضعة فى موضوع السفر والهجرة
انا استاذ مساعد بكلية الطب جامعة عين شمس وحاليا بالكويت ... وبالنسبة لى فكرت فى موضوع اوروبا وغيرها متأخر جدا جدا بسبب اغراء الجامعة واستهلاك الوقت والعمر فى ماجيستير ثم دكتوراه ثم أبحاث علشان ترقية أستاذ مساعد وهكذا لحد ما اكتشفت ان كان ممكن التفكير فى الهجرة بدرى جدا عن دلوقتى....
خبرة السفر للخليج هاتلاقيها معروفة عند ناس كتير من ناحية المسميات الوظيفية والعقود وخلافه والدول (يعنى السعودية أكثر وفر مادى بس اجتماعيا صعبة جدا غير قطر والكويت والامارات... وبالنسبة للماجيستير تعتبر الكويت أحسن مكان للأخصائى (وليس الدكتوراه)لأسباب كتيرة منها دايما protected by seniors, and responsibility is less, money wise better than KSA, stability is very high especially in ministry of healthنيجى للمهم----- اللى حصل فى الفترة الأخيرة انهم فى الخليج بقى عندهم كوادر من أبناء البلد راجعين من كندا وأمريكا.....ف طبيعى كل ال consultant jobs او ال seniority بقت ليهم حتى مع عدم وجود خبرة وحتى مع عدم وجود ممارسة practice..وحتى وحتى ...قبل الكوادر دى كانت كل الشهادات المصرية معترف بيها وواخدة حقها لكن دلوقتى بقت أقل ككادر وظيفى (لكن ماديا تظل أفضل من الوضع داخل مصر)...علشان كدا برضه يظل الماجيستير هو الحد الأدنى للعمل فى الخليج لأن ممكن الدكتوراه ماتاخدش الprestige ولا الكادر بتاعها زى زمان.....لكن لا دلوقتى ولا بعد 50 سنة هايستغنوا عن الاحتياج للاطباء المصريين (1- لأنهم عرب زيهم ومافيش حاجز لغوى ولا ثقافى مع المرضى..2-مين اللى هايبات فى المستشفيات والحوادث ويشيل ال job...... غير الوافدين (لأن كل المناصب العالية بقت خلاص لأهل كل بلد ودا مش عيب لأن المفروض كل دولة تكرم أبنائها وتميزهم عن الأجانب .....ودا بيترتب عليه ظروف معينة فى التعامل (ما لم تكن سعادتك جاى من أوروبا او كندا ويا سلام لو بباسبور أجنبى كمان) 3-كل دول الخليج بلا استثناء عندهم طفرة وتوسعات فى المستشفيات حكومة وخاص (خصوصا الخاص) وعمرهم ما هايقدروا يشغلوا الأماكن دى بكوادر محلية خاصة ان كوادرهم المحلية بتترقى بسرعة الصارووووووخ يعنى هايفضلوا محتاجين أطباء مصريين برضه يشيلوا الوظائف الأدنى ....أكيد انت فاهمنى...(بالمناسبة الكلام دا بيشمل الاطباء والمهندسين والمحاسبين وكل الوظايف اللى تخطر على بالك).الغرض من كل دا ايه...انى أقول ان الخليج مفتوح للمصريين بس الناس بقوا انتقائيين عن الأول طالما المعروض دايما اكتر من الطلب...
علشان كدا قبل ما حد من الأطباء حديثى التخرج ياخد قرار الهجرة لازم تحديد (بالمناسبة أنا أشجع الهجرة والسفر لأوروبا وغيرها ولو رجع بيا الزمن كنت سافرت بعد الماجيستير على طول)....المهم لازم تحديد
1-الهدف من السفر لاوروبا او كندا وغيرها هل للحصول على شهادة والعودة والا شهادة وباسبور وتكمل هناك ولا ترجع الخليج على مميزات أعلى .
2-دراسة الامكانيات اولا!!!!!!
يعنى أهم حاجتين 1-ظروفك المادية فى مصر فى مرحلة التحضير تسمح بانك تقعد فترة (سنين) بين امتحانات وتقديم اوراق و applications بتتكلف ألاف فى الهجرة وخلافه...لو الاجابة نعم يبقى اتوكل على الله وكل ماهاتتعب هاتلاقى والمقابل هايبقى مجزى جدا (بلاد محترمة وحقوق ونظام وتعليم للاولاد ببلاش ورعاية صحية على أعلى مستوى).صدقنى مش مهم السيولة المادية هناك (عكس مصر) طالما ولادك بيتعلموا كويس وببلاش والفلوس هاتيجى هاتيجى هناك ...لو الاجابة على توفر السيولة المالية "فى مصر"ب لا.....يبقى 2-لو لسه متخرج جديد لازم تاخد ماجيستير على الأقل وتطلع على الخليج كترانزيت...سنة اتنين خمسة (ولسه العمر والفرص قدامك بالنسبة لأوروبا وكندا وغيرها)...تظبط أمورك المادية حسب حالتك وماتخليش الوقت يسرقك....والمقابل المادى هايسمح لك تدخل امتحان واتنين وعشرة لحد ما تنجح... على طول تقدم استقالة وتهاجر انت وأسرتك علشان المميزات التعليمية للأبناء والصحية للأسرة وكمان باسبور أجنبى محترم (ودا بالظبط اللى بيعمله معظم الهنود فى الخليج خصوصا الشباب) ....ولو وصلت المرحلة دى وحبيت ترجع الخليج بعد كام سنة هاتيجى على كادر أعلى وتقدر تأمن نغسك ماديا (بس المرة دى بباسبور أجنبى)....ولو حبيت تكمل فى الخليج علشان الفروقات الثقافية وخوفا على الولاد والبنات من أوروبا برضه ماشى ....... 3- لو العمر نسبيا كبير ومستريح ماديا....السفر هايكون علشان الباسبور الاجنبى والرعاية الصحية وتعليم الأولاد وتحاول تهاجر باقل مجهود مذاكرة ممكن.......ولو مش مستريح ماديا (بعنى الأسرة تقدر تتحمل تكاليف المعيشة والامتحانات والهجرة الخ الخ) يبقى مافيش قدامك غير الخليج.........بالتوفيق للجميع
__________________

