رحــلــتــى الــى الــيــابــــــان

[د / مادح محمد]

السلام عليكم ورحمه الله وبركاته

كونباوا " مساء الخير "
ازيكوا .. وحشتونى اوى بجد
بالرغم انى غبت عنكوا اسبوعين بس
بس حاسس انهم كانوا سنتين
يمكن لان الاسبوعين دول مكنوش سهلين عليا
يعنى كنت بنام فى اليوم 3 ساعات بس
وطبعا بالنسبه لواحد زيى معدل نومه من 6 الى 8 ساعات
فيبقى انا كنت بعمل حاجه مش طبيعيه



الحمد لله .. سافرت اليابان







رحله استمرت اسبوعين بين مدينه طوكيز ومدينه اوساكا و مدينه كوبى

المهم رحله اليابان بالطياره 14 ساعه مباشر




ياعينى عليا يانا

بقه اول مره اركب طياره ... اركب 14 ساعه

كنت عاوز اقول لعمو اللى بيسوق الطياره يلف بيا فى المطار شويه على ما اخد على الطياره

ههههههههههههههههه

بس انا مرحتش اليابان مباشر

اخت طياره من القاهره الى الدوحه
وترانزيت 6 ساعات
ثم من الدوحه الى اليابان فى 12 ساعه
يعنى الرحله اخدت بتاع 22 ساعه
وانا مبعرفش انام فى المواصلات



وانا رايح اركب من الدوحه عليكوا مين اللى لقيته ماشى جنبى ؟؟؟

الشيخ نصر فريد واصل



انا الوحيد اللى عرفته

ولما وصلنا الدوحه استقبلوه استقبال كبار الزوار وعملى باى باى

المهم قعدنا 6 ساعات وجه وقت طياره اليابان

اشهد ان لا اله الا الله واشهد ان محمد رسول الله

وطارت الطياره .. حصل كده موقف مش كويس فى الطياره




بس مش هقول عليه

اليابانيين قليل منهم اللى بيتكلم انجليزى

والانجليزى مش كويس اوى

عشان كده كنت بحاول اتعلم اللغه اليابانيه على اد ما اقدر

يعنى بقول للبشمهندسه some juice plz مش عارف هى جابتلى حاجه تانيه

وطمعها يقرف ههههههههههه ببص على الازازه اللى جابتلى منها عرفت انا شربت ايه

والله ما انا عارف هم بيحبوا الحاجات دى على ايه

فعلا الحمد لله على الاسلام


وقدمت لنا وجبه العشاء



طبعا انا قعدت ابحلق فى الاكل اشوف ياترى ممكن اكل ايه

لان اكلهم مختلف عننا اوى

ومشينا مشينا وانا شايف الطياره على الخريطه

الصين دى طلعت كبيره اوى
طرنا فوقها حوالى 5 ساعات



صور من اعلى كونج كونج


ووصلنا الحمد لله الى مطار كانساى باوساكا
المطار ده حكايه تحفه بكل المقاييس
دا معمول فى جزيره
والجزيره دى صناعيه " ردم يعنى "
فى التليفزيون جابوه تحت اسم مشاريع عملاقه






فاصل ونواصل
ان شاء الله