الحمد لله الذي بنعمته تتم الصالحات
نقرتين لعرض الصورة في صفحة مستقلةنقرتين لعرض الصورة في صفحة مستقلة

we were learning Medicine under supervision of Doctors
Now we Are Doctors
it is hard to feel that a life of person related to your Decision
so , please don't hesitate to ask and learn
Muhammad Barakat غير متواجد حالياً   رد مع اقتباس
قديم 11-14-2014, 12:53 AM   #5
دكتور أشرف
المشرف العام
Allteb
 
الصورة الرمزية دكتور أشرف
 
تاريخ التسجيل: Jan 2010
المشاركات: 2,058
افتراضي رد: سلسلة مستقبل الطبيب - الهجرةللدول الأجنبية والدول العربية موضوع متكامل

نقرتين لعرض الصورة في صفحة مستقلة
__________________
نقرتين لعرض الصورة في صفحة مستقلة
دكتور أشرف متواجد حالياً   رد مع اقتباس
قديم 11-15-2014, 10:15 AM   #6
Muhammad Barakat
مدير المنتدي
Allteb
 
الصورة الرمزية Muhammad Barakat
 
تاريخ التسجيل: Jan 2009
المشاركات: 4,777
افتراضي رد: سلسلة مستقبل الطبيب - الهجرةللدول الأجنبية والدول العربية موضوع متكامل

كل التفاصيل عن المانيا
عشان الموضوع طويل هقسمه ل اربع نقاط او اربع مواضيع
الاربع نقاط هيكونوا كالاتي :
اول حاجة : تعلم الالمانية ( افضل الطرق و الماتيريال و الخطة الزمنية و اللغة نفسها )
تاني حاجة :الورق الي مطلوب منك و ايه خطواته بالتفصيل
تالت حاجة : المراسلات ازاي وايه انواعها و الفيز وانواعها
رابع حاجة :شوية نصايح اتعلمتها
ممكن اخلصهم في يوم واحد و ممكن ياخدو مني اكتر من يوم لأني هجيب لينكات كتير و هقول الموضوع بالتفصيل
انا مش هتطرق لموضوع انهي تخصص افضل او احسن لأن فعلا فعلا الدكتور احمد مكي قال كل الكلام
و فعلا انا بأكد على كلامه ... في ناس كتير هتحبطك و في ناس هدفها تدمير الناس و التعالي عليهم
متاخدش اي كلام وتصدقه لأن ده دمر ناس كتير و خلاهم فعلا ينفضوا للغة
...
................
1
تعلم الالمانية :
انا مريت بتجربة متلخبطة شوية , انا عرفت موضوع المانيا من زمان جدا من حوالي خمس سنين و قررت اتعلم لغة و كان مجرد قرار مش اكتر
في سنة سادسة قررت اروح جوته و طبعا كنت طالب فا كان صعب فا اضطريت اني اخد مع مدرس في الزقازيق
اخدت شهرين , اتعقدت , قلت لأ جوته احسن و ده كلام فاضي و انا مبتعلمش و جوتة الطلبة بتخش جهلة بيطلعوا شعرا في الالماني و جوته الاساس و و و
سبت المدرس و نفضت سنة ونص لحد نص الامتياز بسبب الامتحانات و كدا , اخدت امتيازي في معهد القلب و رحت جوتة قالولي الحجز كمان شهر و نص , رحت بعدها بشهر و نص تاني يوم بالظبط من معاد فتح الحجز , علما ان الحجز مفتوح لكذا اسبوع , قالتلي بكل بساطة , خلص و استنى الدورة الجاية الي كمان كام شهر والي هيا نفسها هتستمر كام شهر عشان اخلص بس الA1
(الالماني مستوياته A1 A2 B1 B2 C1 C2 )
نفضت سنة كاملة بسبب ظروف شخصية لحد ما ابتديت تكليف
في الفترة دي طبعا جبت كتب المعادلة الامريكي و الزمالة البريطاني و فكرت في مستشفى حمد و قلت طب ما اتعلم الماني معاهم بس براحتي واهو يكون في خطة بديلة
رحت لفراو Frau او مدرسة في الزقازيق في شهر خمسة الي فات , فضلت لحد العيد الصغير مبروحش تقريبا يعني باخد ساعة كل اسبوعين تلاتة و مبفتحش كلمة
لحد ما قررت ان ده اول طريق و لازم اركز فيه كويس
من اول شهر 8 او من نص 7 ابتدا الشغل :
اخدت تلت مرات في الاسبوع كل مرة ساعتين
خلصت الA2 و B1 في تلت شهور وعملت امتحانات تحديد مستوى و امتحنت امتحان جوتة على النت و جبت 80 % و حاليا ماشي في الB2 و همتحن كمان شهرين
دي قصة سريعة كدا
اول حاجة هل اللغة صعبة ؟
مبدئيا اللغة مش صعبة لكن مختلفة و دي كلمة دكتور معرفش موجود في الجروب ولا لأ مع انه من اعظم جراحين المخ في المانيا و واحد من الاستشاريين في الجراحات الميكروسكوبية المعدودين على الاصابع و استاذ جامعة هانوفر د . اسلام جاويش , قالهالي لما كنت بشتكي من اللغة و صعوبتها
اللغة عايزة تعب
لو مش ناوي تتعب و عايز تشربها كدا لوحدها يبقا بلاش تبتدي خالص و متتعبش ولا تضيع فلوسك ولا وقتك لو قعدت خمسين سنة مع مدرسين مش هتتعلم الا لما تذاكر بنفسك و تتعب
الموضوع عايز مذاكرة وتفرغ ذهني و نية و صبر وانت الي بتحدد الوقت
اه ممكن تاخدها على مهلك بس ده هيكلفك وقت و هتنسى فعلا الي اخدته مع مرور الوقت فا محتاجة متابعة باستمرار و نية جادة و خلينا نتفق ان النية دي مش هتيجي الا من خلال دافع و ده الي عايز اوصله ان اه الحوار يستاهل و هتكلم في ده بالتفصيل بعدين
*****************
هتعلمها في قد ايه ؟
ممكن تاخد سنين و ممكن تاخد شهور لكن المتوسط 8 شهور _ سنة , لو مكثف و ضاغط على نفسك
و اه ده كمان لو بتذاكر لوحدك من الالف للياء يعني المدرس عامل مساعد
في اخوة سوريين كتير جدا معندهمش وصلة نت حتى و درس اللغة في فترات قياسية يعني مفيش حجة خالص !
ازاي تبتدي ؟
انا من رأي ومن خلال تجربتي ان البداية بجوته تضيع وقت و جهد , ده ببساطة لأن لحد ال B1 هيكون مستواك منحدر في اللغة و لأن الشغل الصح بيبتدي من الB2 و فعلا ده المستوى الاتقل و الاهم
لو عايز تبتدي في جوتة هتضيع وقت كبير ممكن تخلص فيه مستويات كتير مع اي مدرس محترف ... وركز مع كلمة محترف دي ..
يعني متروحش جوته قبل الB1 عايز تروح من الصفر روح بس انا متأكد ان مستوى اي حد مع اي مدرس برا هيكون افضل والمدرسين معروفين جدا لو سألت اي حد هيقولك
يبقا اول خطوة انك تروح لواحد محترف الماني و بيدرس للاطباء مش مجرد الماني و كمان فاهم سيسيتم جوته لأن الموضوع في الاول والاخر امتحان وليه تكات و مذاكرة و مراجعة
طبعا في تجارب فاشلة كتير مع المدرسين و الي قرروا يروحوا جوتة
لأنك متخيل ان المدرس هيذاكرلك او هيسحرلك ؟؟!
اللغة زي ما دكتورنا واستاذنا الفاضل دكتور بشير قال ... مجهود شخصي بحت
وظيفة المدرس انه ينطقلك و ينطقك و يصححلك و يشرحلك القواعد ... لكن قرائة و حفظ و سماع و ممارسة في البيت ده كله مجهودك
طيب هل تقدر تذاكر مع نفسك ؟
اه تقدر و في اول كومينت هحط لينكات للماتيريال كلها من الالف للياء
افضل اسلوب مذاكرة ؟
اول حاجة لو هتروح لمدرس هتلتزم بالمنهج بتاعه لأن اللغة واحدة في كل كتاب و الفرق بسيط بين منهج والتاني لكن طبعا هيفضل في منهج احسن و منهج اوحش
في وجهة نظري افضل منهج دراسي وده لأني جربت الكل فعلا و قارنت مقارنات كبيرة هوا Tangram لأنه ببساطة بيركز على قاعدة معينة واسلوب معين في كل وحدة فا بتشربه ده غير انه معدي المستوى ديما يعني لو خلصت الa2 هتلاقي نفسك في التقييم اعلى
هل تبتدي بيه من الصفر ؟
لأ منصحش خالص بكدا ... انصح بكورس خفيف في الاول زي warum nicht وده كورس من انتاج راديو المانيا بالعربي و معاه كتابه و مبسط جميل
طبعا اللينكات كلها هتكون في الكومينتات عشان المساحة
فا انت عشان تحصل و متضيعش وقتك اول شيء تبتدي بحاجة خفيفة تفتح مخك على اللغة و ده كمان ميمنعش انك تذاكره حتى لو بتاخد مع مدرس او حتى في جوته
خلصت اول مستوى او الكورس ده
تقدر من بعدها تخش على التنجرام و اظن انه لوحده كافي و وافي و متضيعش وقتك في اي شيء تاني لحد ما تخلص b1
نصيحة : بلاش تاخدك الحمية و تحاول تقرأ اي مقالة او تسمع اي فيلم من غير ترجمة قبل الb1 ده هيعقدك جدا
ألتزم بالكورس بتاعك و حاول تستفيد منه على قد ما تقدر مستوى بمستوى
ممكن تتفرج على افلام الماني بس بالترجمة العربي في الاول عشان بس تاخد على موسيقى الكلام و تشوف اهل البلد بينطقوا اللغة ازاي
من خلال تجربتي ده كان نظام مذاكرتي
الاول ابتديت مع المدرسة و كان ليها في اول مستوى كتابين , كتاب مواقف ملخصة فيه كلمات اساسية و جمل اساسية و كتاب قواعد مستمر معانا لحد اخر الكورس كله
ذاكرت من الكتابين بس طبعا ببطء شديد و معاه في العربية وانا رايح الكورس كنت بسمع warum nicht لأني باخد ساعة و ربع تقريبا في الطريق لحد الزقازيق
خلصت اول مستوى وفعلا مكنتش عارف اقول جملة واحدة بالالماني
دخلت على المستوى التاني و كانت الفراو frau بتتدينا من التنجرام A2 طبعا نقلة رهيبة لأن اول مرة ناخد مقالات و قواعد كدا و كمان سمع فا كان كابوس و تعقيد رهيب ... بس زي ما بيقولو طالما حسيت بصعوبة يبقا انت بتتعلم
حاولت ابتدي مع الكورس كورسات تانية زي الروسيتا ستون الي كان مفيد في الاول لكن ممل و بطيء ... لكن مفيد فعلا و بيحفظ كلمات كويس جدا و بيظبط نطقك
سبت الروسيتا ستون بعد ما خلصت اول مستوى فيه
وبديت كورس على النت على موقع DW اسمه interaktiv kurs
طبعا موقع الدويتش فيلا مليان و معبي كورسات الماني لكل المستويات و ببلاش و في كل المجالات .... شيء رهيب و جميل هنقوله بالتفصيل لما نتكلم عن اللينكات والمصادر
طبعا انا كنت متأخر عن الفراو في الكورس بحوالي اربع وحدات دراسية علما ان المستوى الكامل سبع وحدات يعني كنت مضغوط و بحاول الم و فعلا فعلا الوحدة عايزالها اسبوع عشان تتلم بحق ربنا بس كان لازم تضغط نفسك و كان لازم تنفض و تكروت و تسيب حتت و كدا
فا كنت انا والتنجرام و بس ... و كمان الوقت مش مكفي
ده كله و يادوب بقول كام جملة بالعافية نصهم نحويا غلط بس دخلت في المود ودي اول مرحلة في تفهم اللغة
بعد كدا قررت اخش امتحان ال b1 وابتديت فعلا كورس ال b1 مع الفراو بالرغم من اني لسا مخلصتش المستوى الي قبله مذاكره
طبعا رميت كل حاجة و ركزت في التنجرام و شوية اغاني على كام فيلم
خلصت الa2 مذاكرة و ابتديت في ال b1
مشكلتي كانت ترتيب الجملة و ازاي افهم الكلام و ده ابتدى يتحل واحدة واحدة مع بداية المستوى ده
لحد ما اصبح الموضوع ترجمة مش اكتر ممكن تخمن معنى الكلمة . عكس زمان كان المشكلة ان الجملية متوهاك متعرفش مين الفاعل ومين المفعول
ودي تاني مرحلة في تفهم اللغة واهم
و كل ده تنجرام فقط و جنبه شوية فديوهات على استحياء
في نص ال b1 نزلت امتحانات جوتة و حليتها لقيتني كويس و قررت اني اخش ال b2 وفعلا ابتديت فيه و ربنا يسهل و انجح ان شاء الله
احب اقول ان الفراو وفرت عليا حاجات كتير
وفرت عليا الترجمة لانها كانت ملخصة الكلمات
وفرت عليا النطق و الكلام و الكتابة
وفرت عليا خبرة في الامتحانات
وطبعا عامل التشجيع وان في حد بيقيمك كويس وبصراحة وبيلبك على دماغك
ده كله كان مساعد
فا لو هتاخد لوحدك ممكن تعوض ده بكورسات و مواقع على النت فيها ناس بتتكلم معاهم و تصححلك
دلوقتي خلصت اول جزء المتعلق بالغة
هحاول احطلكم اللينكات حالا
دعواتكم


لينك كورسات ألماني علي النت
http://www.mediafire.com/download/4v...3+-+4.40AM.mht


دي اكبر مدونة الماني عليها كل الكورسات
لو تهت في اي حاجة روح و هتلاقي الي انت عايزه هناك
متقسمة بنظام .. مستويات و قواعد و افلام و قصص و برامج و اندرويد
http://almanii.blogspot.de/search/label/A1

بالالماني :
دي اهم الاخبار بالالماني .. الخبر لمدة دقيقتين تلاتة و معاه الكلام مكتوب يعني صوت و كلام و بيعرفك الكلمات الجديدة
http://www.dw.de/deutsch-lernen/top-thema/s-8031
ودي نشرة الاخبار الالماني من نفس الموقع وكمان على الشمال بعض الوثائقيات بالكتابة بتاعتها
http://www1.wdr.de/…/Filterseite-unt...endungen100.ht
ده موقع zdf وعليه فديوهات و وثائقيات و اخبار بالترجمة الالماني
http://www.zdf.de/ZDFmediathek/haupt...n/startseite/…
دي حلقات easy german عبارة عن لقائات في الشوارع و ممتعة و قصيرة و مفيدة بالنسبة للمستويات الاولانية
https://www.youtube.com/watch…
ده موقع wdr وعليه وثائقيات و اخبار و فديوهات مترجمة الماني
http://www1.wdr.de
دي لستة بافلام بالترجمة الالماني من موقع vk بتعمل اشتراك بالفيس بوك ( منصحش بيه خالص للمشاهدة الاسرية لأن معظم الافلام فيها لقطات سيئة )
https://vk.com/video?gid=49854475
ده موقع عليه ربع مليون فيلم وثائقي الماني بتحمله من عليه لكن من غير ترجمة !!
http://dokujunkies.org/doku/dokus
قصص قصيرة للاطفال بالالماني و الترجمة الالماني
https://www.youtube.com/playlist?lis...443A49838608D1

دي اهم القنوات و محطات الراديو

===قائمة بقنوات (التليفزيون) الالمانية
*قناة ثري سات
http://wwitv.com/tv_channels/7984.htm
* قناة اليكس برلين
http://wwitv.com/tv_channels/b5043.htm
*قناة ايه ار دي
http://wwitv.com/tv_channels/7154.htm
*قناة بي ار الفا تقدم البرامج التعليمية
http://wwitv.com/tv_channels/b2332.htm
*تي في سنترهي قناة تلفزيونية محلية من دوسلدورف.
http://wwitv.com/tv_channels/b5150.htm
*قناة دي ايه اف هي محطة التلفزيون الألمانية المملوكة للقطاع الخاص
http://wwitv.com/tv_channels/b2224.htm
*قناة دي جي اف قناة صحية
http://wwitv.com/tv_channels/b3939.htm
*دريسدن #FERNSEHEN هو محطة تلفزيون محلية
http://wwitv.com/tv_channels/b6557-D...-Fernsehen.htm
*DW TV العربية
http://wwitv.com/tv_channels/b5277.htm
*DW TV أوروبا
http://wwitv.com/tv_channels/b1636.htm
*#EBRU TV هي قناة التلفزيون التي تقدم المجلات الحائزة على جائزة
http://wwitv.com/tv_channels/b6324-Ebru-TV.htm
*قناة البي هو التليفزيون الاقليمي
http://wwitv.com/tv_channels/b2482.htm
*فرانكن FERNSEHEN (TV فرانكن السابق)
http://wwitv.com/tv_channels/b2101.htm
*هامبورغ 1
http://wwitv.com/tv_channels/b2106.htm
* دي بقي قناة الامل
http://wwitv.com/tv_channels/b2106.htm
*دا تليفزيون اتش ار وهي قناة اقيليمية
http://wwitv.com/tv_channels/b4149.htm
*قناة اتش اس اي 24 ودي قناة شوبينج
http://wwitv.com/tv_channels/b1921.htm
*جينا TV هي قناة التلفزيون المحلية من يينا
http://wwitv.com/tv_channels/b3261.htm
*Juwelo هي محطة تلفزيون تيلي لتسوق مقرها في برلين.
http://wwitv.com/tv_channels/b4932.htm
*لايبزيغ FERNSEHEN ه دي قناة تلفزيون تجارية
http://wwitv.com/tv_channels/b6556-L...-Fernsehen.htm
*قناة ال دي محطة محلية
http://wwitv.com/tv_channels/b3312.htm
*ام دي ار هي الاذاعة العامة للدول الاتحادية (ساكسونيا السفلي)
http://wwitv.com/tv_channels/b3239.htm
.................................................. .......................
==قنوات #الراديو
*دي شاملة لبرامج الراديو
http://www.ard.de/home/radio/Radio/22550/index.html
*داا موقع شخصي بس دا مش راديو يعني تسمع وكده لا دا فكرته انه بيقدم للقاريء المهتم بالقراءة بعض صور وعينات من محطات البحث علي الموجات القصيرة
http://jans-radioseiten.de/
*دا موقع محطة ساعتين
http://tunein.com/radio/hr2-kultur-967-s84492/
*محطات راديو #اوريتش
http://tunein.com/radio/Aurich-r101824/
*محطات راديو بايريويت
http://tunein.com/radio/Bayreuth-r101821/
*محطات رايو بيرلين
http://tunein.com/radio/Berlin-r100772/
*راديو #بيليفيلد
http://tunein.com/radio/Bielefeld-r100762/
*راديو بون
http://tunein.com/radio/Bonn-r101415/
*راديوبراونشفايغ-فولفسبورغ
http://tunein.com/radio/Braunschweig-Wolfsburg-r101427/
*راديوبريمين
http://tunein.com/radio/Bremen-r100771/
*راديو بريمر هافن
http://tunein.com/radio/Bremerhaven-r101822/
*راديو كيمنتس
http://tunein.com/radio/Chemnitz-r101823/
*راديو كولونيا
http://tunein.com/radio/Cologne-r100774/
*راديو كوتبوس
http://tunein.com/radio/Cottbus-r101825/
*راديو دورتماند
http://tunein.com/radio/Dortmund-r101419/
*راديو دريسدن
http://tunein.com/radio/Dresden-r100764/
*راديو دوسلدورف
http://tunein.com/radio/Düsseldorf-r101416/
*راديو ارفورت جينا
http://tunein.com/radio/Erfurt-Jena-r101426/
*راديو فرانكفورت
http://tunein.com/radio/Frankfurt-r100769/
*راديو بادن بادن
http://tunein.com/radio/Freiburg-im-Breisgau-r101781/
*راديو المانيا
http://tunein.com/radio/stations/Deu...dradio-a38337/
*راديو ان ار جي المانيا
http://tunein.com/radio/stations/NRJ-(Germany)-a38317/
*راديو ار تي ال
http://tunein.com/radio/stations/RTL-Group-a38374/
*ان ار دابليو راديو
http://tunein.com/radio/stations/radio-NRW-a38375/

محادثات
http://www.italki.com/

http://polyglotclub.com/

صحف
دى شوية مواقع للصحف الالمانية
http://www.westfaelische-nachrichten.de/
http://www.general-anzeiger-bonn.de/
http://www.muensterschezeitung.de/
http://www.neues-deutschland.de/
http://www.badische-zeitung.de/
http://www.jungle-world.com/
http://www.tagesspiegel.de/
http://www.morgenpost.de/
http://www.jungefreiheit.de/
http://www.handelsblatt.de/
http://www.nordkurier.de/
http://www.jungewelt.de/
http://www.kn-online.de/
http://www.lvz-online.de/
http://www.fr-online.de/
http://www.swp.de/
http://www.welt.de/
http://www.faz.net/
http://www.zeit.de/
http://www.taz.de/
http://ftd.de/
__________________

الحمد لله الذي بنعمته تتم الصالحات
نقرتين لعرض الصورة في صفحة مستقلةنقرتين لعرض الصورة في صفحة مستقلة

we were learning Medicine under supervision of Doctors
Now we Are Doctors
it is hard to feel that a life of person related to your Decision
so , please don't hesitate to ask and learn
Muhammad Barakat غير متواجد حالياً   رد مع اقتباس
قديم 12-26-2014, 08:18 PM   #7
Muhammad Barakat
مدير المنتدي
Allteb
 
الصورة الرمزية Muhammad Barakat
 
تاريخ التسجيل: Jan 2009
المشاركات: 4,777
افتراضي رد: سلسلة مستقبل الطبيب - الهجرةللدول الأجنبية والدول العربية موضوع متكامل

نكمل معا #سلسلة_مستقبل_الطبيب
عندما يتحدث الكبار !!
موعدنا الان مع تجربة فريدة من نوعها.. تجربة تعطيك طاقة ايجابية لسنين ضوئية قادمة ..
تجربة هى الاكثر ثراء ونجاحا فى المملكة المتحدة ..
مع صديقنا العزيز الخلوق دكتور وليد بك طنطاوى
استشارى جراحات العيون فى المملكة المتحدة والمدرب المعتمد فى كلية الجراحين الملكية للعيون والمحاضر فى عدة دول فى قارات العالم الخمس ..
اهدى هذه التجربة لمن يبحث عن قدوة من شباب الاطباء ..
انا اعتبر د وليد قدوة لى شخصيا على كافة المستويات العلمية والخلقية ..
وهذه رسالته اليكم ...
انصتوا جيدا يا شباب واقرءوها المرة تلو المرة ...
في البداية أحب أشكر د بشير اللي أنشأ الجروب الجميل ده اللي أنا استفدت منه كتيرا..
بالنسبة للنصائح اللي ممكن أوجهها لشباب الأطباء من واقع تجربتي في العمل في بريطانيا و الخليج و قبلها في مصر و من واقع تجارب زمايل كتير اطلعت عليها في عدة دول .. في حاجات كتير محدش نصح الواحد بيها و هو لسه متخرج و اتعلمتها بالتجربة و الخطأ و في ناس نصحتني في بداية مشواري نصائح استفدت منها كتير ..
أنا مؤمن بالمثل القائل : ابدأ من حيث انتهى الآخرون .. تأكد ان معظم اللي حضرتك بتفكر تعمله أو عملته في ناس كتير قبلك عملته بطريقة أو بأخرى فحاول ان انت تاخد عصارة تجارب السنين ممن سبقوك و ينصحوك باخلاص لا لشئ الا من باب خيركم من تعلم العلم و علمه و خير الناس أنفعهم للناس.
بص يا سيدي أنا مش هاتكلم خالص عن تجربتي الشخصية لأن كل واحد ليه ظروف غير التاني .. اللي هيهم حضرتك هو خلاصة التجربة و ممكن حضرتك تتعلم منها ايه! ..
بدون رغي كتير دي بعض ال false fixed believes اللي بيتخرج طالب الطب في مصر و هو مقتنع بيها:
- خدعوك فقالوا: لو انت برة الجامعة اختار التخصص اللي بتحبه علشان تحب شغلك بعد كدة..
الحقيقة (من وجهة نظري): اختار التخصص اللي هتعرف تتعلم فيه و اللي تعرف حد بيشتغله و ممكن يعلمك .. الأصل انك بتستبعد التخصصات اللي مش طايقها و الباقي تختار منهم اللي ممكن تتعلمه مش اللي انت غاويه و مش هتعرف تتعلمه كويس
- خدعوك فقالوا: انت مالكش لازمة و الميزو ضرره أكتر من نفعه و و و و
الحقيقة (من وجهة نظري): انت دكتور و دكتور محترم جدا كمان اجتهدت و تفوقت و دخلت كلية طب و استحملت المناهج المملة و السنين الطويلة و قدرت تتخرج و انت لسه بكامل قواك العقلية حتى لو ما اتخرجتش بتقدير امتياز أو جيد جدا فانت لا زلت انسان متميز و اوعى تسمح لحد انه يقلل من شأنك أو يستحقرك و اوعى في يوم تخللي حد يكسرك لأن المعقدين و المكلكعين كتير و أكتر منهم اللي ما يعرفوش ان الكلام السلبي حتى لو بهزار قد ايه ممكن يجرح اللي قدامه و يديله طاقة سلبية
- خدعوك فقالوا: الجامعة هي أحسن مكان للتعليم و اللي برة الجامعة لا يمكن يتعلم
الحقيقة (من وجهة نظري): لو حضرتك بتتكلم عن مصر فده نسبيا ممكن يكون صحيح و علشان كده لو انت برة الجامعة حاول تاخد نائب زائر في الجامعة في بداية حياتك و ده هيساعدك انك تخلص الماجستير أسرع .. لكن لو حضرتك كبرت الزووم شوية هتكتشف ان نظام التعليم في الجامعة هو الأعور وسط العميان و ان الحقيقة انه نظام فاشل اذا ما قورن بأنظمة التدريب في معظم دول العالم .. أنا باشتغل كمدرب للنواب في بريطانيا في كلية الجراحين الملكية و مش هاكلمك عن سيستم التدريب و ازاي محطوط لهم نظام محدد واضح بعدد الحالات اللي لازم يشتغلوها كل سنة و عدد المحاضرات اللي لازم يلقوها و ازاي بيتم الاشراف عليهم في التدريب في كل خطوة و كل حاجة بيعملوها بيسجلوها اون لاين .. أنا هاقول لك جملة صغيرة بس ان نظام البورد السعودي (مش البريطاني) أحسن من نظام الجامعة في مصر
- خدعوك فقالوا: اضمن وظيفة محترمة في الصحة علشان يكون عندك مصدر دخل ثابت
الحقيقة (من وجهة نظري): أحسن نصيحة اتقالت لي عن وزارة الصحة أول ما اتخرجت بالنص: اقلعها من رجلك !
بغض النظر عن اللفظ و لكن صدقني دي تاني أفضل نصيحة ممكن أقدمها لك .. وزارة الصحة هتشدك لتحت و هتضيع وقتك و عمرك فيها و مش هتستفيد حاجة غير شوية الملاليم آخر كل شهر .. صدقني الفلوس هتيجي هتيجي بس فرق انك تصبر شوية صغيرة و تسلح نفسك بشهادات تخليك تشتغل و تتعاقد بمرتب عالي أو انك تفضل مستني ملاليم وزارة الصحة
- خدعوك فقالوا: اطلع بعقد كويس في أي حتة في الخليج علشان تعرف تصرف على تعليمك و شهاداتك
الحقيقة (من وجهة نظري): لو هتسافر الخليج اختار مستشفى كبيرة حتى لو المرتب أقل و الشغل أكتر المهم تعرف تتعلم فيها من حد أكبر منك و يكون ليها اسم يتحط على ال CV بتاع حضرتك لما تيجي تقدم في مكان محترم بعد كدة و ما يكونش ال CV محطوط فيه مستوصفات و مستشفيات مش على الخريطة .. دايما اشتغل في مكان تكتسب منه خبرة و لو لقيت انك ما بتتعلمش استقيل فورا و ما تقلقش على الرزق هييجي هييجي
- خدعوك فقالوا: قبل لما تخطط لازم تستشير عيلتك و زمايلك
الحقيقة (من وجهة نظري): في حاجة اسمها العسل القاتل و دي النصايح اللي هتسمعها من ناس خايفين عليك من وجهه نظرهم من المغامرات و ما عندهمش الصورة الكاملة عن الطب نتيجة لعدم ممارستهم المهنة أو لقناعات مترسخة زي ان جالك الميري اتمرغ في ترابه و عصفور في اليد و الاستقرار الخ الخ الخ .. اذا حضرتك متجوز تخطط مع زوجتك فقط و لو مش متجوز يبقى تقرأ تجارب الناجحين من الأطباء على الجروب ده و غيره و تختار لنفسك بنفسك و تبتدي تشتغل في السكرتة من غير ما حد يعرف علشان تبعد عنك حرامية الأحلام .. أنا لما كنت استشاري في واحدة من أكبر مستشفيات الشرق الأوسط و قررت أروح بريطانيا دخل عليا أحد الاستشاريين و قال لي انت مجنون هتروح تشتغل هناك نائب تاني ؟ انت فاكر انك هتشتغل بايدك و لا انهم هيسيبوا واحد مصري يعمل عمليات في عيون انجليز لوحده ؟ خليك معانا هنا و مكانك محفوظ و مرضاك موجودين و سمعتك كويسة و مرتبك كويس .. أنا طبعا باسمع و بابتسم و ما رديتش عليه بعد المحاضرة دي كلها غير بكلمة واحدة: ان شاء الله
الشاهد ان انت ربان سفينتك فما تسلمش ودنك للناس و خاصة لدعاة الاستقرار
و من يتهيب صعود الجبال .. يعش أبد الدهر بين الحفر
- آخر و أهم نصيحة من وجهه نظري: دايما اسمع شرائط و اتفرج على برامج و اقرأ كتب في تطوير الذات .. اسمع للدكتور ابراهيم الفقي الله يرحمه و للدكتور طارق السويدان و ل ديل كارنيجي و ل ستيفن كوفي .. صدقني كل اللي بتسمعه و بتقراه هيفضل أحلام جميلة اذا ما استطعتش انك تحطعها موضع الفعل .. النجاح و التغيير بيبدأ من الداااااخل و ليس من الظروف المحيطة .. انت اللي بتتعامل مع الظروف المحيطة و هو ده الفرق بين الدكاترة الناجحين و الفاشلين ناس استسلموا للظروف و بقوا زي د ربيع بتاع المزاريطة و ناس تعاملوا مع الظروف و غلبوها و بقوا مجدي يعقوب و أحمد زويل و كل الدكاترة المصريين الناجحين اللي انتم شايفينهم و بتسمعوا عنهم في الشرق و الغرب .. محدش منهم كانت ظروفه كويسه و لكنهم قدروا انهم يحلموا و الأهم من كده انهم يحطوا أحلامهم موضع الفعل .. أنا شخصيا لحد دلوقتي و أنا سايق تقريبا يوميا لازم أكون باسمع كتاب مسموع أو برنامج من على يو تيوب للبارزين في مجال التنمية البشرية و ده بيديني طاقة ايجابية متجددة و بيغير مفاهيم كتير مترسخة في الشخصية المصرية و للأسف هذا ما وجدنا عليه آباءنا و انا على آثارهم مقتدون
اذا سألتني مين أكتر واحد خلاني أعيد التفكير في حياتي و تخطيطها علشان أوصل من دكتور عاوزين يوزعوه في وحده صحية في التكليف لاستشاري عيون في بريطانيا و مدرب في كلية الجراحين الملكية ؟ الاجابة هي: د ابراهيم الفقي الله يرحمه و الدكتور اللي نصحني اني أستقيل من وزارة الصحة فورررا
هذا ما أردت أن أنصح به زملائي الأطباء الشباب و ما كان فيه من صواب فهو توفيق من الله و ما كان من خطأ فمن نفسي .. و أسأل الله أن ينفع بكم و بنا الاسلام و المسلمين

شكر خاص للدكتور بشير حلمي
#كل_الطب
#Alltebfamily

__________________

الحمد لله الذي بنعمته تتم الصالحات
نقرتين لعرض الصورة في صفحة مستقلةنقرتين لعرض الصورة في صفحة مستقلة

we were learning Medicine under supervision of Doctors
Now we Are Doctors
it is hard to feel that a life of person related to your Decision
so , please don't hesitate to ask and learn
Muhammad Barakat غير متواجد حالياً   رد مع اقتباس
قديم 09-04-2016, 08:13 PM   #8
juba8
 
تاريخ التسجيل: Sep 2016
المشاركات: 330
افتراضي رد: سلسلة مستقبل الطبيب - الهجرةللدول الأجنبية والدول العربية موضوع متكامل

موضوع اكثرمن رائع
juba8 غير متواجد حالياً   رد مع اقتباس
إضافة رد

الكلمات الدلالية (Tags)
متكامل, مستقبل, موضوع, الأجنبية, العربية, الهجرةللدول, الطبيب, سلسلة, واليوم

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 05:23 AM.


Powered by vBulletin Version 3.8.12 by vBS
Copyright ©2000 - 2021, Jelsoft Enterprises Ltd
Translation by Support-ar